影片
以上資料只供參考, 請與餐廳確認詳情
門口有位高高瘦瘦男士(不知道是接待員定老闆)睇落幾斯文 我同佢講兩位 佢當睇唔到 隔左2分鐘左右先抬高個頭問有咩幫到你等既期間聽到佢同隔離個同事係到笑啲客點點點輪到我地入座 比張飛佢 一野拎過去(勁冇禮貌)埋單時又係佢做野 啲態度差到飛起唔想做飲食業咪鬼做啦
繼續閱讀
今日去青衣有啲嘢要做，好少嚟青衣嘅我，都試下入嚟搵食。大部份都係連鎖店餐廳，心血來潮又想食辣嘢，所以搵咗一間泰國菜。我哋叫咗一客一人冬陰功湯，一個西貢鮮茄蟹肉海鮮湯檬，一個鮮蟹肉扎肉炒粉絲。冬陰功湯：正宗冬陰功湯，夠酸夠辣，特別一讚，入邊有兩隻大蝦，幾新鮮彈牙。西貢鮮茄蟹肉海鮮湯檬：湯底幾濃味，蕃茄酸酸哋都好開胃，蟹肉都算多，我覺得好食嘅。鮮蟹肉扎肉炒粉絲：粉絲太濕，好少扎肉，蟹肉都ok。不過粉絲實在係炒得太濕，所以影響質感。我覺得可以改善一下。
繼續閱讀
好耐冇嚟青衣城，發現呢間舊年新開的餐廳，點咗菠蘿豬頸肉炒飯，用新鮮菠蘿，腰果很酥脆，飯乾身好食，美中不足是豬頸肉太硬有筋。火車頭湯河抵食又好食，湯好好味，河粉幼滑，抵讚👍🏻再加咗馬拉盞炒通菜 好食食曬加22蚊 有青木瓜沙律，很好性格比很高，下次嚟青衣會再幫襯，希望keep到質素😍
繼續閱讀
香茅黃咖哩雞，又香又濃又滑的黃咖哩，雞肉沒有雪藏味，而且很腍滑。鮮蕃茄香草牛腩湯粉，牛腩香軟腍身入晒味，湯蕃茄足，好飲!馬拉盞炒通菜，套餐加$42的份量足夠，馬拉盞恰當炒也很惹味，通菜嫰不是好粗好老那種。
繼續閱讀
今日放假同媽咪亞哥一齊食午餐，之前都食過一次覺得不錯越南春卷炸到香脆可口，紅白蘿蔔絲跟酸甜醬汁，咁啱有三條仲可以一人一條呢～菠蘿豬頸肉炒飯淨係睇個樣都都知道好食，炒飯唔油膩，有好多豬頸肉粒、菠蘿粒、腰果、提子乾..旁邊仲跟埋八分之一份燒菠蘿～香茅黃咖哩雞飯雞肉薯仔洋蔥份量都好多，黃咖哩唔算太辣，啱晒我唔食得辣既人～香煎蝦餅扎肉撈檬蝦餅彈牙蝦味濃郁～五款食物都好大份和好好食呀，下次放假 lunch聚腳首選～
繼續閱讀