蚊蚊豬老火鍋

營業中

休息中

一入到去陰陰沉沉，$318/位，坐低整調味料好多都空嘅，都冇所謂，可以叫佢添，啲火鍋豉油淡茂茂冇味，之後俾左個牛拼盤，有4款牛，厚到咩咁，同埋雪到硬掘掘，好明顯啱啱係冰櫃攞出嚟，之後叫左個象拔蚌仔刺身有啲唔知咩味，一定唔新鮮，之後每款牛再單點試下啦，點知都係厚切，入口硬到咩咁，想淥快啲又唔得，因為真係好雪，所以一定要耐多少少，都係大約廿零秒左右，真心失望，最後食多少少菜走人。2個人埋單700，依個價錢真係可以好多選擇。

本身對食物並冇太大要求，點單後一直相安無事，儘管周圍環境比較黑，有蚊蟲飛飛，都尚未感覺太差，但直到點咗兜青菜，發現有蚊滋，經過掙扎後嘗試用溫和語氣通知店員，佢竟然淨係彈翻一句“哦～係蚊滋姐”，梗係蚊滋啦，請問仲可以係咩？食你$328/per ,都要對得住個態度加埋食品。冇下次，唔推薦，黑名單。

近日天氣凍咗好多，大家要做好保暖啊！污嘴狗帶你哋去食啲暖笠笠嘅嘢🔥雞煲烤魚刺身任飲任食～食完雞煲再打邊爐無得頂！仲要係無限時‼️同朋友慢慢食慢慢傾計～一於食到飽為止😋每一次加雞都會成個煲同你換～尤其適合本身唔食得辣既Wo妹～換完個煲都唔會話越食越辣𝑭𝑶𝑶𝑫𝑺1〉重慶麻辣雞煲味道真係一流！麻辣醬汁香辣過癮，雞肉吸收咗醬汁，食落去每一啖都好夠味～佢哋用嘅香料好夠，唔會過於油膩，反而有種清爽嘅感覺！2〉牛肉拼盤（推薦🌟）唔需要自己落單，店員會自動幫你落order～拼盤有幾款牛，款款都好出色！食完唔夠可以再落Order～3〉刺身食落去都好有鮮味～特別三文魚好肥美新鮮！另外款式仲要都多，有八爪魚鮑魚片甜蝦象拔蚌等等4〉炸饅頭（大推薦🌟）炸到鬼死咁脆口！但又唔會油淋淋～Encore咗幾轉，都食極唔厭！可以建議大家每一次都少量咁樣叫～新鮮滾熱辣嘅炸饅頭永遠都係最好味5〉炸魚皮（推薦🌟）咬落去有種好香嘅口感，真係令人停唔到口！炸魚皮嘅口感非常酥脆，外層脆脆嘅，內裡又有啲彈性，食落去好有層次感！6〉炸午餐肉（大推薦🌟）好香脆，唔會太乾！食法非常之多！即食又得～點雞煲汁又得～邪惡啲嘅點煉奶又得～食極都停唔到

已經食過3-4次 上下2層都坐過暫時都未預過吾好既情況今日食夜晚8點 反而覺得呢到啲人都好熱心會主動幫手加湯 收碟聽到我地有疑問都會主動解答我地每次講吾該 佢地都有覆吾洗客氣試過2次甘岩截左單想加野問佢地 佢地都肯幫我地加雖然佢地真系吾會提幾時截單 指示吾夠清晰一個價錢三種滿足 雞煲 烤魚 火鍋 仲要有刺身同炸饅頭每次黎都試哂甘多樣野刺身每次都覺得好新鮮最後仲有雪糕食 呢個價錢 覺得好抵食又多玩法所以有時一班人吾知食咩都會揀呢到👍👍

就算真係食到過晒鐘 你都唔係問都唔問 將所有垃圾一次過擲晒落嗰煲仲有食材嘅鍋度啩你有冇尊重過俾緊$350一位嘅客人 有冇尊重過食物呀 垃圾食店 唔會再幫襯呢啲唔尊重客人 唔尊重食物嘅食店

環境一開始就覺得非常昏暗，讓人懷疑是否是故意設計成這樣，好讓客人看不清楚四周的情況和可能出現的蟲子。在我們還未開始進餐之前，就已經在桌面上發現了蟲子，這種情況真是令人無法接受。我們還發現筷子上也有蟲子，這更加讓我們感到噁心和不能容忍。當我們向服務員反映這些問題時，結果卻遭遇了極其不友好的態度，這讓我們感到更加失望和憤怒。由於這些衛生問題和服務態度的問題，我們根本沒辦法品嘗這裡的食物，因為我們甚至沒有勇氣開始進食。這家餐廳的整體經歷可以說是極其糟糕，無論是環境衛生還是服務態度，都是我至今為止見過最差的一次。這種令人不快的體驗真是讓人無法釋懷，我們肯定不會再來這裡，也不會推薦給任何人。

之前成日見排隊，尋日經過無乜人就入去試下。先點左花膠雞再可以技烤魚或雞煲再打邊爐。款式選擇多，仲任飲啤酒汽水。個人覺得好抵！不過略嫌湯底唔夠濃，如果再濃味d就perfect!

依間非常推介大胃王去任飲任食既放題店，你可以選擇食完烤魚就去食雞煲→火鍋→串燒→刺身等等輪住嚟食推介大家一定要叫炸饅頭，熱辣辣超好食刺身有三文魚，甜蝦，八爪魚等全部都好新鮮同鮮甜，厚切三文魚超正雞煲叫咗微辣，份量多而且雞肉入味，食到最後都冇嚡熠熠 烤魚：魚皮煎得香脆，肉質厚實嫩滑我地揀左鴛鴦鍋，有order丸，餃子，菜等等推介一定要叫牛胸爽同牛板健，一個入口即融另一個牛味濃最後記得扲雪糕食店員服務好又有禮貌，絕對會有下一次👍🏻👍🏻

凍冰冰最岩就係打邊爐~朋友介紹左蚊蚊豬老火鍋，上網睇過蚊蚊豬食物好豐富，所以即刻打去book左位先😆去到見到仲有位，點知原來全部都比人book晒，walk in就要等人no show先有機會入座啦🤭好彩book左咋😜鋪頭有2層，我地4人食都比左一張大圓枱。⭐坐底店員就會比張紙揀湯底，有雞煲，烤魚或者紅酒燴牛尾等等幾款揀🤤最重要既係可以任轉湯底！！！即係食完雞煲可以轉烤魚，食完烤魚又可以轉紅酒燴牛尾，任fill食物，每一次轉都係大大盤好足料，好惹味，呢方面好抵讚👍👍雖然食既時間會趕啲，但係諗起可以轉湯底就好開心，食都食快左🤭⭐醬料方面就有醬料架俾大家自己去調配，醬料都好多，仲有分剌身豉油（係呀仲有刺身可以任食）❗❗❗⭐打邊爐料就間間都差唔多，不過蚊蚊豬仲有刺身可以任食，火煱料新鮮👍🏻👍🏻👍🏻我地班牛魔王叫到成枱都係牛，多到唔夠位放😝⭐三百幾蚊(加一)既價錢，呢個質素真係收貨有餘，大家都食到飽晒攬住個肚走😚

見呢排秋意起啦，諗住打吓邊爐。於是就上網search吓有啲咩地方喺又平又抵食嘅邊爐！網上見到啲人其實就係介紹佢深水埗分店，但因為我哋去到先發現原來其實佢係有兩間分店嘅！一間係位於深水埗，而另一間就位於響太子。不過都見到咗啦，於是就直接入咗去。冇傳聞中講到一定要訂咗位先有得去，我哋其實冇訂位，然後直接去Walk in嘅。不過我哋都相信預訂咗位置有得確認你係有位嘅！成間舖頭就唔係好大，其實都淨係擺到四五張枱，但係坐落都叫闊落。一去到店員就即刻準備咗呢一個醬料俾你去調配。醬料呢就唔算多，但係打邊爐有嘅基本上都有，包括蔥豉油，呢啲就基本啦，仲有蒜蓉麻油等等。當你調配完之後呢店員就會將呢一個醬料移走㗎啦。湯底選擇呢就有五款，其中佢嘅招牌紅湯鍋呢就要額外再加多$40嘅！ 最好呢我哋就揀咗呢個粟米豬軟骨鍋啦。個湯底確實係比較清啲，但係如果你已經食完烤魚，然後過嚟嗌呢一個火鍋湯底確實都有助減低嗰好油嘅感覺。呢一盤肉我諗就應該係佢嘅頭盤嚟嘅，因為我哋事先都唔知道佢會上嚟，建議如果大家下一次去唔需要嘅話可以同佢提早同佢講定先。而刺身呢一個部份呢我就覺得好普通啦，但係絕對係對得住佢嘅價錢嘅。至於員工可能就會

1930坐低 1945 第一個雞煲 2000叫第二個 2030都未有得黎 成枱生料 限時任食 但唔上煲 食咩 點食？？食手指上個羊腩 硬過咩咁樓上丫姐態度惡劣樓下丫姐話愛莫難助冇人就請啦 有俾錢嫁

叫野阿姐扮聽唔到，就算聽到都唔Q彩，未試過食野仲要受氣，正宗貼錢買難受，好似得罪佢全家咁，着灰心長頭髮戴眼鏡阿姐，大家想試下就黎幫襯吓，問有無白飯佢答有煮咪有無煮咪無囉，咁你直接答個客幫你睇下先唔得？

閒日去晚市90分鐘放題, 人均$360, 地方窄, 上2樓要小心行, 先叫小食, 泡椒魚皮, 鳳爪, 芝麻八爪魚, 落下數量1, 都有勁大兜, 未食烤魚, 打邊爐 都飽左. 烤魚正常水準, 叫左少辣. 刺身一般, 要食三文魚腩 要另外加錢 , 唔使加錢而又吸引既 只有三文魚 甜蝦.飲品櫃 任飲, 有啤酒, 可樂, 解茶, 少見有紙包蜜瓜奶有朋友想飲唔凍, 2樓四眼姨姨 都好好人 搵俾我地因為時間有限, skip 雞煲, 直接打邊爐. 配料質素非常一般, 連海蝦都無.最離譜係 廚房出單紙 晌個爐入面, 我哋見個爐好耐都唔滾, 攪下佢先見到, 話俾2樓個厚嘴唇哥仔聽 , 佢仲惡過我, 「唔好要囉!」成餐飯 咩心情都無晒, 想貼錢受氣 可以黎呢間.

同舊同事gathering，佢地揀左呢間任食火鍋。😋😋 餐廳價錢好抵，$300幾可以任轉湯底，雞煲同烤魚同食足90分鍾海虎蝦・紅酒燴牛尾呢個係夏日期間限定，所以一開波就揀左佢。雖然佢係一個湯底，但都有好多料。海蝦有成5－6隻，湯底充滿蝦味，非常鮮甜。用佢黎淥菜非常夾😋😋一入座揀好左湯底就會送上極品牛皇拼盤。雖然侍應冇介紹入面有咩部份，但每一部位既雪花都好平均同好有牛味👍重慶麻辣雞煲雞煲就叫左小辣，但冇咩辣味。雞肉好嫩滑同入味。大家都懶得再換湯底，就直接用雞煲繼續打邊爐。雖然咁樣味道好足，但食到後面就太咸。建議都係換湯底好d😂

有朋友介紹呢間太子多火鍋店，門面不算起眼，都不太大，但內有2層，枱與枱之間還好。呢間是放題式，90分鐘內可任換湯底嘅味道，第一次食過呢種服務，好貼心，可以試多種味道我哋先試萬洲烤爐魚，魚肉鮮嫩多汁，外皮酥脆，風味獨特。配料和調味：如香菜、蔥、醬油、醋、辣椒等，增添風味和口感。再試鮮茄薯仔清湯鍋，以鮮茄和薯仔為主要材料的清湯火鍋，湯底清淡清爽，鮮味和營養豐富適合健康追求者和喜愛素食的人士。最驚喜有魚生任食，魚肉新鮮，切片大細卜適中，味道清新、口感柔軟，搭配大豆醬油、芥末或其他配料進行調味，增添風味。其他肉類，丸類種類繁多，有好多選擇🙌🙌飲品任飲，啤酒都任叫👍🏼👍🏼👍🏼👍🏼