藤椒知味

營業中

休息中

位於觀塘的「藤椒知味」是不少打工一族午餐的熱門選擇，早前聽同事介紹，這次特意前來一試。餐廳主打藤椒特色，菜式以米線和小吃為主，價格親民。這次點了雙拼藤椒米線（五花肉和牛肉）、配藤椒魚皮，以及兩碗冰粉，整體表現中規中矩 🧐雙拼藤椒米線的份量正常，湯底帶有微麻的藤椒香氣。值得一提的是，餐廳提供藤椒醬料供顧客自行添加，能讓顧客根據個人口味調整麻香程度 ❤️五花肉和牛肉的質感都算過得去，雖然沒有特別出彩，但也不至於失望 🙈🙈藤椒魚皮則是一個小驚喜，魚皮口感爽滑彈牙，藤椒的麻香味道恰到好處，吃起來十分開胃，是整餐中最讓人滿意的一道菜 😋 最後叫了兩碗冰粉，選了提子和黑糖口味，冰粉質地滑嫩，配料簡單但作為飯後甜品十分解暑，價格也相當實惠。以人均$60-70的價位來說，「藤椒知味」整體屬於經濟實惠的選擇，但未至於讓人頻頻回頭光顧。

呢間已同朝為主打嘅麵食都開咗一段時間，一冇諗住試，首先我唔唔係好食得辣，亦唔知藤椒係就係咩嚟，但最近有同事食過話好掂，今晚收工就叫埋我去試。我叫咗個藤椒雞扒加香煎豬頸肉雙拼，滋味藤椒湯底自選米線，飲品係一杯好特別嘅凍生椰抹茶，食物賣相都幾唔錯，尤其是嗰杯綠色飲品，好香椰子味，幾醒胃，個米線亦都唔錯，雞扒同豬頸肉都醃得幾入味，夠腍，呢度有配料畀客人自己再加，嗰個藤椒醬真係幾好味，但唔好落太多，會令到湯底偏鹹。

廚房係咪未訓醒？生到咁都可以煮比個客？打去餐廳要求回覆，員工仲要態度極差話平台咪退左錢比你囉就收線退左錢大晒？不如我比返錢你同我食晒 d 生雞肉佢啦？普通人食到生雞肉都可能會屙嘔肚痛我仲要係一個大肚婆，食到生肉對bb影響可以好大我會保留對呢個餐廳追究既權利！垃圾！

半年前開始幫襯，每星期都會叫一次外賣，一開始覺得唔錯，雞排夠大，跟餐凍啡都唔錯。最近幾次幫襯，雞排味唔同咗，難食咗唔識形容浸味，又細塊咗👎🏼 杯凍啡難飲到倒咗，超級甜。再幫襯俾多次機會叫凍奶茶，一樣難飲到倒咗，今次係無落糖加勁水。我明係食米線，飲品要求唔應該太高，但個餐又唔係平喎，食物又唔係出眾，杯嘢仲要唔係難飲咁簡單，係直情入唔到口🤮至於碗米線，試過酸辣湯底，無酸味唔啱我個人口味，今次都係叫返藤椒湯，米線煮得太淋，唯一滿意係雞翼，其他真係唔得

今日lunch同左同事去試吓依間藤椒滋味，樓面都幾光猛，地方幾整潔，我叫左碗藤椒鮮魚墨丸米線，一定要講，個湯真係幾好味，唔會好重味精嘅感覺，個藤椒醬先係重點，好香！米線的口感非常滑順，煮得剛剛好，彈牙又不黏牙，搭配上湯底更是絕配。更重要的是，藤椒帶來的香氣和微微的麻感，恰到好處地增強了味覺體驗，讓這款米線不再單調，而是充滿了驚喜。魚片不過不失，墨丸都是一樣，正常發揮。重點係肚餓嘅朋友要去食嘅，因為相當大碗！今日我去了一間餐廳，品嚐了他們的藤椒魚片米線。這道菜給我留下了深刻的印象，滋味獨特，讓人食指大動。這頓藤椒魚片米線的整體味道讓我感到非常滿足，無論是熱天還是冷天都非常合適。而且，進食過程中麻香的滿足感讓人忍不住想要再加藤椒。總的來說，這次的用餐體驗令我非常愉快，絕對值得推薦給喜愛米線和海鮮的朋友們。如果有機會，我一定會再回去品嚐更多他們的招牌菜。

食咗幾次好好食，成為我米線最愛選擇之一。金湯好食過藤椒湯，藤椒湯覺得辣同埋個湯底分開，而且有啲清淡。反而招牌金湯有驚喜，加上水煮牛肉同墨丸都好食唔錯！會推介身邊朋友同埋同事食，而且外賣自取又有優惠另外豬頸肉就比較乾身，所以試食咗幾次特別鍾意佢嘅水煮牛，或者係雞扒都OK。平時食其他米線店食到悶悶地，我覺得呢個係一個好好嘅選擇，而且下午茶仲可以減錢同埋有飲品包。路程都好方便所以見佢新開應該支持一下。好味好味。

一向鍾意食米線🍜又鍾意食椒香麻辣嘅我 之前見到social media咁多介紹 就bookmark咗「藤椒知味」 諗住睇吓邊日去開觀塘牛頭角果邊就順便去食！今日終於有機會 但換嚟嘅只有失望🤢大約一點去到餐廳 因為係食飯時間所以都滿座 但店員見我一個人都好盡力幫我搵位！我好快就揀咗想食嘅自選雙拼米線 因為藤椒慕名而來嘅我 當然係揀咗知味藤椒湯底配藤椒雞扒同埋藤椒牛肉 跟餐飲品就揀咗熱芋泥茉莉厚乳 最後仲加咗個紅糖糍粑🥰一開始上菜嘅時候覺得份量好多 好足料嘅感覺 但食落就知中伏😢 首先知味藤椒湯底只有好淡好淡嘅藤椒味 對於重口味嘅我嚟講係接近無味 唯一可取嘅係枱面上擺咗藤椒醬同花椒油 加咗大量之後終於放得入口😢 藤椒雞扒嫩滑多汁 但又係完全無藤椒味 同一般雞扒一樣😢 而藤椒牛肉同樣係完全無藤椒味 仲要好韌好多筋😢 而熱芋泥茉莉厚乳淡而無味 感覺上係奶粉溝咗好多好多水 飲落好似芋頭水😢 最後紅糖糍粑唔夠脆又唔夠煙韌 就好似普通煎年糕😢 一向珍惜食物嘅我都唔想嘥quota 最後食淨一半就埋單走人😢😢

2：30下午茶時段去，唔係好多人，叫咗個雙拼米線減10蚊，揀咗焦香五花肉同孜然雞翼藤椒湯底，嘢飲要熱芋香茉莉厚乳。五花肉有煎過，雞翼嚟到時佢話因爲細隻所以畀多隻我，咁原先得一隻雞翼好似少得滯喎🤔 食第一隻雞翼時覺得好食，唔知係咪啱啱炸起皮脆肉嫰，可惜第二隻可能擺咗一段時間，食落有少少un。藤椒湯底冇乜印像，特别在枱面有藤椒醬畀你加。至於嘢飲，我唔知係咪買返嚟嘅芋泥，喺杯度好似唔係好勻一pat咁，飲落就只係一般。最後試咗紅糖糍粑，第一次食都ok。

見social media有人介紹觀塘巧明街開左間主打藤椒湯底嘅米線鋪頭，作為米線愛好者一定要去試返次。佢地嘅配料湯底款式比其他連鎖米線鋪少選擇好多，咁我就叫左個藤椒魚片魚丸米線，唔知係店員漏問湯底嘅辣度定本身已經set死左冇得加辣或減辣🤔湯底辣味對我黎講可以再辣d, 但對唔識得辣嘅人士會覺得好辣，魚片滑滑dodo好好味😋魚丸就冇咩特別

唔好食，服務態度又差今日第一次試依間嘢食咗一個手撕雞，感覺味精好重蒜泥白肉得辣味唔香仲有試咗個甜品，感覺上係啲已製嘢，然之後幫你翻熱個飯就好少少，不過都係得啲汁有味叫咗杯石榴凍檸茶好重化學嘢味最慘係服務態度好差，啲阿姐完全唔會幫你follow up呢間嘢真係有第一次冇下次😵😵😵😵😵😵😵😵😵😵😵😵😵😵😵😵😵😵😵😵😵😵😵😵😵😵🥸🥸🥸😵😵😵😵

本人跟朋友一共二人點了撈米線、片頭飯以及幾個小食，全部味道中下。我們用餐其間服務極度奇怪，有侍應會主動問味道會不會太咸，我們給予了誠實評價後又無動於衷。最無奈我們遇到有另外有客人用八達通付款時有重覆付款記錄，餐廳員工只顧自己有沒有收取款項，沒有為客人作任何跟進，感覺對客人差劣。

繼續搵食🤤🤤🤤🤤🤤一向喜歡麻麻辣辣所以見到藤椒即刻要試一試😯真係唔錯喎叫了一碗藤椒魚片米線一開始覺得唔係好夠未，所以加左鋪頭自製既藤椒醬，店家寫明加少少好啦，太多會鹹嫁所以加左一大羹就算了🤣😂😂😂😝但加左呢一𡙡就不得了全碗米線食晒因為太好食了個藤椒醬麻香辣適中唔會過鹹，又唔會過麻，又唔會過辣，正👍🏼同事叫左個藤椒撈米線就唔使額外加藤椒醬，味道剛剛好另外我地仲加左個口水蓮藕，爽脆可口唔會太辣，好食🤤🥳觀塘真係好多不錯食既小店👍🏼

同事話觀塘巧明街新開咗一間米線店，已藤椒為主打，今日午飯時間就過去試吓，叫咗碗藤椒雞扒、孜然雞翼、墨丸米線，雞扒夠晒大件，雞翼嘅孜然味唔算濃厚，但雞皮好脆好香口好好食👍湯底就好普通，藤椒味較淡，麻的感覺一點都沒有，價錢算合理。

夜晚收工嚟到觀塘, 見門面幾乾淨就同老婆嚟咗食。後來睇食評先知一個正評都冇, 所以想幫手評一評。正如開頭講, 內在環境同門面OK, 起碼啲位夠闊先。藤椒湯底夠辣夠咸, 難以相信有食評話淡而無味。由於係夜晚食, 人唔多, 食物冇等好耐。兩碗米線點咗四款餸: 五香牛展: 好少, 而且好薄焦香五花肉: 香口, 咸咸地幾好食藤椒牛肉: 牛肉入味, 而且幾滑, 但份量可以多啲孜然雞翼: 好食, 炸到脆卜卜雖然當中有個餸比錯咗, 但老闆主動送返比我哋, 店員都幾有禮貌。飲品就普通, 都知係溝出嚟, 但熱飲係免費送嘅, 都唔要求太多。

1. 藤椒牛肉香腸飯藤椒牛肉好潺，香腸以為係中國北方鹹香腸，點知類似廚師腸。2. 酸菜魚墨魚丸米線勁咸，得死咸冇其他味，魚同米線都好一般。3. 蒜泥白肉冇蒜泥，啲肉又鞋又厚。4. 紅糖糍粑得好少紅糖，啲紅糖汁好油，完全掛唔到落個糍粑度，啲糍粑好脆，脆到好硬。5. 飲品奶茶都正常，熱杏霜就好淡。總之就係俾錢買難受😞😞😞😞😞唯一好嘅係，啲店員服務態度都幾好，只係竟然將廚房洗碗嗰個盤放咗喺我哋枱面😂😂