蝦立方休閒娛樂釣蝦場

營業中

休息中

職員好冇耐心示範完畢之後喺隔離講說話你聽，例如但不限於：都話係咁咁咁，頭先我講解你有冇聽㗎無lala拍人膊頭話人支釣杆揸得唔好，窒返佢轉頭先肯行開以為畀錢嚟受氣

釣蝦初體驗！ 好好玩同好食。呢間係新蒲崗，可以掂地鐵到鑽石山站，幾近地鐵站的。店員一開始會指導我地點釣，同埋見到我地有需要會馬上過黎幫忙，釣蝦唔簡單，需要好多耐性🤣最後魚穫得3隻，但選擇堂食的話會送多啲蝦比我地食，煮法揀咗鹽燒，不用加錢，但非常美味！

其實我哋都唔係第一次去，之後嗰兩次態度真係好差， 同你講解嘅時候已經唔耐煩 ，唔識 嘅時候過嚟講解已經面黑黑態 又唔耐煩， 第二次去仲衰 ， 態度差 大力掉嘢，咁其實做生意 係唔係用呢個態度？！！！你而家好生意唔係等於永恆，客係流動嘅，可以去第二度 ，我 喺第二度見到有客對你哋嘅評語都係差，我就覺得 原來你對其他人都係咁， 我哋已經blacklist咗佢，我哋可以去第二間， 最緊要洗錢嘅係開心，我唔會當自己係大爺，但係基本嘅禮貌都應該有

嗰日無嘢做同個FRD走咗去walk-in，去到俾個收銀好不屑咁「JIP」咗聲，然後叫我「唉你等等啦」，好似我阻住佢做生意咁勁奇怪。然後，去到個位全程俾佢啲職員黑口黑面咁大喝：「喂唔係咁啊，喂你有兩隻手架唔係一隻手啊，你咁都唔識？」「向上啊你知唔知咩叫向上啊？」唔知以為自己返咗學校俾老師喝緊，全程都enjoy唔到，應該都唔會去第二次。第一次喺呢間嘅話，真係會完美毀咗你對釣蝦嘅興趣，我個FRD去完一個鐘即刻嗌轉場，結果去第二個場真係體驗好好多，起碼唔駛又俾人JIP又俾人喝先。

第一次寫食評好似寫旅遊介紹咁喺商業大廈開嘅釣蝦場的確係爽嘅，喺大熱天時，有充足嘅冷氣、有嘢飲、有嘢食又有得玩，個廁所都行幾步就到，就算一家大細、情侶、閨蜜、兄弟班都啱玩。佢一共有兩個池，每個池都夠十幾廿人一齊釣每人一支釣竿（有兩個鈎）同一個盤，個盤上面有個夾同蝦仔、毛巾。入場會有職員教你點樣將蝦仔上鈎同點樣釣。同埋見到其他人會帶私家竿嚟釣，不過都應該只限兩個鈎。開頭幾隻都會比佢走甩，但當掌握到個技巧就會陸續有收穫。同埋佢哋每個鐘都好似會加兩次蝦，所以入面係有足夠嘅餓蝦嘅。兩個鐘釣到十幾隻，都有斤幾重。釣完嘅蝦你可以選擇白灼或鹽燒，如果有一斤以上可以加$50做其他口味。今次揀咗佢哋推介嘅奶油味，佢哋會幫你剪曬啲鬚鬚腳腳。奶油好香又唔油膩，食到蝦嘅鮮味之餘亦滿咀奶油香，好食。佢哋都有供應其他小食比大家選擇。下次要同未玩過嘅人嚟玩，一來可以威吓，二來試埋佢其他口味。呢度以每小時收費，想玩幾耐就自己選擇。

如果你第一次嚟嘅話，職員會好細心咁教你一啲釣蝦嘅秘訣，例如釣蝦嘅餌唔可以太大粒，同埋幾時係最佳嘅將條蝦chok上嚟嘅時間等等😮😮價錢方面：$140/ 1 hr$260/ 2 hr$360/ 3 hr$440/ 4 hr之後每小時$100 另外亦有生日優惠，生日嘅前後三日都可以免費釣蝦3小時！😆🎂🎉今次嘅斬獲就比較少☹️☹️釣咗兩個鐘都只係釣到八隻蝦（可能我哋一開頭用啲餌太大粒😅😅）（Meanwhile見到隔離有位仁兄2-5分鐘就釣到隻，真係好犀利！！！😨😨😨）不過店家都幾識做嘅，如圖所見，你見佢都送多咗幾多冰鮮蝦俾我哋🤣🤣🤣所以就算你釣得唔係好多都唔使太擔心🤫🤫釣完之後店家會問你白烚定係鹽焗～咁就現場所見就多數都係揀鹽焗㗎喇😂😂😂你亦可以加錢做奶油蝦、黃金蝦、或者胡椒蝦等等😚😚同時亦都有其他小食選擇。想講佢哋啲蝦真係隻隻都超級大頭，同埋真係好多膏😱😱，有幾隻仲有蝦卵～鹽焗之後真係好好食！😋😋😋呢個價錢有得食有得玩，都係週末拍拖或者一家大細去玩唔錯既選擇！😚😚😚

釣蝦活動都唔錯，地方大，又可以幫手處理d蝦，仲幾好食唯不好就是池內蝦不足，按當天留意，應該是一小時加一次蝦 （2桶），目測30隻左右，場內20人，基本一人一只就沒了，由於新手關係，也沒有其他老手技術運氣（餌都沒蝦要），一小時我只到2只。而因為比較休閒，大多數觀察下其他人成績，除了加蝦的10mins內大家比較有反應，到下次加蝦前，大部份玩家都是沒有蝦上吊，對於新手而言，有蝦吃餌也不一定吊到，所以池內的蝦基本不夠。最後吃蝦也留意別人有多少，大倍份2人組都是一盆兩行蝦，一行七只。很好玩，但就不是很滿足，說是任吊，其也有限制，不加蝦就只是拿著魚竿放餌按$110來算(加上生日優惠免費)一小時4只蝦(老手可能多點)，平均一只蝦都$27.5，是不是很抵玩還真是看個人

蝦立方@新蒲崗又食又玩好去處因為依間只要係生日前三日或後三日都可以有折，適逢小妹我老多一歲🦭去玩下啦😂於是同朋友一齊去咗呢一間釣蝦場打發下時間玩下🤓釣咗上嚟場地會負責整熟，可以即刻食。整熟嘅方法有好幾種，我揀咗最普通免費嘅鹽烤🦐大頭蝦好大隻，我一個人可以釣到六隻/兩小時正常收費兩小時$240/人頭去之前記得打電話📲約定好多人架🤓提多次生日有平架職員都好好人👍🏻成日主動教下我哋點樣釣，不過同場會有唔少激到份子，一有蝦上釣會叫到好勁🤣唔知以為隻蝦夾到佢😂煮左既蝦好多蝦膏又大隻🦐幾好玩又幾好食， 你釣完用左啲力嘛， 咁即刻食反又可以補足體力🤣

🦐🦐🦐🦐🦐超級無敵多蝦蝦蝦🤣影相都忍唔住舐咗好多下👅當日係老公正日生日，想玩得輕鬆又開心經朋友介紹下，知道有呢間釣蝦場 《🇭🇰 蝦立方休閒娛樂釣蝦場》朋友提點我記得預先打電話book位(我朋友話有時full曬場，所以book定位實無輸)當日係平日，去到大約2/3 full所以如果大家想週末/happy firday去就最好預先book定~book位前都有上網望過其他釣魚場，分別唔同地區，評價差距都大其實新蒲崗對我地黎講都遠，所以都有考慮過但最後都決定去呢間玩左3hrs！原因一：壽星仔女生日既前後3日，可以free 3hrs釣蝦！(價值$330 @3 hrs，即係2人同行1人價錢！🤪)而且係超多蝦蟹，不定時會不斷加份量！(圖中戰利品😂)原因二：Google同朋友對呢間店既總評價好高分！而且我地去完既feeling都一致俾呢間鋪既職員態度高度評價！生日最緊要玩得開心！無壓力，行程無出現意外😂職員一知道你需要幫手(例如個勾唔小心勾左上天花板😂😂😂釣到孖蝦/釣到蟹...)唔洗你自己叫，佢地都會勁快自動會出現過黎幫！真心超好！！！一開始店員會好詳細講解然後即時表演示範如何1min內釣到蝦+甩勾😂

因為有生日優惠揀左呢間釣蝦場，當日係平日而且剛剛開舖所以場內只有兩枱人，職員好有耐性教我地點釣，連釣到點同隻蝦拆勾都教埋。最初都唔太明白，可能職員見我手勢唔正確，又好主動過嚟再教一次。之後奇蹟就開始出現，我竟然好好彩一箭雙雕同時釣到兩隻蝦🦐🦐有獎品送😆（飲品一支）之後開始越嚟越多人到場，其間大約加左3次蝦，其實係完全睇唔到池底，所以根本唔會知道邊個位有蝦，放左餌之後只能等，有時可能十分鐘都無蝦食，有時有蝦食釣上嚟果刻佢又會走左，當然因為職員嘅教導我都有跟從方法釣到十隻以上。不過後來聽到隔離羨慕嘅聲音大概知道我同朋友算係釣得多😄如果職員唔好咁趕可以俾時間我數數釣到幾隻就好喇😆

🇭🇰 蝦立方休閒娛樂釣蝦場·$130/1小時 $240/2小時同場加映我哋食完居酒屋之後去附近玩既釣蝦🦐呢個係我同事推薦我地去玩嘅 你係生日前後三日去生日嗰位會免費 所以我哋就$240兩個人玩咗兩個鐘 超抵🤑不過釣蝦呢樣嘢係真係好需要天份 而我哋兩個都冇😂其實店員有好詳細講解 而我哋都有勾到過啲蝦既 但係唔知係咪技術問題 我地每次chok 都俾個蝦走甩咗 超級絕望🥲🥲不過最後佢都送咗啲鹽焗蝦俾我哋食 佢全部都大大隻 新鮮焗俾你 好多蝦膏 而且好鮮甜 所以我自己覺得都幾值得玩嘅🙊😈😈·📍新蒲崗大有街3號萬迪廣場 8樓D & E室)·#rbyeat #rby好去處#rby港式#rby新蒲崗

經過KB介紹過之後果然人頭湧湧！記住要book位，和之前觀塘的蝦立方一樣，有兩個蝦池，入場開單後，會有一盒蝦餌，會有專人教你怎樣釣，蝦餌先要去頭尾，代浮標下沉4至5秒後，就代表蝦已經正左吃餌，這是侯抽杆就有機會釣到了。剛開門的時候， 12點，只玩了一個鐘，也釣到4隻後來再+1隻，他會問你在這裏食還是帶走，通常是在這裏即場燒來吃。即使沒有釣到，他也會請你食多幾隻，通常是用鹽燒，最後來的有13隻，附有手套濕紙巾。釣蝦場位於商業大廈，環境整潔，有冷氣，室內，不用日曬雨淋，又可消磨時間，並且可搞聯誼活動，真是夏日好去處。唯一可以挑剔的是，部份蝦燒得過熟有些痴殼。

今天係體驗自給自足嘅一日🤣。呢度又有得食又有得玩，係一個幾好嘅消閒地方。今日係假期，見到都好多一家大細或者成班friend一齊黎玩，所以大家記得book左先好黎，個場都8成full架。入到去，職員都好友善同主動教我哋。首先會教我地點勾餌，點睇浮標，見到你迷惘又會幫下手一齊釣到，比返啲成功感同體驗我哋。最終我係兩個鐘釣到三隻蝦🤣。同埋佢會定時咁加蝦，確保供應！最後釣完我哋係可以即場食。雖然要收加工費，但會比足一斤我哋，唔會話釣得一隻就淨係煮一隻。我哋揀左奶油味，食到牛油香，蝦肉好彈牙！

新蒲崗釣蝦場🦐------------------------------除咗分享邊度有好野食之外😋仲會分享邊度有好野玩😜💛新蒲崗釣蝦場~~蝦立方‼️適合一家大細同情侶嘅活動😬有職員會教你點玩，釣蝦途中有問題，職員都會主動過嚟幫手🥸今次釣咗1個鐘，兩個人夾埋釣到8隻🦐，平均一個人都有4隻ga👏🏻👏🏻對於新手嚟講，已經好叻叻😳👍🏻釣完之後‼️記得唔好咁心急走呀🏃🏻場地提供即燒服務🔥我地就揀咗鹽燒🤤等咗大概10分鐘，熱辣辣嘅🦐就到咗🤩隻隻好大隻同新鮮，重要嘅係有膏😋😚佢地仲送多咗9隻蝦俾我地☺️‼️‼️去之前記得book位‼️‼️️‼️‼️去之前記得book位‼️‼️️‼️‼️去之前記得book位‼️‼️------------------------------🤤好味度：7/10🧚🏻回頭率：8/10

見到生日前後3日，只需同行者1位就可以免費釣蝦，就去試下玩~～第一次去釣蝦，唔知釣唔釣到，悶唔悶，2個人淨係book左釣1個鐘，都夠玩新手唔識，會有職員好耐心咁教我地釣蝦方法，每個步驟都講得好清楚，如果遇到有問題都會過黎幫我地，又會時唔時會行埋黎關心我地釣唔釣到，點樣易釣D，真係好好！試過２支魚竿打kick，即刻換２支比我地，１分鐘都唔會浪費最開心係好好彩咁釣到孖蝦，釣到孖蝦仲有支野飲送，真係好鬼開心最後２個人釣左１２隻蝦（連職員姐姐一開頭教學示範釣到嗰１隻）價錢：生日優惠好抵玩 （＄１３０／ｈｒ；＄２４０／２ｈｒ；＄３３０／３ｈｒ）味道：Ｄ蝦好新鮮，隻隻都扎扎跳，肉質好爽彈牙，仲有蝦膏，鹽燒（免費）都好好食，唔想堂食可以拎走位置：鑽石山ＭＴＲ行過去５，６分鐘，好方便，室內釣蝦場好寬敞，好乾淨，坐得舒服