蛇王弟 (上海街)

營業中

休息中

店名以蛇為主，如離遠看店名，如不想吃蛇羹是不會走近的。其實除蛇外，也有很多選擇的。這裹還有焗飯、泡飯、咖哩、湯麵等。秘製豬扒焗飯，落單即焗。講明要等20分鐘，願者請耐心等候呵！終於上枱了，份量挺大，豬扒已切成一塊塊，蛋炒飯也是滿滿的。焗得焦香，豬扒軟淋，唯一是炒蛋飯比較濕。咖哩牛腩飯，咖哩汁味能吃到混合的蔬菜蓉味，清清哋但頗辣的。牛腩是凍肉機切的，炆得也算淋，牛腩無乜味，主要靠咖哩味搭夠。招牌蛇骨雞湯，奶白色濃湯，熱辣辣的，喝到微微的雞味。

本身想食蛇羮同泡飯，既然呢度兩樣都有，價錢實惠，就決定黎試下啦蛇羮足料多蛇肉，個人覺得不過不失。薄脆不是我最愛的南乳味也不夠脆，有點小失望 😞本身不是泡飯的fans，不過超喜歡脆米，而且眼看價錢便宜多選擇，決定一試個人覺得，佢嘅泡飯真係好食過蛇羹好多，不斷回購之選，我本身唔係泡飯fans都好推薦$39 3個餸邊度揾 🤷🏻‍♀️ 脆米在香港不常見，一問店員，才知道是老闆自己炸的呢而且這裡也接受支付寶，蠻方便的

係咁嘅果日見到某傳媒話好好食 仲有明星推介所以咪去食下囉 原本一心諗住去食咖哩雞嘅 嗰篇報道話嗰啲咖哩雞嘅雞“滑”雞嘅意思就係嗰啲雞好似海南雞咁樣但係真係認真好失望囉你睇下張相就知到篇報道話咖哩雞好滑是不真實的我去到食嘅時候嗰啲唔係滑雞嗰啲雞好嚡不特止仲要係好乾身係乾到肉都咬唔到嘅 好彩因為我哋都想食蛇羹之後嗌埋蛇羹糯米飯蛇羹就上算ok啦不過呢我又好少食蛇羹但係叫做幾好味嘅不過就有一種中藥味另外個老米飯呢我都係食咗一口但係同之前有一個人嘅comment一樣佢嗰啲糯米飯係黐埋一舊舊嘅亦都唔係非常之好食不過叫做可以試下囉如果問我下次再去唔去我都會去嘅不過咖哩雞就唔係“滑”雞啦佢新出咗呢有人蔘雞飯下次我都想食下如果食咗好食就會推介畀大家但係呢一間嘢試下無妨不過唔好咁多要咁高要求只不過係一間平平無奇嘅餐廳

秋風起，三蛇肥，為何還未吃到你?季候風，在刮起，掛念你的滋味，索性孖寶起雙飛。有裝潢的那種，滿店是蛇箱及蛇酒等開眼界的東西，是不會看到的。胡椒蛇骨雞湯點了的套餐而送上的湯，胡椒味重卻未算太辣。蛇羹除了蛇肉還有豬肉絲及木耳絲等，味道不錯，只是略嫌稠身了一點。糯米飯有點糊口，灑上炸花生佐吃是最讚的呢。蛇羹吃至中途，加上檸檬草及薄脆同吃，滋味更上一層樓。

蛇羹: 比起前面幾條街的蛇x恩稀啲，呢道入口有藥材味道，蛇肉同木耳絲豐富糯米飯: 林身左啲但夠熱，配料花生夠香口蛇骨雞湯: 雞味較重但無味精 食完成個人暖笠笠呢個價錢有3種食物係抵食的

我同男朋友本身都有D皮膚敏感同濕疹 無計啦~香港地D天氣 人多又潮濕 老人家話身體有濕氣困係體內就好易攰同敏感 所以我地出街拍拖都唔敢食D重口味野食 難得聖誕大假，有同事介紹我食下蛇 話呢間蛇王弟幾好食下 等到放假兩條友睇完場戲試下 我見佢個套餐A餐 大蛇羹同大糯米飯 都係一百蚊 幾抵食下 足料唔再多講 睇相都見到 反然個糯米飯就好正 臘肉同臘腸夠唒風味 煙韌得黎又唔油膩 最尾兩個食到出唒汗 唔知呢D係咪叫排毒去濕呢?!

想食蛇羹，見呢間裝潢靚咪試下囉。伏到嘔！仲話米芝蓮級師傅，莫非米芝連真系明燈1，蛇羹乜味都無！啖啖肉但唔似蛇肉，蛇肉實既，佢果啲肉又白又鬆散既。幻想下豆粉水加鹽，仲要食到有骨！！！！！2，糯米飯，零香味，啲飯黏到實一實，分唔開既3，人參雞，寫住限量同原條人蔘。以為好好味啦。錯，中等味道都達唔到，係極級難食！！味精湯得黎，少少人蔘味都冇，係零（絕無誇張），勁鹹，飲完渴到傻！絕無誇張，難食到我無胃口食剩野。唔信既，你都去試下丫。反正都係好珍貴既體驗黎，因為真系好難得食到咁難食既野！