蔚濠飯堂 (已結業)

很少入元朗食晚飯，除非好味、服務好和cp值高就唔同，今晚一行10人訂咗一圍chit chat 下，叫咗以下食物:🌠豉椒炒蟶子👍蟶子火喉啱啱好，配上豉汁和燈籠椒，加上獻汁收得好，剛好掛上蟶子，令整個菜式更顯出色。🌠高湯開邊龍蝦煎米粉👍開邊龍蝦先炸收身，後滙上湯，令肉汁牢牢鎖住，龍蝦汁和上湯沾滿了煎好的米粉，淡淡的粉加上濃烈的海鲜汁，好配搭。🌠濃湯杞子浸莧菜清清淡淡，單獨叫就ok，因各樣菜式味道各有特式，它的平凡就比下去了。🌠上湯蘿蔔崩沙腩👍👍一大窩蘿蔔和崩沙牛腩連汽爐一齊上，湯底牛味濃煜又鮮甜，崩沙牛腩火露刚刚好，肥、瘦、筋位分明，脆口油潤，口腔充滿油脂和牛味，蘿蔔鮮甜，是必食的菜式。🌠鹽焗奄仔蟹👍一人半隻奄仔蟹，黃膏白肉，膏甘香，肉質鮮甜，加上鹽的醎味令整隻蟹更甘香，煮功一流。🌠清蒸海上鮮👍東星兩斤重上枱，肉質透白，蒸得啱啱好，不過火，鮮美非常，一個字，正👍🌠當红炸子鮮雞👍炸子雞擺盤麻麻，但伴碟的炸燈籠椒外脆内軟，不油不浰，雞皮炸得唔係咁脆，但肉質鲜嫩，有雞味。🌠上湯煎粉果粉果新鮮炸起，非常熱，但亦油浰。總括来說，Canteen 烹調出色，食材新鲜質素好，每樣餸菜均有其特别之處，ver

幸運地參加到政府的賞你遊, 跟采天去一天本地遊, 午餐就在這飯堂食, 幾個旅行團都是在此用餐, 分三段時間食, 因此廚房密密做餐,客人密密食餐。雖然如此,但是餐食也很不錯,原先話是九大簋的午餐,變了九加一,十樣餸“十全十美味”

終於有時間post番D相疫情後第一次聚會，感謝老細陳生親自心機挑選食裁，每一道海鮮都新鮮美味，份量亦非常足夠，性價比高，又食又拎大家都非常滿意，過左滿足又愉快嘅一個晩上！

同屋企人參加本地團振興經濟，可以去流浮山影下相睇下靚景🌊同埋認識本地海鮮養殖業，不過團餐就唔包海鮮大餐，而係返去朗屏果邊食圍頭菜。第一次過黎呢邊，原來係棟工業大廈入邊🏤類似酒樓咁既食堂，相信以前都做好多團餐。樓下就係壽桃牌既特賣場，食完可以落去掃返轉貨。 .同場仲有d學生食緊幾圍🧏‍♂️估唔到而家學校課外活動都會包埋咁樣一餐，用餐範圍同酒樓差唔多，有個職員不斷推銷罐頭鮑魚同埋叫我地開酒。因為係圍餐所以入好座後就好快上齊5道小菜🧭雖然除咗燒鵝外都係用黑色兜裝住就算，感覺似食員工餐多d，仲有一大盆白飯任裝。 🦐陳皮豆豉蝦第一味就食呢款炒蝦，係幾惹味既豆豉，不過食多幾啖就覺得太鹹，扒幾啖飯先送得掂，陳皮就好似失咗蹤咁。 🍄花菇扒時蔬唯一既蔬菜🥬用生菜幾吸油不過冇咁有營養，而且勾茨到唔湯唔水咁，好彩花菇尚算燜得夠軟唔難咬。 🦢至尊燒鵝今餐既重頭戲就係呢隻炭燒燒鵝，上檯鵝香已經好勁，皮脆多膏的確唔錯🪵不過就冇咩炭味，食多幾件會覺得好滯。 🐷圍村炆腩肉腩肉夠哂軟爛易食，下面墊底有酸菜同木耳，多咗爽口同解膩作用。 🐔圍頭五味雞正路係用花椒、八角、桂皮、桔皮及草果，將五味材料入袋，再加頭抽和冰糖，以慢火

2021/12/19參加一日遊既本地團，中午係呢間工廈飯堂食。人多到不得了，90%以上都係招呼啲本地團，非常流水作業式的運作。食物質素差不特只，佢哋仲將每枱食剩啲飯（一大碗幾人分）倒番入個中央飯筒，再比下一輪既客食😱😱😱今時今日用咁嘅食物處理手法真係離晒譜🤬🤬🤬

今日跟社區中心舉辦的一日避，$190 旅行車接餸，包午餐及三個旅遊景點。本來想着旅行餐都未必食得飽，估唔到也不錯。此店可能多數都是做團餐，位於工廠大廈上面的食堂，去到時候已經安排好座位。由於疫情期間，我們需要三人一枱。五個餸，白飯任食，真係不要浪費，食得好飽。味道不是太濃，不要期望珍饈海味，食得過。肥佬老闆廚師出來跟進每枱食客是否滿意，只係侍應員每每行過來問我們食完未，心急收碟！我覺得如果入到元朗，又找不到什麼冇地方食飯，這裏也是一個可以的小選擇！不要期望太高，便不會失望！

要去食飯的朋友注意服務員瘦果位態度很差,肥果位可能係老闆,投訴完都沒反應,唔應該做服務業,完全不合格,如果能容忍又要出錢了要受氣的朋友可以一去,因為這裡假日比較少人易搵位,唔使排隊.食物一般,龍蝦唔新鮮.

重陽出出門 跟教會旅行 愉快嘅1天包車包食$160 教會津貼 多謝晒應該係半天 因地鐵早收 提早回程 午餐團餐包場 2樓私房菜 10餘張大枱侍應快手服務好 有茶有水 冇汽水8個大餸(冇湯) 白飯任裝 ……燒鴨半隻 皮脆肉嫩 雞湯切雞 ~ 湯香雞甜 但肉有啲韌炆冬菇~ 巨大隻 夠淋肉爽 蠔汁入味芹菜炒大虾球~虾芹菜冇批皮有根鮑魚花膠生菜底~ 罐裝鮑魚仔 微韌生炒排骨 ~份量足 肉嫩配菠蘿微酸 翠玉瓜帶子~大廚手藝夠鑊氣 帶子大粒 嫩蒸烏頭 超滿足嘅1大餐 滿足 大廚溫馨提示:食剩唔可以打包走 因仲有行程 驚食物壞

得個樣 食落去似家常便飯完全唔好食條魚蒸得又無味 一般般 茶記水準果碟涼瓜炒牛肉啲涼瓜仲辛過啲涼茶唔知係咪依嫁夏天唔岩叫涼瓜奉勸大家唔好試話說入去等位嘅時候都覺得好快但係坐低之後諗住叫嘢食服務員既態度又差 等好耐先叫到佢地落單點知有時又咩都無都唔知有咩好食不斷推介既又一睇就知係伏介紹得都唔好食 common sense 同朋友一share 但係每樣餸都簡唔落叫完無碟餸菜啲份量都好少幾個大男人去食都完全唔夠食我最後心諗覺得如果有女仔一齊食可能先緊緊夠食 下次再黎 不了不了

平時只間有旅行團到餐廳吃飯，記得之前來過一次午餐客飯，感覺味道麻麻，所以一直唔在來。今晚家人建議去吃晚飯，沒有想過要訂位，點知7點幾去到要等位，等了大概半個鐘，建議人多週末晚最好先訂位。我們七個人點了八個菜，飽到要打包。餸菜份量比較足，都算大碟，例湯都夠我們每人有兩碗。乳鴿味道不錯，唔會太乾。花甲好大碟，唔沙，有差不多兩斤，師傅話無錢賺😂原來還可以預訂龍蝦，餐廳代買。大龍躉兩味，炸頭腩就麻麻，可能清蒸會好些。整體比想象中好，下次會試試龍蝦同蒸雞。

同長輩食飯 都係比較愛食中菜 唔想去大排檔 無冷氣熱辣辣而又想坐得舒服有冷氣而又有大排檔既穫氣 選擇了元朗既工廈薑蔥蠔 蠔煎外脆小小脆 蠔脹卜卜飽滿多水 好味豉椒炒大聖旨6隻加煎米粉底 米粉好香脆加汁 非常美味 聖旨真係大隻 味道唔錯鮑魚雞煲 細隻鮑魚無特別 雞件幾香 不過份量好小脆皮炸大腸 份量多 不過炸得太乾紅燒乳鴿 鴿不夠嫰 有點老 乳鴿皮燒得唔夠香大沙巴躉一條$268好大隻 幾抵食 魚蒸得剛剛好 非常滑同好食6人食咁多野有鮑魚，蠔同聖旨同沙巴躉只係千四蚊 都ok啦

今日係朗屏鐵路站附近做完嘢，揾個地方醫肚，係壽🍑牌幢工業大厦外面見到有個飯堂廣告，原來大廈一樓有嘢食，跟著指示撘升降機上去。電梯一打開門，原來好似一間細茶居仔咁，一樣有炒餸食飯。坐下已是下午茶時間，見到餐牌有豉椒排骨麵，問侍應可唔可以轉河粉，佢清楚回應平時可以但今日買哂😅最後要咗炒米粉，跟餐仲有一杯餐飲🥤$48加$2轉飮🍋蜜米粉應該有輕輕炸過再用獻汁倒上面，將米粉炒散再撈番d汁一齊食👌🏻味道中規中矩。相信平日上班日子會比較旺d，坐得舒適，價格相宜

今晚一行十四人來吃飯。其實來了幾次。這裡張枱夠大！不會過迫。今晚預留一大煲豬肺湯！我飲了三碗。太愛飲豬肺湯。連湯料比我地清晒。魚係重點！全家愛吃魚！點了一條大東星$880火候剛好！好滑！好味！食淨魚骨😂😂😂兩隻澳洲上湯龍蝦$1600好多肉又彈牙！確實滿意！澳洲龍蝦肉爽殻薄。原隻蒸雞！一陣就清碟！薑容好好味！$280菜類一共四碟。不過不失。$78一碟聖子三人吃到有沙。其他都無人想食。退了單。還有兩個羊腩煲沒影相。我不吃羊！但煲內的蓮藕、馬蹄、枝竹好入味！中途加了一次水。但越滾越濃味。最後兩打壽包。每打$100。好像有點貴。加一和有茶介。埋單$50xx都滿意嘅。不過埋單時張單花了一些時間計算。唔知佢點計出來。服務ok。約左新年再去食。抵唔抵食見人見智！但我地幾乎清枱。😂😂😂😂😂😂

父親節同屋企人同親戚一大班人黎食飯，我唔係西鐵站過黎，所以係市中心主街行過黎遠到hihi 🤧餐廳係係工廠大廈嘅一樓，上去搭Lift 環境都係一般，好彩上到餐廳，都算係幾靚嘅裝修。雖然大時大節，但係一早上左黎攞位，所以可以係第一廳嘅正中間坐大台。叫到成台都係野食，有鵝、雞、炸蠔等，可惜野食唔太合我口味😥😥😥，特別係炸蠔，唔好以為係炸嘅就分唔出新唔新鮮，失望而且服務一般，可能今晚唔夠人手，又多客，完全冇人幫手refill 茶壺🙁🤦🏻‍♀️，叫好耐先有人過黎

依間私房菜，今次係第二次重點想介紹個冬蔭功湯浸花甲，估唔到個份量比想像中多仲要隻隻都咁大，隻隻都有肉食，唔會淨係得個殻跟住再叫左個大龍躉兩食先黎個西芹菜甫炒球好好味，不過有少許偏咸，但唔錯ge之後，就黎個冬蔭功湯浸花甲啦，你見到相就知幾大隻啦，依個價錢算好抵食不過個湯就唔太辣，同埋唔似冬蔭功湯，但食到花甲鮮味再到，個清蒸頭腩，初時聽到腩以為係牛腩🧐原來係魚腩，好多肉無咩骨，鮮味中間想讚服務員，見我地食到好多殻響碟度，都幫我地換左幾次碟好細心。食到咁上下都差唔多食完，仲有飯後果食tim呀