薩莉亞意式餐廳 (已搬遷) 新店位置

我同老公在26/10/09上openrice 睇到呢間餐廳, 重以為今次有surprise , 8:30pm去到門口 , 要自己寫幾多個人,再聽叫number先入得(但其間我見到有人,偷偷地扮傻入去)Anyway, 我o地足足等o左1個鐘先入得. 入到去第一時間叫任飲(好好笑--o的汽水按出後2分鐘內冇晒汽) 我o地叫o左1.) Cabonara(完全食得出用o的instant power 做<難食!!>2.) 米蘭風味肉醬多利亞焗飯(我自己對牛奶有少少反感, 所以食到有點好似異味, 想嘔!!)3.) 漢堡扒 (唯一我真心覺得ok!!)4.) 雞翼 (ok不過不失!!)最後明明冇叫(墨汁意粉) , o的 Waiter 就上o左2次比我重打o左單收我錢!!!!總括來說 , 我以後都唔會去這個鬼地方 , 驚嚇程度拍得住海洋公園Hello喂......

今晚和太太去荃灣逛遊愉景新城，無意中行過中染新城商場，看見有間頗大嘅餐廳名為(Saizeriya Italian Restaurant )，睇見環境唔錯，又未試過，結果我兩的晚餐就在這裡了。走進餐廳內，地方很大，原來這裡約有170個坐位，但座位空間頗寬敞，這裡樓底特別高，地方整潔，坐得很舒服，待應們做事都很落力，服務也ok，不過斟水要自己拿。另因餐廳不設外買，所以沒有餐盒提供給顧客，因此不要叫太多食物，仍有吃不完的食物，他們亦會提供一個大膠袋給你，看你怎樣帶走？另外結帳也是要自己拿單到收銀處付款的。這裡真的很抵食，我未見過28元一個飯，賣相有這樣靚，而水準也不差呢！唯一唔好處，就是不就腳，我住在葵涌，以後都會多點去嘅！這晚我們品嚐了下列食品，結果 : 又平又滿足地勁飽的回家去！北海道甜蝦沙律，蝦也不少，蝦身細長，亦很鮮味，疏菜也很新鮮，沙律醬雖然少些，但也好好味！芝士佛西亞意大利飽，睇落無乜特別，芝士不甚濃，勝在熱辣辣夠鬆軟，好味！野菌忌廉意大利粉，內有鮮磨菇，是用忌廉焗制，食落有磨菇香及忌廉滑嘅口感，好好味！蒙特利拿芝士比薩，看似沒甚麼饀料，但食落也不錯，有芝士香味，好味！地中海海鮮

Saizeriya Italian Restaurant---墨魚汁意大利粉+海鮮意大利飯日期：2009-10-20 在"Saizeriya Italian Restaurant"(荃灣分店)買了"Spaghetti al Nero di Seppia(墨魚汁意大利粉)"($26)和"Risotto alla Pescatora(海鮮意大利飯)"($22)。現在先學些意大利文:1.Spaghetti，意思是"意大利幼線麵，俗稱意大利粉"。 2.al及alla，意思是"in、to"。 3.Nero，意思是"黑色"。 4.di，意思是"of"。 5.Seppia，意思是"墨魚"。 6.Risotto，意思是"意大利飯、意大利式燴飯"。 7.Pescatora，意思是"海鮮"。 8.Ristorante，意思是"餐廳"。 9.Caffè，意思是"Coffee(咖啡)"。"Saizeriya Ristorante & Caffè"是日本一家意大利菜餐廳和咖啡室，始於1967年，在日本設有780多間分店。2008年起於香港開設分店。1.Spaghetti al Nero di Seppia--

2個女仔叫咗9樣野，放到一枱都係真係嚇死人：1. 蝦沙律 $28 - 好多蝦仔，沙律醬較少2. 忌廉粟米湯 $12 - 好好味，好香好濃，好多粟米3. 海鮮雜燴湯 $14 - 唔得，有點古怪4. Cheese Focaccia $12 - 香軟好味5. 焗田螺 $20 - 勁多油，洋蔥太多，但可以接受，不過都係覺得用蒜蓉味會好食啲6. 焗青口 $22 - 同焗田螺個味一模一樣7. 雞翼 $20 - 又平又好食過 "必 x 客"嗰啲8. 吞拿魚Pizza $28 - 好多吞拿魚，就算冇其他配類都勁正! 不過唔知係咪因為多吞拿魚，所以餅底有點濕~9. 海鮮意大利飯 $22 - 好足料，不過啲飯實在太淋了，一啲都唔似意大利飯~ 最欣賞嘅係佢每樣食物都好新鮮熱辣咗9樣野埋單先係 $178...真係平靚正~~

上班前到此午膳﹝因同事極力推介﹞單點了:芝士鐡板漢堡: 美味呢~ 芝士一直都處於半溶狀態, 拌著流心的蛋液, 厚切的漢堡扒沾著吃....嗯~ 口內盡是濃濃的滋味蒜香佛西亞意大利包: 熱辣辣, 很軟綿綿, 能嚐出淡淡的麵粉香, 略嫌蒜頭味不夠濃跟餐送的迷你田園沙律: 夠凍夠爽脆, 味道不過不失牛肉pizza: 足九寸大小, 用其佛西亞意大利包作批奃, 鋪滿芝士及牛肉粒, 批邊焗得香脆, 正! 粟米湯: 粟米粒勁多, 很甜, 喝下整碗都飽了半成香草雪糕配咖啡果凍: 雪糕超濃滑, 但偏甜, 幸好拌著甘甘的咖啡果凍吃, 中和了那份甜味11時至3時惠顧餐牌內任何主食加$9飲品任飲自助形式很特別有汽水﹝百事, 芬達, 七喜, 健怡百事﹞茶﹝各類茶包, 香片, 烏龍, 苿莉茶.....﹞即磨咖啡.....點了太多, 結果吃剩1/2個pizza, 太飽喇.....總括而言勁抵!!!

好味道 + 抵食面包 + 主菜 + 自助任飲 = 只是幾十元，而且味道跟要消費百元的餐廳一樣只是地點不就腳而已

呢間野之前次次去都勁多人呀, 今次係專登星期一6點幾到, he~ 有位la~今次我地叫左好多野食ar......因為我honey話好好食wo.....點知...= ='' (又中招)冇想像中咁好食lor, 價錢ok 既叫左6樣野食+ 1個free refuel drink坐底一陣,叫完野食, 好快就有沙律- 蝦肉水汪汪, 菜勁多水, 因太多水,令到d汁淡晒什菌意粉- 意粉完全冇焗過就撈汁拎出來lor~雞亦- ok好味焗田螺- 只是蒜茸+田螺+勁多油, 冇特別, 什菌pizza- d料同個批味度唔match...勁飽, 但所有野好明顯求其, 冇乜誠意做d食物出來

地方夠寬敞, 卡位好大, 坐得舒適, 整潔乾淨~可能我到達時間比較早, (未夠7點), 所以一到就有位, 呢度冇時間限制, 加上有任飲服務, 眼見好似我鐘意傾住計慢慢食飲多幾杯野方死唔蝕既人有好多, 所以.... 出面等位既人..都要俾d耐性喇~夠便宜抵食, 咁既收費黎講, 食物既質素算唔錯架喇~ 加$13可以任飲drink bar 內既野, coffee, 奶茶,汽水,herbal tea, chinese tea, 切好既檸檬... etc其實食物okay, 每樣野都唔算係難食, 當然唔可以同高級意大利餐廳比較啦~ 咁既價錢我已經好滿意

國慶荃灣之旅--- Saizeriya Italian 兩個人點了漢堡豚肉鐵扒, 什菌意粉, 蒜蓉田螺,叫了一個$13任飲 我自己沒有叫, 因為覺得唔抵漢堡豚肉鐵扒, 跟相片相比是細份了, 味道很好什菌意粉, 頗鹹, 蒜蓉田螺, 香口, 味濃總括來說, 價格相宜 (共$94, 免加一), 環境坐位舒適 平日有下午茶餐, 廿多元 包自助飲料, 很抵 (可惜我不是住這兒~)侍應有 4-5 個, 店卻頗大的, 辛苦他們了又傳菜, 又收銀, 又做帶位

見到好多好評…黎左呢度…晚上6點…唔駛等位‥正…叫左個意粉、pizza同一個意大利飯…食完只係覺得意粉一般…pizza好厚皮…雖然係$28…不如加d錢食好d!~~~意大利飯…煮得唔軟既…好硬…得一個----【平】字! 但係唔好味…唔會再試了~~~一次足夠!service.....基本上無咩人理你~~~

用了我妹公司福利 - $370洗兩次牙的優惠, 4/9約左在中染新城間牙科診所洗牙洗完只不過八時許, 填了名在此店的門口, 加上45分鐘等候......一個人點了煙肉菠蘿薄餅($28), 芝士蕃茄煙肉焗長通粉($22), 再加飲品任飲($13), 煙肉菠蘿薄餅有成9吋, 其實兩個人食都ok, 少少香但不及西九龍美食廣場那些, 不過絕對足料, $28的價錢, 真係自從8年前由澳洲回港之後, 都從未試過吃過這麼便宜的薄餅.焗煙肉長通粉較細碟, 一人吃剛剛好, 煙肉很香口, 岩晒當年在澳洲可以10分鐘內鯨吞25條煙肉的我.最後像飽食醉, 埋單, 都只係$63.

呢間餐廳，開頭為新鮮感所以想試試，食過好幾次，唔覺得其他食評所講的咁好食，飯／意粉／漢堡扒都試過，多油而且乾身，海鮮飯嘅飯同海鮮都乾到＂痴＂晒牙，飲品淡而無味，甜品 tiramisu 不如餐牌相片中的大小, 只有半層, 唔明點解咁好評~

呢篇是我的處女食評，寫得唔好，多多包涵。呢間餐廳我同老婆食咗3次，一句講哂，飯堂之選。作為“飯堂”，即是平時唔想煮飯就可以嚟食，咁就要價錢唔貴、上菜要快、味道‘夠’好。Saizeriya在這3方面的得分：價錢 – 碟碟嘢都是廿零蚊；嘢飲任飲13蚊；冇加一；兩個人食飽基本上100蚊都落到樓。上菜 – 我嚟咁多次，叫咁多樣嘢，冇一樣上菜需要超過5分鐘，厨房效率驚人。味道 – 廿幾蚊碟嘢，當然冇話義粉Al Dente，焗飯變Risotto，沙律用火箭菜啦。但是絕對算得上是好味道（80%的時間）。唔係食咗俾完錢仲要揼嗰隻。不過，作為一間“食肆”，佢咃就要改善吓：1) 排隊的安排 – 咪當香港人好似日本人咁守規矩得ga 2) 衛生 – 地下有少許圾垃，杯亦唔夠乾淨（不過這和人手不足有關）3) 收錢 – 唔好成日要一班人喺收銀度等啦 結論：除咗要等位等好耐，我會繼續光顧食“便飯”。

上黎openrice見依間野好評幾高下...加上我都係住係格黎....所以就同左班fd去果度食晚飯都要等成半hr先有位...之後我地就入去啦...入去已經有好大陣芝士味一入到去...見到d菜單...wa 就知無黎錯...野食又平我同d fd就叫左個蜆意粉海鮮飯招牌飯仲有幾個飯=_=但係唔記得左仲叫左個cheese pizza3碟青口1碟田螺有3個fd買左個無限飲1個仲飲左6杯-_-10-15分鐘後 d野食開始傳上黎蜆意粉 good 好有蜆味 但係真係得蜆同d汁囉海鮮飯...無食 fd話幾好味招牌飯...唔洗食都知好味...拎過黎個時文到好大陣香味~ 果然名不虛傳真係招牌飯cheese pizza 正 !! 可以拉得超長田螺都幾大隻...但係無乜鮮味青口就真係正 ! 本來食左1碟...所以我今日做左青口怪，走個時仲叫多兩碟...真係好好味

途經葵涌區, 快到午飯時段, 同事問附近有乜好食, 我當然諗起近期超人氣嘅薩莉亞, 連忙用手機上網去開飯攞料, 科技發達令人真方便! check咗地址電話及問埋泊車資料後, 隨即開車去. 惠顧滿一佰元有一小時免費泊車.距離午市繁忙時段尚早, 一入門口, 只得兩三枱客, 卡座坐位舒適, 店內燈光通明, 樓底高, 開揚舒適. 餐牌上選擇很多, 前菜, 湯, 沙律, pizza, 焗飯, 意粉, 鐵板, 甜品, 飲料.... 平均都只是二三十元, 十分經濟! 還有午餐都只係$30~40. 兩個人要食夠一佰蚊蓋泊車, 倒不容易! 落完order, 侍應示意我們飲品是自助的, 啡茶檸水可樂任飲, 我就自已動手泡製咗杯Iced Capuccino, 方法簡單, 將雪粒倒入杯內, 把杯放在咖啡機的漏口位置, 按下所需味道的制, 奶泡及咖啡就自動流入杯中, 極為方便. 不一會, 午餐開始了:香蒜佛西亞意大利包 - 包是跟餐的, 睇落有d似印度naan, 不是很大件. 包身又軟又薄, 面頭灑了些蒜蓉, 味道略淡了些, 但總好過給你一個嘉頓餐包吧!蒜蓉焗田螺 $20 - 熱辣辣的碟盛着鋪滿牛油蒜蓉嘅田