影片
港鐵旺角站 E2 出口, 步行約7分鐘
繼續閱讀
電話號碼
98326636
開飯介紹
日式備長炭火燒鳥專門店，並提供多達70款特色清酒。採用備長炭精心製作串燒，推薦菜式包括雞腸紫蘇蝦卷、牛舌芯、酒盜芝士和豚肉生菜卷，炭香味突出。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
同朋友見兩草好多人，想話搵個有酒+串燒既地方chill下放鬆，見到呢到有入好似少見「十四代」既酒水，本身個人比較好醇酒既酒，因為比較不霸道。盤城壽+二兔愛山純米：我地兩個都選了醇酒，但個人鐘情用咗愛山米種釀製既二兔純米，有突出既花果香，入口甘甜細滑，醇酒比較輕盈，比較岩女士飲用，之前有諗過上網買一支，呢度買一杯可以小試咗先，成件事好貼心！梅子番茄🍅：番茄已經被梅汁浸到入味，番茄既甜味更多好地呈現。酒盜芝士：呢個真係日式居酒屋必備，濃郁奶香既芝士，配上醃既明太子魷魚，配酒甘香有層次,但會比較咸少少。手羽：欣賞師傅拆開攤開雞翼燒既手法，雞肉細滑皮有炭香既淡淡鹽味，非常出色！白鱔：鱔肉燒得焦脆有彈性，不失魚油香。夢王蛋飯：呢道仲有用咗日本高質既無菌蛋「夢王」整既蛋飯，蛋汁味特別厚重濃郁。菜肉瓜：師傅能夠好好咁將蔬菜本身自然既甜味呈現+有水份，調味恰到好處，其中菜肉瓜灑上胡椒鹽，成件事好夾同特別。豚肉生菜卷，呢個出面比較少見，生菜中和肉既油膩，非常平衡！幾中意好 chill既氣氛，見Menu仲有提燈，下次想同朋友再encore
繼續閱讀
行過呢間日式串燒，俾佢個超型嘅門口吸引咗入去，八角形透明趟門，有種超時空的感覺。而內部裝修也很精緻，下層以吧枱為主，上層則有幾張枱，多人時還有可間房部份。一坐低，服務員首先推介呢度有清酒啤酒，而清酒更有幾十款選擇。不過我本身不太好酒，所以只選了一杯名為「三輪」的酒，味道少少甜，有點淡口，蠻適合我的。而食物則隨意地選了一些，每樣一串試下：秋葵酒盜芝士豚肉泡菜卷炸雞軟骨牛舌亂切雞皮燒味醂魚干雞肉京葱塩燒手羽自家制月見雞肉棒雞腎白鱔夢王蛋飯翠玉瓜見價錢不算貴，就多點了一些，點知兩個人食完先知好飽 😅食物質素不錯，串燒店家說是用備長炭燒的。我特別喜歡酒盜芝士和鷄肉京葱，鷄肉棒也不錯。酒盜芝士配以魚內臟製成的醬料，咸味濃郁，開胃又配酒。另外可能我喜歡食葱，滿佈葱的夢王蛋飯同樣吸引。原本已經很滿意，誰知甜品才是全晚高潮所在。叫咗個名為Churros嘅甜品，簡單說就是西班牙油炸鬼配雲呢拿雪糕。雪糕加上果仁，香香軟軟的，而西班牙油炸鬼卻出乎意料地好食，外脆內軟，配上糖和肉桂，熱乎乎的，天氣凍時食真係一絕，食完相當滿足！
繼續閱讀
酒鬼吃貨朋友向我推介旺角呢一間高質素燒鳥店，呢度清酒種類繁多，而且全部都係高質酒，串燒採用備長炭燒製，即叫即燒，材料新鮮，令人相當滿足。三諸杉 山田錦 純米吟釀 （$58 / 90ml）飲開清酒嘅朋友都知道，三諸杉既清酒好高質， 喺日本當地嘅排名亦係數一數二。呢杯酒既香氣相當甘甜醇香， 味道有啲似汽水， 非常之易入口，好啱女仔飲， 口感輕型清爽， 配串燒一流。酒盜芝士（$48）芝士非常濃郁creamy， 上面加上咗鹽漬吞拿魚， 鹹香味加上芝士本身自帶既香氣，送酒一流。燒味醂魚乾（$48）呢個相當有驚喜， 份量都算多， 魚乾烤得剛剛好， 完全唔會乾唔會硬， 味道甜蜜蜜， 好快食完一條接一條。雞胸軟骨（$32）雞軟骨食得多， 雞胸軟骨較少見， 佢比雞軟骨還要爽脆得多，食落真係索索聲。雞腎（$28）新鮮，爽口。雞頸肉（$38）雞頸肉亦係平時比較少見嘅串燒， 食得出好新鮮， 肉質鮮嫩，完全無雪味，雞肉味濃郁。塩燒手羽（$28/1）非常貼心地將雞翼拆好骨， 雞翼燒到金黃色， 燒得剛剛好， 外皮金黃， 肉質鮮嫩， 調味亦剛剛好。白鱔（$78）呢個有啲貴但真係好好食， 白鱔非常厚肉，無骨啖啖肉， 油脂相當豐富，外皮焦香，火喉燒得恰到好處， 一咬落去魚油香氣充斥整個口腔。 自家製雞肉棒（$58）呢個係我嘅最愛之一， 去到每間餐廳都必點， 雞肉棒帶有軟骨口感， 配上月見醬汁，非常滑潤， 口感同味道都甚佳。豚肉生菜卷（$88）食咗好多肉所以叫咗呢個生菜卷， 豚肉包裹住爽脆生菜，中和一下油膩感。師父好有功夫，唔會一夾起就散哂。煙肉荔枝串（$38）呢個超好食，煙肉包裹住一粒大大粒去左核既荔枝，荔枝好多汁好清甜，眼前一亮。夢王蛋飯（$38）材料只有簡單既白飯配上大量青蔥同蛋黃，但成個飯香氣十足， 蛋黃汁係精髓，如果可以加上少少醬油會更出色。冬菇唔乾唔苦，咬落仲幾Juicy。翠玉瓜（$32）翠玉瓜嘅厚度係平時嘅兩三倍， 好厚身好多汁， 落咗胡椒粉作調味，令人醒神左。炸紫菜墨魚滑（$58）份量都算幾多，亦幾有驚喜， 將紫菜包裹住墨魚滑拎去炸，紫菜竟然無稔到反而好脆， 造成咗外脆內軟嘅效果， 墨魚滑亦都好新鮮好Q彈。
繼續閱讀
最近發現旺角開咗一間日式串燒店完全俾佢型格嘅舖面吸引咗!!!🤩🤩餐廳主打使用備長炭 風味十足除咗傳統燒鳥外 仲有唔少稀有嘅雞內臟選擇重點佢仲係一間Sake Bar🍶有幾十款清酒可以選擇 如果唔識揀 店員仲會好耐心咁為你推介又可以一杯 一壺 或者一支咁嗌 試到啱為止絕對岩晒酒鬼 或者放工黎同朋友慢慢食慢慢傾🥃🥃當日我地就坐咗差唔多成3個鐘 點咗13樣野🍢梅子蕃茄 $28🍢芝士千本漬 $48🍢塩焼手羽 $28🍢自家制雞肉棒 $58🍢雞頸肉 $38🍢豚肉鵪鶉蛋串 $38🍢牛舌芯串 $78🍢白鱔 $78🍢翠玉瓜 $32🍢燒粟米 $28🍢杏鮑菇 $28🍢夢王蛋飯 $38🍢燒飯團 $28\ 🌟🌟重點推介🌟🌟 /🧀芝士千本漬用日本蘿蔔夾住芝士 外層爽脆內層軟腍 口感非常好 而且味道意外地配 作為開胃前菜一流🐖豚肉鵪鶉蛋串出面比較少食到呢個配搭 咸香嘅豚肉外層將味道較淡嘅鵪鶉蛋完美提升!!🐟白鱔超肥美 咬落啖啖肉 加上外皮燒到勁脆勁香 用炭火燒一啲都唔易🐄牛舌芯串咬落去超Juicy 牛味濃 偏厚身 但肉質爽彈唔韌🍶豊香入口散發水果香氣 米香濃郁 好適合配串燒飲🥃國盛無過濾梅酒入口甘甜 帶有梅香 酒味偏啖好順口 好適合女仕飲呢間燒烤店環境好舒服而且價錢合理 絕對可以encore餐廳出面仲可以泊車 超方便 啱晒駕駛人士 (但記得只能小酎喔!)
繼續閱讀
近排發現屋企附近開左間超型格的串燒餐廳，門口係八角形勁有特色，餐廳主打備長炭串燒及清酒吧，小妹與友人都愛小酌怡情，為配酒飲便先點了兩款小食，再點多十款串燒及熱食，邊談天說地、邊享受美酒佳餚。🍸豐香Sake～溫和的口感、柔和的甜味入口比較清，適合女士享用🍸國盛無過瀘梅酒～第一啖不算太甜、帶少少酸，似食緊酸梅🧀酒盜芝士～醃生吞拿魚配忌廉芝士再飲第二啖梅酒，感到酒的甜味🍟燒味醂魚乾～甜蜜蜜，似食烤魷魚🍚夢王蛋飯🍢 雞腎～爽口；雞皮～香口煙韌🍢白鱔～厚肉、口感彈牙，燒得好香🍢五花腩串～厚肉大件🍢秋葵、翠玉瓜～燒蔬菜保留水份，好食😋🍢塩燒手羽（雞翼）～切法令雞翼可以均勻燒熟🍙燒飯團～細細件烤得好香🍢月見雞肉棒（餡雞軟骨）～月見醬好正，雞肉棒帶啲雞軟骨，有口感🍢番茄仔～酸酸甜甜燒得Juicy又好食🍢豚肉生菜卷～是晚MVP，第一次食豚肉包生菜，橫切面超靚超完美🍢燒刀貝（2隻）～咁啱當晚做優惠✌🏻鮮甜美味蕾的女店員介紹美食及招呼都非常好，令小妹與友人全程都開開心心🥰仲發現「蕾」提供的食串燒工具十分有用，終於唔洗用筷子逐粒夾出嚟食😍😍
繼續閱讀