蛇王善 (已結業)

天氣咁凍食蛇羹暖身啱曬，呢度嘅蛇羮足料又唔貴，大碗價錢$82。大碗嘅size大約兩飯碗，好多蛇🐍肉，啖啖都係料，味道雖然略嫌淡左少少，不過食完唔會口渴，感覺無咩味精。食完飯食埋個蛇羹好飽好暖😊

今日中午去深水埗，心思思想食劉森記雲吞麵，所以泊車係門口，點知發現隔離有這間蛇王善。第一次嚟呢間舖頭，看門面好像已經有幾十年歷史似的。買咗一碗細蛇羹，$44，店員在店門口的一個大湯鍋裏盛出一碗蛇羹，配上薄脆片及檸檬葉絲。細個跟父母去食蛇羹的時候，因為大部份蛇羹都是即劏的，會有一陣腥味，因此很需要那些檸檬葉絲，一直到長大，也覺得這是蛇羹的最佳配搭。平民蛇羹當然不可能與貴價蛇羹相提並論，曾經有幸跟得獎廚師預備太史五蛇羹宴會，$3千元一位8道菜，太史五蛇羹，吃的是刀工，蛇肉切的長短粗幼一致，用山雞作湯底，我自己嘗試在家做完全唔得放棄了。這裏平民蛇羹的蛇肉大小不一，但是很足料，入口淡淡蛇肉。湯頭不杰，喜歡它沒有很濃的雞湯或雞粉味道，顏色也是淡淡的，沒有加入濃味醬油或老抽，最怕一些廚師什麼海鮮菜餚也加入雞湯，根本食不出什麼材料味道。面前的這碗蛇羹味道不濃，對於喜歡濃的人來說可能不夠，但絕對對得起它的價錢。

秋風起就自然想食蛇🐍補一補身啦！😂好耐冇幫襯過，突然好想食又經過，雖然有事在身，但都要買返碗外賣返屋企嘆下，諗住慢慢歎，一打開個樣及搞兩搞已經有啲唔對路，冇乜蛇肉之餘亦比較稀，食到一半已經成碗變咗水咁滯，水準大不如前，有點失望，糯米飯還可以，味道及口感都唔錯，要我再有下次幫襯，就...... ，糯米飯都會繼續支持嘅。😅

近排天氣開始轉冷又係食蛇既好時候喇，自己本身都好鐘意食蛇 😍 今日行完深水埗黃金商場，就行咗去呢間食蛇老字號蛇王善幫襯下喇，叫咗大蛇羹 + 糯米飯。脆脆係任添既 😍 😍大蛇羹 + 糯米飯 ($108) : 雖然呢間係食蛇既老字號，但係自己真係覺得麻麻地，就眼睇好似好多料，但食落口真係好稀，而且蛇肉份量較少，味道完全唔多得 ☹️ 糯米飯亦比我預期中差，香味同味道都欠奉 ☹️ 食蛇自己未必係專家，但起碼知道呢間唔啱自己口味 😝

天氣涼爽所以又諗起蛇因為超喜歡呀！我一直都係食蛇王協途經就試吓呢間「蛇王善」因為我懶得行而且👉🏻👈🏻見到呢間👇🏻環境乾淨光線充足座位寬闊真材實料啖啖都有蛇羹值得推薦服務員亦非常有禮友善我會再去的👍🏻💕😋😋😋😋😋加油喔💪🏻

.又係糯米飯？今次食佢係有原因既，因為係一個套餐。.依個糯米飯係用黎飽肚。即叫即潷，保持到夠熱。雖然腊味比較少，但係啲糯米吸收到腊味既油份同味道，飯粒口感適中又唔會太乾太硬。加埋好香脆既花生同蔥粒，整體上都唔錯。.幾糯米飯係配角，主角係依一碗蛇羹，通常天氣一凍就要排隊先有得食，因為堂食既位都唔多。.叫左個大既套餐，蛇羹無乜藥材味，有蛇肉絲，肉絲，木耳絲同陳皮等，都幾足料。個湯羹稀杰適中。枱面上有醋，檸檬葉絲同脆脆提供，自己加落蛇羹，味道更特出。.食完有種暖胃既感覺，好舒服。.餐名: 蛇羹同糯米飯套餐(大)價錢: $102 hkd評分: 7.5/10餐廳: 蛇王善

可能受媽咪影響，我由細到大都好鍾意食蛇羹，港九18區周圍食。其實冬天食蛇進補真係好有效，食左成個人暖晒，熱血沸騰，食完覺得身體健康左。不過傷風感冒時就唔好食嘞。我一得閒就搵蛇食架嘞，好多經驗深水埗蛇王善係其中一間我最鍾意嘅。點解?蛇羹好多肉，味道好，食完全身暖笠笠。佢哋湯嘅種類好多，有唔同種類嘅蛇同蛤蚧， 各有不同功效。我早排咳到尾聲，老闆娘介紹我飲蛤蚧湯 (其實我第一次飲)。湯黎到我將湯料攞出黎，果然真材實料，有原隻蛤蚧 不過我唔敢望、唔敢食，淨飲湯。佢地嘅糯米飯都好香、好好食。

真係好耐未食過蛇，可能都有2年了，呢幾日天氣激凍，忽然醒起，就諗住去食蛇，就去以前去開個間深水埗蛇王善，一來就腳。不過可能真係太凍啦，個個都咁諗，搞到成間舖都係人，反正咁近屋企就買返去啦。差唔多兩年無食過，價錢都已經加佐了，一個大蛇羹+個糯米飯都已經要百幾蚊了，不過今時今日食野呢個價錢都算係咁上下了，始終乜都貴。返到屋企打開一睇，久違既味道，以前真係好鐘意食，但都唔知點解呢兩年都無幫襯過。跟蛇羹佢會俾包草同埋脆卜卜既野，不過唔知叫咩名。蛇羹真係啖啖肉，好正，感覺比我以前食仲足料，真係一分錢一分貨，即時覺得抵曬，糯米飯都好夾個蛇羹，食完真係成個人都暖曬，又好味，真係食完個下有衝動落去再買多SET 黎食

天氣禁凍，除左打邊爐，梗係要食蛇羮暖下身啦。可能個個禁岩電視又播左介紹蛇羹既節目。深水埗幾間食蛇既都排晒長龍，重見到有團人BOOK左成2圍食蛇。因為人實在太多，天氣又凍，決定食完飯，買碗蛇羮反屋企慢慢食。老闆好好禁重提醒我地，如果扲到反屋企唔夠熱，最好整熱反，禁先係最好食。買左碗大蛇羮，蛇肉比湯係多好多，啖啖肉。重要肉係勁粗身。蛇羹係配餅乾仔，我好鐘意食D餅乾，重叫左老闆比左3包我我地之前食左飯，2個食一碗大既當甜品，一人一半已經好足夠。

人人都話秋風起食蛇最好，我就覺得天氣冷冰冰，食蛇真係好暖😍😍😍呢間上菜好快，一點，即上，店主仲好細心叫你食左熱飯先，凍左唔好食😆我最鐘意加脆脆落蛇到，食落口夠滋味呢到只收cash

曾評選六大蛇王，其實蛇王善，橤(灣仔)，娟(觀塘)都有江湖地位，不過，我評級為第二線。為示公平，再去三店品味，結果維持原判。下文以蛇王善為例。蛇羹41元一小碗，十分廉宜。但是蛇肉比例很少，只得約3條，肉碎則很多。羹不是糊狀，有人覺得是清，我評定為水狀。味道以鹽咸味為主，無雞，蛇……肉味。藥材燉蛇湯超過100元一碗，我已行遍三大蛇店，肚很漲，沒有飲。此店位置近黃金電腦商場，有地利，故客源不缺。我認為深水埔蛇王，以業為上，協為中，善為下。

這兩天天氣回冷， 合時食蛇叫了套餐: 蛇羹&糯米飯蛇羹足料，蛇肉多， 中碗也很大碗（套餐有分大、中、小)，不小家，吃得滿足！臘味糯米飯，糯米多臘味小細細碗，似配角，用作充飽肚～整體來說，冬天食蛇羹很好

立冬當日不算好凍，但快到冬天，所謂秋風起，三蛇肥，友人帶我去深水埗食蛇羹，當然唔少得糯米飯，所以點了套餐分享。套餐$98，有蛇羹（大）及糯米飯。蛇羹份量算多，價錢合理。但蛇肉不算多，質感彈牙不韌，肉絲及木耳反而比例較多，蛇羹味道鮮美清香，咸淡適中，陳皮味重。湯羹稠稀適中，提供檸檬葉絲及薄脆。糯米飯炒得乾身，煙韌軟糯，臘腸粒偏少，切得幼細，還有脆炸花生及蔥花。雖配料少，食落不算油潤甘香，但味道也不錯的。

記得小時候已經好喜歡吃蛇羹！但現在好吃的真的不多！朋友話深水埗好多🐍羹吃、我又來試試！！叫左蛇羹蛇湯！蛇羹好多材料、有好多蛇肉及瘦肉都好濃味的有藥材味！環境就不是坐得好舒服但勝在店員細心及有禮貌！蛇湯正常無特別似普通煲湯既湯底！不過整體都唔差！不過我喜歡是更傳統的！

雖然現在食好西已經不及從前般受季節限制，夏天可吃火鍋，冬天也可以bbq，但天氣冷仍是特別會想吃蛇暖暖胃。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊星期六趁有約兩小時午膳時間，就專程過了深水埗蛇王善試試。蛇店位於桂林街，在深水埗港鐵站一出直行兩分鐘就到，非常好找。跟小時候到過的蛇店不同，現在的蛇店基本上都已看不到在鐵籠內爬來爬去蛇。取而代之，反而是店門前放了多款蛇皮造的物品在擺賣，而眼光瞥處，才發現桌下有一用布蓋著的籠子，相信入面就放了活蛇。蛇店內簡單放了數張圓摺枱，雖然甫到時只是中午十二時，但每張枱前都已坐了三三兩兩的食客。而其中一個靠牆的櫃子內就放了多瓶蛇酒和一瓶瓶蛇膽。坐下環目四顧，才發現蛇店原來在2014-2015年度獲得百度經典美食五強之一。平常到蛇店都是吃蛇羹，從沒留意有其他食物，但見餐牌甫除了蛇羹外，還有龜苓膏和糯米飯呢！另外，也有蛇羹加糯米飯的套餐，由$63至$95，價錢主要取決於蛇羹的份量。食蛇羹當然少不了薄脆，每枱就備有一大碗薄脆，自己喜歡下多少都可自己控制。另一樣必不可少當然是檸檬葉，主要是用來辟去蛇肉腥味和蛇羹的膩滯。但就不見有菊花提供。臘味糯米