蛇王如

營業中

休息中

天氣轉冷，食蛇羹啱哂。除咗單品，仲有三款套餐揀：A 蛇湯+蛇汁糯米飯+太史五蛇羹（$90）B 龜湯+蛇汁糯米飯+太史五蛇羹（$95）C 蛤蚧湯+蛇汁糯米飯+太史五蛇羹（$120）最後要咗A，另加錢轉大蛇（+$20）蛇湯，咸咸哋，無咩藥材味，但味道幾好飲。蛇汁糯米飯，已經附加切片臘腸同花生粒，糯米飯即場食應該更好食（因為焗過出咗啲水，所以濕咗啲啲），味道不錯。太史五蛇羹，轉大蛇係明智嘅，好大碗，蛇肉份量合理，而且其他配料亦多，味道食到有藥材味。另外有三包脆脆同一包檸檬葉絲。總括嚟講，$110，味道、份量都不錯，個人覺得幾抵食。PS：除咗現金，八達通，電子支付，仲收信用卡。

好難得先會去元朗就係為咗個蛇羹，我主觀地覺得好食過港島區某米芝蓮1星嗰間。蛇羹始終都係有陣古祖味先係最正宗。💯我唔記得帶銀包無cash, 唔收任何電爭支付，靚姐好好人叫我下次先返去俾，我唔好意思就搵徒人當atm 用payme 㩒cash😆我問可摸耳多啲簿脆，靚姐索性俾左2大袋簿脆我，好豪氣💪🏻每次去食都係好足料啖啖肉，勁粗身蛇肉好有咬口但唔un, 加埋嗰啲謎之香葉（我叫做貓草)增加味道層次，大愛♥️

秋風起，除咗食臘味之外，亦都係三蛇肥，蛇羹都係其中一樣，秋季時令食品🐍其實我對食蛇羹真係無乜研究，只係一年食一次咁上下。而家都會同Mr Wong食下蛇羹，元朗哩間，就係佢介紹，都真係唔錯，食到佢由舊鋪搬新鋪，水準都無變，仍然係真材實料～仲有薄脆任落😋🥢蛤蚧湯：係我每次都會飲，因為對鼻敏感有幫助，同個湯都好清甜，味道十足。🥢臘味飯：花生夠咸脆，一定係先食幾粒，再食飯。臘腸份量都好多，一路食一路都仲有。糯米飯蒸得夠粘、夠淋，唔會太硬，又唔會太濕。

唔係天寒地凍其實真係無乜留意邊度有蛇舖，而家天氣凍一行過蛇舖就自自然然又會好想食蛇羹！雖則早幾日先食完蛇羹，不過天寒地凍真係忍唔到食完想再食，今次幫襯既係元朗「蛇王如」。原來「蛇王如」都係元朗既老字號，又開左三十幾年，真係唔知「蛇王倫」開得耐定「蛇王如」。「蛇王如」同「蛇王倫」都係主打五蛇羹，估唔到兩間既五蛇羹都一樣好好味，實在難分高下！如果真係要比較，蛇羹味道比較唔到，唯有比較位置，「蛇王倫」係千色附近就腳過「蛇王如」。「蛇王如」除左有五蛇湯、龜湯、蛤蚧湯同蛇汁糯米飯，仲有秘制蛇肉包，有機會真係要試下！

涼涼地最好就食蛇羹啦今晚外買左個大蛇羹$75超級足料，入口滿是甘香的陳皮味及薑味，蛇絲及雞肉都又多又淋，一d都唔柴身，還有爽口的木耳絲！加上脆片及檸檬葉絲，真係超好味啊！成碗野係濃而不咸，食完唔口渴，真材實料！必試！食完暖晒啦

天氣時冷時熱，令人難以捉摸！凍凍地時去食蛇羹暖下胃都不失為一個好選擇！元朗蛇舖好似得返兩間，一間就近安寧路，一間就近千色店。今日就去咗近安寧路嘅「蛇王如」試試，套餐一個人食就好似太飽，兩個人share食就唔夠，好彩呢度有為情侶而設，有得將蛇羹加大，咁樣兩個人食就夠！蛇湯就暖胃最佳之選，蛇羹就啖啖蛇肉，勁正！不過糯米飯就好似唔夠臘肉，如果多d臘肉同蔥花就更加惹味！環境衛生方面就預咗唔太得，始終係老舖！但係天暖地凍食返個蛇套餐真係唔錯！

冬天食蛇進補係中國人既傳統，但係新界西既蛇店可以話小小得可憐，幾個區加埋只有三數間，唔同深水埗旺角等等，一個區已經有十間八間，而且三數間既蛇店可唯「參差不齊」。今次黎到元朗近安寧路，屏山鄉事委員會對面既「蛇王如」，「蛇王如」唔止舊有蛇店賣既蛇羹蛇湯糯米飯，仲有佢獨有既蛇包子，所唯蛇包子，就好似飲茶既义燒包，但係入面包既係蛇肉。不過黎得都一定係食蛇羹同糯米飯依到既蛇羹真材實料，咬落口唔止啖啖蛇絲，蛇絲慢慢係你口游走之餘，仲有藥材香味。糯米飯都好夠火候，唔會太過粘，食落口有暖胃感。我食過黎講，蛇王如一定算係新界西最蛇店

當天就梗係去食蛇羹㗎啦，元朗食蛇羹就一定去幫襯蛇王如～呢當蛇羹真係由細食到大，水準一直都keep得好好。今晚嗌咗套餐A，加大咗個蛇羹，蛇羹淡淡肉，絕無偷工減料。先飲咗碗蛇湯，再慢慢食蛇羹同糯米飯，食完暖粒粒，正呀～

今年選中並不是太凍的一日去食蛇羹。去食的時候已經十點半，原以為唔會太多人，豈料坐落竟然坐滿座🤓送到我枱前時覺得太細碗，心想會唔會唔夠食呢（我同男朋友兩人）🤔所以好衝動咁叫多個包！首先我地先試蛇湯，覺得係似雞湯，但濃郁的，好味的🤤飲落去少少咸，帶一點藥材味。但是易入口的。再來，試試蛇汁糯米飯🍚，好多臘肉🤤，面頭有一粒粒的花生🥜仲有鹽面架！碗飯少少多餘水都無，好香好香，好乾身🤩之後食個蛇羹，作為主角我對佢期望好大😂但佢都無令我失望，超足料，羹上面起碼有一半是蛇肉，食完的確有熱身的感覺，唔似得一些蛇鋪，用好多薑來營造暖身的感覺😅勢估唔到個包竟然咁好食😳多料唔在講，頭先講過當時已經十點半，但是包身少少濕水都沒有，底部完全無淋😏包皮完全無廠造的感覺，鬆軟綿密，又聞落透出蛇香味。整體環境就一般，而衛生是可以的，在一個充滿人情味的地方位置。

見有少少凍, 去食蛇, 叫左個大蛇更+ 蛇湯+ 糯米飯。蛇更好足料,好多蛇肉+ 木耳, 但呢度無落菇。加埋香草同薄脆就正。蛇湯味道濃,但唔會咸, 好飲!呢度無煲仔飯揀, 只得燸米飯, 有滿滿一碗, 我無試食。

今日天氣凍凍, 元朗得幾度, 最好食蛇暖暖身。朋友推薦蛇王如, 走去試下。位置少少隱蔽, 要搵下。進店一眼望晒，都是舊式店, 多是面壁位,食完要走。 價錢在牆只單叫了碗大五蛇羹, 料足味道不錯檸檬絲薄脆任加, 我個人更加大量胡椒粉隔離大叔食完蛇羹叫了個蛇肉大包(沒拍照) 目測樣子像蓮蓉包,大小有如女生權頭般。見人加食我又加; 打包個小糯米飯, 找數$91看看價錢 加個蛇湯(變套餐) 一樣$91 當然同收錢亞姐講啦！(唔講就蝕左碗細蛇湯)糯米飯一般都有花生, 臘味較少, 味道普通。五蛇湯一段有少少藥材味, 都清嘅。個人結語: 可以一食, 再去會去返搵亞倫

這間店在元朗好多年。真的由細食到大。食過元朗好多間蛇店。始終我們全家也覺得這間最好食。咁多年都係我們家必食之選。最喜歡叫碗大蛇羹。蛇羹足料又大碗。好除了蛇肉。有雞肉。木耳。等等食完又飽肚成個人都暖曬。

我們揀的套餐有龜湯, 蛇「更」,同蠟味燸米飯, 都幾抵架, 我們叫了一個加大, 兩個人食。蛇「更」: 呢間少D蛇肉, 咸D, 味道一般LA。龜湯: 好飲呀, 唔會有怪味, 第一次飲咋燸米飯: 大大碗! 無試, 但朋友話OK燸米飯可以轉做兩個蛇肉包, 下次想試試

星期六原計劃到會所游泳，伸展筋骨，可是懶根暴現，懶虫無所遁形，最差的是惡念頻生，想到存放心中已久的幾家元朗美食，即時變身魔鬼。從西鐵朗屏站出來，從水邊圍村的出口沿著天橋而行，下天橋後再走不遠，便是蛇王如了，絕不難找。蛇王如門面古舊，兩邊紅色的塑料突字，不少已剝落。食客均在店前帳篷下擺放的摺枱進食，食客也不少，蛇羮是不可或缺的選擇，不管是一大碗或一小碗。一張細枱的客人剛走，我們趁機坐上。桌上備有胡椒粉、薄脆及檸檬葉。基本售賣5款食物，可以單點或選擇套餐，售價當然是套餐會更優惠。另外，還有兩款涼茶，相信夏天較為搶手。蜜糖也有兼賣。我們的套餐來了，蛇羮加大了，看狀甚吸引。太史五蛇羮稀稠適中，入口自然，最怕滿口漿糊糊的感覺。再要讚的是料足，從來未嚐過蛇肉要比其他材料還要多的蛇羮，湯羮隨意一撈，總不缺粗粗的蛇肉，還有木耳、冬菇絲及瘦肉絲，整湯碗滿滿的材料。泛著正氣的果皮香氣，蛇肉腍中有彈性，富有輕微的煙韌口感，感覺新鮮。加上薄脆及檸檬葉，口感更加強化，味道更進一步提昇。整體質素之高，令人喜出望外！蛇汁糯米飯則較為遜色，糯米有欠軟糯，汁料味道亦較平庸，沒有將糯米飯的優點與特色帶出，只是一般。套餐還

秋風起三蛇肥~ 加上最近天氣超凍, 本來想去食煲仔飯暖下, 女友突然提出不如去食蛇羹. 元朗唔係好多食蛇羹既地方, 蛇王如係大馬路恆香隔幾個鋪算好好搵。佢果度有好多餐配答, 例如有: 蛇羹+海南雞飯+蛇湯, 蛇羹+煲仔飯+龜湯....etc 最後我揀左蛇羹+海南雞飯+蛇湯, 女友揀左煲仔飯+(大)蛇羹, 蛇羹好正好多蛇肉同足料, 味道一流, 同埋有胡椒既關係食完好暖, 蛇湯都好好飲, 好有蛇味, 最可惜可惜就係個海南雞飯, 飯超油, 雞超咸..完全無雞咪...同埋煲仔飯佢地係用電爐黎煲, 都食唔到好香既飯焦, 都係好麻麻~~~不過, 總括蛇羹真係好good~~下次去我會試下佢個臘味飯...見到有人叫個樣都幾ok