虎蔵食堂

營業中

休息中

每次去完荃灣一田, 又或者係一田掃貨之前, 都會選擇虎蔵食堂充飢,因為地點實在夠晒方便, 就係超市出口既旁邊, 而且價錢實惠又唔貴今次叫左 :拉麵套餐 + 虎藏雜錦弁當拉麵套餐, 係包左一個木魚花紫菜飯 + 餃子三件 + 迷你九州拉麵論飽肚, 呢個一定足夠, 又有飯又有小食, 仲有碗拉麵, 抵食之選呀 ! 虎藏雜錦弁當, 都相當豐富, 有玉子, 有雞翼串, 有尢魚串, 有煙肉卷, 仲有碗麵鼓湯又係一定夠飽系列

餐廳有便當同拉麵😆價錢都好抵食🤔👍🏻拉麵around$40-50一碗 好抵🤣便當around$50-65一個 真係好抵食🤣拉麵有東京，北海道，九州拉麵㨂😆🤤🤤我今次試左九州拉麵🍜🍜 好大碗😧😧因為$50對佢期望唔高 正常味道😆 九州拉麵$50有兩塊叉燒，竹筍，芽菜，木耳，同一片紫菜湯底好大陣竹筍同豬味 唔係好濃味個種🤔叉燒都ok 唔係好肥😆對得起$50既質素🤣🤣普通食碗拉麵je🤣拉麵係油麵😆拉麵有口感 唔會好冧👍🏻值得一提係份量好多 好大碗🤣

今日去一田百貨凑熱鬧，三點幾肚餓便去咗美食區搵食。由於唔係成曰來，先發現尼度無咩小食。🤔本身心念念想食章魚小丸子🤦🏻‍♀️不過一場來到，點可以白行一趟🤣咁啱前一晚睇日劇見到人哋係火車度食便當好好味，所以即刻揀咗尼一間坐低。由於係特價週，即使過咗正常午餐時間，餐廳一樣坐無虛席😲餐廳主要提供便當及拉麵兩種食物，望咗望其他食客嘅食物，賣相都唔錯。我哋點咗鯖魚便當＆雜錦便當，兩個價錢都一樣，盛惠港幣六十五元。鯖魚好大條，燒得唔錯。唔使檸檬汁同埋醬汁都一樣好味。配菜有韓國泡菜（唔知點解係日式便當出現🤷🏻‍♀️）、玉子和蟹柳天婦羅，另加配味噌湯。雜錦便當盒，咩都有啲，燒雞翼同埋魷魚加三文魚嘅配搭？配菜大致一樣，係多咗沙律。天婦羅有點兒過油，魷魚與三文魚嘅配搭都有啲奇怪，不過燒雞翼有救返啲分數。最後我都係覺得男友嘅鯖魚便當好味啲（隔離飯香）。

今日睇完"外星生物"呢套戲,行過一田望下有咩食,見到個餐牌幾吸引又唔貴又無咩人喎,望下OPENRICE又無人留過COMMENT,一於幫你開齋啦~2號餐:明太子串燒魷魚三文魚炸雞便當---叫呢個主要係明太子呢個名吸引我,等左十分鐘到就可以拎,新鮮熱辣~炸雞皮又薄又脆,雞肉都嫩同多汁~串燒魷魚三文魚呢個配搭又幾新鮮,咬落去又正喎,魷魚易咬,加埋三文魚既魚油香,個感受好豐富呀~玉子味道唔錯,甜甜地,不過樣樣都熱係佢特別凍又好似有D怪怪地咁 紫菜擺底,如果我話佢好脆你都唔信啦?無錯係淋既,不過唔影響我繼續食~至於飯底都多,上面都舖左唔少明太子,唔好睇我淨係俾一個角你睇,其實佢成層都有既,明太子唔駛舖滿既,小小已經夠咸夠辣~最後飲埋個個湯已經好滿足~臨走對面坐左個姐姐叫左個燒鯖魚便當,都幾大條喎,望落應該都燒得唔錯~~~~