蘇潮韓海火鍋私房菜

營業中

休息中

大鴻輝一向出名多餐廳，偶然發現位於頂樓有間私房菜，一入店內同其他樓層放題熱鬧氣氛唔同，呢到係走比較高格調同優雅的路線，獲安排坐窗邊卡位，望出去一流的城市美景！我地2口子叫左一個雞煲，一份手切牛肉，一個菜籃！人均$300左右，但覺得物超所值！先黎自己混下醬，一般蔥蒜辣椒之外，仲有個XO醬幾特別的！必試大檸茶，茶底好正！雞煲個醬汁唔錯，唔會死咸同得個辣字，仲保留到雞的鮮味，同洋蔥的鮮甜！牛肉都好高質！

26／11 經openrice訂了四位中午飲茶， 當天是第二次去， 第一次去飲茶是十一月中，因為樓下派傳單見有點心吃，而且惠顧滿 ＄100便可以成為會員，下次光顧可免費送 贈蝦餃一籠， 所以很快便帶朋友再上去幫趁。餐廳環境寬敞，觀景開揚， 確實是三兩知己良朋共聚的好地方。但當坐下後問服務員，她說暫停供應“ 贈送蝦餃一籠”，覺得有點愕然， 不過她有另外一個 offer ，就是蝦餃配一樣指定點心就＄40， 就此作罷。 一星期後我上openrice查看紀錄， 餐廳的紀錄是我缺席了， 所以得不到積分， 感覺有點氣憤。 平心而論 ，餐廳環境和食物都值得推介，但有點不滿他們的經營手法。

如題朋友生日見佢有得包房打邊爐+唱k+有麻雀枱，book左12位去食啦。一去到已經聞到好大陣渠味，叫左staff入黎睇睇，佢就聞左兩下之後先拎左幾個細嘅香薰座入嚟，但完全無用蓋唔過啲臭味。其實房入邊已經有兩部好大嘅抽風機/空氣清新機開大左，但都無用。成餐飯就係聞住啲惡臭咁食，有問過可唔可以調房但佢話全部full晒。野食黎講就普通，價錢係偏高，食物質素完全唔值呢個價錢。可能加埋臭味食咩都會難食左😅 最尾同佢講左一大輪先比左個9折，埋單都要7694，人均642。絕不推薦。

約左好耐冇見嘅朋友食飯聚舊，坐lift已經被個夜間吸引埋，入到嚟覺得整體環境好好、寬敞完全唔逼擠，啲staff又好好service!重點係全單七折之餘啲餸又唔馬虎，性價比高！值得推介BTW廁所亦都好乾淨

置身繁忙的都市，難免有煩心瑣事纏身，但也要及時調整情緒，享受快樂時光！我跟朋友都喜歡到這間火鍋私房菜，這裡不止可以享受美食，還可以高歌一曲，麻雀聯誼，盡情的放鬆！地方超級寬敞，坐得舒適，服務nice，擁有多間豪華包房，麻雀房！多款火鍋湯底，刺身可以選擇，小吃特好吃的！必點湯底很多，我原本想點花菇鮑魚鵝掌煲的，誰知道原來要提前3天預定，最後點了個胡椒鹹菜豬肚鍋，暖煖胃，湯底口感獨特，豬肚份量足，脆爽彈牙，層次豐富，適合經常喝酒熬夜的朋友！上等手切安格斯牛小排，肥瘦分明，肉質鮮嫩，口感軟韌，每一口都是風味濃郁，牛味十足！什錦刺身拼盤，色澤鮮亮誘人，肉質細嫩，口感鮮美！這家牛胸爽超好吃的，口感：脆而爽口，韌勁十足，不肥膩菇！另外脆皖魚骨腩，椒鹽三文魚頭骨腩都是小華華推薦的喔！

話說有次朋友說，帶筆者到大鴻輝那坐大厦吃火鍋，筆者第一句: say No, 原因是，不想在大堂排隊坐升降機，更唔願意兩個鐘頭任食，筆者一向覺得，與朋友飯局，食一餐少一餐，好好享受每次飯聚時光，為何要匆匆趕趕之下，兩小時內，草草了事完成一餐飯？朋友笑說叫我冷靜啲⋯⋯於是筆者就跟隨著一起上路。這店在大鴻輝21樓，幸好在人氣任食的另一邊廂，所以在大堂不用排長龍⋯⋯重陽節，未天黑就到來，如坐大堂中坐除海鮮外，餐牌七折。店員帶路入座時，路過見廳房都幾舒適，店員告知還有雀局，由於廳房，所以沒有七折。自助醬料Bar ,還有中華沙律小食及白飯任吃。值得一提，朋友不喜酒精飲品，店內有一大杯冰杯檸樂及檸七$36/杯，可以悠悠閒閒慢慢飲，朋友很喜歡，但筆者忘了拍那大杯飲品。但這免費的下酒小吃:中華沙律、麻辣豬耳及金錢肚雖然少少哋得來有驚喜。湯底都算多選擇⋯⋯店員主動地叫在FB 內按讚，就加送潮州三寶的下酒小食。上等手切安格斯牛小排$338(大)~愛人喜歡牛。椒鹽三文魚骨$58~下酒小吃，不錯。鵝腸及黑魚膠筆者欣賞店內有一角落，是方便講電話，如大堂大過嘈吵的話，可以走到這角落，還有一張梳化椅，方便傾電話之用。

呢間如果keep住OpenRice訂座有七折我應該會次次打邊爐都黎呢度😙👍🏻▫️環境：坐得好舒服 Sofa位 闊落到▫️食物：新鮮 牛有牛味 湯料都唔少，今次仲有免費麻辣豬耳、牛肚、中華沙律任食▫️職員服務：保持到好好既態度🫶🏻 同我第一次黎一樣▫️衛生：洗手間都無臭味，地唔滑，出面拎野食既碗碟仲係熱既，應該滾水淥過▫️總結：平、靚、正，性價比極高我驚大家睇完呢個post之後我會book唔到位添😹😹😹😹😹😹

約左好耐無見的舊同事，當然要食好少少，又要坐得舒服方便傾下計，係op搵到一間隱世私房菜和火鍋，岩晒朋友。#精選刺身拼盤：三文魚、大拖羅、希靈魚和帶子刺身新鮮，質地鮮嫩，帶有淡淡的海鮮香氣，每一口都令人愉悅。它們的鮮美口感絕對能夠滿足刺身愛好者的味蕾。重點推介：#精選2至4人火鍋餐冰豆腐清湯底，清爽而不油膩，豆腐柔軟細嫩，湯料十分豐富，好正#美國榖飼肥牛肥牛肉質鮮嫩多汁，入口即化，帶有濃郁的牛肉香氣。在火鍋中涮煮後，肉質更加鮮美。#招牌四式拼: 手工蝦餃、雲吞、餃子和菜肉餃用心製作的，皮薄餡多，口感彈牙，味道鮮美。每一種小吃都有其獨特的風味，讓人愛不釋手。#手打四寶丸: 蝦丸、潮洲白魚蛋、爽彈牛筋丸和豬肉丸彈牙十足，口感細緻，肉汁鮮美，增添了火鍋的風味。#魚皮餃+廚師腸+ 雜菜拼盤魚皮餃外皮酥脆，內餡鮮嫩多汁；雜菜款式多，新鮮好味。#桂花蚌蚌肉鮮嫩，搭配桂花的香氣，口感鮮美，仲要份量十足，必試。整個用餐體驗愉悅，環境舒適整潔，讓人感到放鬆與舒適，朋友盛讚好👍🏻。離開時先發現火鍋單點全部七折，好化算，下次可以再來試下其他菜式。

話咁快又到happy Friday，辛苦左一個禮拜，我同朋友都諗住好好獎賞自己，所以今日我哋揀咗嚟到荃灣一間刺身火鍋私房菜食晚飯😃😃😃我哋揀咗佢哋嘅4人火鍋刺身套餐，套餐包括有：#精選刺身拼盤#冰豆腐清湯底火鍋 (可以雙併)#美國穀飼肥牛#桂花蚌 #招牌四色拼: 手工蝦餃、雲吞、餃子、菜肉手工餃#手打四寶丸: 爽彈牛筋丸、潮州白魚蛋、蝦丸、手工丸#雜菜拼盤 頭盤，頭盤係一個超正嘅刺生精選！就係三文魚腩、希靈魚、吞拿魚同帶子，食材新鮮，肉質嫩滑，每一口都鮮味十足。吞拿魚厚實又肥美，令人口齒留香。佢哋嘅希靈魚肉質緊實，有韌度，每一口都充滿咗魚嘅鮮味同香氣，食落就好有質感！帶子鮮甜，入口即溶，正👍🏻火鍋非常真材實料！啲牛丸一咬就爆出好多肉汁，真係超享受，佢哋嘅美國肥牛好鮮嫩，牛肉味好濃郁，真係令人味蕾為之一振！啲火鍋湯都好正，清甜又滋味。湯底煮得夠耐，充滿豬骨嘅香氣！而且，呢度啲桂花蚌口感好特別，蚌肉鮮甜多汁，質感軟滑，每一口都好有爽勁！總括嚟講，呢度嘅手打牛丸﹑桂花蚌﹑剌身都係一個不容錯過嘅食物！食材新鮮，多款選擇，環境舒適，絕對係一個打邊路，三五知己聚舊的好去處！

星期日朋友約埋一齊去荃灣食飯，他推薦一間火鍋私房菜（全日大廳有七折優惠）位於大鴻輝(荃灣)中心21樓，一覽無遺荃灣風景，裝修空間寬敞更提供鵲局房，整體感覺唔錯。脆金花（炸蝦丸）Like 社交平台免費～ 即叫即炸，食落去外新鮮彈牙，沾甜酸汁更顯風味。鮮椰子雞鍋（半隻）$198 ～ 我哋今晚 order咗椰子雞鍋，店員上鍋後即場加入一個鮮椰青水入湯底，呢個湯底真係好甜㗎。上等手切安格斯牛小排（例牌）$268～手切小牛小排好新鮮，肉味濃郁。脆鯇魚腩$78～鯇魚腩口感爽脆，大大件厚切，食落感覺好有肉汁。白鱔片$98～厚切白鱔片新鮮爽口。蒙古羊肉片$108～羊肉味濃。

今日同朋友黎到荃灣我地都想打邊爐，經見到呢間環境好有打卡位有自助醬料及小食區任食架清湯蘿蔔牛坑腩鍋這是一道極為滿足的菜品。湯底清甜，帶有蘿蔔的甘甜和牛肉的鮮美，而牛坑腩的口感更是讓人驚艷。肉質鮮嫩，彷彿在口中融化，讓人無法忘懷手切安格斯牛頸脊這種優質的肉品口感紮實，肉質緊實但並不乾澀，反而滿滿的肉汁讓人回味無窮。在火鍋中烹煮後，與湯底完美結合，帶出更多層次的風味香炸牛餐肉炸的剛好的外皮酥脆，內裡肉質鮮嫩，咬一口就能感受到肉的鮮美和豐富的口感。這種獨特的烹飪方式讓肉的美味得到了完美的展現芝士蝦丸這是一道讓人驚艷的菜品。蝦丸新鮮彈牙，搭配上滿滿的芝士，口感豐富，味道濃郁。每一個蝦丸都像是一個小小的驚喜，讓人回味無窮

火鍋日常🫣好似一星期一次🤣養生鍋 $198 雙拼麻辣鍋 +$30火鍋都要養生下 紅棗杞子桂圓係我最愛😋其他就係黨參補血等等嘅藥材～入面仲有瘦肉同埋雞件麻辣湯就係鴨血豆腐同辣椒為主～真係越煲越辣！上等手切安格斯牛頸脊 $268日本黑豚豬肉片 $118 珊瑚蚌 $138蟹籽墨魚滑 $98潮州白魚蛋 $36蔬菜拼盤 $88自家製柑桔蜜 $58推薦呢個飲品 仲要熱架！唔會太甜又滋潤👍好健康醬料費 $28/位出面仲有三款自助前菜 包括係中華沙律、麻辣金錢肚同埋麻辣豬耳 另外有白飯提供加一服務費蘇潮韓海火鍋私房菜 (荃灣)荃灣眾安街55號大鴻輝(荃灣)中心21樓

#港女覓食到荃灣 有陣時夏天都會想打邊爐😂見到呢間有做7折我地就試下食呢間。上到餐廳觀景開陽，如坐近窗邊位置，可以望到荃灣夜景，座位係SOFA位很闊落好好坐。夠4個人LIKE 社交平台再送你雜錦刺生併盤，唔好以為送嘅份量都好少，上枱都幾靚仔架，而且食落仲好鮮甜👍🏻佢仲有D餐前小食比你拎，正常味道啦，要留返D quota 去食邊爐料啊！✨花雕藥膳醉雞鍋(一隻) $298好香嘅藥膳湯底，醉雞食落都好入味，我地唔夠食，再叫多半隻醉雞$148。✨上等手切安格斯牛頸脊（大）$338✨上等手切安格斯牛小排（大）$338佢嘅牛上枱一望就知道係新鮮的，食落有牛味，好食~✨芫茜豬肉丸（半份=4粒）$48芫茜香氣撲鼻，都算好食😋✨皇帝菜 $68呢的時候竟然仲有皇帝菜，新鮮翠綠好食啊~以下配料屬邊爐必備😆招牌四式拼 $98香菇貢丸（半份=4粒）$36爽彈牛筋丸(半份=4粒）$36蟹籽墨魚湑 $98冬瓜片 $38脆綄魚骨腩 $78水魷 $68特級蟹棒 $68醬料費 每位$28半打啤酒 $190✨特大凍檸茶 $38真係勁大杯😂一定夠解渴解膩✨總結人均消費💸：$409/1人味道：🌕🌕🌕🌑🌑份量：🌕🌕🌕🌗🌑服務：🌕

環境大，食物正常， 調味料多，手切牛肉好食 ，小朋友都食得開心 ， 價錢唔正常，仲有7折優惠，一行6人食得非常飽，有水果送 ，唔錯.服務員態度好， 話平日額外仲有野送，門口有一個細細既打卡位

在十分多人出街食飯既5月14日母親節，為兩位媽咪準備左禮物同book左貴餐廳6:30既枱，諗住可以開開心心打個邊爐母親節前一日(5月13日)無見貴餐廳打黎confirm booking. 以為係當日會收到電話確定訂枱點知14號當日發現餐廳無啦啦取消左我訂枱，我打去餐廳問，先知取消左，聲稱昨日已打俾我，但係我翻查電話簿完全無收過貴餐廳電話。講真，你話取消左我時我真係呆左，好想喊。餐廳員工初頭都唔諗住俾返張枱我。之後話用左最大努力俾張8點枱我。不過所有野都太遲，做咩都無用。以下留返我既電話記錄，大家小心。