薩莉亞意式餐廳 (美林商場)

營業中

休息中

今天，與媽咪在大圍嘆世界（按摩、facial)後，與爸媽在美林商場食晚飯，這家餐廳出名抵食，是慳錢族的好去處。🍅 芝士焗菠菜 $20好多芝士、菠菜份量亦唔少，呢度幾款菜都是均一價$20，超抵食🍅 芝士粟米pizza $30Pizza 面佈滿粟米，芝士，薄薄的pizza好脆口，正！🍅 黑松路野菌意大利粉（加溫泉蛋）$45材料十足，黑松路好香，好多菇🍅 明太子海鮮意大利粉 $40好多魷魚，兩隻蝦，明太子亦佈滿於意大利粉上，意粉煮得剛好, al dente, 咁嘅價錢，水準👍🏻

服務冇禮貌，仲要所謂經理。是原系取枱問題，我取 c2飛6個人，等左半個鐘，營幕顯示C1就等於下張大台就到我，但等了大半個鐘有一個女人飛唔取直接入去自己坐底支後一分鐘後就黎多二個女人，再過二三分鐘，再黎多三個人，佢地共6人，支後仲到我，原來入得去，但比頭先前後腳入去佢6個人坐左，個所謂經理，話要等多一等，未有枱住，甘我問你冇枱有叫我飛號，佢話按錯左，我同佢講系你比果班人入去坐左姐，個經理仲要好冇禮貌話佢有人一早入左去先，我話我等了大半個鐘只見個黃色衫個女人入左去先，支後前後腳入多五個人，個垃圾經理不斷話佢有人一早入左去先，人地六個人，我再問一個女人個支後二個女人再加支後一個男人帶住二個小朋友，他們唔係六個人，仲有邊個以一早入左去，個垃圾經理題都唔題走左去。

今次再次到薩利亞食呢個牛肉扒配多蜜醬,個牛熟到呢,仲熟個我媽但個電子餐牌又無得選擇幾成熟。個牛無咩香味,跟住個汁可以再多d,有d失望,食過咁多次薩利亞,最失望的一次。

大圍美林薩莉亞都算係我飯堂了，當我唔煮飯就會選擇係薩莉亞買外賣或者堂食….我明白到這個價錢不可以要求太高……今日當我發現蝶食物有好大片疑似膠袋嘅時候，我向職員求救舉手想反映…我起碼叫佐4次、5次…當中我同個職員有眼神接觸起碼三次，非常離譜嘅事又發生啦！個職員係冇理會過我…繼續扮睇我唔到…..其實呢啲時常都會發生，我理解…但職員扮睇唔到，我真係無法理解….求救時，有另外一個職員經過見到我舉手🙋馬上處理完。

自從中學畢業後，便沒有吃過薩莉亞。剛好是月尾，便想起了價格經濟的薩莉亞餐廳芝士煙肉薯皮薯仔焗得軟糯，配以芝士白汁，口感吃下很舒服。很欣賞他們的薯仔有食材的味道，而且不會太油膩。肉醬多莉亞肉醬茄味突出，配以海量的芝士，味道非常濃郁，每次都是必點自選。意式菠菜伴煙肉水煮的菠菜，配以黑胡椒和煙肉的味道，吃下頗為惹味。由於其他菜式都用到白汁，此菜式能帶來一點小清新。焦糖布丁布丁水準依然保持到，吃下便出現了中學的種種回憶。香滑的口感和雞蛋的香味為此餐畫上一個完美句號。性價比高的連鎖餐廳，經濟之選。7/10

今次午餐同屋企人去左美林邨的薩莉亞蒜蓉包有驚喜，香脆很好食試左推介的新菜式芝士白汁焗肉丸，雜菌和肉丸都很香口，肉丸很淋配合芝士白汁一流。但係佢新出嗰香煎牛淋扒就一般，啲肉很硬，有待改善

探朋友順便下午茶在屋邨的「薩莉亞意式餐廳」，黑椒蜆肉鐵板煮很吸引，蜆肉是温吞，鐵板煮祇是虛有其表，黑椒蜆肉其實是油鹽水蜆肉，多沙吃得不爽，$19一份價廉的黑椒蜆肉鐵板煮，我也無言，惟有沒有下次翻單。鐵板燒雞辣腸雞球配照燒汁則很不錯，燒雞扒皮烤得很脆，加$16有白飯、沙律與飲品吧都非常抵食，還有加$12的意大利布甸，冰凍甜美的分享，少吃多滋味。朋友的水牛芝士薄餅外賣。好壞參半的下午茶，沒有加一服務費。

屋企附近嘅美林商場最近開咗薩莉亞意式餐廳，我梗係第一時間落去幫襯下，今日我就試咗青醬蜆肉意粉，澳洲牛林肉扒配多蜜醬，榛子脆餅冰雪蛋糕。意粉不會好冧，煙韌有彈性，配合沾滿青醬同埋好新鮮嘅蜆肉，食到停唔到口。餐廳燈光柔和，座位舒適。 

星期日晚上和家人去了美林商場一間新開的餐廳吃晚飯，入到去有驚喜有自助水吧任飲，打開餐牌種類十分豐富。價錢很親民，份量足夠，食物質素一啲都唔差有驚喜，十分好吃性價比超高，一定會再去食。特別推介意粉系列，意粉軟硬度適中，種類多，一啲都唔馬虎。PIZZA都很吸引，種類豐富。雖然要等位，但係好快可以入座。服務員態度良好，餐廳座位十分舒適。羊架60幾蚊有三大塊十分吸引甜蝦沙律數目一啲都唔少特別欣賞牛奶忌廉雪糕很香滑一定會再試

美林新開薩莉亞當然要試下！環境開明闊落，感覺舒適。（但竟然食到肚疴？）黎到薩莉亞，最鍾意食嘅就係明太子魷魚蝦仁意大利粉。另外仲叫咗農舍薄餅、脆脆蝦、煙肉菠菜。同其他分店水準一樣，明太子魷魚蝦仁意大利粉都係一樣咁好食。不過送上嚟就一啲都唔會覺得係熱辣辣，只係暖暖地。但味道我係好鍾意嘅， 鹹鹹香香又 creamy嘅明太子醬加上海鮮，幾好食。至於農舍薄餅，餅底硬但又唔係脆口個種，有啲韌同唔新鮮嘅感覺。有蕃茄汁、菇、洋蔥、芝士嘅味道，但每個味道都唔會話有好香好突出嘅感覺，整體就係好普通。而煙肉菠菜就普普通通啦，有好重黑椒嘅味道。菠菜係煮得好林幾好食嘅，不過應該叫反芝士菠菜會好食啲。脆脆蝦炸皮偏厚同硬，但當 小食咁食下加上佢價錢非常便宜，都值得一叫嘅。番外篇：我同家姐不約而同地食完之後都肚疴。唔可以寫包單話係因為呢度嘅食物而肚痾，但我哋分析過呢個係最有可能嘅原因，因為大家共同食過嘅嘢只有呢度個農舍薄餅。 但由於都無法確定，所以大家自行判斷啦。總結，以呢個價錢，食物其實真係好抵嘅。（但有冇肚屙就另計啦😂）

開左一兩個禮拜都見到大排長龍，今日星期日放假11點幾落到去試下。好好彩未坐爆，即刻有位，入到去都乾淨企理。我同我個仔可以坐一個卡位。我就揀左之前食開加水牛pizza同意式蒜蓉汁肉眼扒。任飲大人13蚊，小童8蚊，但我覺得飲水已經足夠，所以無叫。去出邊斟水啲水杯都幾乾淨冇油淋淋嘅感覺。叫左單之後大概15分鐘，就有野食啦，個水牛pizza保持水準。而肉眼扒黎就煎得非常好，睇落都非常Juicy,切開都很好軟熟同好多肉汁，吃落真得很好。煎的程度大約八成熟係我中意的，但如果係中意食比較生嘅朋友就可能冇咁好啦。惠康買塊扒都要咁嘅價錢，係呢度可以煎埋俾你，我覺得個都幾抵食。

美林商場2樓的餐廳及茶館倒閉了之後，地方空置了很久，最近終於準備開三間餐廳，所以率先來品嚐一下第一間開業的薩莉亞。雞翼四隻明太子口味的意粉，有一些香草及魷魚，味道不錯，份量亦夠大。薄餅是鴛鴦口味的，左邊是辣肉腸，右邊是菠蘿煙肉。個人認為鐵板烤魷魚最好味，因為非常熱辣辣，推薦。好像是招牌菜式，呈上來的時候，還熱得滋滋聲，不過我感覺味道還好，不過不失。最後飲品任飲。值得一提的是，不知道是不是新開業的原因，員工的服務態度都非常好，按燈之後速度很快，落單清晰，收拾碗碟亦很主動，抵讚。這餐廳最出名的地方就是價錢便宜，很多住附近的很少出遠門的老人家都很驚訝，哈哈。

I was excited to try out this branch but what a disappointment. Ordered Hawaiian pizza asked to extra sauce the chef ignored my request. Pizza arrived dry and cold. I didn’t expect much as they are just newly opened. Complained to cashier but nothing was done. Portion sizes are very small, I ate 2 portions. If management is reading this please improve.