蜜滋麻美

營業中

休息中

叫咗一杯花生黑芝麻珍珠鮮奶，呢一個配搭真係好少可以見得到，而且上面就已經見到滿滿嘅花生同埋黑芝麻，真係望到已經流晒口水啦！估唔到花生同埋黑芝麻嘅香味，配合埋順口嘅鮮奶係咁好飲！黑糖嘅味道亦都係非常適中嘅甜味！整體來講真係好高質好有特色！

😋芝麻黑糖珍珠鮮奶 係店長推介 芝麻味好出 黑糖好重 不過估唔到係咁夾 因為嗰個芝麻黑糖珍珠 就好似食緊傳統個種芝麻軟糖既味道 再撈埋鮮奶一齊係好好飲 好飲過普通嘅珍珠奶茶 不過就略嫌甜咗少少 因為我本身就已經叫咗少甜 但係都有啲甜 同埋見到芝麻都幾多 佢仲有教學 要你撈均左先好飲 咁就飲埋係底既黑糖珍珠🤧叫咗小糖 可能食唔慣黑糖珍珠 覺得個黑糖珍珠都係甜左少少好味指數: 4/5性價比: 3/5環境: 3/5

蜜滋麻美花生嫩仙草奶茶價錢💲: $36好味程度😋: 4.5/5服務🍴: 3.4/5環境🗾: 3.7/5性價比🥢: 4/5回頭率😚: 4.3/5-蜜滋麻美開左好耐，一路都好想試。去完pmq好口渴就啱啱好可以落去買返杯😗 呢間出名的芝麻花生粉飲品當然要叫啦！個杯有個好似揮春的貼紙都幾得意😂-✅✅花生嫩仙草奶茶🥤 高高的一杯絕對夠2個人分！奶茶的茶同奶比例調得剛剛好，紅茶底帶小小回甘，奶香醇厚，唔會話太重奶/茶味。仙草真係好嫩🤣 覺得比平時的滑好多！同埋大大舊，一吸就咕嚕咕嚕吞左一舊🥳 佢地的特色花生粉灑係面，令成杯嘢飲落淡淡花生香🤩 雖然話係花生粉，但都有d粗粒。-個人好鍾意😚雖然花生粉無咩好驚艷，但仙草不得了！我會想再去試花生芝麻黑糖珍珠鮮奶同埋佢地的甜品😋

做做下嘢，同事問買唔買月巴仔珍奶🧋🧋，梗喺要搭單試試佢啦！！😎😎😎- 花生黑糖珍珠鮮奶 $42（少糖，少冰）杯嘢送到嚟已經冇乜冰，唔係好凍架啦，但一飲🧋🧋...好足料呀！黑糖味有，除咗珍珠，仲飲到啲花生粒🥜🥜。冇諗過花生同黑糖都可以夾到🤩飲曬佢真係好飽同好月巴，但佢嘅味道係值得去試試，前提係唔好食咁飽🙈🙈呢間店係上環嘅PMQ 附近，如果唔想行咁遠，可以好似我哋咁，用美食外賣平台買嘅，但個價會比直接係鋪頭買貴少少。有機會其實我都想直接去鋪頭買，我諗會仲好飲啲🤩🤩🤩

中環台式手沖飲品今日同朋友一齊去中環行街，順便行下斜坡當做運動💪🏼見到呢間台式手沖飲品店好多人幫襯，同埋俾佢環境吸引咗。裝修簡潔而且別具風格，有特別嘅打卡位，仲有張細枱。上菜速度快，見到好多人叫花生🥜黑糖珍珠鮮奶。足料花生再加上黑糖晒上去，非常吸睛😍因為我麻麻哋花生所以就揀咗#燕麥仙草波波烤奶 $38有嫩滑仙草和甜甜的黑糖珍珠，叫咗少甜，甜到剛剛好。混合幼滑的牛奶🥛，有兩種飲法，一係飲一啖上層嘅牛奶，飲一啖下層甜甜嘅珍珠，或者攪拌均勻。另外佢既燕麥唔會一粒粒刮到喉嚨，放心飲用#超級綜合嫩仙草 $48有紅豆、燕麥、仙草、珍珠、粉圓、花生🥜和沙冰喺底，叫咗少冰。脆脆的花生配上手沖飲品的各種配料，整體有點像麥皮口感。個人喜歡手沖飲品多啲ᶘ ᵒᴥᵒᶅ個人口味評分：5/10

呢間係一間係台中傳承過黎既創新品牌，一見到就好眼濕濕掛住台中了🥺🥺佢話係手工製，現場烘焙同蒸煮。之前都見有人介紹，今次我就去試吓佢。講到手工制，當然要試吓佢嘅黑糖珍珠，識揀一定係揀店長推介啦。店長推介嘅係花生或者芝麻嘅黑糖珍珠鮮奶，貪心嘅我梗係要花芝，兩樣都有，兩樣都試晒佢。望住佢加花生同芝麻落去，兩樣都好足料😘另外再叫咗個甜品，貪心嘅我梗係要店長推介嘅超級綜合嫩仙，佢乜都有呀嘛，咁就唔使心大心細。入面有紅豆，燕麥，芋頭，紫薯，花生，粉圓，仙草，真係好足料好大碗，味道唔算話超級甜，幾好。

今日早收工，返家又對住四面牆，就決定約咪朋友仔去食甜品傾下計，係中環都可以試到台式甜品，而家無得去旅行為有見梅止渴。首先我地點左個花生嫩仙草烤奶，呢個上面有好多脆脆花生，賣相非常好，睇見都想快啲飲落肚，飲落去口感一流，又唔會太甜，甜度岩岩好，我自己就十分喜愛啦！唔個你地又鐘唔鐘意呢？跟住再叫多個嫩仙草2號，入面有紫薯、蒸麥、花生、粉園、嫩仙草，呢個份量十足，大大碗非常滑足，最緊要係有脆脆花生，另到成件事升華，非常之有口感，甜度適中，味道都唔錯。

今日到中環半山做野由山腳行到上山中間已經氣喘經過一間台式飲品店有常見的珍奶 奶蓋外 仲有係夜市見到的甜店已經諗定做完野要買返屋企做甜品店鋪一眼就睇得哂睇左餐單好多款都好想試決定要一杯藜麥嫩仙烤奶解下喝畢竟講左野一個下午非常口渴甜品就叫左綜合仙草 紫薯 花生 藜麥真係食完都好飽店員製作完成後會比你睇一睇先包裝包保唔會有錯漏味道方面唔會太甜 加上用鮮奶的關係好滑好飽肚平時飲開半糖 店員好貼心提醒需唔需要減糖值得一讚呀！

行行下想飲杯台式飲品，見到依間係附近，於是就試下佢！原來除左野飲之外，仲有仙草食，不過今次試咗佢啲嘢飲先！除咗珍珠奶茶之外仲有豆漿同奶蓋茶。依間係黎自台中嘅，舖頭入面都有好多介紹。首先講吓杯花芝黑糖珍珠鮮奶（$38），見係店長推介梗係試下！第一次飲黑糖珍珠鮮奶入面會有花生同芝麻，除左口感豐富之外，原來同奶嘅味道係咁夾！依間嘅珍珠都好煙韌同夠哂甜。所以我覺得少甜係岩岩好。另外一杯就係奶蓋青心烏龍（$34），呢度剩係得烏龍茶揀但係就有好多唔同款嘅烏龍！而依杯個茶真係好清香，幾有驚喜！絕對要再encore！

今日老公生日，因為禁晚市下只可以在外食午飯慶祝……咁晚上點算呀？無得出街食！我地食完午飯去左中環，經過依間來自台灣既百年老店承繼人在香港開既店，我依個台灣飲品控梗係要買黎廷續老公既生日慶祝活動🎉我哋點咗：仙草5號，個樣好靚呀，紫色既圓波波就係紫薯勒，好香甜，薯味濃郁🍠旁邊既係燕麥-帶微微蜜香又健康蜜紅豆-綿綿甜甜既紅豆，有o趙口嫩仙草 - 好似啫喱咁滑抹茶黑糖珍珠鮮奶（少冰）黑糖散發著黑糖的獨特香甜味道，同鮮奶好夾。加上抹茶既味道，增添一份層次依個生日夜以台灣飲品和甜品渡過，非常滿足😊

行完PMQ，見到呢一間由台灣嚟既鋪頭！佢又有飲品又有甜品，醫下肚仔先！🤤******************************❣️花生黑糖珍珠鮮奶呢間舖頭招牌嘅飲品就係花生/芝麻黑糖鮮奶☺️今次就試咗花生先！啲花生碎鋪滿成個奶蓋，中間嘅鮮奶同埋底層微暖嘅黑糖將杯飲品分開咗三個層次！逐個層次品嚐完之後就可以將佢哋撈勻！花生味依然突出，黑糖亦都唔係死甜！大讚🤟🏼******************************❣️仙草5號（燕麥、紅豆、粉圓、仙草、紫薯）好大兜🥳底層係滑溜嘅仙草，再加少少仙草冰，上面鋪滿各種配料！個人覺得最好食嘅係紫薯，整得非常綿密！中和返紅豆同埋燕麥本身嘅甜😍食完都想再encore!

疫情進入第五波，冇得晚市堂食嘅第一日，喺中上環見完客真係要有D糖份落下肚，忽然就好掛住蜜滋麻美嘅黑糖珍珠鮮奶！十分鐘路程行過去都值得！地點喺中環近半山嘅大斜路鴨巴甸街。茶飲店來自台中嘅百年傳承老店 “幸發亭”第三代繼承人所創辦，所以黑糖珍珠特別Q彈同香甜！menu主打黑糖珍珠鮮奶系列，仲有奶茶系列同手採茶系列，仲有少見嘅仙草系列！所有飲品都有兩個size、仲有冰度同甜度可以揀。 🥜🥛花生黑糖珍珠鮮奶 $38招牌飲品果然係最正～ 面層舖滿厚厚嘅花生踤，中間有香滑嘅鮮奶，底部仲有微暖又好Q好彈嘅黑糖珍珠，花生味香濃，飲落仲有D花生碎，成杯飲品層次分明口感好豐富！推介！🍮超級綜合嫩鮮草 $48超！大！碗！超！豐！富！超級綜合嫩鮮草，包括有嫩仙草、紫薯、花生、粉圓、蜜紅豆、燕麥、芋頭等😋仙草甘香又夠哂滑，紫薯同芋頭好夾～食落都係軟綿綿嘅口感，至於粒粒花生、燕麥同紅豆就煙韌有咬口，仲有我最鐘意嘅粉圓即係珍珠！簡直無敵豐富！甜品都可揀少冰，啱哂外賣返公司食！

蜜滋麻美Mizimamei 地址：中環鴨巴甸街16A號地下行PMQ 附近想飲下野, 呢間台飲店好吸睛的。門口牆身上裝飾了白色大波波。來自台灣珍珠奶茶中, 以花生芝麻粒新式黑糖珍奶最具名氣, 見店員在珍珠奶茶杯上, 灑上一匙匙的花生芝麻粉,當吸一口珍奶, 在黑糖香中彌漫住生芝麻香。我好鐘意食果仁類的, 完全是美味大沖擊, 成口都是黑芝麻香。有芋圓糖水呀, 買碗外賣。成兜好重手, 見有齊粉圓, 紅豆粒飲完會上癮架珍奶, 第2日又心思思想喝。

有日係中環食完飯好想食甜品 之後路過呢間台灣過江龍 個名幾吸引 又見到有豆漿 有仙草粉圓諗都無諗就試 點知中伏🥲🥲🥲🥲🍴仙草2號 （紫薯+燕麥+花生+粉圓+嫩仙草）個combination其實幾吸引 但食落成碗野係完全唔夾 每樣野分開都唔係特別好食🥲 唯一可取之處就係甜度適中😂🥲黑糖珍珠豆漿（微糖）平時不嬲出街飲野都無糖 因為杯野本身有黑糖同埋同朋友share所以叫左微糖 但對我呢黎都講甜左d🙈但重點係個豆漿好苦😂分唔到係黑糖苦定豆漿苦 總之飲到一半唔太想飲😂但珍珠係ok既都算chewy😌

茶飲店我一向都好少特登打食評，因為種類實在太多，又冇講為幾十蚊講一大餐，不過最近飲過一間真係令我難忘，雖然都係台式飲品，但佢就結合左新元素，令成個感覺好新鮮！就咁聽個名「蜜滋麻美」，一定唔知係咩黎，仲覺得有啲撬口，但了解完佢SELL嘅產品就知道名字嘅由來。報導都唔少，珍奶已經開到成行成市，要突出自己珍奶品牌都真係唔易。從menu可見，佢地珍珠奶茶結合左芝麻粉同花生粉，就咁睇圖都覺得好吸引，唔知味道如何！店面仲有張枱比食客堂食，岩晒嗌左仙草又想堂食既朋友，不過位置唔多，繁忙時間都應該唔會有位XD所以好好彩可以係到打卡影相，包裝頗有台式風味。芝麻黑糖珍珠鮮奶，因為唔想飲太凍，所以+$5鮮奶，滿密嘅芝麻舖面勁有睇頭，鮮奶味好突出，帶黑糖嘅甜味，兩者之間唔會搶fou，再者飲落去因有芝麻，令成個感覺勁香口，珍珠好煙韌有嚼勁，相對起出面相同價錢嘅茶飲，呢杯有驚喜又對得住個價錢！餐廳建議飲法，吸管由底往上吸，芝麻粉偏小會有機會卡係喉嚨，如果比小朋友飲就要小心注意。嫩仙草5號，包括有燕麥、紅豆、紫薯、粉圓、嫩仙草底部仲有黑糖沙冰，如果夏天買番碗消暑一流，如果唔想食冰都可以嗌走冰，好可惜當日冇芋圓，如果