影片
營業時間
今日營業
11:00 - 20:00
星期一至日
11:00 - 20:00
以上資料只供參考, 請與餐廳確認詳情
一路想試呢間蛋卷專門店, 向宜家多元化社會可以專賣一款產品而維持到, 就當然試下屹立不倒的原因, 今日經過尖沙咀就專程去買一罐試下. 家鄉鮮雞蛋卷, $128/罐有一磅454g, 有24條, 仲有鮮牛油蛋卷($135/一磅), 鮮椰汁雞蛋卷($142/一磅), 椰子鳳凰卷($132/一磅),仲有紫菜肉鬆鳳凰卷($173/一磅) 一開個罐已經牛油芳香撲鼻, 因為用左新鮮牛油，加埋雞蛋香濃味道, 配上優質麵粉，口感鬆化可口, 在罐更注明沒有防腐劑及人造色素, 希望本土出產高品質既食品能夠好好維持.個罐設計好好系可以用手就咁開到罐, 好多罐要用較剪或者其他物件開罐, 不過呢個罐用手就輕易開到, 好方便食用. 下次會試下特湛濃芝士黑松露鮮雞蛋卷($210/300g).
繼續閱讀
喺寶勒巷食完個晏行出黎見到間舖頭叫做蛋卷皇后，諗住叫得做皇后蛋卷應該好食掛，就行咗入去買咗一罐最original嘅家鄉鮮雞蛋卷試吓。佢有兩種size可以選擇，一罐細嘅鐵盒裝賣$122。望落好似傳統蛋卷一樣，但食落唔夠鬆化，唔夠香味，唔會想追落去食第二條，係非常一般既蛋卷，佢叫蛋卷皇后喎，食完之後覺得非常失望囉。佢仲有好多唔同既味道有得賣，有牛油味嗰隻唔知會唔會好食d？如果大家想食，家鄉鮮雞蛋卷就真係唔洗試喇。
繼續閱讀
係尖沙咀分店購入，地理位置方便就腳，一出地鐵站行幾步就到我覺得蛋卷皇后既蛋卷係最好食的蛋卷既長度適中，甜而不膩，鬆脆可口，鮮牛油味香濃，咬落去嘅時候又唔會碎到周圍都係
繼續閱讀
早兩日 #小秘書 想去旺角「蛋卷皇后」買啲手信比朋友拎返去加拿大，點知原來九龍店搬咗過去尖沙咀，搞到我又去搭多幾個站😌 新舖一啲都唔近地鐵站，不過好在我成日都去附近食嘢，所以好快就locate到。舖面無太誇張嘅裝修，不過擺設都好整齊🌱 當我仲喺度諗要買 #原味 定係 #牛油味 嘅期間，服務員好似睇穿我個心一樣，叫我不如每樣都試吓，仲可以試啱先買😉 咁當然最後我又係買咗我最喜歡嘅 #牛油味 啦。話就話送俾朋友啫，其實我一心都係嚟幫自己入貨嘅😅 而每次一食我都要食兩三條先至夠喉，#蛋皮 好鬆化、加上 #濃濃嘅牛油味道❤️ 好好味呀！
繼續閱讀