影片
港鐵荃灣西站 A1 出口, 港鐵荃灣西站 A2 出口, 港鐵荃灣西站 E2 出口
繼續閱讀
電話號碼
22678335
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
嘢食以呢個價錢算係ok，就係咁多，但賣飛個男人/仔，全程講普通話，叫冧巴都係，我想知係咩玩法？磚才嚟香港做嘢，仲要對客嘅，唔講廣東話不能原諒，你話我偏激？我係，以後都唔會再幫襯
繼續閱讀
焙茶卷蛋配醬油拉麵$60呢個價錢有主食，有飲品-default款係凍檸茶，仲有甜品，cp值簡直高得不要不要的！醬油拉麵屬於small size，除左可以飽肚之外，唔好expect 太多。卷蛋都係basically有d甜嘢落肚，唔好太大期望😂
繼續閱讀
今次去荃灣廣場一田入面食拉麵😋😋😋呢間虎藏食堂係一田經過已經好多次，今日突然好想食拉麵，見到佢嘅價錢算係平，所以就走左入去試下🙈🙈🙈🙈第一個叫咗{虎藏牛肉飯拉麵定食}拉麵湯底有三款選擇和風醬油、豬骨湯同埋味增套餐仲有一款前菜送，牛肉飯大約有四大塊牛肉片上面仲有一啲紅薑絲，味道方面甜甜地幾好食，我叫咗和風醬油湯底嘅拉麵，入面有一塊肉、筍絲、大蔥同埋半隻雞蛋，食落好清新好香😋😋😋😋😋第二個叫咗{和風鮮魚味醬油沾汁麵}，拉麵份量超級多，食完飽到呆咗喺度，講吓個汁先，應該係堅魚味嚟嘅，好濃郁好香分量又極多，入邊有厚切豚肉、筍絲、大蔥同埋一隻糖心蛋🔥🔥🔥呢個價錢值得一試，女仔食可能會過多，男仔食嘅話應該食得曬🤣🤣🤣🤣
繼續閱讀
前日(16-7-2022 Sat)晏晝同老公喺茶星人買咗 嘢飲,就入嚟一田搵個位坐低飲,但冇位,而老公又想食嘢,於是入嚟重有枱嘅呢間,佢買咗$58.00嘅G餐,抹茶芝士蛋糕配豬骨湯拉麵凍檸茶.等咗一陣就有齊,由於我唔餓,所以冇食到拉麵,只食抹茶芝士蛋糕送難飲嘅茶星人Red Bull能量烏龍茶.件蛋糕早就解咗凍,口感唔實,亦唔太甜;而老公話拉麵就係拉麵;凍檸茶唔甜,亦一般.分數係:味道: 2.5 環境: 4 服務: 5 衛生: 5 抵食: 3
繼續閱讀
今日又來荃灣搵嘢食，本身想食嗰間太多人，記得平時一田裏面有一間餐廳一直都冇試過，今次就諗住嚟試吓🌈日式炸雞弁當 $62一見到嗰一刻相信大家都同我嘅反應都係一樣，好似幾好食幾豐富喎！果然人不可以貌相，嘢食都不可以‼️啲炸雞乾過70歲啊婆啲肉，可能係佢翻炸嘅關係，啲皮係硬嘅，啲肉係乾嘅🤨每次吞落去都好驚刮損自己喉嚨😩值得欣慰嘅係佢嘅小菜正常發揮，玉子燒，煙肉包腸仔，炸蟹柳同薯仔沙律🥗 飯嘅軟硬度啱啱好，不過下次都唔會再食啦🌈炸豬扒弁當 $74便當裏面有一塊豬扒，份量都OK嘅！豬扒新鮮出爐，炸漿唔會太厚，同埋脆，可惜肉質都係偏乾！同樣地便當都係有腸仔，炸蟹柳同蛋🍳呢份便當嘅份量偏小，男士應該就唔夠食嘅！🌈日本牛乳焦糖布甸 $5成餐飯最值得食嘅就係依個‼️😌雖然焦糖份量唔多，但成個布甸嘅甜度都好足夠！食落有好香嘅雲呢拿味，而且十分creamy🍮係成餐飯嘅唯一安慰🥲
繼續閱讀