蓮子麗姐素食

營業中

休息中

唔係第一次幫襯，每次都吃唔同款式嘅素菜，今次揀咗咖哩魚蛋........咖哩係辣嘅,口感就同食真嘅魚蛋冇分別我真係分唔到佢係真魚蛋？定係素魚蛋？各位有興趣一定試試

星期日去完藍屋參觀中秋燈籠，轉過彎發現呢間素食小店。滿滿的人情味，裝修充滿著懷舊嘅藍屋氣息， 有一些歷史的擺設，還有昔日的懷舊紀念品。 雖然店裡人手較少，上菜較慢需要比些耐性，食物種類不算太多，但全部是健康素食，十分美味。酸梅湯全部即日自家製 ，仲有親手包嘅餃子，三色芝麻紅豆椰汁糕，還有濃濃的跟餐燉湯，完全感受到麗姐份心意。跟麗姐傾開，知道本店原本在灣仔地鐵站附近 ，但原來她一早有跟藍屋這一個活化項目，所以知道有吉鋪，二話不說將分店開在這裏，街坊小店，滿滿的香港人情味。

去左藍屋影中秋燈籠, 順便去試下蓮子麗姐。叫左一個無乜人講過既清湯蘿蔔素羊腩(有飯$60 走飯$50)。我見素羊腩多數係咖哩或竹枝羊腩煲, 未食過清湯, 唔知可唔可以重塑清湯腩既味道。白蘿蔔唐生菜好清甜, 咁講好"蕃茄有蕃茄味"但係好多時出街食, 菜唔一定新鮮更加唔會係甜, 我無諗過我會好enjoy食"清甜唐生菜"。羊腩有好濃既冬菇味道, 咬開都有冬菇粒, 食落口感有d似冬菇蒸肉餅, 始終真清湯腩有多D 油脂, 要完全似樣應該無可能。雖然賣相不能再普通, 但味道係食物原味道, 我都食得好開心。另外叫左椰汁雪燕桃膠糖水($40), 呢個真心推, 桃膠雪耳超足料, 食落椰汁好濃稠, 唔係平時糖水店水汪汪咁樣。蓮子麗姐宜家開到9點, 就算唔黎食飯都不妨黎食碗糖水。

啲人成日都話 #灣仔 係 #美食集中地，橫街窄巷到滿佈大大小小嘅餐廳，呢日我就跟 #地膽 嚟到「藍屋」，試吓 #麗姐 嘅手勢😉「麗姐廚房」原址位於 #灣仔譚臣道，不過呢日咁啱要過嚟 #合和中心 做嘢，順理成章就行咗過嚟「藍屋」搵食😉 對於一個成日話要 #戒澱粉 嘅我，對於 #碟頭飯 確實有啲抗拒，不過既然有人拍心口幫我包底，咁就豁出去啦😅 對於有選擇障礙嘅我，點菜咁重要嘅一環，梗係要交俾麗姐嘅熟客仔… 我朋友😏 佢話 #欖角素叉燒飯、#滷水素雜錦湯麵 同埋 跟餐嘅 #素湯 都係推介之選，為食嘅我就加咗個 #咖喱素魚蛋 做 #小食 🤤欖角素叉燒飯#素叉燒 味道不過不失，而成碟飯嘅靈魂竟然係切碎咗嘅 #欖角，帶出獨特嘅香氣同口感🤤滷水素雜錦湯麵#滷水蛋 同一啲用 #麵筋 同 #腐皮 造成嘅 #素食，全部都醃製得好入味🤤 而最值得一讚嘅係佢哋嘅 #清湯白蘿蔔，入口即化，味道仲甜甜地，好想encore呀🤤 咖喱素魚蛋#咖喱汁 配襯爽彈嘅 #素魚蛋，非常惹味🤤 唔講我真係唔知自己食緊齋㗎😅其實要食晒兩個主菜加個小食已經係創舉😅 不過望見餐牌上嘅 #椰汁雪燕桃膠 又咁吸引👀 一於食咗先講😎

跟老人家來食素，第一次幫襯，素湯好好飲，素餃一碗6隻份量食完剛好，再叫個紅豆沙糖水超級多料，陳皮好香同蓮子全去心，甜左少少不過都食晒超飽！老人家點了合桃露我都試左少少，好香唔太甜，價錢都好合理，40蚊大大碗。見隔離枱的加喱好香份量都足，餐廳小小好快坐滿，下次會再試其他野食，推介大家不過要注意店員都係老人家，如果你急任食要快，呢度可能唔啱你，同埋佢哋只收現金，埋單都要慢慢加數😆適宜慢慢食唔趕時間隨心隨緣的人，見到就知無得催佢哋☺️

上一次係去麗姐素食，灣仔另外一間上樓素食店，感覺好好🌷今次專誠過嚟試新嘢😺店舖設計有特式，素菜有家的感覺，素雞髀、咖喱羊腩都好出色👍🏼😺最鍾意佢碗素湯，非常好飲🧡三色糕同埋桃膠糖水都好好味😋香濃芝麻味既糕點。最重要麗姐喺店坐鎮，好有親切感🪷而其他店員服務都非常好。 兩次俾我感覺店舖嘅氣氛都好和諧✨充滿一份心境寧靜、同店員閑聊不同話題，呢種感覺氛圍係其他店舖搵唔到嘅🎋多謝我嘅好朋友仔再次介紹👦🏻每次同佢食飯都獲益良多。期待下次再聚✨

蓮子麗姐廚房🙏🙏👍麗姐親自下廚👍👍🤴🏻🤴🏻菜式精美，欖角叉燒一流水準👍👍🙏每人叫咗一個餐，再加一個小食叉燒三色糕一流，特別芝麻糕，味道極重芝麻味特濃😋😋😋😋😋😋😋食飯嘅途中好多人特登過嚟買👀👀特別稱讚自家製辣椒油，口感一流，材料好！第一次食食滷水雜錦盤🙏周圍環境一流，好有特色！地址：灣仔石水渠街72號藍屋

好開心麗姐有新舖，今次位於藍屋嘅新分店主打港式地道小食同埋麵食。同本店 lunch 供應嘅三餸飯各有特色😋 麗姐一向係以住家素菜為賣點，比較唔油膩，食落比較清爽無負擔。不得不說，藍屋本身個 vibe 係chill 好多，今次兩點左右嚟到唔係好多人（員工開飯中😅 但佢哋都即刻招呼我，少少唔好意思）叫咗一份淨餃子，一嚟佢哋即刻會比一碗老火齋湯，湯清甜，飲完溫暖又巧思服🔥自家制嘅餃子，餡料有南瓜、冬菇、椰菜同埋紅蘿蔔，大大粒足料唔會寡，最正係仲有好多生菜墊底~女士們唔要麵底都夠飽。（飽到想挑戰甜品都失敗咗 lol)

新年過後，想去吃齋，便回去麗姐新的分店。今次所試的是雜項滷水碗，當然先來一客清甜合掌瓜湯，亦是溫暖無添加！再來熱騰騰的滷水蘿蔔、麵筋及雜項小食物吃，後真的回味無窮😃。但如果要有澱粉質的食客，可加$10 點麵條或白飯，會比較飽肚。當然餐後再點三色甜品，絕無擔心，水準維持！給我圓滿的感覺。看見也有慕名而來的外籍夫婦，簡單解釋六個選餐給他們，他們吃後也非常滿意及高興，向麗姐👍🏻👍🏻。其實全場食客，無論是新來的食客或是街坊佳里，離開的時候也是滿心溫暖的😊。

一句講晒完全唔好食，好彩價錢唔貴。鹵水不是鹵水味道古怪似有藥材味，顏色黑忟忟，配搭白飯更加古怪、餃子皮太厚而且唔夠熱、咖哩魚蛋個汁太稀味道不夠濃郁，羅白牛腩湯底太淡，成個餸食不出味道。唔好意思！太直接了，不過就是事實。

想吃素但大部分都可以很油膩…走進麗姐的分店，雖然食物種類不多，但正正有他的好處！專注煮幾味餸…我選了茄汁麵條。首先上一碗熱騰騰的紅菜頭栗子羅漢果湯，實在太好味了！！甜又清！蕃茄撈面外貌一般，餐雖然用的是平的碟，改用大碗上會比較好，但不影響味道。再來一下三色甜品，馬頭糕非常出色啊！芝麻糕又濃郁芝麻但不太甜，紅豆糕也不錯😌但當然比那麼好吃的馬豆糕及芝麻糕比下了😅前來的人都是路經籃屋（如我）但亦有常客，麗姐剛剛在這裏打點一切，她的性格和藹，同客人們分享經驗及開這個分店的目的是要支持區內的懷舊心意，麗姐加油！你沒有味精的食物及不油膩的菜式很好呢！

麗姐廚房於藍屋開分店後一直都未有機會試，今次同一班朋友lunch time終於可以食到可以咩都食啲 🤤。足料靚湯好正，素食都好入味！咖哩魚蛋同真既冇分別，估唔到原來係純素嚟 😜 餃子足料夠哂誠意，下次叫埋餃子湯麵試下先。今次叫左最好食嘅推薦醬燒素鴨飯，個素鴨係用脆腐皮整，炸物黎講一流 👍🏻 同事叫咗咖喱羊腩飯都話好似真既咁，好正喎。老闆娘會同客人傾下計聊下講嘢，好熱情體驗到有人情味！伙記都熱心 👍🏻 今次係愉快既用餐體驗。

餐廳的環境寬闊，周圍種滿了許多盆花，環境清新寫意。試了他們家的餃子湯麵，附送一碗湯，天氣冷的時候吃起來特別暖胃，感覺很健康。主食的麵條是上海麵，湯底偏清淡，餃子吃下去感覺是手工做的，餡料有包菜、胡蘿蔔、香菇等，價格不算貴。

一心都想食素，忽然想起有間新開嘅中式素食，二話不說，即刻決定去。話說這間，都已經有一定歷史，在譚臣道麗姐廚房開嘅副線，暫時仍然在四業階段，所買的出品，主要是輕食為主。所謂中式（或說是港式）輕食，就是魚蛋，滷味，餃子等，不需要大廚師處理嘅食品。整個菜單，有六個主菜，我們選擇四個，希望試得最多。點了淨餃子，魚蛋，滷水齋，及咖喱羊腩。沒有蕃茄燴麵及餃子麵。食品味道尚算唔錯，但價錢的性價比，唔算抵食。淨餃子，六隻，成為$50。咖喱魚蛋，我諗有10至15粒，忘記數，成為$50 ，都不算化算。每人都送一碗細細碗嘅例湯。但由於位置在藍屋，又算是素食，店員非常熱情，當是支持小店，支持素食，支持環保，算係食得清清新增的一餐。希望餐牌及價錢，改善一下，可能試吓買兩餸飯或三餸飯亦唔錯。始終個人支持素食，希望他越做越好。

灣仔新開咗「蓮子麗姐素食」，冇錯係麗姐廚房個麗姐，同 OVO CAFE , WANAKA 三間素食餐廳組成香港最高密度嘅素食區。😄咩都未叫就送碗例湯先，阿姐不斷強調個湯好正，冇錯，堅係正，個湯濃到好似老豆老母煲咁，好足料又滋補，充滿家的感覺呀。😍其實好想試咖哩魚蛋，畢竟好耐冇食過好食嘅素咖哩魚蛋，但我又勁想試咖哩羊腩飯 $60 同餃子 $50，權衡過之後都係留返下次啦。😂咖哩好好味，而且完全唔辣，怕辣嘅朋友都食得。我為咗留肚食餃子所以叫少飯，大食嘅朋友叫多飯多麵都可以㗎。🥰餃子有八隻大大隻，皮夠煙韌，餡料有椰菜，冬菇同甘筍，點埋加咗薑蓉嘅醋汁食，perfect 池！💯另外加 $29 叫咗支圓肉雪梨茶，唔太甜又好滋潤，唔錯。😋有個阿姐見我點咁多嘢，話我一定食唔哂，我話應該得嘅，不過會勁飽囉，最終見我食得哂，阿姐笑住比個 👍 我 😆。我同佢講其實我仲想試咖哩魚蛋㗎，但又想食餃子，佢話你早啲講我每樣比啲你囉。☺️其實素食界聽咗麗姐呢個名好耐，但我今次係第一次食，同見到麗姐本人。麗姐同各個員工都好親切，一路食一路傾吓關於素食嘅事情。雖然有啲老土但都要講：除咗啲嘢好食，短短一餐飯都感受到好有人情味