影片
營業時間
今日營業
11:00 - 18:00
星期一至日
11:00 - 18:00
以上資料只供參考, 請與餐廳確認詳情
中午買飯路過聽到ling ling 聲就知道又有新鮮蛋撻出爐，果斷買d翻去同同事分享🤗🥧多款蛋撻嚟蛋撻王肯定要買蛋撻啦🤣普通款蛋撻仲分牛油皮同酥皮兩種，滿足晒唔同嘅需求🤩無論邊款蛋撻，蛋漿都好嫩滑，會同外皮形成強烈嘅對比🤤🌰北海道3.6牛乳卷-榛子·巧克力奶香濃鬱嘅巧克力蛋糕中間卷著一大團嘅榛子醬巨正🤩當場就同同事食咗一半，剩下擺雪櫃雪完出嚟食嘅時候又系另一種感覺，呢個牛乳卷比果d網紅瑞士卷仲好食哦😍🫙香滑奶茶/醇香咖啡上班族早餐醒晨標配😪真嘅香濃幼滑，記得要搖完再飲，咖啡有種咖啡糖嘅味道🤣而且飲完個樽可以循環再用，好結實👍🏻店內嘅靚女哋都好好人，買慣熟咗大家就似朋友一樣，唔忙埋完單都會吹兩句，好符合托盤上面印住既“港人情，港味道”🤣當然店內除咗蛋撻仲有好多日常包點，但系佢嘅蛋撻實在喺過份出色，不愧榮獲“香港名牌”😏好多香港人都鍾意食嘅蛋撻店😋
繼續閱讀
想食燒餅，行過見到就吸引咗 然後就順便買啲蛋撻加上蛋撻新鮮出爐，見到佢有好多款式，每樣都買啲陪屋企人食燒餅好好味，不過冇影相，即刻就食咗一個，肚餓加上鍾意食，平時唔鍾意喺街一路行一路食嘢，我都食咗一個！唔會好似有啲麵包舖咁用油煎過，佢係好軟熟唔需要有油都好好味 紅豆味餡唔多，但係又覺得OK唔會覺得佢孤寒 唔會太甜唔錯榴槤蛋撻同埋桃膠蛋撻就麻麻哋，唔值得貴貴啲又冇咁好食，都係新鮮出爐傳統酥皮蛋撻最好味！細個鍾意食餅皮，而家都會欣賞酥皮雞批叉燒批其實本身都唔係特別鍾意，但係諗住咁難得又貪心想試吓就買咗， $13.1個最貴，不過反而質素麻麻哋，個皮好厚，而且餡料好少，撈咗好多醬個調味都好普通 唔值得買蛋撻王大家都係買蛋撻啦，傳統嗰隻！同埋可以試吓佢燒餅
繼續閱讀
店面乾淨企理，店員亦好親切。必買他們家的一定是卷蛋，蛋糕口感軟綿綿，口味好多！同埋夾心唔會太甜，味道一流。必定推薦抹茶紅豆口味！尼個就系我KEEP住買佢既原因。
繼續閱讀
After the Cheese Tart craze, there are not many places selling cheese tart anymore. Today, I passed by the bakery and saw they are selling it so I went to try one. For $12, the price is quite reasonable. The cheese tart was still semi-molten and was very rich. It was not as warm as I hoped but at least it wasn't cold like another store I tried in the past. Definitely worth trying to satisfy your cheese tart crave.
繼續閱讀
機緣巧合之下，俾我搵到呢間賣平價又好食既牛乳卷😍，絕對要推薦一下！【初訪】原味北海道牛乳卷，門店現售價係$45/條，價錢上而言，都幾抵食👍🏻。味道上可揀原味、抹茶紅豆、瀨戶內海檸檬、青森縣蘋果，大大隻字寫住北海道3.6牛乳製造，唔知究竟係用係蛋糕體上定忌廉上🤔，就連檸檬、蘋果都要標明用邊個產地😂，真係精明嘅商家，我一下就俾蛋糕名吸引住，其實檸檬同蘋果我都有興趣試吓，但我個人口味上堅持點都要試咗原味先😤一條長18.5cm😲約重360克，Size比一般既卷蛋長，蛋糕體非常靚仔光滑，冇裂痕 冇甩皮😂。蛋糕體口感偏乾身，味道同一般瑞士卷冇分別。忌廉餡份量中等，食得出忌廉既質感應該係用植脂忌廉，但忌廉奶味香濃，係我杯茶🤤啱我口味😌。整體甜度適中，平平地 不坊一試！牛乳撻($10)同芝士撻($11 )一樣都係曲奇皮，蛋液同餅底比例適中，甜度適中，兩款餡料口感一樣嫩滑。芝士撻既忌廉芝士味好濃。雖然食落冇牛乳卷咁有驚喜，但味道都唔錯既，正常水準！【二訪】試埋抹茶紅豆($45)&青森縣蘋果牛乳卷($48)。青森縣蘋果一條重457克，蘋果味主要嚟自忌廉中間夾有既蘋果醬同蘋果粒，可惜蘋果粒份量真係唔夠多，成條卷得中心部分有少量蘋果餡，如果係咁其實食返原味更好🤔，而且原味價錢仲平啲。抹茶紅豆一條重464克，抺茶味濃郁，紅豆份量都唔少架，就算我唔係抺茶控都覺得唔錯啵😚，值得一試！整體嚟講，蛋撻王既蛋糕卷絕對食得過，特別推薦原味&抺茶紅豆，價錢又平又夠大條，抵食之選👍🏻
繼續閱讀
您可能會有興趣的...