薩莉亞意式餐廳 (西九龍中心)

營業中

休息中

當一個人吃飯時，又想食得清淡及慳荷包啲，會到薩莉亞食甜蝦沙律及煙三文魚😋.🦐甜蝦沙律走醬🥗甜蝦非常多，數量之多可堆成一個小山丘上菜，肉質濕潤帶甜，拌著爽脆厚片的沙律菜共吃， 非常滋味🤤.🐟煙三文魚🐟大型超市的煙三文魚100g 閒閒地都要$30-40, 這裡的煙三文魚4大片只需廿多元，比起自己買回家吃 更抵食👍🏻煙三文魚🐟入口甘香嫩滑，最愛加入檸檬汁🍋拌著吃，檸檬的酸味帶出三文魚獨有鮮味及燻香風味

無論平日跟假日 基本上咩時間黎薩莉亞都係勁多人等位 但薩莉亞既性價比真係好貴 每碟份量都ok唔多唔少 價錢又唔係貴 最岩就係可以試多幾款唔同既選擇但我今日要推介俾大家既係我最中意既兩款頭盤 每次必點水牛芝士伴蕃茄 $17黎個係一個意大利既前菜 通常都唔見有人點 但想話俾大家聽黎個係非常開胃既前菜 水牛芝士一d都唔臭 蕃茄仔又好新鮮 食落酸酸甜甜甘 好開胃甜蝦沙律 $24甜蝦好甜 沙律好清新 個沙律醬都好好味 成個配搭都好正 係十分推介其實薩莉亞真係平民的美食天堂 所以食物都平靚正

細個時呀媽帶我來食薩莉亞，我覺得好高級，因為有好多唔同選擇，呀媽亦唔會好似平時咁只俾我叫一樣嘢，因為價錢平，可以叫多幾款，仲有汽水放題。。好開心。😜😜😜 唯一係等得耐囉，不過小時候同呀爸呀媽一齊仲有同家姐打鬧下，時間好快過。。😂😂今日同呀媽呀爸行過西九龍，呀媽突然話要食薩莉亞，個心一直諗，死啦，要等幾耐，不過好在我地去嘅時間尚早，我地都係直入。。Lucky..✌🏻✌🏻✌🏻✌🏻3個人，都叫左好多嘢，3個周打海鮮湯配蒜蓉包，足料好Creamy, 而且蒜蓉包夠熱，好香呀。讚👍🏻👍🏻👍🏻。。再來就係雞肉野菌雙享Pizza, 我覺得幾好食，不過個餅底有啲硬。。但$32食到個Half Half pizza 仲想點呢，所以好都會俾讚。👍🏻👍🏻👍🏻😜😜 到意粉就揀左我呀媽至愛既温泉蛋Carbonara ，好食不過開始有啲飽同漏，最後由一直話自己好肥好肥同唔食咁多嘢嘅呀媽清倉。🤪🤪🤪🤪 最後就係野菌忌廉意大利飯，食到呢度我己經飽到上心口，但我都儘我少少力氣食左一啖。。好香好味。但我己經漏到一個點，所以只好放棄。🤦🏼‍♀️🤦🏼‍♀️🤦🏼‍♀️ 好在我地早來，食到中段己經好多人等位，餐廳無催我地走嘅，不過我地都

未食過呢一間 今日第一次試呢間意式餐廳 卡邦拿意粉好味 意粉夠入味 唔會太咸 加隻半熟蛋好正 三文魚沙律都可以 不過三文魚可再好少少 洋蔥蒜蓉青口係最正 意大利布甸都好滑 飲品方面如果有多選擇就好溫泉蛋卡邦拿意粉洋蔥蒜蓉青口三文魚沙律意大利布甸

先唔講好唔好食如果你好似我咗lunch time 食1點至2點建議勿去否則遲到自負啲service麻麻，好機械式。啲人冇笑容，講嘢好倔。嘢食可接受，不過等太耐冇心情食

#薩莉亞意式餐廳 (深水埗)深水埗欽州街37號西九龍中心4樓410號舖～～～大舊跟小Q一向很喜歡吃西餐 可是西餐通菜都比較貴 所以薩麗亞就變成正在努力存錢的我們常去之餐廳😄這裡東西花款多 又不貴 按下鐘仔就有人為你服務 環境舒服 食物好食吃又便宜～～～「大舊」：做咩望住我唔食啊.....「小Q」：你都未切......「大舊」：唉，寵到壞曬！～～～然後大舊就開始默默地把魷魚切成第二張圖那漂亮的模樣 了 哈哈☺️魷魚軟腍又彈牙 沾上酸酸甜甜的秘製蒜汁 味道非常出色 30元都不到就可以吃到 超划算啊～～～推薦度：🔥🔥🔥🔥🔥（5🔥最高）- 性價比好高哦

又食Saizeriya真係平靚正 窮人的西餐選擇 試新野.黑松露忌廉野菌意粉🍝好香啊水準絕不比cafe差 三十幾蚊真係抵食唯一缺點係橄欖油落多左少少 有啲油.墨汁意粉🦑烏卒卒太黑嘅關係 其實除意粉外仲有魷魚圈仲有蒜香添 食完成咀黑色 真係好正.黑椒汁牛扒🥩220gSaizeriya嘅牛扒唔係煎 冇得話幾成熟但口感都可以接受 薯角就一般般了.雞翼🍗真係每枱都會叫肉質焗得好嫩滑 加上辣汁好野味一個人都可以ko得哂全部 哈哈

10:30先關門，但係10點就好似好趕收工咁！不停追比錢！問佢拎拍車優惠，就求求其其比張單我(連公司印都冇)，你間野只收現金 唔緊要，咁都可以比番張有公司印既單我啦！

呢間pizza店一開就幫襯到而家，相比pizza hut的價錢係相宜好多。兩個人叫左個菠蘿pizza、辣味雞翼同蕃茄海鮮意粉，埋單一百蚊有找，嚮茶餐廳都未必得。我最鐘意食其雞亦，夠熱又醃到好入味; pizza則焗到芝士有少少拉絲效果，唔錯的。

突然很想吃薩莉亞，於是便選擇最就腳的分店。因為知道每次吃都要等位，便先取位然後行下商場。到我們的號碼後，店員告知用餐時間為一個半小時，對我們來說也已足夠。辣味雞翼（八隻）相信有吃過薩莉亞的朋友對他們的雞翼也十分熟悉，這亦是我每次必點的一款。雞翼經過烤焗後仍然保留肉汁，香口帶點微辣，未試過的朋友一定要試。水牛芝士薄餅香濃的芝士味，配上薄身的餅底，食極不厭，芝士迷一定不要錯過。明太子魷魚蝦仁意大利粉看到菜單是新品，喜愛明太子的我毫不猶疑地點了一份。果然沒有令我失望，這樣的搭配鮮味十足，有興趣的朋友可以試下。總結薩莉亞是我心目中又便宜又好味的選擇之一，這間是第一次晚餐來食，可能比較忙碌，所以店員的服務態度也沒有很好。用餐期間，店員路經座位突然收走空碟然後急急腳行開，完全沒有言語或者肢體上的提醒，令我們嚇了一跳，這是當晚唯一不滿意的地方，但食物味道很好，也因此心理平衡些。

今天與朋友到西九龍中心去走走，多次走過此店也沒進入，於是今天試試看，為何外邊總是那麼多人在等候。繁忙時間排隊的人很多，主要是因為附近也沒有意大利菜式的餐廳，而且價錢也沒有這裡的划算，這裡是平民價位的意大利菜羊扒是很濃郁的羊味，是我吃過更重羊肉味的羊扒。沙拉的菜新鮮，醬汁是鹹酸的。黑胡椒蜆肉鮮甜。披薩比較像餅乾的質感，但可以加倍芝士。水牛城芝士薄餅，簡單芝士和蕃茄醬很惹味 墨魚汁意大利粉，炒得很香有洋蔥粒。鐵板尤魚有點厚肉和胡椒粉味道，配蒜蓉醬。這是一間不錯餐廳，台上有一個按鐘，可以點餐。

昨日同家人又去西九shopping，shopping完之後，好餓好餓🤤想搵嘢食，見到薩莉亞冇幾多人排隊就去啦，好快就到我地入去啦，點佐幾個餐，滴嘢食就麻麻地，最鍾意就係粗管面，辣味雞翼，腸仔同蒜汁燒魷魚，超正超好食😍甜品都OK，不過滴意粉之類滴就唔係幾好食啦！可能各人喜好吧！

如果佢唔係開得咁遠我屋企既話,我肯定日日去食!! 同我朋友去兩個人, 叫左海鮮湯, 蒜蓉包, 蜆, 魷魚, 一個PIZZA,一個PASTA,一個多利亞, 但係每人都唔洗150蚊就賣到單, 完全係抵到爆~!

次次去薩利亞都會食到好似放題咁，雞肉多利亞同8隻雞翼同蒜香法包係必叫，雞翼又香又辣，食到唔停口。蒜蓉包成片都係牛油同蒜蓉，又焗到好脆，好味！pizza咁多款，都係最鐘意水牛芝士。

呢間餐廳好早之前都有嚟食過幾次, 超級抵食! 每碟都係廿零三十蚊, 叫十款都唔過300蚊,除番開四個人, 每人都唔使60蚊, 咁當然就好多人排隊啦, 最推介嗰個係魷魚,雞翼(微辣),pizza, 仲有個芝士法包!!! 真係抵食抵食!!!!!而且都有好多款俾大家選擇, 前菜, 沙律, 甜品都有~ 大家睇圖啦!!!!另外要提提大家, 野飲係要另外加錢任飲, 自助形式, 以前加$8(好似), 依家要加成$13, 但飲白水就唔洗加錢, 所以我通常唔加。