薩莉亞意式餐廳 (已搬遷) 新店位置

這是從日本開過來的餐廳,。首先看去乾淨的廚房(據聞有日本總店大廚監督)、每張枱上放著小筒,用黎放賬單、自座茶水吧,感覺就如走進日本半快餐店。(不過這裡的油煙味,可謂非同小可)Anyway唔試唔知好唔好食。我地叫比杯水,侍應叫我地在出面攞,出面有茶包,有咖啡機,從menu以為已被焗+$13任飲,誰知睇番張單,都無收飲料錢。先來自家搓製的吞拿魚蕃茄pizza$28(那餅底好可能係單叫的佛西亞意大利包)。所以餅底軟綿綿,但一D蕃茄都唔見,反而吞拿魚多到啖啖都有。墨魚汁意粉$26,只有兩圈墨魚,其餘乜都無,味道主要係蒜蓉味,無什特別。其實menu圖片唔靚,實際來到,不只賣相,連味道都好似自己o係屋企的製成品……無驚喜。原本淨叫Tiramisu$15,試後覺得好好食,驚喜地有酒味,Mascarpone Cheese與酒味混值合格之上。所以即刻叫埋Cheese cake、同咖啡啫喱牛奶Gelato!Cheese cake,一灌日式、淡的cream cheese味,不過Saizeriya稍為濃D,糕身好削。咖啡啫喱牛奶Gelato,啫喱咖啡味好濃!gelato雖然唔算靚貨,不過$15有gelato食

同朋友等位既時候都心知不妙...點解明明咁多位..都未叫人入去呢!!??佢地似乎唔夠人手..原來好多張台都未有人執 意大利芝士鐵板燒雞: 雞勁大陣雪味...仲難食過普通既茶餐廳 田園雜菌比薩: 上台既時候同朋友o哂咀...咁燶都可以拎出黎比客食!!??食食下...我地仲發現佢pizza中間個層芝士根本未溶...咁焗黎做咩!? 飲品吧餐: 冇諗到個飲品吧情況可以惡劣到咁台面有水漬...d杯架係冇杯既...冇檸檬(上次黎係有..仲會refill嫁)去水位有d用完既檸檬飲管...勁污糟...點解會冇人理嫁!!!最後...同朋友只敢飲汽水..真係冇諗過呢間野會攪到咁之前(舊年十二月左右)同朋友黎呢度食過係ok嫁仲係飲品吧玩整野飲玩得好開心..唉總結: 冇下次!!!

前幾天有會員朋友說『再平也不會來』，可能這位朋友對食真的抱著太高要求；亦有朋友提過『衛生不得忍受』，不過我又唔係太覺咯；更有會員朋友說『不知所謂』，因為服務太差，這個point反而贊成，因為真的太少服務員了，忙到根本沒服務員招呼可言。不過如果好似我呢D『大件夾抵食先決』的，這間餐廳絕對岩我喇。1930在北角收工，趕入去荃灣，就是為了朋友替我慶祝生日，雖然距離真的很遠，但有好野食，走幾遠都值得。因為朋友已吃了多次，所以對他們來說已沒甚驚喜，不過對我未吃過的，就真的非常驚喜了。 煙三文魚，切得夠薄，唔錯，比酒店自助餐還好味 青口焗海鮮飯，用鐵板上，朋友讚不絕口，其實都算好味，但我就覺得普通左D，不過廿幾有咁大隻青口而且係炒底，已經好唔錯 蒜蓉焗田螺，只售二十蚊；非常抵食，下頁有會員話蒜蓉配料太多蓋過田螺味，咁我又唔覺喎.......... 辣肉腸pizza，這個pizza雖比Pizza Hut少饀料，不過食起上黎味道仲好味過Pizza Hut 的。 蒜蓉焗青口，其實味道和青口海鮮焗飯果隻青口好似，不過都OK。 只售十蚊的抹茶雪糕，亦是一個驚喜，本以為只係雪糕一舊，不過食落口好重抹茶味之

今天放假和老公去咗荃灣行街試吓果間Saizeriya 意大利餐廳, 我哋叫咗一個Pizza(波蘿煙肉), 一碟墨汁意粉和一客炸薯角Pizza 細細個都可以分到6件, 味道好過pizza heart, 食完唔會口乾, 可能間餐廳比較新, Pizza煎 pan 仲好新淨, 所以個Pizza底好香脆, 無燶味薯角亦係好新鮮薯仔炸出來, 唔會有油"益"味最驚喜係墨汁意粉, 好香墨汁味, 入面應該有洋葱, 蒜等香料, 以前食過一啲酒店嘅墨汁意粉啲墨汁好假, 係調校出嚟, 無天然香味, 而且哩度($26)就吃到墨汁意粉, 下次都會嚟食另外和老公各俾($13) Drink Bar 任飲, 都OK抵老實講，算唔差喔

一間平到你唔信的食店，岩晒我呢幾位唔太捨得食的朋友，所以這次的聚會，我毫不猶豫地選了這裡。遲到了，大家已經點好菜，坐定定等食就得。得知$13可以無限飲出面的飲品，當然不會錯過。先出去睇睇有咩飲，原來是幾款不知名牌子的汽水(除了百事)，和一部自助咖啡機。拿了一杯檸檬茶，味道是十倍甜度的雀檸，即使我呢個甜魔也頂唔順。首先來的食物是煙鴨胸，肉質頗韌，也無咩味道，要靠伴碟的黑醋去補救，是個很壞的開頭。但原來，惡夢才剛剛開始。卡邦意粉，佢就咁將意粉烚熟，加幾片煙肉和一些芝士粉就上檯。既沒有蛋香，意粉硬而不彈牙，煙肉又係唔掂，求其的放點芝士粉更是馬虎了事，這是我吃過最差的Carbonara。那西班牙奄列，似是弄水蛋般，正宗的洋蔥又冇落，反而放入青豆、火腿、冬菇絲等材料，亂七八糟。且又是淡茂茂的，忘記了放鹽嗎? 隨便加點材料就取名西班牙奄列，這是新派菜啊?Mozzarella Cheese簿餅看起來似樣，芝士幾充足，卻完全欠奉香濃味，奇怪！簿餅挺厚身的，但咬落是稔的，毫無咬口。以前在外國讀書，一鎊銀的Microwave出品比佢更好。最後來的是什錦海鮮意大利飯，鐵板上，不過一點也不熱。意大利飯的質感和

與友人黎呢到慶祝生日，４人叫左4個dinner任飲＋２個意粉＋2個牛扒：１）卡邦意粉：全晚最好食，好香，有奶味又有蛋香味，一定要食２）墨汁意粉：都好好食，仲好黑添，but都係之前o個個好食ｄ３）5成熟牛扒2份~友人大讚，好大件，食完會好飽，5成熟調較得剛好，抵食４） Dinner吧任飲4位$13：任飲13蚊一個字~!抵我覺得佢呢到的芝士意粉類同牛扒,用快餐形式來講，都很好食服務生上菜好快(雖然有寫不准帶非本店食品進食)、食生日蛋糕也沒收切餅可能係因為友人生日，心情好好，大家都幾滿意，餐廳算係好普通，但可一試。

上星期個fd生日，黎哩度慶祝~十分抵食8個人去食,食左勁多野先500蚊多d埋單~芝士比薩好食又足料~意粉軟硬適度中~(是我喜歡那種)牛扒最抵食,好香好味(但好像不夠厚沒咬感)一句字講曬,正！！下次有去開荃灣一定再去~因為其他地方好難找到便宜比薩30蚊有找呀~~~~~~~~~~~~

今日上班經過此店,發現有新午餐餐牌，所以想試下喇叫了一個野菌意大利飯set包任飲飲品~40蚊有找~超便宜野菌意大利飯好香忌廉味,d飯又香又滑~好好味感覺上,味道有改善,因之前叫的飯是水汪汪的...朋友叫了的焗長通粉也很好味不太乾也不太濕,十分適中~價錢和味道都好合理`正

朋友從日本回來，說在日本到過這餐廳，見它在香港開了分店，專程過來試下。七點入座，店內只有三四枱人客，大把位。店內裝修簡約，的確有點似茶餐廳，但乾淨企理。與其說是意大利菜，不如說是日式洋食吧，因賣相及味道均非常"和風"。一邊點一邊食，三個人點了五道菜：北海甜蝦沙律 - 賣相不錯，但整碟係一早整好放入雪櫃的，而且蝦不夠新鮮。西班牙風味奄列 - 名字叫奄烈，但點睇佢都似焗蛋。入面有紅蘿蔔、火腿、以及大大舊的薯角，味道不錯。野菌忌廉意大利粉 - 加入大量香草及忌廉，入口非常creamy。米蘭風味肉醬多利亞焗飯 - 十一個字的名字有點誇張，其實只是芝士肉醬焗飯，不過幾好食，不愧係長期人氣之選。吞拿魚番茄比薩 - 事後才發現，"番茄"好像不見了。但勝在吞拿魚夠多，鋪滿整個pizza。最抵讚就係$13一位的自助飲品餐，自己refill任飲，老實講飲不了多少杯，但給我的感覺就係唔洗就住就住，絕對值得！五道菜全部都係廿零蚊，一大班人黎食飯一流。是日埋單三個人一共$165，唔收加一。

去到門口,冇人排隊,入到去就坐係壁畫下面睇到食評話pizza上d芝士好好食,就即叫兩個pizza芝士真係好好味,拉到好長都未斷意粉一上就見到碟底d水,好易一睇就係滾水烚意粉再淋肉醬上去漢堡扒都ok,少少咸薄餅就淡淡地,要點茄汁先有味田螺好香,不過配菜太多,蓋過晒d田螺味香腸薯角,侍應上菜果陣跌左兩條腸落枱面,佢即刻入廚房拎返兩條出黎,小插曲之一係壁畫下面不斷見到好多昆蟲飛來飛去,有d仲降落係壁畫度,當機場咁用=,=""價錢海嘯價,質素見仁見智,衛生不得忍受

話說3月1日同老公去哩度試新野，點知大排長龍心諗，要試好野等下無所謂~但發現打尖情況＋分十分嚴重又無店員控制情況，激死人好明顯員工不足吧.....因為望入去見到身穿圍裙的廚房員工，要幫手出餐和招待客人...場面十分古怪.......不時還有人從廚房衝出去收銀...相信也是廚房員工整間舖面運作得有點不知所謂......員工經驗不足，經理安排不善...服務欠佳，找了很久才有人幫忙寫單最後叫了芝士比薩，卡邦意粉和芝士鐵板雞，13蚊飲食吧X2芝士比薩：超多芝士~正卡邦意粉：忌廉汁太少，蛋太多所以唔夠滑，煙肉無味，~有待改善芝士鐵板雞：街市貨，沒意見，但配菜真係超垃圾,,,,,,,,,上菜速度尚可，味道一般，價錢便值，服務九流所以唔會再去.....哩度d價錢其實可以食到其它好野...建議想去的人.........................三思

今晚同bf黎呢度食.....等位ge形式已經覺得怪,仲要有人打尖!!店內人手極不充足帶位的人仲要做cashier, 執台,送餐入面明明有好多位,但就由得d人o係出面等裝修冇得要求,因為係平價餐廳我地叫左甜蝦salad, smoke salmon, 菜湯, 粟米湯鐵板芝士雞扒, 海鮮長通粉salad 同salmon so far so good而個菜湯真係.....我真係未飲過凍ge湯.........於是即刻叫佢換過.....好過份....湯竟然係凍!!and then個雞扒ok, 長通粉都係普通, 佢係平...不過potion相對係少

25-02-2009收工同埋肥仔,張飛同學3個去染廠食意大利餐記得上次去食都幾難食下-.-最記得個海鮮risotto,湯爛飯!如果係俾分一定俾個喊佢,但果時冇寫食評ja但今次去食簡直有進步!全部都好味嗌左4樣野,都係係我話事!正水牛芝士pizza - 熱辣辣*因為切開果時d芝士可以拉到勁長!鐵板漢堡 - d汁勁好味..如果d肉實番少少就好喇!甜蝦白汁焗飯 - 本黎都係好好食,但勁在太漏!蜆肉意粉 - 最滿意係呢個,d意粉有咬口,煮到入味!總之呢個係全晚最最最好食架喇..加多一杯$13無限暢飲埋單$124*呢餐平得黎,好飽好滿意

噚晚同bf兩個人入咗去試, 叫咗幾樣嘢:1. 墨魚汁意粉2. 雞翼3. 薯角4. 加$18配沙律+湯5. 加$13飲嘢total : ~ $90湯好稀又冇味, 唔好飲.沙律一般.雞翼少少辣, 一般.薯角唔脆, 仲好林好林, 又好乾, 好難食.墨魚汁意粉淨係有意粉, 有d蒜蓉, 再加墨魚汁撈均, 好難食. (自己喺屋企用罐頭湯整仲好食)飲品淨係得汽水, 茶包, 咖啡奶茶揀.兩個人就叫咗呢幾樣嘢啦, 當然係唔飽啦, 但唔會喺呢間嘢度再加嘢食囉.

第一~佢真係好平$22蚊有一個意粉~真的平平時lunch~附近有工廠放lunch~會係一個好的選擇又或者上面d學生放lunch嚟食都ok不過~對稍稍有要求的人來說~真係............................$13 可以任飲餐茶汽水~~豪出嚟啦~叫了一個$22的蛋汁煙肉意粉失敗......................乾...煙肉好似啱啱蒸左一陣~仲係粉紅色的同italian tomato真係相差太遠了!!!!海鮮意大利飯係意式湯飯呢?好似將d湯就咁溝落d飯度~d湯仲要太稀!!!稍稍正常的~係久等了的牛肉pizzapizza係"正常"~牛肉很厚粒~但一塊pizza只有1至2粒牛肉食完~男友已經劣評如潮....而且最大件事係~佢仲未飽...咁叫多個鐵板薩莉亞酸菜雞扒啦嚟到....一個雪雞的樣子...都唔緊要啦所謂的酸菜~係炒洋蔥粒..............................................西蘭花又燶左...........無言必定...冇下次....咁大間舖....都唔俾多少少誠意...不如唔好做晚市