蛋撻王 (宏開道)

營業中

休息中

公司係附近，趕住返去開會，唯有買外賣啦。幸好早左少少落去，仲有焗飯選擇，如果唔係，就只能食兩餸飯架啦。今日想食焗飯，考慮緊蕃茄焗豬扒飯，定咖哩焗雞扒飯既時間。同事同我講，不如一人一半。我真係開心到暈底，因為有個真正朋友的確好勁。一個價錢試晒兩款超級開心。返到公司一人一半，我自己覺得焗豬扒飯唔夠厂家樂好食，而咖哩焗雞扒飯係唔錯的。但所有配料都係食得出白灼既味道，即係話。其實焗既時間唔夠時間。一啲都唔入味。如果有下次。就唔期待了。食下兩餸飯好過。

呢區返工咁耐未試過食呢間, 45蚊的一個兩餸飯, 唔貴就試下味道算係正常, 但係半粒獅子球當一個餸感覺有啲過份了職員阿嬸也很燥底,  應該不會再光顧了感覺連鎖店都無心做, 以後都係幫襯返小店比較好

雙餸飯成日都有，但係畢得整整齊齊，唔會亂七八糟ge真係好難搵。首先價錢方面，$44雙餸，加$10可加多1餸。餸同飯份量都足夠，由於飯盒只有2格，揀3餸的話姐姐仲識幫你將少汁ge餸放係飯個格度，唔會整到太肉酸，另一抵讚ge地方就係d米好靚，唔似一般平價米，我都忍唔住要食多幾啖飯😋😋😋👍👍👍。但比較失色地方就係選擇好少！係好少好少，一般只有6-7個選擇，而且日日如是，好少有大變動。同埋如果加餸的話要提醒姐姐，因為佢成日畢完2個餸就算，都唔會睇下張單。

聽人講好好食，唸住買來試，就去買左一個酥皮蛋撻同一個雞批，俾完錢已經問可唔可以分開裝了，個啊姐就黑曬面，話要一早講，又話麻煩，語氣係勁差。我已經俾完錢即刻問可唔可以了，唔可以米話唔可以咯，使唔使講咁多嘢，又黑曬面。買完試食了，酥皮蛋撻同雞批都係凍噶。個酥皮一d都唔酥皮，完全係麵粉。個底仲要係濕曬。個雞批仲要有空心，冇咩味道，好淡，外層皮就鬆鬆散散，唔似平時食d批噶皮。俾貴少少買其他好過，仲唔使受人氣。只可以講唔值個呢價。

舖頭嗰三個阿姐啲服務態度差到離晒譜公司搞party同事話想食蛋撻 聽人講話呢間好食 為免到時冇 就諗住預先訂定 上網搜尋電話嘅時候發現做緊雙十一優惠 $11/2個 條款又冇寫明每人只可以限購 打電話去訂就問下預訂可唔可以有優惠 個阿姐已經好似如臨大敵：你預訂你就要比正價 用優惠我唔會留俾你架 你自己黎排隊啦  你訂我就收你正價 同埋每人可以買一次 唔知以為有幾搶手 but fine 我地本身唔係貪優惠  照用用正價訂左兩打夠中去拎嗰陣 佢已經一早包好晒 係「凍」嘅蛋撻 我哋話d蛋撻凍既 個阿姐就用D好衰嘅態度話：預訂就梗係凍㗎啦 要熱既就唔好預訂啦我話人地特價可以食熱?! 我用正價,買仲要食凍既? 咁唔要喇阿姐話:預訂係食凍架喇 你唔要邊個要牙？ 仲好似恐嚇嘅態度話：哦 你電話係乜乜乜丫麻 xx小姐 預定左唔要唔比錢而家咩服務態度？離哂普同佢講左好耐先好唔情願換啲暖嘅 仲要一路包一路俾說話人聽 D野幾好食都冇用！我消費你地D態度仲衰過差你錢咁!正垃圾！

而家每一朝返工都會諗定食乜嘢早餐，唔想日日食公司canteen😅（雖然平，不過質素同服務仍然有待改善）所以開始周圍覓食唔同款式嘅早餐 ，不過原來黎黎去去都係食返三文治🥪😪去九龍灣工廠區附近嘅小店睇吓有咩新發現，見到我曾經都有諗過食嘅炒麵燒賣。但係今日嘅狀態又唔係好想食呢啲嘢😛就響同一間舖頭入面，見到嘅三文治餐20幾蚊好抵食（不過點講都唔夠公司canteen抵食嘅）不過就因為我見到佢用膠盒pack 好晒啲三文治，所以我又放棄咗。結果我去咗蛋撻王，諗住睇吓有咩麵包賣買埋下晝嗰餐，但係又驚見佢啲包太大個，好唔真實，終於我響度買咗份餐蛋治（見佢寫明北海道牛乳炒蛋）以為佢係即叫即整嗰啲啦，點知都係用膠盒Pack好晒擺喺度😵‍💫其實我真係覺得有啲浪費，好內疚。佢可以好簡單用個紙袋或者膠袋pack好咪ok 囉. Why…..雖然食落嘅味道的確係好啲，炒蛋都滑啲，而且仲係熱辣辣，不過就因為佢用膠盒，所以我都係決定下次唔會幫襯佢。再加埋佢啲奶茶都好麻麻哋！哎🥺又要再搵第二間😪

前排經過九龍灣蛋撻王，啱啱撞正出爐蛋撻時間，又見到買滿50蚊有八折，最緊要我又鍾意食蛋撻，所以就買咗半打加一個椰撻，湊五十幾蚊可以做到八折。d酥皮蛋撻熱辣辣，超級好味，蛋撻王果然係蛋撻之王，我一次過食咗兩個，其他就分比朋友食，個椰撻就一般水準冇乜特別，但最緊要係個服務態度有d問題要提一提，俾錢時計我正價五十幾蚊，好彩我望一望收銀機個熒幕，我唔提佢差d畀佢八達通扣咗我正價冇做到八折，提返個服務員時，佢個面口仲要黑一黑。唉~

牛油皮蛋撻王🥧 $7.5蛋漿🥚🍮厚度十足🤩保留到嫩滑質感👍🏻口感豐腴，每一啖都好滿足😝有少許蛋香🍳可惜味道甜左少少🤏·牛油皮🧈口感鬆化👌🏻但未至於好脆牛油味唔算突出，略嫌底部油左啲🍾·整體而言，蛋漿較撻皮做得出色🥧質素屬中偏上，經過見到不妨一試👅

公司在九龍灣附近，OL 們下午茶時間口痕痕，大家派個同事去最就近的蛋撻王買幾件蛋撻回來頂下肚先。岩岩撞正佢有一抵新鮮出爐熱騰騰，一口氣買了18件。一半Q嘜蛋撻酥皮蛋撻 ($8)，另弓半Q嘜牛油皮蛋撻 ($7.5)，而家至知原來酥皮＆牛油皮蛋撻價錢並不一樣。一返到公司，同事們就搶了一大半。個人喜愛係牛油皮蛋撻，蛋醬做得夠濃夠香，質感好滑，牛油皮就夠哂脆唔爆邊，可以話係岩岩好呀。食到再睇見到錫紙有四個窿，應該係佢讀緊嘅烹調手法。好食^_^

近來不停的鹹蛋熱，雖然高卡又高膽固醇，黃金色的外表再加上鹹香味，但總是非常吸引！今日終於試到蛋撻王的鹹蛋蛋撻，上面的鹹蛋醬是正常鹹蛋味，下面的蛋撻也一貫蛋撻王水準，外皮的曲奇皮有牛油香也夠脆，拿上手微暖，只是鹹蛋加蛋撻的味道不太夾，没法融合。經過可以一試，但不要太大期望。

「蛋撻王」不只是售賣麵包、蛋撻的傳統麵包店。在九龍灣開業不久的「蛋撻王」當然有各式各樣的麵包，一日三次出爐時間，新鮮出爐麵包熱辣辣特別美味。不過早餐加杯醒神奶茶咖啡的話差不多要廿多元，倒不如在大家樂坐低慢慢歎份早餐！說回我的午餐，「蛋撻王」的午餐竟然有中式蒸飯、台式滷飯、日式滑蛋常餐、焗飯、港式三餸飯……款式豐富又多元化。款式多又吸引，真的很難下決定。特別是這個”菠蘿包乜乜乜”的名字非常特別，菠蘿包配上豐富的饀料甚有睇頭。這裡只有外賣，不做堂食。下單付款後，在旁邊靜待食物。筆者點的豬扒包，見店員立即製造。他的制服印上“港人情 港味道”的字句，突然感受到一股香港情懷！筆者只是點了一個香脆豬扒包及奶茶，非常輕便的午餐。首先淺嚐奶茶……原來對蛋撻王的奶茶有少許期待，但結果非常失望，沒有港式奶茶的風味。之後再開動這個豬扒包。賣相非常平凡，可是說有點醜陋。麵包有烘熱，但表面沒有明顯脆口的口感，咬下去又不夠鬆軟。豬扒炸得卜卜脆，味道不過不失。豬扒表面只是隨便沾上少許醬汁，實在太少作用不大。豬扒只有一片生菜，非常簡單。蛋撻王還是專注賣蛋撻麵包比較好……

早餐食乜好？我就鍾意食個熱辣辣嘅蛋撻，蛋撻王睇名就知專出蛋撻，有酥皮同曲奇皮，餓底就鍾意食曲奇皮，曲奇皮鬆化、好香牛油味、蛋漿嫩滑、即買即食就最正！（無錯，就係企係條街度食） PS公司有次買左200個蛋撻請全部門嘅同事食，何其壯觀

新年工作較輕鬆，無咩野做又口痕痕，落街買下tea食，就樓下嘅蛋撻王買番個撻先，買左半打蛋黃，半打蛋白，同半打最近人氣爆登嘅芝士撻。一打開盒就香噴噴，新鮮焗起熱辣辣，睇見就想食啦。本想搣開一半但太熱，搣左個皮邊就放棄了，都係自己食哂唔share啦。派皮很脆好香牛油味，芝士流心軟綿綿，芝味不算太强，芝士旁邊白色部份嘅係酸奶，甜甜酸酸一啲都唔漏，雖然唔係首創但味道都唔輸蝕，正。

星期一冇飯食,去了公司樓下的蛋撻王買蒸飯食,依家已經要30元了,我買左一盒北菇滑雞飯,唔飲嘢,打開都熱辣辣的,有一棵菜,好多雞件,北菇有兩件,都好香呀,飯淋淋地,有足夠的豉油,好味道的,雞肉都好滑,同埋唔肥,真係啖啖肉呀. 同埋起碼有七八件雞, 呢個午餐幾滿足,唔錯呀.

公司附近有蛋撻王, 有時都會去買麵包, 今日好想食腸粉, 咁係呢度係一份一份的, 就買左一份腸粉燒賣, 14元, 都OK啦, 燒賣都有七粒, 腸粉唔知幾多條, 但係都唔少的, 但係D醬好乾, 攪到一PAT PAT咁, 腸粉好硬身, 好實, 唔夠淋呀, 燒賣都OK的, 唔會好粉及好肥.