蓮苑 (已結業)

裝修以小丸子為主題，一眼見到已被吸引，好奇食物水準如何，會食咩菜式，竟然是中菜多d。見到menu 覺得冇特別，但勇敢一試吧!叫了鮑魚，原來是冰墊住上的，不硬，幾好，但味道冇給我驚喜。另一道菜是好似水煮魚的，但只係微辣，怕辣就不合食用了，魚肉片冇骨，滑滑，很喜歡!本來叫埋一字骨，但服務員落漏了單，算了，不要了，因為趕住十點前走人。黑芝蔴糊是最令我失望的!太過甜了，以為食緊砂糖糊。是有黑芝麻的香味的! 可惜!同小丸子打下卡，都幾開心嘅!

行去尖沙咀於是我（為咗個杯墊）又黎啦🙈碳水怪今日就揀咗Bilibala蟹粉炒飯同熱既小渚美綠恐龍😋炒飯上黎都係同個餐牌圖一模一樣😍本身小丸子個牌牌係用蛋黃醬固定係飯頂不過就好難影😂拎走個牌牌有驚喜——下面好多蟹肉！！打散個飯睇都幾足量足料，畢竟係三位數既炒飯一定要對得住個價錢啦🤣炒飯都食得到鑊氣，拌住蛋既飯有蔥香又粒粒分明，菜粒亦都脆口，但係有時會食到好細粒個蟹殼碎😂同埋我個人覺得淡咗少少，要自己再落啲鹽mix下😂飯食得七七八八先開始飲嘢，但杯美綠其實先個飯上黎，我飲果時個cream已經溶得差唔多😂美綠就係美綠味啦，本身都有啲擔心會甜不過都ok喎，好過上次既好立克🤣Bilibala蟹粉炒飯 7.0/9熱小渚美綠恐龍 7.0/9OVERALL 7.0/9今次又沒抽到花輪同學😔不過抽到爺爺都好可愛🥰下次我要食個蝦球～🦐

之前買嘢儲落些少K-dollar,  於是就想去K11用咗佢。呢間蓮苑我地以前從未幫襯過，由於佢最近同小丸子聯營，所以吸引咗我呢個小丸子迷去打卡囉！我地大約7點幾去到餐廳門口，喺門口企咗一陣，但都冇店員出嚟招呼，有啲直頭企喺度視而不見。於是我地就主動同佢地表示兩位，然後某個女店員就同我地講，餐廳已經坐滿，仲係啱啱坐低，你地要等幾個字喎！再問佢有冇籌攞啦？佢話冇。咁我地就企咗喺門口，順便同小丸子影吓相。如果唔係小丸子嘅關係，我地已經轉咗場喇！等咗大約15分鐘，終於有得坐低喇。但係搞笑嘅係店員只係幫我地擺好個位，斟咗兩杯茶，就走咗。要我地主動出去問店員攞餐牌！餐牌出現咗，咁我地就揀咗脆ＢＢ乳鴿、皇太子炒飯同埋鮮蝦雲吞麵！最快送嚟嘅係雲吞麵，雲吞有五粒，都幾飽滿架！ＢＢ乳鴿熱辣辣，脆卜卜，好味！皇太子炒飯，有好多蟹籽、新鮮帶子、蝦仁同埋蛋白、芥蘭頭等，飯粒炒得粒粒分明，非常好食！總之，食物質素冇得輸，但店員待客態度尚待改善啦！

前幾日食錯嘢整個人嘔到廢，呢兩日都只係敢食粥調整返😂今日都想繼續食啲清淡嘢就諗起試下蓮苑呢個小丸子餃餃震（為咗個杯墊🙈）為健康啲又加咗份灼菜心～一碗有六隻餃，兩隻韭菜豬肉，兩隻蝦肉，兩隻椰菜豬肉，仲有條菜心係下邊。湯咸淡ok都幾清爽，白胡椒味明顯，好啱呢幾日落大雨潮濕飲😂韭菜餃足量韭菜透晒出黎咬落都幾香，蝦肉餃有兩隻蝦仁係入邊加少少豬肉，食落都彈牙有蝦味，不過有一隻個皮就爛咗😂椰菜豬肉個形狀就唔同啲，好似北方水餃咁，皮都比較厚同韌小小，我最鍾意係餡料入邊有少少芹菜，令到整只餃味道更豐富～老實講個湯餃份量唔算多，好似下午茶portion，不過個餡料口感味道係合格既，多菜少肉唔油幾好呀～湯餃碗個邊壞咗der der，嚴格黎講其實唔應該俾客人用（個人覺得）😅灼菜心就正正常常唔講啦😆小丸子餃餃震 6.5/9灼菜心 6.5/9OVERALL 6.5/9今日坐到沙發位可以影到花輪同小丸子cushion，希望下次可以抽到花輪或花輪同小丸子一起個杯墊😝

今日小丸子一家陪我們食lunch 有爺爺，小玉，花輪同學等等，令我們回到童年時，好懷念哦午市套餐有小菜加白飯共6款選擇，另外飯麵類也有5款選擇，任選一款。還配一款小食或甜品，包一杯熱飲。凍飲要另加$8。茶位$3，有加一收費。我們點了：小炒肉$88 - 有鑊氣，好惹味，份量比想像中多。略嫌肉片有點肥拼薑茶芋圓 - 薑味好濃，芋圓煙韌，芋泥餡香甜，好味咖哩牛腩撈麵$78 - 咖哩味香又不太辣，牛腩份量比想像中多，炆得淋身好入味，撈麵爽口。京都炸醬鮮蝦雲吞撈麵$78 - 港式炸醬味，雲吞味道中規中矩，整體上ok。拼手拍青瓜 - 蒜味香濃，青瓜爽脆

今日約咗朋友去河內道K11。 時間都差唔多下午2 點，而我地都未食lunch。兜左商場一圈，見大部份餐廳都排隊，返而蓮苑可以直入，咁就去試吓。餐廳做緊小丸子主題，連餐具都有小丸子，可以打下咭。食物方便，不過不失嘅。以哩個價錢响尖沙咀商場內食飯，係不能要求太多。我地叫左2 個下午茶餐：1 . 乾炒牛河 買相同味道都唔錯，牛肉炒得滑身，河粉唔算太油，剛剛好2. 牛腩麵牛腩份量都唔算少，肉夠淋身，湯頭味道正常跟餐有一份小食，我地叫左紫菜雞卷哩個item 真心差勁，雞肉未熟，生嘅！ 咬左一啖即吐。無再叫佢換過，因為已經無胃口🤮最後叫左一份雞蛋仔，普普通通，唔難食，亦唔會想再食。。。。總括來說，我覺得餐廳環境，食物質素及服務都只係一般，尖沙咀區有好多其他更好嘅選擇。

最近尖沙咀有間期間限定櫻桃小丸子的主題餐廳🍴，有聯乘的菜式外仲有pop up store🏬 ，小丸子迷一定唔可以錯過💁🏻‍♀️👉 Bilibili 蟹粉炒飯🦀一上枱就超香流曬口水🤤，黃金炒飯🍚粒粒分明之餘中間仲加入大量的新鮮蟹肉、蟹粉🦀及鹹蛋黃🥚，簡直係色香味俱全💯如果鐘意食蟹、蟹粉的您一定要試下😉👉 小丸子又有心事~心太軟心太軟焗得啱啱好😚，一切流心朱古力🍫好似火山熔岩🌋咁慢慢流出好有治癒感😜中間仲有小丸子陪大家食，超級得意😍👉 清湯牛腩河唔太推薦俾大家🙊，味道及麵條🍜都一般般，可以留肚試其他野🙃▪️小丸子主題餐廳🍴期間限定到7月尾▪每份小丸子菜式/飲品送小丸子杯墊1個(隨機)😎▪️餐廳設打卡位及pop up store🛍賣小丸子精品

打完第二針要食好啲，準備迎接即將到來既暴風雨😂😂所以又黎小丸子限定餐廳試下其他嘢😋😋今次就好lucky，啱啱好我上次坐個corner度有沙發位可以入座，就好快order咗花輪鮑魚花膠撈飯同小丸子胚芽好立克😋其實撈飯本身係second choice黎就冇報好大期望，但上黎個賣相好吸引😍😍仲靚過餐牌上邊個樣喎😂😂鮑魚同花膠圍住個蛋炒飯感覺好豐盛！影完相個湯汁已經被飯吸收咗唔少，快手撈勻食咗一啖——好好食！炒飯米粒分明有蛋香有米香又完全唔覺得油，花膠入口幾彈，鮑魚有咬口有鮮香，整體清淡之余又不失滋味，仲感覺好健康😌😌因為好少飲甜嘢所以胚芽好立克我其實係第一次飲😂😂上邊有少少cream點綴同小丸子插牌好得意😘😘飲落胚芽味好濃又有奶香不過對我來講就真係好甜，飲咗三分二放棄咗😅😅花輪鮑魚花膠撈飯 8.0/9小丸子胚芽好立克 6.5/9OVERALL 7.5/9光盤證明好食🥳其實仲可以選撈麵不過我今日比較想食飯🙈點解黃金蝦球唔跟飯🥺

去K11 Musea睇nomadland之前黎K11既蓮苑小丸子限定餐廳打下卡😚😚差唔多等咗半個鐘入到位，從餐牌到餐具都好可愛，身為小丸子fan乜都想影😂😂嗌左lunch set既咸魚蒸肉餅跟白飯，家鄉醋蘿蔔小食，要嗌小丸子menu先有限定杯墊送所以加咗個心太軟🙈🙈醋蘿蔔細細份，酸中帶少少甜，非常之開胃，咸魚蒸肉餅真系好大塊，我一個肉餅愛好者第一次食唔晒要打包😂😂肉餅食落好Q彈，有肉香又唔會覺得太油，落咗豉油咸度都系剛好，食咗一der咸魚配肉餅配飯，超～級～咸🤣🤣心太軟個蛋糕有朱古力香，口感都幾好，夠濕潤又唔會話太淋，最重要係唔甜！如果有流到心就更正～雪糕就比較plain，冇乜奶味都冇乜香草味就係普通雪糕？不過同心太軟一起食都好食既～朱古力粉畫咗個小丸子頭像都好cute咸魚蒸肉餅 7.0/9心太軟 7.0/9OVERALL 7.0/9其實我寫單時有加白灼時蔬，食完肉餅等咗一陣都沒見，問店員話我個單度沒寫，我趕住睇電影所以佢話冇就冇啦😂😂大不了晚餐食多啲菜補返lu😂😂

某日經過K11,想用埋d K dollars,又想試新餐廳,咁岩見到門口掛住大大個小丸子的中菜,一直以為好貴所以每次都無睇到佢ge餐牌,點知一睇又ok就入左去試了。服務態度非常好,好細心留意我地ge需要。叫左花膠撈飯$88跟炒飯底都幾好食乳鴿$38感覺炸耐左,有d老乾炒牛河$98不過不失,唔算太油,味道又唔太重炸生蠔$68呢個比我想像中有驚喜!因為出邊食d炸生蠔都有d腥,但呢個好食唔腥蜜瓜汁$30呢個我好中意,好清甜如果一家人黎食都幾好

假日晨早來食個靚lunch ，早段時間未有太多人，只有零星幾枱客，所以招待都十分周到，隨傳隨應。打開餐牌，內容十分豐富，遠遠不止於普通一間粥麵舖的選擇，而且價錢還可以，最重要是質素夠水準高。花多眼亂之下，點了雲吞撈麵，及水煑鮮牛肉。雲吞湯不會一味得個咸字，乒乓雲吞有六大粒，蝦肉爽口彈牙，豬肉新鮮，皮薄餡靚。再來水煑嫩牛，辣味及鮮味交叠，十分好味道。除了食物之外，更值得一提的是店內的特別主題 － 小丸子及一班同學仔，有小玉、野口、豬太郎等，還有爺爺，真的十分吸引眼球!

今天和舊同學吃晚飯選擇了這家餐廳因為人沒有那麼多可以安靜地吃飯。週三晚上基本只坐滿四成客人。員工服務不錯，確實可以安靜地享受一個晚餐。點要香蔥龍江雞，花膠釀豆腐和梅菜扣菜心。香蔥龍江雞雞肉非常滑溜，不過稍嫌油膩了一點而且蔥油味道不夠濃，但整體來説還是可以。花膠釀豆腐有點失望，釀豆腐煎得比較香脆，但味道有點淡，花膠太硬口感比較一般。反而最好吃是梅菜扣菜心，梅菜扣肉吃得多，扣菜心還是第一次吃，原來味道可以這麼香口值得推薦。整體來說味道還是可以的，喜歡吃家常便飯還是可以一試。

第一次食蓮苑，本身唔抱太大期望，因為一向對中菜麻麻，特別小炒，唔係間間夠鍋氣。但係蓮苑整得好食😋特別係雞絲粉皮，打破常規，平時個種用花生醬，我唔太食，呢隻係芝麻醬，超好味！又唔會酸（整得差有呢陣味，好可怕）之後個牛油雞翼根本似越南款，麵粉唔多、脆香可口，爆瘡了😂但好有水準而鍋氣最好係雜菌炒蝦球，真係勁正！冬菇超嫩口，個汁調得好好，蝦球爆香，連荷蘭豆都生生地脆口，我暈啦⋯⋯搞到個飯變到無咩特別🤨其實都好味，只係唔突出。建議下次擺茶俾客人自己倒，更方便呀！而且隔離好多蓮苑crossout小丸子產品，都平，掃了不少回家～～埋單$350左右，係K11黎講，價錢合理、水準之食。

今天在尖沙咀K11逛街, 加上自己不是太肚餓, 隨便找一間食肆"蓮苑"進餐. 店舖細細, 亦在商場開放範圍內. 整體味道都唔錯, 員工服務好好, 價錢亦合理放在店舖入囗位的大餐牌原隻鮑魚花膠撈麵撈麵實物與相片相符, 絕無取巧, 碟上真是有3隻原隻鮑魚, 只是鮑魚size像手指公第一節😅 花膠也有幾件, 口感爽爽的隨以上撈麵, 加$28可配胡麻醬拌雞絲粉皮,好細碟(=調味碟size), 粉皮爽滑, 胡麻醬同平時喺超市內買到的支裝胡麻醬味道是一樣, 所以整體都幾好味生炸BB乳鴿一望就知是BB乳鴿, 細細隻 皮脆肉嫩 有肉汁, 味道亦不錯四川辣子炒雞丁🌶️🐔辣椒 炸蒜粒 蔥 花椒 八角 腰果 雞粒炒埋一碟, 味道非常惹味, 食完真是舐舐脷😋😋

今日黎到k11 lunch，見到呢間中餐，有花膠鮑魚飯，又有海膽餛飩麵咁，咁創新就俾佢吸引咗。佢仲有set lunch，都幾抵食。服務態度都幾好，不停有人fill茶。lunch同朋友坐低傾下計都唔錯。今日就叫咗個花膠鮑魚飯。都算足料，雖然啲鮑魚就比較細粒，不過呢個價錢黎講都收貨啦。味道都唔錯。