蛇王業

營業中

休息中

正所謂咸魚青菜，各有所愛❤️並唔係個個都鍾意食蛇羹架！有部分人會覺得食蛇羹好噁心好恐怖，而唔會食🥶但我就好鍾意食啦😝難得有朋友都鍾意食蛇羹，嗅味相投😆大家都試過本地好多間蛇王鋪，並唔係間間都覺得好食，有的就蛇肉太少、骨多、無薄脆、味精多食到口乾，以上通通都唔合格，唔會再食🙅‍♀️蛇王業我都係第一次食，整體滿意👍點咗個$75套餐有蛇羹+糯米飯，價錢合理!🐍蛇肉足夠又無骨，有檸檬草同薄脆任添👍糯米飯軟硬度適中，花生香脆可口，醬油份量適中不會太咸，好味！我仲加咗$32飲埋龜苓湯，飲落好足料，又唔苦夠鮮甜，飲完仲好精神爽利，好滋補呀！🤩🐍蛇王業我同朋友都食得開心又滿意，係會再幫襯嘅😋🤩

話說我地好鍾意食蛇，2023年最後一日又出去搵蛇食😂今次呢間的裝修傳統d，得十幾個短，但都坐滿曬，而且唔止老人家，仲有大人小朋友。食物方面，叫左2個餐，入面有2碗大蛇羹、1碗糯米飯及1碗雙腸飯。2個飯就係普通的糯米飯同臘腸潤腸飯，一人份量細細，都係個d。蛇羹係重點！平時所謂的「大碗」係飯碗大少少，呢個「大碗」係食粉麵的大碗，仲要無咩芡汁一pat pat咁，啖啖肉，其實一大碗蛇羹已經好飽，細食既唔加飯都得👍🏽

由於疫情前到過這家吃蛇宴，非常懷念。昨晚1家人再來享受1吓，但令人大失所望。除蛇羮及蘇炸蛇丸外所有菜色都非常咸及I D蠖氣都沒有。有些餸菜D醬汁I pat pat,同之前比大唯信色。但讚賞果支蛇胆酒，真材實材。說實話食材是真材實料，但欠缺1位好厨子。可惜

今年唔知點解好多朋友一係不在港，一係話唔食，幾經艱難，終於約夠一圍十四個，去食一年一度的蛇宴～今年試新嘢，呢間未試過，不過睇菜單都差不多，算多蛇嘅菜單，不像出面很多只得三，兩個蛇就叫蛇宴。一嚟先上支蛇膽酒，不過我真係唔多喜歡，青BB，有少少苦，反而我朋友大大杯咁飲。到正式上菜，伙記差不多一口氣把所有菜放上枱，差啲食唔切。各款蛇的菜式算是不錯，而且份量相當大。而當中最愛就是和味椒鹽蛇碌，炸得非常香口，加上椒鹽，一口氣食咗幾條，不過朋友覺得有點難咬。而蛤蚧湯亦是不俗之選，飲完暖洋洋的。糯米飯也很乾身，大家爭住食。反而蛇骨腩實在非我所好，超級多骨，而且太淋，口感差點。不過整體還是相當不錯，是地方窄了點，有點逼～

朋友約食飯，建議食蛇，最後我哋去咗深水埗南昌街一間蛇店「蛇王業」食蛇，每席(12位用) $4,080菜單包括：1️⃣ 太史五蛇羮 (兩窩)2️⃣ 七彩炒蛇絲3️⃣ 香脆可口炸蛇丸蛇丸 爽口彈牙4️⃣ 和味椒鹽蛇碌5️⃣ 生扣蛇骨腩6️⃣ 紅燒火腩大山瑞7️⃣ 蛇汁時蔬8️⃣ 蛇汁貴妃雞🐥 貴妃雞 好嫩滑9️⃣ 補血壯腰龍鳳炖蛤蚧🔟 香噴暖胃糯米飯1️⃣1️⃣ 蛇膽酒一支整體來講：第一次去蛇店食蛇宴，相比一般酒樓之下，用料真的好一點，食物味道及分量都唔錯，埋單平均每位$340

今個冬天因為種種原因，都未有機會食蛇。見涼返少少，決定走去食番碗補補身。多數都係幫襯鴨記入面嗰間，但門口貼紙話暫時休業，咁就轉場去試試呢間。細蛇羹（$49），預期中的味道，蛇肉都不少，另外其他材料亦足，食落都唔錯，可以考慮下次再幫襯。PS：呢間收八達通、Alipay、WeChat。

廣東人對補身是非常注重的，通常是在天氣冷的時間，但並不是這樣的。無論什麼季節養生湯水或是藥療，都是為建立好體質 ，俗語話預防勝於治療。平時養好生命之泉，當生病就能得救。《蛇王業》努力營運了兩代人，累積經驗相當豐富，生產的食品得到街坊愛戴，客流不斷。今天品嚐的是 "名醫秘方燉過山烏" 。湯水用不公開的中藥配搭加入適當份量的 '過山烏' 蛇肉，經數小時以蒸氣烹調出嚟。 藥材味道不太濃烈，但帶些苦味，並無肉湯的感覺，似是廾四味凉茶。不過，加些少鹽就變出甘甜，非常容易入口。一人飲一盅也可應付。溫馨提示 : 進補湯水應該連續飲用一段時間，如有疑問先要向中醫請教。

去深水埗搵下午茶，今日有D凍，又成兩年無食過蛇，以前都系食開上環的蛇王林，但現在疫程下最好都吾會堂食，費事去咁遠食啦！聽過哩間比較有歷史同口碑幾好，就去睇下環境啦！去到睇到堂食差不多滿，大部分系銀髮，比好多茶餐廳都生意好，咁就決定買。已經讚啊姐，叫佢比多口D渣,睇到佢都幾認真撈咖。見佢咁好，又問佢糯米飯裡面有無臘味，佢話有，咁就要買個大蛇羹糯米飯套餐，100蚊咖，同上環果間差不多套餐帶兩包薄脆同一包檸檬葉。-蛇肉有骨最大獲系食第一塊蛇肉已經有幾條骨（有照片為證明），哩個應該系食物行業應該系不能接受，尤其是大部分客戶都系銀髮，亦反映到一間食店對食物同客戶的認真。- 蛇肉又少又”鞋”打開個蛇羹，再撈幾下，成個大蛇羹數埋都無10條好幼好短的蛇絲，比較食開上環果間，一半粗度都無。食落好”實”好“鞋”,就好似食緊無醃的雪藏瘦肉，個羹又稀又無味。-糯米飯裡面一粒臘味都無，只有幾隻蝦米，糯米飯正正常常，無突出是處。

➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️🌟有無諗過點解冬天啲人就話要食蛇？據中醫朋友話蛇肉可以通經活絡，促進血液循環，所以滋補啲🤣而且湯底應該有啲川芎、薑之類，可以溫經散寒，所以食完個人就會暖啲啦☺️🔸蛇羹🐍頭幾啖太濃厚，食落慢慢變得稀身，唔會太重生粉芡👌🏼 蛇羹唔會太鹹，調味做得唔錯👍🏻 蛇肉份量都幾多，口感介乎雞肉同魚肉之間😂 每張枱都有檸檬葉同脆卜卜🥰🔸藥材蛇湯🐍飲落幾清甜，唔會有中藥嗰種又苦又澀嘅味道，湯底仲有幾粒枸杞子😂🔸糯米飯糯米飯好普通，唔夠軟糯，味道比較淡🥲 勝在有少少蝦米喺裡面，食落香口少少🥺

最近天氣轉涼，打邊爐🍲、煲仔飯、羊腩煲、生炒糯米飯終於出場🔥🔥🔥不過除咗可以食以上美食之外，食蛇羹亦是個不錯的選擇🐍因為食蛇羹有好多好處，可以通經絡促進血液循環，行氣活血，做到暖身補身既功效💪🏻🥀不過而加好食既蛇鋪真係買小見小，今日食呢間其實真係好一般🥲可能人家就快收鋪，得返尾升🤪所以我完全聞唔到有蛇羹嘅香味🐍佢未算有齊蛇羹應該有既材料只係有基本既蛇肉絲、雞肉、木耳✨💥無冬菇絲、薑絲、杞子、白菊花瓣但有足夠蛋散薄脆、檸檬葉比你任加💰大$78 細$47💰

唔知係咪人大咗反而想搵返d傳統嘢食又正是秋冬之時蛇羹就變其中一個熱門選擇一個大蛇羹：份量十足，蛇肉也很財大氣粗。淡淡肉，富有彈性，嚼後有甘香很滿足呢。配菜：卜卜錯，脆度十足，完全沒有收潮檸檬葉：獨特的香氣，大家都可以不仿放小小可以試試。中和蛇羹的濃烈味道。帶來一點小清新。龜湯：湯很甘甜。藥材的香氣十足。若不太喜歡重口味蛇羹的話可以試試。可惜肚量有限，沒有食到好吸引的臘味飯。算是遺憾吧。大約下一個秋冬季，可以再戰。

近排天氣轉轉冷，當然要去食返個蛇羹，糯米飯補補身同暖暖胃啦！🤣🤣🤣每到冬天，我同老媽子去深水埗拜完老豆就會去嘆番碗，今次就帶老公去食吓啦！🥰🥰🥰蛇王業🐍🐍🐍地址：深水埗南昌街139號地下蛇羹 + 糯米飯套餐 $97（大）/ $77（細）蛇羹 - 佢係我最鐘意食嘅，味道適中，唔會太鹹，好足料，其他會食到好多瘦肉，反而佢食到嘅係好多蛇肉，木耳絲好爽口，最重要佢唔會太多芡，唔會好傑好，好似食碗仔翅咁糊口。😋😋😋糯米飯 - 感覺一般，因為唔太夠味同埋唔夠臘味嘅油香，比較編細碗。🙂🙂🙂講真，如果當飯食，大食嘅話一個大蛇套餐可能只係啱啱好，因為蛇羹夠大碗，反而糯米飯就比較細。😁😁😁順帶一提，堂食嘅話，薄脆係任加任食嫁，哈哈，呢個就係我鐘意食蛇羹嘅原因，因為蛇羹加薄脆再加胡椒粉，浸一浸，撈埋食，嘩！簡直係絕配。😍😍😍整體評分：78 分

今晚放工約左老公去鴨寮街睇下有咩平野買，順便行下附近有咩美食做晚餐。 沿途途經蛇王業，好興奮囉心諗好耐都冇食過蛇羹啦…🤤細細個都有聽好多人講過🪱蛇王業唔差幾好食，係深水埗有半世紀歷史都好悠久。一直都冇機會嚟試過，於是同老公講我地又未食過不如就買來試試啦🤤反正今晚天氣有點涼順便買嚟比我補下身體我地買咗個細套餐＄66有蛇羹＋糯米飯滿懷期望回到家急不及待打開嚟食，第一啖蛇羹感覺還可以只覺有少少鹹但都可以接受嘅， 糯米飯口感都正常。食到差不多一半蛇羹＋糯米飯，發覺已經頂唔順愈食愈鹹已經唔想食最後，好浪費食咗一半冇食了，唔會再有下次幫襯。

最近身子有d弱，所以特別想搵滋補食品養生😆😅今日又跑到深水埗諗住進補，今次去到蛇王業，叫咗碗大嘅太史蛇羹🐍呢度嘅大蛇羹比上次去嗰間好似細碗d，但裡面嘅蛇肉滿滿，加上木耳絲同雞肉絲，好味👍🏻呢度除咗蛇羹之外，仲有多款補身保健湯水食品以供選擇👍🏻喺門口找數嘅時候見到佢有蛇胆陳皮，就買咗一小盒，店員話搣陳皮一小角含住响口腔至陳皮軟身先吞落肚。坦白講，陳皮係苦嘅，黑萌萌😅，可能因為浸過蛇膽😅，但食咗一小片，今日之後就無再咳(我只係輕微咳嗽）👍🏻

路過見倒 想食蛇羹 大$78 細$47記得之前買過…………1碗大蛇羹 差唔多有 2碗細蛇羹份量蛇羹 足料蛇多木耳絲爽 冬菇好少湯色清透唔濁 味濃唔過咸 冇頸渴但檸檬葉黃咗唔香 失色 薄脆夠脆但比較碎好彩自家有檸檬葉 差啲因少失大……