蘇廬

營業中

休息中

尋日介紹完大澳懷舊冰室，而家同大家介紹一間大澳慢活咖啡店：蘇廬。走到店內，你會見到一些跟基督教有關的書籍及文字，相信店主一家是基督徒。店內環境一流，坐在棚屋便可以望到大澳的棚屋和河流，能夠遠離香港繁囂是最好的選擇。坐低後叫左一杯Ice Drop Coffee Black，慢慢飲睇下書咁就坐咗一個鐘，佢地既咖啡真係唔錯，同埋佢地有熱食，食住野吹下海風都好寫意，大家黎到大澳不妨一試佢地的咖啡。（同埋長者既話一杯只係$25）

放假諗住去大佛同大澳行下本身都無aim lunch去大澳邊間餐廳食行行下就見到呢間餐廳裝修幾特別 所以就亂入左試下入到去原來係坐係室外露天位置 可以望到山 棚屋同埋啲去睇白海豚既艇係側邊來來回回咁開過我地叫左兩個set係包一樣野食同埋一杯野飲牛肉蝦子麵味道不過不失 唔會好鹼水 牛肉唔會好硬熱精品咖啡都幾出色 幾濃咖啡味 啲咖啡係老闆黎到個位先即刻倒落個心型雙喜杯總括黎講都幾推介假日黎呢到chill下👍🏻👍🏻👍🏻

今日同朋友去行山由東涌出發，終點就係大澳， 但係今日落雨，本身都諗緊繼唔繼續好 ，最後決定行埋落去，咁辛苦來到大澳 ，梗係覓食一番先走la😄😄😄呢間Cafe好有feel, 可以坐室外，望住大澳獨有嘅水上屋嘆咖啡，可惜嘅係今日天氣咁差，如果好天一定坐全日唔願走!咖啡係精品咖啡，老闆好用心沖泡， 最欣賞係呢度用嘅咖啡杯非常特別，咖啡配嘅小餅乾都好好味呀，唔知係咪佢地自家烘焙嘅呢??另外叫左呢款三文治小食，好清新，下次再來大澳我一定幫親呀😄

星期日去行山 東涌行去大澳一早計劃到大澳 要去飲咖啡聽朋友介紹過 所以決定一試男友點了Hand Drip Coffee我點了Speciality Coffee 口感好滑 但是有點甜 *店員提醒我 下次可以叫without sugar 他們服務很好 本身我們不是坐近海邊 之後願意幫我們轉位置休閒渡過一個下午

去大澳又想坐低chill 下，望著條河，可以去呢度。好多人以為淨係酒店個邊先好chill 好環境，但是其實嗰邊都遠，所以如果想喺返大街呢邊，可以選擇望住條河的兩邊餐廳。我地那天行山入大澳，由東涌起行就三個小時到大澳。到左當然要醫肚。我地想簡單d，不用大魚大肉，所以食呢間輕食的。叫左雞翼公仔麵，當然，份量不多。食light d 的就呢個，行完山吾想食太多。最好味係飲杯野，又熱又健康。分別是蜂蜜柚子特飲同埋蜂蜜生薑特飲。尤其係喺冬天行完山，啲風吹埋你都有啲涼，飲呢啲特飲就最好啦，好過飲咖啡。上次我同朋友去，呢間餐廳唔會趕客，俾你坐幾耐都得，仲有最重要的是你知道大澳其實好難搵廁所，一唔係就去啲比較污糟啲嘅洗手間。喺呢間餐廳食嘢，就可以順便去埋洗手間，因為呢間餐廳的洗手間很乾淨。

環境環境一流，可以望到大澳的棚屋和河流，以及旁邊的高山。假日來這裏食件蛋糕，飲杯茶或咖啡，實在是在香港遠離繁囂、慢活的最佳選擇，令人身心放鬆。十分推介！ 料理一杯飲品+一件蛋糕 $95一杯飲品 $451）凍精品白咖啡 評分：9/10凍精品咖啡十分香，咖啡味在口中停留很久，是一杯值得推薦的咖啡。2）花卉茶（野菊子、桂花） 評分：7.5/10花卉茶算香，味道不算很淡，但當日天氣實在太熱了，所以飲花卉茶實在是熱上加熱。左：花卉茶右：凍精品咖啡3）New York cheese cake 評分：8/10Cheese cake的檸檬味較突出，是意料之外，但這個檸檬味令蛋糕不會很流口，反而想繼續食落去，配飲品和這個景色一流！ 服務態度店員很親切，會主動打招呼。我亦見到有店員和旁邊的顧客像朋友一樣聊天，有講有笑。店員耐心地介紹咖啡，分享了他如何發現這間cafe。店主和店員都是用心服務的。

難得天氣好，涼涼地，去大澳行下路過見環境唔錯，入去坐下食少少野入到去見到好多外國人添One drink + one cake / food : $95Latte 咖啡味香淳，奶打得好滑雞翼蝦子麵雞翼醃得好入味，好好食！但都唔及個蝦子麵，麵條入面見到有蝦子啖啖都係蝦子味真係好正呀！仲有個湯底，個湯底好清甜，食到最後湯都飲埋加左 $50 要個自家製 Apple crumble 加雪糕Apple crumble 入面有好多蘋果肉雪糕有杏仁粒，食落好有口感估唔到咁好食啊！！！

一間讓人好舒服 好放鬆既一間cafe 每次去大澳 幾乎都會去坐下 飲下咖啡 佢地既精品咖啡好好飲 大家不妨試試 環境清幽恬靜 露天位置看到大澳主要航道 看看船隻來來往往 好寫意 是都市人遠離塵囂既好地方 也適合一家大小 放鬆放電的佳選！食物方面 因為係家庭式經營 款式唔太多選擇 但食物質素不錯 我點了瑞士雞翼及咖啡 他們用雙喜心型咖啡杯 富有特色 cafe店內有擺放大澳特色擺設 及有大澳特色明信片 寫好後可代寄 服務態度十分殷勤 樂意介紹每款咖啡特色 下次再黎大澳 一定會再光臨

Iced Drop Coffee口感醇厚 aftertaste好濃烈味道停留喺口腔一段時間 如果略嫌苦的話可以攞起杯邊既橙皮蜜餞🍊🍊一口咖啡一條蜜餞慢慢緩和咖啡既苦澀味道 再搭配附近既環境👉🏻完美🤤好想坐耐啲添☺️

平時生活節奏太急促，今日黎到大澳之行真正放鬆及洗滌心靈。去一個既熟悉又陌生既地方遊覽，細味香港漁村情懷。走過大街小巷，家家戶戶都係開住門的，睇黎治安很不錯呢～鄰居關係不見大城市既冷漠，大家路過問句好，又可以開始閒聊。同人吹水，係我最愛做既事呀 XD 周圍撩啲公公婆婆街坊傾計。畢竟在地人食既、做既先係最地道麻～嘻嘻黎到大澳必定要拜訪既餐廳在我wish list上有3間：1) 炭燒街蛋仔伯伯2) 水上屋餐廳-即係今次介紹既蘇盧3) Tai O Lookout (請看下一篇食評，不去會後悔）好可惜炭燒街蛋仔伯伯今日無做生意，根據街坊所述可能短期內未必會開檔(？) 有待求證好多年前食過，炭燒風味真係無人能比，淨係火侯同風味已經嬴曬機製雞蛋仔成條街，回憶永遠都係最美好既，所以今次食唔到我都無太失望吧～講完第1樣，而家正式講蘇盧啦！喺餐廳門口已經聞到咖啡香，門口放置左咖啡豆同名信片等等，除左用餐外仲可以睇吓紀念品呢～冰滴咖啡與咖啡豆一入到去～就係我一直期待既景色啦！當日天氣超級炎熱，烈日當空既情況下行到過黎已經汗流浹背。但室外位置開左大大既太陽傘，位於河邊不時有清涼既風吹過黎。就算坐戶外都好舒服好

入到黎大澳 我覺得要黎呢到嘆番個下午茶環境靚 又夠清靜Ice Shakerato 冰搖濃縮咖啡 $45呢杯係好有層次嘅一杯咖啡個Expresso 係打左好多空氣入去令杯咖啡產生左好似cappuccino ge 泡泡咁💖咖啡唔會太酸或太苦 飲落順滑易入口👍🏻👍🏻👍🏻真心值得推介 雖然價錢唔算平 但個境同杯咖啡已經值番曬😌😌Affogato 意大利咖啡雪糕 $65呢個Affogato 有一細杯Expresso - 比你細味Expresso 嘅原味 濃厚嘅咖啡味 帶小小酸 但唔會太苦澀😌平時唔飲得Expresso ge 我都覺得幾正😊😊😊同 一㩱Expresso - 比你可以倒落杯雪糕到 品嚐冰火交融嘅滋味👍🏻👍🏻😆Black with tonic $45呢個係好似檸檬味嘅tonic mix 咖啡 口感幾特別 係未試過嘅味道 係好飲嘅👍🏻蘇廬呢到除左咖啡好有特色好好飲之外 呢到嘅甜品都好正嫁🤤🤤- 意大利芝士餅Tiramisu 好smooth 咖啡味比較重 好味👍🏻👍🏻.-紐約芝士餅New York Cheese Cake有少少檸檬味 感覺清新唔會太膩👍🏻😆.-木糠布甸Seradura 有好

今日同女朋友去大澳郊遊～行到咁上下女朋友話攰就想搵個舒服嘅地方坐低飲杯野。記得呢度有一間飲咖啡嘅環境唔錯，咁就帶咗佢黎呢度喺呢度可以望到大澳嘅景色，見到啲觀光小艇喺度行，有時遊客仲會同我地打招呼！女朋友坐得好開心，話有真係去咗旅行嘅感覺我哋叫咗兩杯凍精品咖啡，同埋秘製汁雞翼咖啡層次幾豐富，絕對唔係一般cafe貨色，飲得出老闆用心。秘製汁雞翼比較似瑞士雞翼，煮得好入味之餘，雞肉依然嫩滑，唔錯如果入開大澳，又想坐得舒舒服服飲下野睇吓風景，呢間Cafe相當唔錯

同友人行山由東涌到大澳。到達後便找一處地方坐低唞一唞。朋友帶我去一間有露天座位超好feel 環境的Cafe 用餐。呢間餐廳的名字叫Solo中文名叫蘇廬。因為老闆姓'蘇'。看看餐牌發覺有幾款中式亦都有西式選擇。極速選了兩款Tea set. $95/head 雞翼蝦子麵配熱蜂蜜柚子茶另外還有意式脆多士一碟有三件。食飽飽充滿活力。靜靜坐欣賞周圍的棚屋風貌，嘆著一杯一件看著小艇穿梭往來於大澳棚屋水鄕之間，真的很爽啊！👍🏻

一朝早同男友去行山由東涌行去大澳，行到腳仔軟，就搵個地方坐抵唞一唞，男友帶我去呢間"蘇㿖"有露天坐位，超好feel吖！其實呢間嘢無乜主食，飲品丶小食為主，我叫咗一個桂花茶同蕃茄多士，杯桂花茶好香，番茄多士好有特色，有新鮮蕃茄外，仲有啲香草及果醬嘅物體，口感好特別喔！

2年前住過1晚二年后, 2016再度重來同友嘆咖啡用靚景將我的心偷有點肉麻不要緊來個意大利雪糕咖啡65蚊，收費鮮明冰柚子茶友人再提醒後面景觀好 堪賞玩我的微酸黑咖啡65元包無敵景色45元最低消費極高享受食色情景每樣都很快感秀色可餐連洗手間都文化滿意價錢?見仁見智！！