蛇王芬

營業中

休息中

Ser Wong Fun offers a delightful exploration of Cantonese cuisine. The Rice with Ducks Meat Sausage and Chicken in Earthen Pot is a comforting and flavorful dish, the tender meat and sausage complemented by the fragrant rice. The Murex with Conpoy and White Gourd Boiled Soup is a nourishing and well-balanced creation, the broth's subtle sweetness accentuating the seafood's freshness. The Fried Taiwanese Vegetables with Garlic Paste and Shredded Pepper is a vibrant and textural delight, the veget

作為一道極富傳統文化特色的經典佳餚,蛇羹的味道實在是讓人難忘。湯汁如玉,清澈見底,飽含著蛇肉的甜美鮮味,入口即化,令人回味無窮。用上新鮮肥美的蛇肉作為食材,燜煮數小時,充分釋放出其天然的香醇鮮美。蛇肉肉質滑嫩,飽含著豐富的膠質,在湯汁的包裹下溶化開來,散發出撲鼻的野生動物特有的清香。恰到好處的調味料如薑汁、蔥花等,完美照應了蛇肉的清雅氣質,形成了和諧動人的味道組合。湯頭入口醇厚鮮美,不帶絲毫腥膩,反而帶有一股獨特的清香,令人回味無窮。蛇肉肉質軟嫩，入口即化，滋潤順喉,讓人欲罷不能。這道蛇羹集中華飲食文化之大成,無論是在味道、香氣還是口感上,無一不令人嘆為觀止。細細品嚐,定會讓你對這道經典美食刮目相看。

係中環附近想食啲熱辣辣嘅野，就揀咗蛇王芬～聽朋友講佢哋嘅湯同小炒幾正，又有香港特色👍🏻黎到見到有深度遊係門口介紹間鋪😯 然後入到黎又見到有啲遊客同外國人係到，睇黎大家都係慕名而來😋無花果燉豬肺🥣湯色靚，甜甜地，好滋潤。豬肺處理得好乾淨👍🏻豬肺煲到好軟，好易食。啱晒啲想清肺或者喉嚨唔舒服嘅人。飲落去，甜味後有少少中藥香，暖笠笠嘅🤤臘腸蛋白炒飯🍳🍚簡單得嚟味道豐富。臘腸香，蛋白滑，飯粒鬆散。食落口感正，臘腸嘅鹹味同蛋白嘅嫩滑混合得岩岩好🍛茄汁煎蝦碌🍅🍤外面煎得啱啱好，蝦仲保持住鮮甜。茄汁酸酸甜甜，好開胃。蝦肉彈牙，食落有嚼勁，呢個做法都幾特別😋

今日同朋友嚟到呢間位置中環的百年老店--蛇王芬，應該是全港最老蛇店！餐廳的裝潢是中式設計，沒有誇張的裝飾，牆上的字畫增添了不少色彩。餐廳原來唔淨只係食蛇，仲有好多其他小菜小炒，甚至燉湯都有，選擇非常多😋🔸太史蛇羹配馳名鴦腸蒸糯米飯 蛇羹十分的足料，裏面的材料是十分的多，有蛇絲、鮑魚絲、雞絲、木耳絲、冬菇、薑絲、花膠，蛇羹好濃厚，湯底冇加味精，更突出蛇味，一點都不腥，有陣陣的檸檬葉香，口感豐富。聽聞蛇肉選用金腳帶、過山烏、過樹榕、三索線和白花蛇五種蛇肉，真材實料！糯米飯煙韌，加上蛇王芬自家配製臘腸與鴨膶腸，鮮肉臘腸肥瘦適中，而潤腸咬落有油香嘅回甘。 🔸干炒牛河 色澤金黃，牛肉大塊，嫩滑多汁，河粉炒得乾身，少少燶，超有鑊氣，入口一啲都唔油，河粉又香又滑🔸子薑麵醬魚雲煲酸酸甜甜的子薑麵醬汁做得好開胃，醬汁唔會太濃，唔會搶左新鮮魚雲嘅味道，魚雲魚眼滑溜，配上微辣嘅子薑，惹味嘅麵䜴粒，一試難忘

想係冬天過之前食返碗蛇補補身 揀咗百年老字號的蛇王芬。 一直誤以為秋風起三蛇肥 秋冬時才吃蛇進補。一進店門遇到老闆娘熱情招呼 滔滔不絕講述原來中醫一年四季都會用蛇來入藥 仲有真實醫學數據支持。食蛇可以抗炎、促進新陳代謝、抑制細胞孌異及增強免疫力 此外 蛇肉本身滋補不燥、低脂肪、低膽固醇，絕對係養生妙物！ 老闆娘身為蛇王芬第四代傳人 至力推廣食蛇成為非物質文化遺產。仲身體力行 同唔同品牌合作例如pizzahut 想多d年輕人接觸到蛇 🙏💪 宜家仲推出左 燕窩蛇湯海鮮節瓜中套餐 配蛇王芬臘腸蟹肉蛋白炒飯 188 大大啖燕窩 點會估到蛇肉同冬瓜盅會咁夾。湯底清甜 補而不燥 蛋白炒飯有鑊氣 臘腸份量一啲都唔吝嗇。除咗傳統蛇羹 生炒糯米飯至愛 呢個絕對係另一種食法！

一入到去老闆娘非常健談，仲介紹新嘢俾我地食，咁就試試佢啦😉燕窩蛇湯海鮮節瓜湯套餐$188海鮮節瓜盅🦐🦀🦑湯料相當豐富。而且好有誠意有蠟燭坐住保持佢嘅溫度，有薏米,蝦，蟹肉🦀蛇肉🐍竹笙,燕窩,節瓜,玫瑰🌹等，非常多料，節瓜入晒未充滿湯汁😋而且有個火煲住啲玫瑰味會越嚟越濃👍🏽飲落去係清甜嘅☺️蛇王芬客臘腸，蟹肉蛋白炒飯🦀個飯好好味，炒飯粒粒分明，沒有油膩感，而且每一啖都食到臘腸粒，非常豐富😊菠蘿咕嚕肉🍍🐖🫑份量都大，咕嚕肉有10幾粒，又有好多甜椒同菠蘿，酸酸甜甜好味道😆雖然係有炸過，但係一啲都唔油膩，外皮保持住少少脆，醬汁豐富，而且豬肉肉嫩多汁😋😋😋非常開胃😍椒鹽脆豆腐非常欣賞呢個椒鹽脆豆腐，外脆內軟，唔係果種死硬，佢係用中式豆腐，所以有好重豆味，而中間就比較多椒鹽同辣粉🌶️鍾意重口味就可以食中間，想清淡啲就可以其他😋😋整體嚟講呢間都係性價比高嘅餐廳👍🏽👍🏽位於中環，價錢算合理，而且好味😋同埋間餐廳好有人情味，我見每一位客人入嚟，老闆娘都會同佢地傾偈，無論對新客定舊客老闆娘都係好熱情😍😍係值得支持嘅小店

入到去老闆娘好nice咗同我地介紹養生食物除咗做咗幾十年嘅蛇羹之外老闆娘好養生研發咗更多養生食材出嚟平時聽得多冬天食蛇羹身體會好溫暖但原來係四季都可以食蛇養生嘅最近新出咗燕窩蛇湯海鮮節瓜盅套餐$188燕窩蛇湯海鮮節瓜盅蛇湯好清香玫瑰花味🌹仲有好多蛇肉同埋入晒湯味嘅節瓜好好味蛇王芬臘腸蟹肉蛋白炒飯天氣咁凍，最好飲暖笠笠嘅燉湯無花果蜜棗燉豬肺 $120豬肺好好味呀，燉湯有無花果蜜棗甜味啱啱好菠蘿咕嚕肉 $140酸酸美味，好開胃😋基本上每一枱都見到會點嘅一道菜蛇王芬 (中環)中環閣麟街30號地舖

天氣涼涼地，想食個蛇羮就去蛇王芬食晚飯。見到有個二人餐，550蚊，老婆突然想飲燉湯（可以揀蛇羹），以為可以一個飲湯一個食蛇，點知伙記話只可以揀一款？落單叫海底椰燉湯，豉油王煎蝦碌，鴛鴦腸抄芥蘭，蛋白炒飯。菜牌強調二人份，所以唔擔心唔夠食。最令我失望的是上菜只得一中燉湯上枱，問夥計唔係有兩中嗎？佢話要我叫哋兩個＂分享＂。食過好多其他餐廳的中式，西式，日式二人餐都係一人一個湯。唉！咁樣都唔係以客為本。整體味道還可以，當然唔係＂嘩好好味＂嘅水平！店舖也比較淺窄同舊，坐得比較迫。呢個價錢就真係唔值呀。 （臨走時聽到隔籬枱問夥計個二人餐仲有個蛇羹咁耐都未嚟，夥計話剩係得一個，個客即刻好失望咁嘅樣！）

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。  蛇王芬於中環閣麟街30號，中環香港站地鐵站扶手電梯大約十分鐘便到，地點方便就腳。 老闆娘10分好客。 更和我們分享不同食蛇小貼士。 原來蛇肉營養價值高。 除了有豐富蛋白質外。 還有很多不同營養。 一年四季都可以吃。。  我們一行二人共點了幾道小菜，一起互相分享。 臘腸蛋白炒飯(⭐⭐⭐⭐⭐)炒飯乾身，而且有鑊氣。 配上甘香的。 臘腸片。 令人停不了口。 太史五蛇羹(⭐⭐⭐⭐⭐)然後便到最期待的蛇羹，材料豐富，有蛇絲，鮑魚絲，雞肉，冬菇，木耳，花膠。用料十足，湯色清澈而且濃稠適中，入口香滑又有咬口。相比起其他老字號蛇羹，這一碗喝起來味道較為清甜，能夠吃得出材料鮮味。現在秋風起，吃這個蛇羹進補適合不過。  ~~~~~~~~~~~~~~~~~~~~~~~~ 蛇王芬 中環閣麟街30號地舖 推介菜式：太史五蛇羹  👍🏻地點方便 👍🏻環境舒適  👍🏻價錢大眾 

今日同女友慶祝7週年，見天氣凍，大家又鍾意食蛇，所以訂位試下。去到全場滿座，但都感受到個種人情味；老闆娘（我估）會每枱打個招呼傾幾句咁👍🏽之手叫左個2人餐，有一碟炒粉麵（叫左星洲炒米）、一碟「海鮮」（叫左XO醬芥蘭炒帶子）、一碟小菜（叫左香橙骨）同一碗蛇羹⋯我同女友都唔明點解2人餐得一碗蛇羹，唯有額外叫多碗⋯菜最快到，但真係得幾條😅之後係星米，味道正常，如果乾身d會更好味。香橙骨有驚喜，好香口又唔太油👍🏽蛇羹最遲到，好傳統的味道，但個芡有點勁，好笠口，好彩料足。整體而言，呢道係食人情味，如果純粹想食好野就可能要考慮下🤔

今日因為天氣開始凍，所以大家就諗下食蛇。而亦因為知道蛇王芬曾經2016 取得米芝蓮，所以大家一齊去試下，但完全物非所值。難怪只見大部份是遊客幫襯。本地人只得一，兩枱。整體都令大家失望，首先講蛇羹，湯底好似漿糊咁，粉漿太厚。另外，蛇羹上枱時，不是熱的。所以$150/碗就～～😰😰第二，豉油皇煎蝦，蝦腸未挑，又張蝦頭切開，四隻分為八件上碟，經典。😄第三，潤腸雞㷛仔飯，無飯焦，水份又太多，雞又只得幾件骨。 第四，椒鹽鮮魷，完全無味。原本想點椒鹽蛇碌。因為無貨，才點椒鹽鮮魷。第五，羊腩煲，味道尚可，但沒有冬荀，腐竹又好硬。另外，餐廳不太清潔，枱面餐牌油膩，地滑。而洗手間門口也有積水。侍應服務態度都好。六個人，$2xxx。 完全物非所值。

秋冬就緊係最好去食蛇！港島老字號店 - 蛇王芬，最出名就係他們的蛇羹，佢地的蛇羹真材實料，又足料，食完個人全身暖笠笠，手腳都唔再冰凍！蛇羹除左有蛇肉絲，仲有雞絲、冬菇絲、木耳絲等等，蛇肉仲要新鮮的，非常值得黎一試！秋冬仲點少得食煲？我們今次食這個豬潤啫啫雞煲，雞件多肉又滑，豬潤入口爽又唔腥，件件都咁大件，而且成個煲超入味好正！真心推介～除了食蛇同煲，呢到都仲有其實粉麵炒小菜架，我們還點了楊州炒飯同茄汁煎蝦碌。楊州炒飯食回從前小時候的味道，真的好懷念，粒粒金香的黃金炒飯，還有叉燒粒和蝦仁生菜絲，越經典越顯手藝~ 而茄汁煎蝦碌，酸酸甜甜的茄汁，配上煎炸過的大頭蝦，蝦肉新鮮不霉，彈牙爽口，可以作為開胃的海鮮小食！最後再來養生的飲料，整餐飯都非常之養生，超讚👍🏻

中午一個人去食午餐，經過公司附近，有間食蛇嘅舖頭，於是我就入咗去，叫咗個套餐，燕窩蛇湯海鮮節瓜盅套餐。呢個套餐包一盅湯同埋一碗飯。蛇湯上面有好多燕窩，見到上面有一絲一絲嘅蛇肉，好有蛇肉嘅鮮味。湯入面有一嚿節瓜，中間讓左少少薏米，感覺好清新。蛇湯非常之鮮美，感覺調味料唔多，鮮味都係來自新鮮食材，好好味。套餐除咗蛇湯之外，仲配一盅臘腸蟹肉蛋白炒飯，炒飯加咗少少紫椰菜，色彩好豐富，賣相唔錯。臘腸超級惹味，蟹肉加上蛋白，非常新鮮，食得出蟹肉嘅鮮味，而炒飯嘅飯底，亦都相當講究，一粒一粒炒到乾爽嘅，好有口感。蟹肉睇得出係真材實料，因為意外地發現蟹肉夾雜咗少少蟹殼碎片。原來呢度嘅臘腸同潤腸係好出名嘅，係有得散買臘腸，俾你返屋企自己蒸嚟食。套餐仲送一杯冰凍嘅蔗汁，蔗汁有好鮮甜嘅味道，超正。一邊食一邊聽到老闆娘講，原來識蛇湯或者蛇肉係好有益嘅，仲可以防癌，原來香港中文大學一位教授早已經証實左，係有醫學根據嘅。

呢兩日天氣突然間凍咗好多，想食返啲暖笠笠嘅嘢，所以就嚟咗中環超級出名嘅老牌名店蛇王芬食碗蛇羹暖暖個身準備迎冬。估唔到平日夜晚都好多人，我哋都要排咗一陣隊先有得入座。佢嘅二人套餐望落好抵食，除咗有海鮮，小菜同埋一大碟粉面之外，仲包括主角蛇羹，咁抵食所以就決定嗌套餐。蛇羹對上一次食蛇羹已經係好多年，今日終於可以再食多一次。質素保留以前嘅水準，有蛇王芬獨一無二特別嘅湯底，而且湯羹入邊材料豐富，又有木耳，香菇，食落就似一碗超級香濃版本嘅碗仔翅。橙酒香橙骨見到橙酒咁特別就心郁郁想試，但好驚香橙味嘅嘢都有啲伏，好似鬼佬中餐咁。但係好彩最後抱着一試無妨嘅心態試咗一試，因為食落高質有驚喜！排骨係使用健康嘅煎焗嘅方法去煮，所以一啲都唔油膩。香脆嘅排骨加埋酸酸甜甜嘅橙味醬汁，配搭好特別，而且好好味！子薑麵醬魚雲煲砂鍋原煲上嚟熱辣辣，最驚喜嘅係魚雲嘅調味超級特別，有好香濃嘅酒味，超級惹味，食每一啖都會忍唔住啜多幾下，越食越上癮，食落就明點解佢寫住攞金獎😌星洲炒米食炒粉麵飯最緊要就係有鑊氣，呢度嘅星洲炒米炒得好有鑊氣，而且充滿黃薑味，亦都十分足料，蝦肉同叉燒多到數唔晒，啖啖都有配料，大滿足😋估唔到蛇王芬除咗有

以前好多人對食蛇既概念就係冬天先食蛇，我好欣賞呢間百年老字號既老闆去到佢第四代，佢好努力同唔同品牌合作推廣，目的就係想分享比全港既市民同後生仔知，其實食蛇係一年365日都啱食，已經有中醫證明藥效有抗炎、抑制腫瘤同抗癌等，改變大家傳統既觀念，我都係今晚食飯老闆分享咁多比我地食客知先學識咁多野，黎到當然要點佢現時最出名既燕窩蛇湯海鮮節瓜盅套餐，配蛇王芬臘腸蟹肉蛋白炒飯，蛇湯有香濃藥膳味，同時食到鮮蝦、蟹肉同節瓜既鮮甜，啖啖蟹肉，鮮蝦爽口，節瓜蓉吸左啲湯好好食，炒飯一上枱就好香，夠鑊氣，飯粒煙煙韌韌好咬口，十分足料，此外當然必點呢到既招牌蛇羹啦$140一碗，一班朋友黎食可以直接叫小鍋大鍋，每間蛇鋪既蛇羹都絕對係心思之作，蛇肉口感獨特，有嚼勁，佐檸檬葉和薄脆食，增加味道層次同香脆質感，配埋冬菇片、雲耳、雞絲等，味道豐富，黎緊佢地同pizzahut合作出薄餅添，好欣賞老闆keep住與時並進同不停搵空間去推廣蛇王芬既努力！