蓮香居 (已結業)

你要运气好，才能比較快啲攞到位這裏是點心㨂你，不是你㨂點心鹹水角，外面脆，裏面軟，非常好味馬拉糕，鬆軟，又不太甜，必試可惜虾腸皮厚，一般般菠萝叉烧包，不知什么原因，带了少少辣春卷亦非常香脆饮茶当然最重要是水滚茶靓啦！另外外賣了蘿蔔糕，姐姐比你選二件萝卜糕，一件芋头糕，非常有人情味。

諗起飲茶食點心, 蓮香絕對是我首十位之列, 本身我d老坑愛懷舊, 這裡仍然用茶盅, 但今天行動不便就光顧它的兄弟店, 這裡坐得比較舒適d, 去到差不多兩點, 點心阿姐已叫有食好食, 就收檔(因為還原用點心車, 大家搶點心)二話不說, 一見就掃到我的至愛, 黑椒豬什 : 豬什鮮爽黑椒惹味燒賣:以前的肥肉比瘦肉多, 香口, 咸水角k, 阿姐幫你剪半, 老一輩的貼心,臘腸卷: 夠味夠香, 臘腸爆油, 正,鴨腳: 重口味, 五香味濃, 夠淋身,蝦餃:筍夠爽蝦肉亦鮮, 皮的米味亦夠

好似蓮香居呢種推著車仔拎著大銅壺加水嘅舊式茶樓依家真係比較少見喇，所以得閒複會來呢度感受下嗰种氣氛！d靚姨同吖叔人都幾nice，車仔上嘅點心都一籠籠打開卑我睇都有d咩點心。如果來蓮香居飲茶，推薦馬拉糕一定要食下，香味濃郁，整體非常之鬆軟，唔甜唔膩味道啱啱好，食咗想再食吖！叉燒包包子皮比較鬆軟，但係又比較甜，叉燒好香，但係甜味又超咗，整體口味偏甜小小。腸粉，腸粉用料比較真材實料，餡夠多，但係條腸粉唔知點解比較厚身，唔同係呢度嘅腸粉特色係咁？不過我自己都係鐘意比較薄而透明嘅腸粉喇！牛筋非常正！又霖又滑又脆又韌、唔知點解釋，反正好好好食，d汁係黑椒汁，又dd辣，黑椒好香，反正牛筋仲香，沒有牛腥味，真係好正！

海威街有蓮香居嘅分店，咁啱當日去嘅時候，附近嘅街坊宴請，所以氛圍特別好！！ 一般人呢過嚟就系飲早茶，我地就直接過嚟食飯啦~~點咗牛腩煲，傳統嘅雞蛋焗魚腸、大良炒鮮奶、蒸帶子加魚頭豆腐煲仲有菜心。 個人感覺菜式有少少偏客家風味。柱候牛腩煲，雖然油有啲重，不過唔會好咸，蘿蔔大舊，不過唔夠入味。 帶子味道好鮮，粉絲滑滑地，好味！ 雞蛋焗魚腸，雞蛋口感嫩滑，魚腸份量比較足，同雞蛋一齊食有獨特嘅口感~~！

媽媽一向比較鐘意去舊式茶樓飲早茶，話咁樣飲早茶先體會到嗰種味道，不過都啱，飲早茶有時唔係在乎食左D咩，而系餐廳嘅氣氛，老字號茶餐廳好有街坊味，蓮香居就係其中一間，好多老人家或者附近嘅街墳都鐘意嚟幫襯，都坐得好逼，但又食得開心。講起蓮香居特色早茶我真係淋唔起系咩，但馬拉糕就一定會點，馬拉糕真系好松軟，夸張D講有種入口即溶嘅感覺，排骨就不過不失，蒸得都幾香幾滑，燒賣味道都可以。鳳爪都係嚟呢度必點嘅，鳳爪酥而不爛，蒸得好淋，一咬就斷開，味道好正。但今日腸粉就有少少失色，蒸得厚左D，唔系甘滑。叉燒包，蝦餃同埋蛋撻都可以，不過蝦餃今日D皮整得唔靚，影響左賣相同埋口感，不過都食得幾開心。

好耐之前老闆請食飯在"蓮香"，食過好好味的百寶鴨，本人一向唔食鴨，怕鴨肉的騷味，但都覺得好好味，老友聽見話不如一齊去試試。剛到相約的地方，發覺原來約錯了地方，之前去的是蓮香樓，今次卻去了蓮香居，以前試過在這裡飲茶，但一樣有晚市，返正來到，姑且一試。百寶鴨是我最期待的菜式，可是今次完全食唔到上次的水準.......鴨肉及內裡的綠豆蓮子冬菇等百寶材料完全分離，沒有入口即溶化的感覺。 好有鴨味，我最不喜歡的味道! 可幸，其他菜式如冬瓜盅、蘿蔔蚊大鱔、滷水牛展還可以，只是整張枱的菜式都是好統一的醬油顏色，吸引唔到小朋友的食慾。 食到中間見到隔離枱的大良炒牛乳幾靚，忍唔往也叫了一碟，味道真的不錯，值得一試。不得不提，當晚蒸了一條沙斑，條魚好新鮮，剛剛熟，好味。到了整頓晚餐的重點項目.......甜品，我們點了差不多每一枱都有叫的蓮蓉西米焗布丁，本人覺得是呢一晚最好味的一道菜 ，只是小朋友好似唔係好受落 。

星期六同屋企人飲茶，揀左呢間『香港數一數二』既舊式茶樓，黎到呢到就唔好要求環境同服務喇，舊式茶樓文化黎!呢到仲係用緊推車仔既模式運作，即係要自己拎點心紙出去羅點心推車仔最大既好處係，食物一定夠晒熱煎薄罉要上三樓先有羅，即叫即煎，呀姐幫我地煎到好香脆，特別係個邊位，少少燶，裡頭有好多蔥花，食得出有香味!正!皮蛋瘦肉粥好足料，粥底夠滑，啲皮蛋好濃味，瘦肉本身已經醃左有啲鹹味食之前加少少胡椒粉，少少辣味仲正!咖哩魷魚呢張相係我食左兩舊先至影既，所以本來係大碟D咖哩味好香，唔會太油，而且魷魚好爽口，好容易就咬得開係底下既豆卜唔敢食，因為索得太多汁，驚太重口味唔健康

很久沒有上茶樓，因好朋友從外國回港故跟朋友們一起上茶樓！我們星期日中午十二時半用膳，坐無虛席，要在蓮香居用膳需用自己方法找位置！蓮香居分二樓及三樓，三樓比較貴一點，全部點心採用推車仔形式推岀！不是劃點心紙的！需留意某些點心限時供應，好像我們想吃蛋撻，原來星期日只會推岀一次，我們錯過了！幸好友善的職員推薦我們等到1點45分吃另一款甜品：焗蓮蓉布甸！熱辣辣又不太甜很好食！喜歡體驗懷舊飲茶的人可來蓮香居👍🏻

據說是蓮香樓的姊妹品牌，九點半來的時候2樓已經坐滿了，於是到了三樓大部分食客是說粵語的，也有壹些遊客，基本拼桌而坐這家店比較特別，點心放在餐車上，服務員會推車過來，如果食客想要就請服務員拿壹份過來，服務員會在每桌的記錄單上敲壹個章，價格分檔次鳳爪，牛肚都很入味我沒想到菠蘿包裏面是鹹的陷，有肉丁，表皮脆脆的甜甜的。在它家腸粉點了兩份，蝦仁和叉燒，我廣東的盆友說壹般般吧，肉不是很多。沒吃的蝦餃有點遺憾。蓮蓉包很好吃，裏面陷料很足，而且甜度適宜，吃完還想吃三個人吃正好，因為很多點心都是三只壹份，茶位費12元1人，普洱茶很解膩

蓮香居聽講係蓮香樓嘅姐妹店，不過我唔係幾care呢種嘢，我鄭係care D嘢好唔好食。蓮香居都係家老字號了。裡邊嘅嘢都係比較早期嘅咁，服務員推住台點心車一路行過，周邊嘅台有鐘意嘅就要一籠。豬潤燒麥啱曬我胃口，一D豬潤嘅腥味都無，豬潤嘅筋可能都除咗出來，剩低嘅豬潤做成嘅餡一滑嘅，真係好好味吖。蝦餃好驚嚇，好大好新鮮嘅蝦，皮薄有有D韌性，成隻蝦餃晶瑩剔透，一啖一隻無走保喇！馬拉糕好鬆軟好香甜好大塊，馬拉糕特有嘅果種香味很吸引人，而且真的好鬆軟，餓嘅時候食件馬拉糕真係實惠吖，哈哈！豉汁鳳爪都係一定要試嘅，鳳爪好淋好入味，豉汁好香，鳳爪嘅骨頭都有曬D豉汁味，正吖！

真不愧為老字號吖，蓮香居入面無論係裝修環境同埋menu，仲有服務員auntie全部都好有香港噶味道，所以我好鍾意坐係呢啲茶樓入面感受下港味。 呢度啲蛋撻全部都係新鮮出爐嘎，熱辣辣，蛋撻皮好酥脆，而入面噶蛋撻好軟熟，有種入口即融噶感覺。好正吖！ 腸粉入面噶肉好多，而啲腸粉呢好滑好香，而且加上豉油鋪滿個腸粉，味道鹹道啱啱好。 再加上一碗排骨飯，排骨燒得好香，而且加上有秘制噶醬汁，拿嚟送飯真係好好食！ 糯米雞、蝦餃、乾蒸燒賣呢啲係飲茶必點噶，又平又大份，糯米雞係拿新鮮荷葉包住整噶，糯米雞有好香噶荷葉味

香港古式茶樓越來越少，有空閒便過海試試。環境懷舊，實在有香港60年代的古典味。而且還有尚未被淘汰的點心車，一車一車，勾起不少回憶。食物點了蝦餃，馬拉糕，金錢雞。蝦餃細細隻，料都算足，蝦就應該係雪藏蝦。馬拉糕推介，軟綿綿的又不太甜，入口幾鬆化同鬆軟。金錢雞帶點脂肪，吃落肥美，但一件已很滿足，不然太溜。茶味就夠濃，甘中帶甜，值得細味，偷得浮生半日閒。

最近有電影我的少女時代, 飲茶也來懷舊一下手推點心車, 已經很少有了。 姐姐比較親切, waiter 叔叔通常唔應, 但聽到你的要求, 也會做到。茗茶可選用茶盅 或茶壺都得, 有風味當然係茶盅盅頭飯, 排骨好入味, 但較鹹蝦餃不錯!

聽了蓮香這個名字已很久, 這次第一次去這晚宴, 主人家點了的是富貴全包宴, 因為一大枱人, 不方便拍照片。本以為蓮香這個名字歷史悠久, 食品質素便會有一定的水準, 但其他的整來說水準較為普通, 有些菜式更可以說是普遍以下。玉帶子及翅都略為鹹, 更甚的是炸子雞, 可以吃出腎病來。但當中也有較好吃的, 其中蝦球很出色, 炸蝦膠夠爽, 炒蝦仁夠嫩,霸王鴨用料豐富, 不太油膩, 布甸亦甜度適中。在全包宴以外, 我們也點在外面很難再找到的金錢雞, 豬肉肥膏及膶, 香口及綿口的結合, 真的一流, 但因這食物不太健康, 只能輕嚐, 到現在仍真的很回味。

食蛇季節開始了，阿SIR又請食蛇了!　上年嚐過，回味無窮。今次一定要提前到達，找個最靚的座位。看著今年蛇宴餐牌，就已經很期待。每枱有紅酒喎。開席了!!!!!!!金錢雞燒味拼盆上年因為遲到，錯過了這款美食。今年終於可嚐這款招牌功夫菜。以豬膶，豬油膏及瘦叉燒串起來燒，再上麥芽糖！（聽講以前燒味係上麥芽糖！不知現在的燒味是用哪種糖！）每條鐡叉有十多件，就如串串的銅錢。每層邊位有燒味指定動作~有光澤及焦焦位。入口甘香肥美，豬膶滑。金黃色半透明的豬油膏爽口。瘦叉雖瘦，但有豬油膏作滋潤，反而不覺得瘦叉鞋口。豬油膏根本不肥膩，反而是爽脆。聽講，豬油膏要經過繁複程序才會變得爽口，現在還有多少餐廳能堅持這種做法呢！這本來是下欄菜，上世紀窮人恩物，仲要改了如此富麗堂皇的名字來安慰自己。現在以標準工時來計算，這真是高成本的功夫菜了（指人工成本）。蓮香霸王鴨又係功夫菜！有蛋黃，薏米，白果，冬菇等材料，釀進鴨肚內再烹調。鴨肉已經蒸到軟棉棉的，依然滑溜。中間的材料已吸收鴨的精華，變得香軟。酥炸五蛇丸蛇波呀！蛇宴指定動作。好似細粒左喎。中間有類似蝦膠的物體，但整體很彈牙。咀嚼期間，檸檬草的香味就會滲出來。七彩炒鹿柳