蒸益求蒸

營業中

休息中

外賣堂食午餐晚餐都試過係好食嘅住家飯👍🏻午市套餐包埋飲品或湯份量夠大份 味道好 即叫即炒夠鍋氣中午好多人食 有時要等耐少少個胡椒豬肚雞真係好正！我成日叫呢個外賣個湯全部飲晒堂食仲正 砂鍋上滾熱辣通菜炒牛肉 福花炒五花肉都好好食希望餐廳keep住水準同keep住呢個價錢😆👍🏻

午市人客不多，位置唔算靚。 叫左個梅菜扣肉煲，上菜熱辣辣，味道不錯，肥肉肥而不膩，有家常便飯感覺，師傅食得出有比心機煮菜👍如果個扣肉再煮多五分鐘 再淋D 入口即化仲正！

觀塘裕民坊入面既 蒸益求蒸全部蒸餸又無味精， 直頭係家的味道 ，唔想煮又想食得健康可以去試Lunch set $68有蒸餸+一個湯+一碗飯，的確唔錯。原來呢間食肆係黃埔「詠藜園」元祖店旗下嘅新品牌，以中式蒸品為賣點的健康食店，致力追求新鮮和高質的食材，原汁原味，質素有保證♦️ 梅菜芯蒸肉餅其實上枱時, 見到佢個外型好似食落會實實哋咁但係點知食落好滑, 又好好肉味~~唔錯👍🏻👍🏻♦️酸菜魚叫咗小辣，酸菜魚好足料，除咗好多魚片之外，仲有金菇，雲耳，薯粉，芽菜，有魚有菜，好均衡營養總括嚟講，蒸益求蒸以蒸點做主題, 出品唔錯~而且佢係裕民坊3樓, 係一個花園平台食飽飽又可以行吓散吓步影吓相!!蒸益求蒸 (觀塘)觀塘協和街33號裕民坊YM² 3樓306號舖

個餐牌明明寫住牛筋腩，送咗嚟之後又唔係牛筋又唔係牛腩，問過侍應佢就話問廚房@ 個廚房話係牛肋條。個餐牌成個餐牌都無牛肋條。我係想食牛筋牛腩，不是食牛肋。??????

😋 順得人蒸魚 (6.5/10)＊即叫即蒸，魚肉嫩滑＊份量不算多，一件腩一條魚尾一件魚頭＊魚尾雖滑，但太多幼骨，食上黎太麻煩＊配上薑葱豉油，非常滋味😋 老火湯 (8/10)＊香味撲鼻，落足料，有扁豆、粉葛、瘦肉……＊完全感受到好健康，無味精，只有好好好少量嘅油＊有一刻我見尾魚個中心位係紅紅地，之後問職員係唔係未熟哂，職員搵咗個負責人解釋係蒸得啱啱好🤷‍♀️🤷‍♀️🤷‍♀️#foodguy666_觀塘#foodguy666_港式菜#觀塘美食 #九龍美食 #港式美食 #點心 #中式包點

食好嘢除咗要好味，仲要食得健康，裕民坊YM2新開咗間食肆就滿足晒要求👍早排去觀塘處理事務，經過呢度搵到呢間健康有營餐廳，lunch set $68有蒸餸+一個湯+一碗飯，的確唔錯。原來呢間食肆在去年11月上旬新開張，係黃埔「詠藜園」元祖店旗下嘅新品牌，質素有保證😉我點咗lunch set🍵先來個湯，係粟米眉豆豬骨湯，唔係一般例湯，係無味精老火湯，午餐都有老火湯飲，多幸福噢🥰🐟順得人蒸魚，即叫即蒸，魚肉新鮮、嫩滑，份量都唔細，配上薑蔥豉油，好有家嘅感覺👨‍👩‍👧其實佢哋仲有唔同款式嘅蒸餸套餐，例如「河蝦蒸滑蛋」、「南瓜蒸排骨」、「蟲草花蒸雞」等等，都幾吸引😋，有機會下次嚟試埋佢其他蒸餸先😙

蒸益求蒸觀塘裕民坊YM2 餐廳眾多，發現一間幾特別嘅，主打食健康蒸餸，係詠藜園嘅旗下品牌，菜式即叫即蒸，出街都可以食得健康✅🌀剁椒蒸鮮魚平時少見嘅菜式，魚肉上面鋪滿辣椒，賣相吸引肉質嫩滑，蒸嘅時間控制得啱啱好配上咸中帶辣嘅剁椒非常惹味🌀梅菜芯蒸肉餅平實嘅賣相，原來食落大有驚喜肉餅肥瘦比例適中，口感滑嫩好適合送飯🍚梅菜芯為肉餅帶嚟多一種口感，唔會單調🌀老火湯老火湯落足料小小一碗已經有齊粉葛、瘦肉、扁豆等材料，誠意十足睇餐牌佢地仲有可以加酒嘅河蝦蒸滑蛋、南瓜蒸排骨、蟲草花蒸雞等菜式，有機會要再嚟試吓先❤️

作為一個觀塘上班族 👩‍💻都係第一次上 裕民坊 三樓有個好大嘅 平台花園 最近仲有少少 聖誕裝置 打下卡📸原來上個月頭月才新開的餐廳係黃埔【詠藜園】元祖店 旗下新品牌叫 🥟 #蒸益求蒸 🥟玩埋食字，感覺新派有趣店內環境簡潔，光猛企理。揀左套餐 68蚊 好抵食有主菜🧆有湯🥣有飯🍚#菜式即叫即蒸 👍先上個熱湯《#粉葛赤小豆湯》🥣非常暖胃， 在乾燥的冬天可以去燥滋潤滋潤。正🤩正🤩正🤩個靚仔白飯🍚就粒粒分明竟然食左一大碗 ✌️招牌菜《順德人蒸魚》🐟香氣撲鼻， 魚肉好嫩滑， 蒸魚配甜豉油令味道更昇華🤤另一個就揀左《#南瓜蒸排骨》🍖南瓜味道較甜，質感較粉。排骨入味多肉不錯的家常小菜💕仲有蟲草花蒸雞 🐔#剁椒蒸鮮魚 🐟都好吸引🤤🤤#河蝦蒸滑蛋 🦐🍳仲可以免費加酒添🍾下次約埋 三五知己再慢慢嘆番餐

如果出去食飯, 您哋覺得點先會有家的感覺?我就唔太鍾意食煎炸, 同埋太油膩嘅嘢~之前去接攸桐爸放工, 我大鄉里出城去行吓呢個新商場啦~.蒸益求蒸📌觀塘協和街33號裕民坊YM² 3樓306號舖.攸桐爸成日掛住做嘢~為咗快就咩都快食所以我今日就揀咗呢間啦~睇佢個名都知係食"蒸"嘢啦~.♦️ 梅菜芯蒸肉餅其實上枱時, 見到佢個外型好似食落會實實哋咁但係點知食落唔係呀~好滑, 又好好肉味~~正和~👍🏻👍🏻.♦️ 河蝦蒸滑蛋呢個餸可以選擇加唔加酒我就選擇加酒~所以一上枱都好香紹興酒味呀!!食落好好好滑呀~(重要係要講3次~)啲蝦又好爽口!!用嚟撈飯食一流!.♦️ 蟲草花蒸雞雞雞好滑呀~夠入味!雞肉又好爽, 真係值得推介比您哋呀~蒸嘅時間真係啱啱好呀~.整體評分：最高為🟣🟣🟣🟣🟣味道：🟣🟣🟣🟣服務：🟣🟣🟣🟣環境：🟣🟣🟣🟣地點：🟣🟣🟣🟣.總括嚟講，蒸益求蒸嘅出品唔錯呀~以蒸點做主題, 佢哋出品真係算快呀~而且佢係3樓, 係一個花園平台食飽飽又可以行吓散吓步影吓相!!蒸益求蒸

認識此地除咗舊裕民坊叫做搬過嚟，就係打針抽樓盤正係商場樓上凱匯，勢估唔到3樓平台開咗咁多食店……有泰式、越式、日式，仲有老字號擔擔麵……周末返半日放工怕迫，直上直達3樓之電梯到平台，左轉行至盡頭就見間舖。之前見舖名以為舖面會有股懾人氣勢，原來小店一間，4人卡座三四張，全店大概十五枱。見餐牌，選擇何其少……心諗有啲想退堂，但已坐低望街景4人卡座總算舒服，都係按兵不動。云云蒸物中，見炸蠔餅，又意外地冇大排檔嗰種滿口油臆感覺，蠔仔唔算好多，但食起嚟酥酥脆脆，仲有啲覺得唔夠食。一口鍋貼不留印象，小籠包反而灌滿熱湯，有豬肉味，中上質素。南瓜蒸排骨餐嘅排骨冇碎骨，但有啲難咬開。跟餐嘅粉葛湯夠粉足料。比較有心思係斑蘭蓮蓉包，蓮蓉餡蘊含斑蘭汁或斑蘭油之類，挺清香，推介！整體食物清清哋，啱想食清淡之人士或長者口味。

今日放工，同事約我去觀塘裕民坊YM²商場啱啱11月初新開 既黃埔【詠藜園】元祖店 旗下新品牌餐廳食飯，呢間餐廳喺3樓平台，平台佈置得好靚好有聖誕氣氛，直行到尾就見到呢間飯店。呢間飯店小菜係「即叫即蒸」，我哋各人點了個套餐，另加一蝶𧐢餅和2支飲品。💫 河蝦蒸滑蛋蒸蛋食得多，好少飯店有用 河蝦蒸，餐牌上寫可以免費加酒，不過我哋想試原味多啲。蒸蛋好滑有蛋味，加上河蝦，食落好有口感。💫 馬蹄蒸肉餅肉餅香軟多汁，用嚟餸飯真係啱哂，好好味。💫 蠔餅蠔餅一向都係我至愛，呢碟蠔餅 份量啱啱好，好有鑊氣，入口好脆，蠔仔好新鮮，正👍💫 木瓜雪耳湯 （餐湯）好啱乾燥季節 滋潤吓，啖湯好清甜，今天氣涼涼地，飲碗平民燕窩渴，最暖笠笠。💫 支裝飲品飯店內有不同飲品供應，我哋健康一族，當然係揀鴻福堂啦🙂

首先，落左十幾分鐘之後加嘅單加單都到了一開始落嘅單都未到一開始叫嘅蒸蛋蒸左五十分鐘都未到問就check都唔check話「蒸緊」魚都到左蛋未有叫左兩個餐，兩個都有湯只上一個，第二個唔催都唔上我地等左半個鐘未到嘅生煎包人地坐落來五分鐘就有得食，話佢就話跟單numberhello？你點做嘢邊臺先落都睇唔到？而且啲嘢真係普通求其一間茶餐廳都差唔多味無謂食你啦食餐飯等一個鐘都未有叫做你三四次先幫我現蒸個蛋係咪？超級唔建議大家來食服務極差而且個waitress會無啦啦講兩句普通話這裡是香港ok？環境裝修連茶餐廳都比唔上