薔紅

營業中

休息中

位於灣仔的薔紅茶餐廳，一直以來都多本區甚至外區人食。我呢一日weekend 6點幾黎都差唔多滿座，7點開始仲要等位。不過入面都好大，而且員工效率極高，出菜都超級快，等位都唔駛好耐。個brand同海報設計都好有年代感，但原來始於1999😂😂做乜搞到1969咁。著名既燒春雞配薯條，春雞外皮燒得香脆（老實講似炸多d)內裡肉質嫩滑多汁，好香，配椒鹽比你點雞肉但唔點都好夠味。薯條亦都炸得金黃香脆，底果層吸左d 雞油超邪惡但好好食。咁大份只係$88不愧係招牌菜，絕對值得一試。另外試左黑椒汁豬手飯，黑椒汁就係扒飯果d 黑椒汁，略嫌唔夠黑椒味。啲肉都好腍好。豬手炆得非常入味，而且豬手超級大舊，都只係$82!!!

呢間出名既灣仔燒春雞成日都有人介紹，今次終於黎試下😝星期日夜晚9點黎都仲好多人等位，可能因為有動漫節呱，餐廳地方都夠大，兩個人等左15分鐘就入得。提提餐廳冷氣都幾大！試左個一口西多$40，有滿滿既煉奶☺️☺️好食👍👍燒春雞$88，可以揀飯/意粉/薯條或沙律，凍飲另加$10。隻燒春雞都幾大隻，雞肉超嫩滑，充滿肉汁，而且隻雞超熱🤣🤣🤣雞皮我就覺得咸左d。仲好細心會提供埋手套比客人😀薯條就凍左，應該唔係即炸，有點失望😞整體黎講隻雞都幾出色，經過試下都唔錯👍

作為灣仔嘅老街坊，無人唔識「紅薔」呢個名。雖然只係一間茶餐廳，但係佢哋嘅燒雞真係打出咗名堂。我放工之後即刻衝過去，六點未夠已經爆滿。好彩我哋夠好運，搵到一個四人卡位，真係要多謝貼心嘅侍應。店入面十居其九嘅客人都係食燒雞，我哋當然唔例外。首先上嚟嘅係一碗好足料嘅紅湯，溫度啱啱好，酸酸甜甜，啱晒我口味。我哋係直接用手撕雞肉，雞皮超薄，汁水超多，肉質嫩滑多汁，連雞胸肉都唔會柴。半隻雞嘅份量啱啱好，非常滿足。

今日嚟到灣仔附近，時間朋友帶我哋嚟咗呢間出名嘅食雞嘅薔紅餐廳，由於灣仔附近有好多寫字樓，所以午餐時間附近嘅餐廳都好full，呢間都唔例外，不過好在呢間餐廳比較大可以容納好多客人係，排咗大概10分鐘就有位可以入去坐。❇️燒春雞套餐🐤一坐低唔使諗，即刻嗌咗呢個招牌餐☺️可以揀薯條或者飯，會派埋一對手套比你方便食雞。雞肉滑嫩有味，皮薄脆，食晒成隻雞無食埋啲飯已經飽😂門口有個公仔舉住燒雞，一眼就知道呢到招牌。自取外賣以係灣仔黎講價錢好抵薯條份量都唔少，熱辣辣幾好食🤤

今日去咗呢間好有港式風味嘅茶餐廳試佢人氣旺盛嘅脆皮燒春雞套餐，一入門口其實都已經聞到陣陣嘅燒雞味，事關都幾多人有叫呢個餐，入去經過都會見到檯面有半隻雞放咗係到十分吸引坐底當然都係叫呢個人氣套餐，有得揀跟飯/意粉/薯條，作為薯條控嘅我毫不猶豫揀薯條！除咗呢個燒春雞套餐，啲港式炒粉麵其實都幾吸引幾有大排檔風味，可惜胃就得一個試唔到咁多，惟有下次再試啦落單後等咗大概15-20分鐘，一份熱辣辣嘅春雞就送到，上檯仲feel到陣熱力同睇得出層皮脆卜卜咁，食個陣真係要小心唔好比啲雞油辣親！跟埋仲有甜酸醬同椒鹽，但本身雞都有調味，鍾意清淡啲都可以唔點醬食原味咁就雞味突出！薯條一樣係熱辣辣勁吸引，鍾意食雞嘅真係不能錯過

係灣仔打滾左咁多年，薔紅一直都係我嘅飯堂，而佢地嘅燒春雞一直都保持到超班嘅水準👍 基本上每一檯都有一隻燒春雞你就知有幾好食啦❣️❣️ 燒春雞個皮係好薄脆，雞肉唔係滑咁簡單 係超級嫩滑❣️❣️仲鎖住到d肉汁 好juicy 🤤 每次都係熱辣辣咁上 未試過凍 就算暖都未試過！ 係熱到要攤陣先撕到 佢地有手套俾你撕開食 超爽😁 除左燒春雞，佢地其他餸例如沙嗲金菇粉絲肥牛煲、啫啫雞煲、炒牛肉都好食。有時我下午茶會叫奶油多、蛋治加紅豆冰都正👍

呢排好多訪問都介紹薔紅老老實實佢本身都出名㗎啦所以通常我哋嚟親都會避開午市或者晚市同男朋友平均兩個月都會嚟一次😂😂對於大食嘅人嚟講呢個絕對係一個好地方！。我哋嗌咗呢啲👇🏻基本上每次兩個人都係嗌佢嘅招牌脆皮燒春雞餐$88有半隻雞，沙律/飯/意粉/薯條四選一，包飲品一杯凍飲另加$10——————————-我每次嚟基本上都會配佢個意粉係普通嘅茄汁蒜蓉撈意粉有細個食兒童餐肉醬意粉嘅感覺😂😂春雞仲會有呢個甜酸辣醬同埋椒鹽俾你點個人鍾意點甜酸辣醬多啲因為個椒鹽一錯手就好容易好鹹😂男朋友就有個創意食法就係再加啲茄汁落個甜酸辣醬度😂😂但今次食完呢感覺比較大由於都算係我哋成日幫襯嘅餐廳所以都食得出有少少唔同咗明顯隻雞嘅大隻咗但冇之前四月份食嗰次咁脆皮同埋入味希望只係師傅一時間失準啩🥹🥹。我哋一齊睇返四月份嘅相👇🏻四月份隻雞係喺個籃入面啲雞皮好脆連我平時唔太食雞皮嘅人都會俾佢嘅邪惡吸引咗😈到六月份👇🏻隻雞大過個籃了！同埋今次個脆皮唔夠勁了🥺🥺同埋今次個薯條居然唔係熱辣辣上嚟有啲失望咗🥺今次係失望咗啲但係呢我都有期待住試吓薔紅其他嘅食物因為平時見到其他人叫都其實吸引嘅但太欣賞佢嘅招牌燒春雞所以每次兩個人都唔

見小紅書推介, 今日同家人一齊去食午餐。老公非常喜歡食燒春雞, 所以非常期待! 我哋叫咗三份燒春雞餐跟薯條。因為老公要去接個囡上嚟, 佢份餐已經攤凍咗。我叫其中一位侍應麻煩整番熱, 佢用非常之惡劣嘅態度回應😤😤😡😡 出去食餐飯點解要受氣? 如果咁唔想服務顧客, 點解仲要做服務業? 係我喺香港去過體驗最差嘅餐廳!!! 而且隻雞味道非常之普通, 太油又唔係真係咁好食🥴🤢我哋絕對唔會再去!!! 真心唔建議大家去食....

不停聽身邊嘅朋友話過到灣仔一定要試呢間嘅燒春雞，奈何對一個九龍人嚟講特登去食真係有啲遠，適逢有日去開灣仔嗰邊有嘢做就一於試一試佢Lunch hour 1點幾去到都要等一陣先有位，餐廳裏面好大，係典型香港茶餐廳格局。坐低即刻叫咗燒春雞同一個常餐。員工好貼心叫燒雞嘅會俾埋手套你可以就咁撕嚟食。等咗一陣隻雞就送到你檯面，熱辣辣咁睇得出啱啱炸起。如果用手撕嘅真係要攤一攤，廢事辣親手。每份雞都會配埋泰式辣醬同椒鹽，但係我覺得隻雞本身已經夠味，再點椒鹽會太鹹。一撕開隻雞，裏面啲肉好滑，睇相都可以見到啲肉汁，真係好好食啊！至於個常餐真係麻麻地，大家去到可以主攻燒雞總括嚟講，個雞同我想像中一樣咁好食，下次去開灣仔都會再食。

非常喜歡的一間餐廳 濃厚香港風情 很有人情味🤤店裡的侍應都是有一點年資 所以非常親切……………………………………………………………❤️脆皮燒春雞+飯/意粉/沙律/薯條進去基本都不用看菜單 你會幾乎看到每個人都會叫燒春雞 必點 必點❗️上菜很快 燒春雞一定要趁熱吃 外皮燒得脆脆的 雞肉完全不乾 非常好吃 他們會附手套 方便大家手拿著一隻雞吃 簡直不要太爽除了燒春雞 他們要會附 飯/意粉/沙律/薯條 我選了薯條 薯條是粗薯 經典的香港茶餐廳會有的 不錯吃❤️……………………………………………………………

早幾日老婆介紹灣仔有間港式茶餐廳叫薔紅，有好美味嘅燒春雞食，於是就同老婆和女兒去品嚐一下。餐廳位於灣仔軒尼詩官立小學對面，都非常易搵，去到餐廳嘅時候，見到餐廳貼晒紅色及有花圖案既牆紙，一望就知唔會搵錯餐廳。餐廳大部份員工都係上咗年紀，證明餐廳都好有歷史，老闆都好有感情。我哋一坐低已經諗好要食啲咩，所以好快就可以order，而上菜嘅速度都非常之快，所以我哋用餐時間只係半個鐘就已經食完我哋嘅午餐，問個女鍾唔鍾意食下次再唔再嚟幫襯，佢諗都唔使諗就答‘Yes’，仲諗定下次食乾炒牛河。脆皮燒春雞餐廳必食推介，唔好以為上菜好快，但燒雞出到嚟係熱呼呼，雞皮亦有脆卜卜嘅效果豬扒包配肉醬意粉性價比非常之高，豬扒包入邊有蕃茄蔬菜酸青瓜，令到個包唔會覺得好油膩，食落口都幾新鮮。而肉醬意粉份量非常之多，簡直係物超所值

身為半個灣仔人，冇可能未聽過「紅薔」大名。雖然只係一間茶餐廳但佢哋x 一隻燒雞打出名堂，我等準時機放工直衝過去，六點未夠已經全院🈵️座依刻香港食店簡直是奇境。我地超好彩，被安排坐四人卡位，多謝哥哥。店內九成客人也吃燒鷄，我哋二話不說點了二份燒鷄。先送上足料、溫書度足紅湯，酸酸甜甜我好鍾意。我地以最原始方法正接拆肉吃，鷄皮超超超薄、肉汁豐富、流曬汁，肉嫩飽滿，連胸肉都吾鞋，半隻份量剛剛好，超滿足！✅✅✅薯條就吾太夠脆，扣啲分

難得上training ，可以同同事一起食午飯，經其他同事介紹下，就嚟咗試呢度嘅燒春雞，再加咗一個叉燒煎蛋飯，最後我哋share嚟食，個燒春雞真係不錯，難怪咁多人叫嚟食👍🏿👍🏿👍🏿

以前每次搭叮叮經過莊士敦道就已經很想試這家是是一家舊式家庭香港🇭🇰味道的餐廳🍴燒春雞 配薯條 ＄88餐廳這麼多人也基本有一半以上的都是點燒春雞😋份量大都不是重點 一撕開 先是熱騰騰的冒煙然後是雞油們金黃微透的很嫩白雞肉面上滑過 雞皮鹹香又薄又脆難怪這家一直屹立不倒的 更成為周邊的士🚕司機們和建築👷叔叔們的飯堂美式什扒（黑椒汁、薯菜） ＄85多久沒吃什扒了～～這份比＄95份的少了牛排🥩 大家可以根據自身所需選擇而美式什扒就已經有雞扒、豬扒、廚師腸和火腿們看起來都曾半煎炸可是吃起來卻是軟軟嫩嫩 豬扒還滿香的 我們把火腿包著廚師腸吃 再沾上蕃茄汁是熟悉的味道 和茶記的有像～～ 波浪薯條🍟也是！！！炸得快透快變硬脆的一定要沾茄汁 沒吃過的也會愛！！一直把這家放在口袋沒吃到的朋朋們 下次放假就要來吃也可以帶著你的肉肉朋友來吃 能吃飽 又好吃😋又能一起吃個兒時回憶

中午從銅鑼灣行路過來食吓特色燒春雞，店裡的人大多都係食這一款。🌟燒春雞88+薯仔沙律+凍奶茶10（整單有85折燒春雞可以配：米飯/意粉/薯仔沙律/薯條，上菜好快，雞很燙，剛上的時候需要刀叉輔助，皮比較脆，甜甜的，應該有塗d蜂蜜來烤，很大的半隻，吃得很飽！沙律是常規做法，凍奶茶正常。這家店應該很多人排隊啊，我們早來少少，吃完出去已經擠滿排隊的人了，還好來得早。這個店家收拾餐盤等非常快速，可以說是麻利也可以說是急，劈裡啪啦咁，給人觀感很不好，你可能差少少沒吃完，然後一些垃圾就丟到你的餐盤整個收走了，就是在催咯，可以理解，畢竟外面很多人等，店家也希望快速翻台，但就是不太舒服，想來吃就不要希望有舒舒服服享用美食這種感覺啦。我們吃完就趕急趕忙的出來了，食太快個肚真係有d唔舒服另外我們都有加點跟餐飲料，大家的都上了，就差其中一位同行的朋友的，等咗一陣仲未上，且朋友覺得可能食唔落，叫咗姐姐話取消，對方態度。。。