蘇珊娜餐廳 (已結業)

So disappointing, the steaks were bad quality parts of meat, alot of tendons in it. Also fried rice came with it, so it feels like those cheapy chinese cafes. The veg wasnt cut either, like a big leaf on the plate!!Soup was tasteless.As for the drink, i enquired whether it was English tea or HK style, and they couldnt answer either, in the end it was HK style.I think they should improve their food quality and modernize the restaurant. The plugs are still the round 3 pins.

我覺得扒麻麻地....但好鐘意個環境, 好有氣氛~~好似一間古老小屋, 有柔和燈光~~幾浪漫!!香港好少咁西餐廰....

好耐都無去西貢吃飯, 今晚扯起條根同老公揸車入去. 無咩idea剩係記得有間蘇珊娜(嗰時拍拖都去過一兩次).於是又去食翻個扒餐. 點知....都奇怪甘少人, 我哋order咗牛柳同Ｔ-BONE,七成熟. 先嚟忌廉湯,淡而無味. 心想,算啦食甘咸都冇益.但係到主菜嘅牛排就真係唔掂---老夾鞋(應該係95%熟), 肉質差(牛柳肉散,梅). 食到我無哂心機, 好彩Ｄ紅酒都OK. 最後所謂雪糕新地只係普通過普通的雪糕球. 唔知係咪我哋要求高咗定係佢退步咗.....整体來說都係一個字---差!唔會再去.

午餐牛扒配抄飯好好味, 牛扒比得上其他牛扒屋, 有肉汁有牛味, 炒飯乾身, $42唔加一, 好滿意

雖然昨日是母親節,但好早已經慶祝過,所以同Honey到西貢遊玩，晩上,Honey和我都意見一致想去吃Pasta,行了好多間西式餐廰，終選擇了這間，皆因這間店外出的Today's Special牌子寫‘拿破崙意大粉‘，my favorite , 便入了去。入了去,直覺選錯了,menu上沒有Pasta,沒有‘拿破崙意大粉‘,有的是'鐵板餐',God!今天想吃Pasta多過鐵板餐,便問了Waitress姐姐有沒有Pasta,'menu上有就有,無就無!','哪出面寫住Today's Special有拿破崙意大粉喎!','今日無o架啦!',Waitress姐姐左望右望不想理我們,'哪有無menu上沒有的Pasta?','你可以叫拿破崙意大粉,$58','好,想想先.' 本人已想離開,不是無Pasta,而是悪劣的服務態度,如果唔係Honey説算了吧! 我已不理的走了.唯有order了T-Bone套餐,沙律.以$1xx的價錢吃T-Bone,我寧願到Outback Steakhouse.雖貴了些,但値得. 埋單時,不止我們不知只付Cash,好多客人都要到附近的Bank去套現,那店裡店門前就不要有Vi

薯條不好吃, 肚裡的BB仔突然想食薯條, 於是諗著食粗既新鮮炸薯條啦, 點知好奇怪, 炸出黎唔太好食, 係夠熱, 亦冇薯仔味, 又冇咸味...HKD38.00 一盒

平日午餐只需四十二元，算係可以接受，佢的多士同羅宋湯都好有水準，至於主菜就可以選擇雞牛豬魚扒，我個人就主要食雞扒，因為曾試過牛扒，唔得，但雞扒就可以。此外，主菜可配炒飯、薯菜、淨菜及粟米菜可以選擇，這裡的炒飯不錯，我多數配炒飯，若胃口不佳就選粟米菜，而這裡的凍咖啡也不錯，試啦！

9月18日中秋節來吃晚飯, 6:30pm左右到, 可能早不用等位.裝修比較殘舊, 但燈光較暗, 氣氛幾好.兩人點了: 焗汁豬扒飯+ 炸豬扒意粉+ 2杯涷飲,埋單約$1501. 焗汁豬扒飯焗汁很好味!豬扒即煎, 很新鮮!2. 炸豬扒意粉意粉先炒過, 很香. 豬扒即炸, 但絕不是吉列豬扒, 好好食.服務有禮.

星期日來西貢市食晚飯，間間都好熱鬧喎，呢間咁多人即係話d食物有番咁上下，入去剛好有2 人位，即刻坐低先：炸帶子：哇，咁細粒既？頭盆SIZE就係咁？好彩炸得幾好味，都有D帶子味，點沙律好食過點辣醬；炸生蠔：又係細細舊，睇來頭盆SIZE真係咁！哇呢個點辣醬就好味到不得了，D辣醬應該係佢地秘製，愈食愈辣，非常刺激；T-骨牛扒餐：羅宋湯好多料好好飲，個扒好大塊，好新鮮好香，咬落feel到d肉汁味，食得好開心；連杯凍檸茶都特別香，我諗應該係d茶係靚紅茶。原本已經埋單，個老板走來問我地食唔食甜品，係送既，係白果腐竹糖水（又會咁中式既？），都幾好味，白果好大粒，唔錯！食得好飽，間餐廳都好多人都幾嘈，不過好彩我地坐在近門口位，既可望到出面街的「風景」，又比較冇咁嘈，今餐食得好滿意。

上次的印象不錯，今次特地再去。侍應態度親切，特別是侍應姐姐。點了個廚師推介晚餐---焗波士頓龍蝦。賣相不錯，薯茸也好吃，但龍蝦......$88 的半隻龍蝦，size小早已心中有數，但因龍蝦已懷孕，肉不但不多，只得一點點，而且很鞋很乾。結果吃不飽！早知吃鐵板餐了！！

其實都係成個月前o既事啦... 老公放假，我又要溫書，就入西貢，佢坐低釣魚我就慢慢溫書啦... 肚餓啦... 結果就去蘇珊娜，因為覺得佢好舊，入親西貢town都想試，好似好老西貢咁... 價錢普通啦，以lunch黎講西貢有多更平都幾好味o既選擇... 但係好好味wor，又大份，老公係食一個魚柳(唔記得咩魚啦，總之唔係好貴果款)o既飯餐，我就食咖哩雞配飯，個汁好得，其實餐湯都算唔錯，紅湯白湯都唔會得個鹹字，個多士就好好味囉，係少d，但係牛油好香，整體黎講，算係咁啦... 味道方便有誠意，同好大份。果日見到好多... 好似地搬定裝修工人o既叔叔們入黎開餐，唔係係咪食果d唔知烏冬定拉麵餐... 好似斬要成$40份ga wor...

一班舊朋友一行八人去試下午茶，冒名原因係因為朋友叢中有人叫蘇姍娜，內裏燈光較弱，熱湯一般，位好窄，小食無乜特式，炒蜆麻麻，欠風味。

在幾年前西貢的食店只有幾間,不似現在四圍都係的時間,這所餐廳都算係數一數二的...現在的品質都,不錯,不過同品質,同價錢的,同服務的...已四處都係...不過品質亦可保持...幾好味的...但現在西貢實有太多選擇了...

焗海鮮唔錯, 又熱又新鮮, 不都環境麻麻地！

通當我一個月都會去一次,但每次都得到冷淡的對待,侍應面如死灰,十問九唔應,經常要老闆出面幫忙。若非老闆,老闆娘照顧,及食物美味,打死都唔再去。同埋大門口兩邊的"死角"就應該取消,將其他座位隔開些,會令客人食得更舒服。