蘇花餐室

營業中

休息中

主打係西式餐，午餐50至70幾都有，連一杯飲品，質素同價錢都相符，我食雞扒蕃茄湯烏冬，不算係驚喜，但都中規中矩，雞扒煎得幾香口。態度又唔係太差，作為街坊小店都可以支持下

入到餐廳冇店員喺樓面，企咗一陣見到有空位就坐低咗，之後有先有店員過嚟幫我哋落單，叫咗松露醬意粉，炸燒賣，凍檸茶。 落單過程中見到佢都好忙咁，冇乜時間招呼我哋，語氣比較冷淡。嘢食未嚟，聽到後面個小妹妹話啲嘢好難食，佢話印尼撈麵仲好食過啲嘢 。。。等咗10分鐘，先嚟咗一個意粉，份量比較少，都算多醬汁，但唔太濃味。落單15分鐘後上咗炸燒賣，燒賣個皮好韌一啲都唔脆，咬到牙較都軟，$26 有幾粒，椒鹽唔算太多，都有味嘅，但食得好辛苦。 落單20分鐘，最後先上凍檸茶，啲嘢差唔多食晒，少甜少冰都有做到嘅，但如果早啲上會更加好。過程中有位男士叫外賣，還要肉醬意粉，店員問要等20分鐘得唔得？男士就話咁耐，但店員個態度唔好咁話要焗喎，冷笑咁話焗肉醬意粉喎。原來佢對我哋態度已經算好。。。

星期六朝早一個人想食早餐，見餐牌OK，入去想試一試，舖頭暗沉，光線如何，就個人喜好，污糟一定見唔到。侍應安排我坐右面面壁二人位，旁邊對住三個放在滅火筒上面eye level嘅黑色發霉小紙箱。用射燈射住見得清清楚楚，我問侍應可唔可以拎走啲紙箱，佢黑面話唔得，話舖頭冇位放。大佬阿，明明另外仲有吉嘅三人位，同四人梳化位，佢叫我出去門口慢慢等。衛生環境差，職員衞生意識差，服務態度差，對食物衛生冇信心，不顧食客心情，不吃也罷。

第一次路經沙田圍，見到門口幾精緻便入去食個快lunch。全日早餐很豐富，包埋意粉同飲品都只係$58。👍🏻另外黑椒汁牛扒，黑椒汁另上，簿牛扒香煎等很有誠意。😋雖然店小，坐位不多，店員很有禮貌，性價比超高！❤️❤️

發現沙田圍有間小店, 簡直係糧尾首選嘅店舖🤩, 生炸雞髀配薯條跟餐茶, 歡樂時光下午茶第二份半價, 平均一份$28.5🤑。🍽️新鮮即炸熱辣辣, 外皮炸粉不算厚炸得啱啱好😋, 唔會鎅損口, 雞肉嫩滑有肉汁, 味道啱啱好; 薯條脆口有質感, 香薯仔味👍。不過杯熱檸茶嘅茶味就一般, 唔算好飲😅另外仲見到有外賣便當三十蚊咋鋪頭細細地都算乾淨企理, 而且店員都幾有禮貌

附近容易泊車 所以選了這裏吃 早餐卡位的梳化 寬敞而且 伴有輕鬆的 音樂 令人有一 種舒適的感覺食 物分量 充足 一個全日早餐 有 蕃茄 香腸茄汁豆蘑菇 薯餅多士及一大碗螺絲粉 一個大男人也 吃不完要 索取紙袋拿走 多士價錢 中價 食品質素也尚好小店服務態度良好 剛巧碰見有客人 遺下銀包 員工 誠懇地 交還事主是用心 的餐廳如果 早餐裏的蘑菇 轉用 較好吃的 會更好咖啡也可以叫即磨咖啡只是加 三元牆壁上有用粉筆所繪畫的 食物 圖案 感覺很親切整體而言 如果唔趕時間 是區內一個不錯的選擇

基本上諗唔到食咩先會食佢，因為真係唔係特別好食，除左佢個炸雞脾真係好食之外，其他都不過不失。之前食過牛排個d,唔算好食，肉質比較韌，所以今次試下個早晨全餐，同求其叫個卡邦尼螺絲粉。早餐全餐大多都現成野，例如個磨菇仔同蕃茄豆應該係罐頭嘢， 而腸仔同埋薯餅都係煎一煎炸一炸就可以 ，個茄汁螺絲粉啲茄汁味勁淡 ， 好似用茄汁加水開稀整成嘅湯底So far, ok la , 味道唔係太特別，對食冇要求嘅人都可以一試，但有要求嘅人就建議要考慮下

星期六下午接近兩點，由於趕時間，於是諗住是旦揀一間餐廳食個快飯。經過呢間鋪門口，見佢棟喺外面個餐牌幾唔錯，就入咗去，點知就......明明入到去裡面有兩張大吉枱，個女店員仲叫我地坐面壁位，話大枱陣間要留俾其他客人喎我地話唔想坐面壁位，於是佢就不情不願咁收拾一張剛走的二人座卡位好，坐低咗就叫餐啦！揭曬成個餐牌，價錢較合理係番茄濃湯系列餐，諗住穩穩陣陣啦。點知啲嘢食嚟到，個番茄湯底一啲都唔濃不特止，而且仲啖茂茂同埋係微暖嘅一路食，一路幾個女店員喺度傾偈，好嘈我地只係想食完快啲走。到埋單啦，明明話餐飲係跟餐送，唔明點解仲要收我地3蚊唉，費事問，俾完錢拿拿聲走人，冇下次

叫左3個餐有2個有汁嘅，送到嚟兩個汁都冇比到，打返過去係個女店員聽電話，同佢講話差兩個汁佢搞笑到話下次補返，聽完都笑死，姐係嚟白飯下次先比返啲餸你得唔得？跟住又話送唔到又咁又咁，之後佢老闆就係後面同個店員講叫我哋搵返戶戶送退返錢，我想講呢個唔係錢唔錢嘅問題，係你哋自己嘅問題又唔道歉又唔諗方法解決，仲一句撻埋嚟話自己好忙送唔到。最後要我哋打去客服講話佢哋唔送返話送唔到比我哋，個客服都下左一聲，話即刻打返去叫佢哋補送返。最後送返兩個汁返嚟不過我哋冇食到，都唔知佢有冇加到料，錢真係冇所謂，但係你哋嘅態度係咁樣嘅真係希望大家唔好再幫襯。

第1次食呢間，第1次食到要打食評😹😹😹你以為你地近威院就煮病人餐嗎？叫左4個餐 其中一個已經係黑椒汁 諗住應該無得輸 點知味道又係無乜味So far 全部都係健康既味道😂😂😂味道淡 份量小 價錢貴 食完等於無食 吾會再order

今日去花園城搵個朋友攞啲嘢，朋友就約我喺附近嘅呢間蘇花餐室食個下午茶，順便可以坐下傾吓偈。呢間餐室都幾別緻，雖然鋪唔大，但裝修佈局都有落咗少少心思，牆上面有一塊大黑板，畫咗佢嘅招牌喺度，抬頭望仲見到好多唔同嘅酒樽，幾有格調！依間餐室都有好多唔同嘅選擇，餐牌有圖文並茂，好似好多都好吸引咁朋友叫咗個花枝丸炒出前一丁，開頭我覺得$58食個出前一丁有啲貴，但原來佢嘅花枝丸有六粒咁多，而且係炸完花枝丸之後再落調味，出前一丁亦配上蘑菇片，成件事即刻覺得物有所值朋友就推介話呢度嘅炸髀好好食，而我又未食lunch，所以就叫咗個超大份嘅雞髀餐。果然冇介紹錯，佢嘅生炸雞髀真係好好食，脆口得嚟一啲都唔乾身，入面嘅肉質仲好Juicy，真係好推介！佢嘅炒蛋都炒得好滑，所以我成份食晒呢個餐仲配一個番茄湯粉，我以為只係細細碗，點知原來係成個湯麵咁大碗，蕃茄湯底清清地味道唔算濃，但見到有蕃茄肉喺湯入面，就知佢真係用新鮮蕃茄熬製嘅，果然真材實料，呢餐真係超滿足！小朋友話要食薯條，就叫一份俾佢啦！ 薯條係粗身嘅波浪薯條，加埋調味好好食，店主仲俾咗好大兜茄汁我哋點添我到而家都仲好掛住佢哋嘅生炸雞髀🍗，有機會一定要再嚟食過！

Eating out on Saturday night . I have order a vegetarian spaghetti . I have wait for this around 20 minutes after I  order the food . The taste of the spaghetti was bland . Also , the portion was not enough . I still  felt hungry after I finish .  And the price was a little bit expensive . It was not worth .   

假日朋友抽團食早餐其中一個介紹蘇花餐廳，所以就決定吃這間其實應該叫 so far so good 這個all day 確實是大得過份。。。。但 all,day 有粉我都係第一次見菇比較生，感覺好似無炒的普通罐頭，腸仔也是普通雞肉腸這是皇牌雞脾餐但我覺得炒蛋搶回不少分。雞脾炸得偏乾，有點硬，不夠香口這是我的奄列，店員很好人，容許我把火腿轉成午餐肉這個奄列很不錯，外表金黃但入面還是軟滑的。跟餐有即磨咖啡，但對咖啡有要求的就別太大期望了其實還有其他餐，但我沒試就不特別拍了最後值得一提是枱上的吊燈。。。。實在有點多塵得嚇人

得閒無事都要同老公浪漫一下据下扒，行行下見到這間個名幾特別的餐廳。So far So good, 正是我的口頭蟬～ 門口餐牌，西冷扒餐做緊特價，咁唔洗諗走入去食下。時間尙早，不用等位。舖頭細細間，有幾張枱。餐湯都唔太hea, 應該唔係金寶湯咁簡單。主菜西冷叫左五成熟。擺碟不過不失，一般普通西餐咁，牛扒有驚喜。唔好以為特價就會無咁好食，牛扒有牛香，仲有一食就知用左貴價的黑椒鹽，希望唔係估錯，牛扒軟滑唔硬。情侶，夫妻都值得一試！

原來沙田都有好野食，同朋友二個夜晚行過河畔搵下有咩好食，見到有間西餐 睇價錢又唔算貴就入去試下餐湯忌廉湯非常好味一飲就知唔係罐頭湯前菜番茄栗米 非常新鮮鮮甜蒜蓉包食落好趣口超級好味真係想再叫多舊跟住就叫左卡幫尼亞意粉忌廉汁非常好煙肉夠脆口依個價錢出邊可能都要成百幾蚊啦跟住就叫咗塊牛扒，牛扒叫咗五成熟整得非常好食口感一流肉質鬆軟，真係好食過出邊嗰啲牛扒專門店啊再叫咗杯橙汁特飲非常好飲入面仲有啲果肉真係鮮橙整出嚟