蛇王燊

營業中

休息中

天寒地凍想食啲暖身野，食蛇就補補身，呢間蛇舖食開，去到店面細細，裝修簡陋，座位面壁，不過大家都唔介意！同門口姨姨店員落單，幾個位置即刻回應，門口另一邊𢳂蛇湯蛇羹，店入面𢳂糯米飯，即刻出到比姨姨包比得，5分鐘唔使走得（外賣碗要收錢）B餐（$83）蛇湯一碗：無湯料淨湯夠熱，味道濃，鹹香好味蛇羹一碗：細細碗，湯底唔會太杰，蛇肉粗身，不過有啲嚡（黏牙縫）木耳絲等配料，加上薄脆同檸檬葉絲，香脆唔腥好味糯米飯一碗：帶到回家已黏在一起，糯米乾身煙韌，索晒醬油味，臘味粒出晒油，加上鹹脆花生，油香滿咀！好味食物味道仍好，比以前細份量了，蛇羹亦無以前咁香濃！雖然食完成身暖晒店員們各司其職，配合好爽！冬日補身美食

秋風起，三蛇肥，今天和同事去灣仔玩具街的蛇店食lunch。到埗時，看似舖位細細，以為無位坐，原本別有洞天，上2樓平台有露天坐位，很多人好熱鬧，感覺不錯。 餐有四個，A/B餐就有蛇羹+煲仔飯+蛇湯/龜苓湯($98/$88)，C/D就有臘味糯米飯+油菜+蛇羹/龜苓湯(同是$83)。 我叫了蛇羹+臘味糯米飯+油菜套餐 ，蛇肉很多，非常足料，加上熱騰騰的臘味糯米飯，滿足非常，美中不足是菜心較老，有興趣可以一試!

呢幾日係入冬以來最凍，非常適合進補一下，蛇羹一向都係不錯的選擇是晚🎾前，我地心思思到此一吃！蛇王燊位於玩具街，距離灣仔港鐵站不過5分鐘路程。到左地舖，首先要點餐付款，2人點左套餐B（蛇羹一碗、蛇湯一碗，我地選左蛇腩瑤柱炒飯，本來想選支竹蛇腩煲飯但已售罄），因為地舖只有幾個堂食位置，通常都爆滿，付款後有店員引領我地到對面大廈2樓享用滋補蛇餐臘味糯米飯，味道不錯夠咬口，飯不會太濕，可惜唔太多臘味蛇湯好飲，濃濃的，有啲藥材味道，用湯匙攪拌一下，見有杞子、圓肉。無腥味，不過趁熱飲會較好味！蛇羹好足料，都有頗多大條嘅蛇肉，落埋「卜卜脆」，好好味蛇腩瑤柱炒飯，飯夠乾身但略嫌偏油膩，唔多蛇腩但都算多瑤柱。其實我地以前間中都會黎，對上1次好似係2年前，但今次再嚐感覺已經無之前咁好味，但此店都仍然屬於唔錯的選擇

今晚同屋企人在灣仔食完飯，沿着玩具街（太原街）行去地鐵站，由於天氣突然轉冷、涼風凜凜，但又衣衫單薄，正想加快腳步之際，太原街上唯一一間仍然未關舖的小店映入眼簾，立刻放慢腳步。心想：「已經入冬，食蛇羹的季節又到了！」結果，就在「蛇王燊」食了今個冬天的第一碗蛇羹。店舖面積非常細小，當然不可能好似上環歷史悠久的「蛇王林」或深水埗的蛇羹舖一樣，擺滿一個個蛇箱；店舖內的空間除了一個小廚房之外，只足夠容納四五張膠櫈及兩張貼牆擺放的小枱。但如果單單只論名氣，「蛇王燊」的來頭卻也不小。店舖門面就貼了幾張已經發黃的雜誌及報紙訪問，甚至包括已經停播多年的《香港早晨》的訪問照！只有五款出品：蛇羹、蛇湯、蛇酒、龜苓湯及臘味糯米飯。其中最好賣的蛇羹、蛇湯等，全部盛載在店舖門口靠左邊的鐵皮推車仔（梗位）內，利用罐裝石油氣明火保持着熱辣辣的溫度。一來節省地方、二來方便外賣，實在是聰明之舉。問起老闆，夏天時候是否會暫時關門唔做生意？答案出乎意料：「一年四季都賣蛇羹！」心想：「蛇羹暖胃滋補，夏天食蛇是否會很燥？而且，夏天的蛇夠肥美嗎？」只不過，這些都不會是今晚需要考慮的問題，因為香港已經入冬了。剛剛食飽飯，胃納只能容下

寫開灣仔餐廳，自然就想起1月2日的一餐下午茶。 記得那天在午飯與晚餐中間的午飯，有段幾想的時間，中間去了書局，揼左個骨，行左陣街，還未到晚飯的時間。 我當然想食餐下午茶，心裡選擇多的是，在灣仔的中心呼喚愛，我想到了永華，新九記，金鳳，豬扒麵等等無數美食，食到宵夜都多。 奈何，晚飯是法國菜，無理由撐飽至過去，這就如古代的戰士食飽才打將，必敗也。 當然，蒲左咁耐嘅我自然有想法，有點微冷的天氣，想飲一碗有暖意的，我想起了這裡。 在有名的交加街，除了玩具和豬扒，就係呢度嘅蛇羹。 有名的原因，除了足料，佢價錢非常相宜，一個蛇羹一個煲仔飯一個菜都係八十。 對比有名的其他香港大名的蛇王，呢個王絕對相宜。 記得從前在灣仔工作，曾在這裡吃一個午飯，印象很好，在那個寒冷的下午，給你我溫飽。 今次再來，依舊為我送暖。 叫了碗小的蛇羹兩份吃，說真，料足到不得了，蛇肉條條似手指餅般粗壯。 先吃一口，那蛇羹的內涵如暖男般送暖。 加上脆脆和薄荷葉，另一番的景緻，甘甜涼快又滿載蛇香，四十幾蚊咁足料，那裡可以找。 今年，我應該是第二次吃蛇羹，還沒有機會吃蛇宴，不如還有沒有機會，但幸好，還有蛇羹給我安慰。 這蛇

蛇王燊 灣仔交加街富榮閣地下 太好食了，每年冬天都要食一兩次以上。 試過銅鑼灣及中環，但最愛還是灣仔這間，很多人不知道，以為這間小鋪沒位坐，嘻，其實別有洞天。 先點餐，俾錢，再上2樓平台，那裡你想坐幾耐都得！以前有隻肥貓，現在貓貓不見了。 今日要陪阿媽食飯，上次傾計才知道她未在樓上食過，決定和她食一次了。 首先有ABCD四個餐，AB兩個餐是包煲仔飯。都有蛇羹的，但就有蛇湯同龜苓湯任選。 CD餐食臘味飯，再有蛇羹，加蛇湯同蛇湯或龜苓湯選。 煲仔飯有四款：田雞，蛇腩，雞，及第二種蛇腩配搭。我們一致要試田雞飯。 在星加坡時Geylang常有田雞煲仔飯吃，大約是星幣10蚊，落很多料的，但就沒有香港這些港式田雞飯咁好味。是純原味，田雞很乾淨，煮得也很透徹，應該很安全。味道是嘗得出的田雞味，應該有落燒酒。煲底有飯焦，雖然略硬，但我仍要給5粒星。因為真的比星洲原味！ 蛇羹啖啖肉，阿媽說是雞肉，我可不理了，因為好好味又細碗。仲可以自由放很多很多我最喜愛的檸檬葉絲。蛇羹是吃的，不是飲的。蛇湯才是飲的，也不錯。 但是真不好意思了，是晚記得影相時已是食完的時候了，只能影張証明真是連飯焦都不放過的！ 可能天氣

吃過不同蛇王店的蛇羹, 這間的套餐是最貴又最搵笨.  這都算, 幫襯貼錢買氣受, 蛇王脾氣唔好, 黑晒面. 相片有牙簽筒比拼, 可想而知幾細砵蛇羹!  望蛇羹面亦知食材料不多, 跟別家蛇店比, 很小氣.我跟一班同事是懷著興奮心情去食, 結果是非常失望而回.我們都說要把這店子例入黑名單, 不會再去.

秋風起，一班同事都想去補補佢，為身體打個底。所以就去左灣仔最出色食蛇的蛇王去食個蛇羹！我點左最鍾意的套餐組合「蛇羹+蛇湯+田雞煲仔飯」。煲仔飯其實重有好多種，例如臘味飯丶滑雞飯丶蛇腩飯等等，但係田雞飯係我的至愛！點完餐就去左對面大廈2樓的露天天台度等食，好有風味。裝到超滿的蛇羹非常足料，蛇肉一絲絲唔會硬，木耳夠爽口，口感非常好。勁鍾意佢台面任食的蛋散，同蛇羹真係一個無得輸的組合。食完岩岩好煲仔飯黎到，再焗佢一陣，貪佢有飯焦。飯已經調左味，所以唔需要用到台面上的煲仔飯醬油。田雞肉勁鮮甜，肉質好爽口，每舊田雞肉都好脹卜卜，夠哂肥美。而且田雞每舊都好乾淨，証明店家好用心處理食材。冬菇肉質都好厚，菇味好香。食到最底有少少飯焦，脆卜卜勁惹味。食完個飯重有一個蛇湯，有少少杞子同藥材煲，甜甜地又消膩，一個美好的句號！

天寒地凍, 食蛇永遠是最佳時候, 這位於灣仔玩具街的蛇店, 是我食蛇首選,套餐價格相當合理蛇羮非常足料, 木耳, 荀絲, 蛇肉比例不錯, 蛇肉份量足, 味道亦ok今天我至愛的蛇暔賣哂, 唯有食田雞, 不會過火, 還保有它本身的鮮甜......正最後來一碗熱辣辣的蛇湯, perfect!!

呢間野另有唐樓樓上座位, 可以上去坐住食, 又幾得意。D人通常都是叫SET, 我們2人SHARE 一1個SET, 有蛇更+蛇湯+ 田雞飯蛇更: 唔會好咸, 蛇肉都充料, 只是比元朗某鋪幼, 但D 蛇肉就滑D, 不過細碗DD, 同埋無香草啊蛇湯: 好似一般老火湯田雞BOW仔飯: 一人餐來講都幾大份架, 都好多田雞肉, 足料, 本身已有味, 唔使加豉油, 幾好味呀

在灣仔開飯，但又搵唔到位，所以去左蛇王燊食蛇羮煲仔飯套餐，76元包蛇羹一碗、蛇湯一碗及蛇腩雞翼煲仔飯，蛇羮和蛇湯味道都是一般的，不過煲仔飯就好好味，咁嘅價錢算抵食喇！因為太趕所以蛇湯唔記得影相！

天寒地凍，lunch 想食D暖身嘅嘢，即時想起「蛇羹」馬上搭丁丁落灣仔修頓球場對面嘅交加街搵蛇王！ 舖頭約於街中間，唔難見倒因為前面掛滿吸引唚嘅招牌和餐牌。我們兩個人樣樣都想食，最後決定要兩個set share。A 餐蛇羹 + 龜苓湯 + 自選煲仔飯C 餐蛇羮 + 臘味糯米飯 + 油菜以街邊小店嚟講，價錢唔平咖，不過唔係周圍都有得賣，又係季節性所以久唔久一次ok啦。蛇羮D料好足，薄脆同檸檬葉自己加，加少少胡椒撈埋一齊食好好味。龜苓湯 就似D肉湯加藥材嘅味道，黑蚊蚊無渣淨湯。不過飯類就麻麻哋，糯米飯可能蒸焗得耐所以好林。我哋要咗個田雞煲仔飯，即煮熱辣辣不過唔夠乾身呀。油菜預一人份量，今次係菜心。始終以蛇羮係主角，冬天食完暖笠笠呀！

是晚生日，其實已食飽晚餐，但bf記得我想食蛇，所以再帶我嚟找燊哥。 大概8點幾9點啦，天氣凍凍地，好多人幫襯呢！眼見枱枱人都食set, 但我地兩口子已好飽，只叫左碗大蛇好sweet咁兩份食。好足料，唔係只得生粉呢，有好多蛇肉，瘦肉絲，木耳絲，我地再自己落埋薄脆同檸檬葉，好香，好夠味。當然，環境係一般因為要坐係街邊，但希望再有機會嚟食啦！Very sweet & warm night !!!

午膳時候, 本想和同事到此吃蛇, 無奈店子爆滿, 二人唯有各買了碗蛇羹回公司開餐。「鈿蛇」$38、「大蛇」$54, 小人當然要了大蛇!! ∩_∩拿回公司, 仍是超燙的! 一碗蛇羹, 還跟上一包檸檬葉及一包薄脆。在未加入檸檬葉前先渴一口湯羹, 湯底絕非"杰撻撻"的生粉水, 用料十足, 嘩! 即時暖入心, 在凍天氣下實在太正了~~~而湯羹內蛇肉超多之餘, 更有木耳絲、菇菌等配料, 勁滿足!! 後來加入了檸檬葉, 清香無比, 實為畫龍點睛之作!!小人已多次吃過蛇王X、蛇王Y, 但是這麽足料的蛇羹, 真的令人大快朵頤。樂在寒冬下吃個蛇羹的午餐~~~ ´▽`

蛇王燊就在我工作地方的附近，步行時間不到5分鐘，雖然如此近又有一定的名聲，但我一直都沒有光顧過，原因不是因為討厭蛇，只是興趣不大而已。但這天同事邀約，又當好是秋冬時節，正所謂「秋風起，三蛇肥」，也好，就去試一試正值時下之物的味道如何。當時是下午三時左右，我和同事避過了繁忙的午市時間所以不用等位。甫一坐下，眼看面前有兩個膠盒，放的分別是檸檬葉絲和薄脆，看來和我吃過的其他店不同，這裡的檸檬葉絲和薄脆是任加的，我喜歡加少略檸檬葉絲增加香氣，薄脆的話倒是不會加。看一下餐牌，有四個餐可選，既然目的是來品蛇我當然選了個全蛇宴的B餐 - 蛇羹、蛇湯和蛇腩煲仔飯，同事則選了C餐，包括蛇羹、糯米飯和油菜。點餐後店員立即送上蛇羹，我不太到蛇店吃的其中一個原因就是很多蛇店的蛇羹和街邊的碗仔翅沒太大差別，這裡的又如何呢？第一眼看到後我和同事都嘩然了，很足料，蛇羹有一半以上是蛇肉！！！其他如木茸絲、冬菇絲等用料豐富，吃下去蛇肉有咬口，不像其他蛇店用雞絲充數，毫不欺場這點就足以加分了。蛇羹的杰度適中、熱騰騰的吃過幾口後已然額頭冒汗。之後來的是同事點的油菜和糯米飯，油菜目測上和白灼無異，沒有油光；糯米飯則不錯，有不