蒸廬

營業中

休息中

食物質數好但態度一次比一次差每次入座安排亂員工每次都講係你聽唔到（企係門口等）香港飲食業就係服務態度令人卻步應該唔會再有下次機會令我懷疑自己係咪應該支持香港飲食業

🍴🧸蒸廬🧸鰹魚絲金粟肉餅飯 $50花膠蟲草花粟子燉土雞湯 $60咖喱土魷蒸豆卜（頂） $35鮮蝦菜苗餃（特） $31👼🏻推薦指數：❤️❤️❤️環境指數：❤️❤️❤️整間店舖面積比較細，大家坐得會比較親密🤣但衛生都唔錯既，小店黎講算乾淨！食物質素：❤️❤️❤️❤️食物質素ok! 首先講個肉餅飯，個肉餅好特別唔會有我最唔鍾意食嘅馬蹄，變咗做粟米，但係個飯就少咗啲TT～個湯感覺上可以再多啲雞肉味，因為成個湯偏甜，冇乜肉味，土魷唔錯，菜苗餃啲蝦都好新鮮！服務質素：❤️❤️❤️係自助落單掃QR code，唔小心叫咗三個湯，店員都有好心提醒我哋幫我哋改返做兩個🥳～出面大把餐廳會嚟直接收你三個湯嘅錢🫠性價比：❤️❤️❤️❤️（滿分為五個❤️）

今日五個人去食午餐，3個大人兩個9，13歲小朋友，職員要求只可坐4個位坐得好辛苦，話食飯時間，計算5個茶位都算諗住食完走無下次，落左單15至20分鐘都未有食物到聽到個職員話係攞咁耐，咪問佢係咪未整未整就走唔食，職員話咪同你追左攞，客人問下態度咁差，仲要係後面兩個職員你一言我一語話：蒸都要時間家，都要等家，職員咁樣服務非常了得，想舒服食唔受氣就要諗清楚。等左咁耐腸粉未蒸熟，冷氣唔夠，地方窄，坐路口成日被職員整到，最差既服務一定有佢份。

同兩位同事Lunch黎幫襯。點心係ok既，杯茶就充滿住油。員工們不過三番四次要我地三個人郁左三次枱，去就佢入客。由兩人枱坐三個人，變四人枱食左無耐，要我地變六人枱。搬到第三次拒絕了，就俾說話我地聽。不停收我地野，不停企係我同事背後大大聲單單打打。坐低未食夠半個鐘就不停催人走。收銀見到就問我地發生咩事，不過講完之後佢沉默左。根本員工態度惡劣係常發生。以後唔會再黎，Blacklist!!!！除非你想黎俾人鬧，否則唔建議黎食。

呢排病咗，胃口麻麻地一個人食，諗諗吓想食啲暖同望落健康啲嘅飯😂於是走咗去蒸廬已經係回頭客好多次呢間舖頭係似小型點心店有中式點心 甜品 蒸飯 湯印象深刻嘅係佢嘅蒸飯份量好夠食另外價錢親民如果幾個人食 叫幾籠點心 蒸飯比起酒樓食平一半左右入座少不免要搭枱坐低後職員好快手俾咗杯茶用qr code自行落單今次我叫咗以下呢個飯味道係唔錯 就係蒸點加點心嘅味道😆明明我冇乜胃口但係慢慢一啖一啖食 可以食哂整個飯會再返嚟食👏

上年食過 蝦餃等點心好好食，但係而家點心既水準已經下降很多。 而家啲侍應態度極為惡劣 ，在沒有限時的情況下，食咗一個鐘都無就不斷以不同方式催促我地交枱，而且對我們也惡言相向，希望店家可以正視問題

今天中午大約4:30半我去了這間蒸氣爐。本想喝個湯，吃個好一點的午餐。他們沒有下午茶，價格都要100多元，包括湯和飯。價格算是貴的。進去的時候，什麼都沒有說明，還給了茶，之後給了二維碼。掃描二維碼進去後，發現全部都沒有了，只剩下幾個選擇。我在想你們還在營業，為什麼什麼都沒選擇？茶錢也要收。你早點告訴我什麼都沒有，我就不選擇坐下來。後來見他已經收了茶錢，只好硬著頭皮點了兩個不喜歡吃的菜。過了不久，大約10分鐘後，第二位客人進來後也是坐下，掃描二維碼後也有同樣的反應。特別的事情發生了，有一位侍應和這位客人說：「我特別開通其他選擇給你。」當時我心想，我也是顧客，為何我沒有選擇呢？原來你們有意不開放選擇給客人，讓你們賣不出去的菜先迫使客人先購買。只有當有客人投訴後才開放選擇給其他客人。真的讓人不解。這樣的餐廳，你們自己考慮要不要去吧。即使要去記得下次進去之前先問一下有什麼是有的，不要給這些不誠實的商家局限式銷售。

外賣足足等足一個鐘，員工態度又劣，趕時間肚餓果啲千奇唔好去食，我怕你餓暈都味食得。這樣的等待時間實在是不可接受的。作為一個顧客，我理解忙碌時段可能會導致外賣延遲，但一小時的等待時間實在太過分了。這不僅讓我感到沮喪，也損害了我對您餐廳的印象。

新年去朋友屋企拜年叫外賣就最方便應下節叫返啲中式點心賀下年唔知係咪太多人叫外賣要等成40分鐘，但送到黎都仲熱熱地既，抵讚基本上樣樣都幾好食✍🏻蟹籽燒賣皇叫點心燒賣就唔少得，大大粒燒賣，好豐富既口感✍🏻晶瑩蝦餃皇皮薄多蝦滑✍🏻黑椒醬皇金錢肚黑椒味好惹味，金錢肚爽口，份量都叫多✍🏻鮮蝦菜苗餃✍🏻香茜叉燒腸芫荽蓋左啲叉燒，唔係好feel到叉燒但個腸粉係好食既✍🏻潮州大粉果✍🏻抹茶豆沙煎餅豆沙餡無得輸，加埋個煎餅皮係好食既熱啲會更好✍🏻紅棗杞子雞粒陳村粉好少何有陳村粉食，啲雞粒好入味，陳村粉加豉油煙煙韌韌

由於3-1-2024（Wed）冇飯帶，就約女同事PM食晏，我揀嚟呢間。我哋嚟到時都重有位，坐抵後掃QR code落單，決定要:2. 叫全日套餐以特價$52.00要原價$68.00黨參天麻川弓燉加魚頭湯。呢個即時送到，見到有好多料，PM嗅到一大陣藥材味，我先舀嚟飲，有好多紅棗，湯係有啲甘苦，又唔太過，OK嘅，不過PM只飲細半碗就唔飲。3分1.$68.00 嘅蒸廬拼美點(9件）呢個熱騰騰，由於有薑汁紅豆糕，所以要趁熱食呢個先，薑汁味濃，口感軟腍腍，OK嘅。2.8分馬蹄糕大大件，呢個正常嘅甜。3分大大粒燒賣，都係正常冇問題。3分潮州粉粿個皮軟腍腍，味道都正常，但竟然有雞肉。2.8分蝦餃都係OK冇問題。3分其他我冇食到。5. $30.00嘅煎瑤柱臘味蘿蔔糕都大大件，口感唔係實，材料好似唔多，胡椒味重咗啲。2.9分4. $34.00嘅黑椒醬皇金錢肚呢個熱騰騰，牛肚夠腍亦入味。5分3. 叫全日套餐以優惠價$14.00加配紅豆杞子桂花糕兩件呢個係食食吓嘢，喺適當時候送上，因為佢係雪凍嘅，咁我哋食完嘢唔使再等攤暖食就啱啱好。紅豆糕部份份量多，唔太甜但紅豆係腍晒，好少部份嘅桂花糕係試唔真。2.5分抵食係

喺沙田石門嘅隱世中式點心鋪——蒸廬，細細間，但有驚喜！我去到呢度試咗佢哋嘅雲石芝麻包，真係好推薦㗎！影相靚，食落又好味。芝麻味香濃，啲麵包蓬鬆鬆，質地好好。食完仲打包咗一份籠仔荷葉蒸飯都好正！荷葉嘅味道好香，飯粒粒分明，口感好滑好軟。十足古早味，令人食得好滿足。聽講湯好好飲～下次就嚟試下！睇落細細間嘅蒸廬嘅比得上大酒樓，質量好好，仲好有人情味～如果你鍾意中式點心同蒸飯嘅話，呢度絕對係一個值得一試嘅地方！

前幾次食過佢的點心外賣，覺得不錯，所以特登去試下堂食，結果有點失望。燒賣：明明之前覺得好好食的，今次只是覺得正常，仲有舊不喜歡的肥肉。山竹牛肉：正常，沒什麼特別。芋絲臘腸排骨荷葉蒸飯：大大份，足夠兩個人食，但飯偏淋，臘腸唔係靚嘢，排骨被鬆肉粉那得過份。以為芋頭切成絲係會炸過脆口，係想多左的，都係淋的。所以成個飯除左臘腸硬，其他都係淋淋的。蝦米煎腸粉：口感係淋的，只是表面煎脆左，唔好食。食多幾舊仲覺得有點餿了，向店員反映，得到的答覆只是：唔會的，我地日日新鮮做，成朝都無人投訴！但你碟嘢真係有問題丫ma。最後是沒有換過碟，也不肯退貨，浪費唇舌！唔好食，味道不同了，無下次。

星期六預約咗去石門嗰邊申請證件，平時好少去嗰頭，原來商場非常旺，十分之多人， 人頭湧湧咁， 去到順便search埋 有咩好食，見到呢間有不少好評就入去一試😬。我哋入去咁啱有張圓枱，我哋三個人，兩大一細， 如果冇記錯嘅話 星期六日要收茶錢 ，星期一至五就免收🤑。嗌咗碟腸粉， 流沙包，牛肉球， 牛肚，牛柏葉， 同埋一個魚頭燉湯。 魚頭湯雖然 喺湯品裏面入 最貴，但係用料非常之足，同埋感覺係冇落味精，好好飲 💯， 而且平時響屋企會嫌麻煩唔會煲呢類型嘅湯， 所以見呢度有就嗌嚟一試 💞。另外有啲甜品都好似好吸引，但見個肚飽飽哋，就冇嗌，如果有機會下次會再嚟💓。🩶🖤🤎💜🩵💙💚💛🧡🩷❤️🤍

今日自己一個食晚餐，決定一個人去chill 下，就去左食我最鍾意嘅蒸蘆食點心，蒸蘆嘅蒸飯、燉湯同埋點心都非常出色，因為得一個人食，又想樣樣點心都食啲，所以嗌左個蒸廬拼美點 (9件) 蒸廬拼美點 (9件) $60每樣點心都有啲，有蝦餃、燒賣、叉燒包、粉果、鮮蝦菜苗餃、馬拉糕、馬蹄糕同紅棗糕，蝦餃、粉果、鮮蝦菜苗餃明顯飽滿又大粒；燒賣可以食到粒粒雞肉，同埋大大粒蝦，非常足料，叉燒包餡料份量足；食埋馬拉糕、馬蹄糕同紅棗糕做甜品覺得非常滿足。得自己一個食叫一盤蒸廬拼美點 滿足曬自己一個又想樣樣食啲嘅願望。茶芥每人$5 📍蒸蘆沙田石門安群街3號京瑞廣場一期2樓225號舖

難得同女朋友嚟到石門，今日就帶咗佢去食我最鍾意嘅蒸蘆呢度嘅蒸飯、燉湯同埋點心都非常出色一入坐就叫壺香片，之後我哋叫咗個全日套餐，揀咗蒸飯配燉湯，再加多兩件蝦餃share食鏗魚絲金粟肉餅飯 $56依個荷葉飯真係份量十足，個籠大過我塊面，肉餅嘅肉非常嫩滑，仲舖上菜心粒、鏗魚絲同粟米粒，比一般蒸飯多咗蔬菜纖維。飯蒸得啱啱好，但會另附一小碟帶甜嘅豉油。遠年陳皮川貝冰糖燉雪梨$42女朋友最鐘意飲湯，而且聽到女朋友有幾聲咳，就叫咗遠年陳皮川貝冰糖燉雪梨俾佢潤吓喉。晶瑩蝦餃王兩件$15套餐可加錢配蝦餃，兩隻蝦餃比一般大一倍，皮偏厚，蝦餃明顯飽滿又大粒。咖喱土魷蒸豆卜$35咖喱魷魚好彈牙，煮得好入味，仲放左啲豆卜吸哂啲咖喱汁茶芥每人$5 📍蒸蘆沙田石門安群街3號京瑞廣場一期2樓225號舖❤️價錢：9/10❤️味道：9/10❤️服務：9/10