蝦豬餅

營業中

休息中

琴日難得有一日全日可以同女朋友出下遠門，就去左大澳半日遊，行行下就開始肚餓，經過呢間張財記，見到都放曬電視出黎做宣傳，原來上過電視節目《香港原味道》，門口檔蝦豬餅好多人排隊，所以就一試。餅就即煎既，餡肉就係用蝦醬炒既蝦豬餅，配上生菜碎。豬肉非常香蝦醬味，而果種既蝦醬味並唔係超級濃臭既感覺，食落好舒服，恰到好處，配埋生菜就中和番咸香味，無咁膩。食完之後我同女朋友都急不及待入去買番兩罐石磨蝦醬，唔知係店員定老闆，仲好細心咁介紹唔同蝦醬同蝦膏既分別，仲可以試試，最後都係我買左細細樽既石磨蝦醬，比較鮮甜😋

一開始對於蝦豬餅冇咩期待 仲驚會好鹹但係食落好大驚喜😳首先 個餅係油餅皮 因為即煎 所以拎上手熱辣辣 個餅都做到內脆外軟🤤仲要有充足嘅量 有好多用蝦醬炒嘅豬肉碎 食落好香 同埋生菜🥬所以當你每啖都咬到肉同菜嘅時候 就無咁油同埋鹹啦！也都唔駛驚太多菜而冇味，因為肉菜比例大慨2:1 不過佢每個即整 我覺得大家都可以問吓可唔可以多肉少菜或者少肉多菜😂即使平時少食蝦醬嘅我 都好鐘意食 因為個餅皮加上肉碎同埋新鮮生菜 口感好好 必食啊❣️

大澳有好多小食，聽聞蝦豬肉餅係大澳必食既街頭小食，難得同朋友放假黎大澳慢活，咁就一定吾可以錯過！想食蝦豬餅未行到埋去已經聞到陣陣蝦醬味，遠遠望去仲有一條長長人龍。佢地既蝦豬餅係即叫即整，餅底係印度薄餅，睇住佢將薄餅煎香，包實生菜絲同炒好既蝦醬豬肉碎，熱辣辣妹好味。原先以為蝦醬就一定好鹹啦，點知佢加左d生菜落去，令到成個蝦豬餅咬落去好有層次，食到啖啖豬肉碎，好滿足啊！一個蝦豬餅28蚊其實算貴，不過一場黎到真係值得一試!

久居英國嘅親戚返黎香港, 佢提議週末嘅時候去大澳一遊。襯住上個月某個星期六得閒, 一於入大澳玩同食!未入大澳前, 我地已經一早搵定有乜野係必食。除咗大澳雞蛋仔之外, 蝦豬餅係最多人提及同推介。賣蝦豬餅嘅小鋪喺吉慶街一帶, 由於幾多人慕名而來, 所以離遠已經見到一條人龍, 亦因為咁以一眼認出呢間小鋪。入大澳嘅當日正值天文台發出寒冷警告之時, 加上大澳靠海, 所以體感溫度更加凍。有新鮮出爐嘅蝦豬餅暖下胃, 確實一流。一邊睇住一件件蝦豬餅出爐, 一邊聞住陣蝦醬嘅香味, 會突然間肚餓。排咗大概15分鐘嘅隊, 終於買到25蚊嘅蝦豬餅。蝦豬餅同印度薄餅嘅油餅皮同生菜做外皮, 內餡就係一堆用蝦醬炒香嘅豬肉碎, 所以無論聞同食都充滿住蝦醬香味, 再加上喺寒冷嘅天氣食, 大大加分! 但食耐咗略略覺得有啲油, 而且豬肉碎太多, 所以進食嘅時候一唔小心就會食到有豬肉碎跌落地。蝦豬餅雖然唔算平, 但我覺得物有所值。

去大澳必食之一 ：蝦豬餅 Husband😋去之前上網做左research 蝦豬餅係mix蝦同豬碎肉 外皮係用印度薄餅🌮 配上生菜絲 重點係會mix蝦醬✨✨蝦醬係佢地自家制既 鐘意既朋友可以帶番去做手信tim去到已經有好多人渣住相機錄影 因為佢地係喺你面前即叫即整 整緊既時候已經聞到好香既蝦醬味啦😍👍🏻肉碎份量勁足料 不過有少少肥👍🏻印度薄餅食落去酥酥脆脆 好香👍🏻肉碎配新鮮既生菜可以中和 唔會太油膩 又唔會太咸

今日同朋友行山，由東涌行去大澳。行左4-5 小時，到大澳已經下午3 時多，由於假期關係，小小既大澳已經擠滿人，每間小店/餐廳都人山人海，尤其呢間店舖，店外長長人龍！離遠處已經聞到陣陣既蝦醬香味，即管炎炎夏日，即使已經行到大汗淋漓，看着剛剛整好既蝦豬餅，就忍不住了每份都係即叫即做，熱辣辣的！！蝦醬炒肉碎，味道剛剛好，炒得很惹味，蝦醬香而不咸，忍不住一口接一口，很快必K.O 一個，很滿足！去開大澳的朋友一定要試試

去到大澳第一時間就想起蝦膏蝦醬，而呢間鋪令人有耳目一新嘅感覺，因為佢將自家制嘅蝦醬整成街頭小食蝦豬餅，有Gimmick 等人食完小食再順便買埋佢啲蝦醬。呢款蝦醬小食有啲似泰國啲生菜包，將蝦醬撈左入豬肉碎，然後用生菜同翻煎餅皮包住食。平時蝦醬炒菜就食得多，未試過呢種食法，香味濃郁，熱辣辣好新鮮，豬肉碎相當多差啲掉出來，因為蝦醬本身較鹹，用左爽脆生菜包住黎食可以令口感更豐富之如，仲有清新感覺，中和左鹹香味。食完之後都唔會覺得好頸渴！當然最後都幫襯埋佢地自家制嘅蝦醬啦！買番樽番屋企煮飯。去開大澳嘅朋友值得去試下，不過因為即叫即煎，所以都等幾耐時間，好味嘅食物唔怕等嘅！

之前有食過一次，所以今次再大澳都要再食可能去到鋪頭嘅時候已經接近五點，所以沒有人排隊，店家即叫即製，非常吸引。蝦豬餅其實就係蝦醬肉碎加生菜用薄餅包住既形式去食，雖然薄餅不是自家製，但幸好即叫即製當薄餅煎好後，店家就會將已炒好嘅蝦醬豬肉碎放入薄餅，另外會加入生菜絲然後以手卷嘅方式比大家食個人覺得唯一不足係蝦醬豬肉係凍既，若果能夠加熱會更加香同吸引小妹非常欣賞特色嘅地方能夠用當地嘅元素同材料製成時道地小食，因為其他地方唔會食得到

遠足由東涌行入大澳。嚟到大澳梗係覓食啦大澳有唔少出名嘅街頭小食，呢間蝦豬餅我真係第一次聽。因為呢間店專門出產大澳名產嘅蝦醬，所以都順勢創造出呢款蝦醬小食。其實蝦豬餅就係蝦醬撈豬肉碎作為餡料嘅手抓餅，餅皮即叫即翻熱，豬肉碎份量超充足，好大份，再加埋新鮮爽脆嘅生菜令到口感更豐富，如果未試過值得排隊試下! 但真係要比啲耐性排囉，因為真係要等好耐。佢哋嘅蝦醬口味都唔錯，就算食晒成個都唔會咸到覺得勁口乾。所以食完之後再買左一樽大澳蝦醬。

風味十足~~這間是大澳有名的店舖~排了一陣，有點期待~~用即整燒皮包著肉碎，菜。菜爽口，增加了口感。肉碎用大澳名產蝦膏調味，非常野味！蝦膏令肉碎有點鹹，但只要一口連生菜一起咬，就剛剛好中和了！ 用料一流，而且很回味~！吃的時候不停小心自己把肉碎都掉在地上呢~~haha！ 大家前往大澳記得要試一個哦~

周末邀約友人郊遊，從東涌步行往大澳共花了四個多小時。到達目的地後，看到有店舖正售賣「蝦豬餅」，大家覺得非常新奇便打算一試究竟。「蝦豬餅」顧名思意就是有豬又有蝦的餡餅，而當中的蝦則為大澳名物：蝦膏。蝦豬餅是即叫即製的，店員煎起上來香氣撲鼻，從老遠都聞嗅得到蝦膏獨特的香味。餅底咬起上來口感像手抓餅，小小的一塊包着快要滿瀉的餡料令人感到非常滿足。想不到原來豬肉碎跟咸香的蝦膏都可以這麼合拍，蝦膏味香而且濃郁惹味，夾着旁邊的生菜一起吃可消減油膩感。在旁吃得津津有味的菲律賓遊客也大讚蝦豬餅很好吃呢 !

今日一家人去大澳行下，一心諗住入黎買蝦醬，咁行下行下見到呢間叫張財記嘅，門口又有好多報紙報導話呢間出名，連穌絲黃都介紹過，跟住就見到舖頭有一個檔口仔，賣梗一樣叫'蝦豬餅'嘅小食，咁聞到有好香蝦醬味所以就決定買個黎試下，25蚊一件。佢係即場去燒塊油穌餅，之後再放d用蝦醬煮過嘅肉碎落去再加少少生菜絲咁捲埋。咁因爲佢係即叫即燒塊油穌餅，所以等嘅時間會耐少少，不過佢比嘅肉碎相對黎講就比較少啦，不過就真係幾香口，可能因為佢係用淡口嘅蝦醬所以唔會好咸，味道就剛剛好，不過師奶嘅我會諗25蚊黎講好似有少少貴。另外就係佢係由一位後生男店員去負責整嘅，唔知係咪因爲星期六太多客做到有d攰，所以見到佢都幾黑面同埋好似好唔想整咁....不過試一次好了。

<蝦豬餅>-$25.大澳👉🏼蝦醬所謂蝦豬餅其實就係蝦醬炒豬肉手抓餅😋，離遠都聞到店主炒蝦醬豬肉架！😍即叫即做既手抓餅比出面細塊，不過都幾鬆脆，👶🏼見店主起勢落蝦醬炒豬肉，一d都唔孤寒🙋🏼，雖然炒出黎偏鹹，但夾埋生菜同手抓餅就岩岩好。豬肉選肉比較肥所以都真係幾香口架，係就貴左少少咁la~

蝦豬餅，顧名思義，就是用油酥餅包著以蝦醬調製過的豬肉一同進食。蝦豬餅的中文名與英文字"Husband"發音相似，所以店主太太特意起了Husband這個英文名字。蝦豬餅可稱得上是大澳的一大名小吃，只有週末及假期會出售，難得於星期六到訪自然值得一試。店外左側為銷售蝦醬的展銷櫃臺、右方則搭建了一個專為蝦豬餅而設的爐灶。幸好當時客人不多，筆者到達時馬上就可以下單。為筆者烹煮蝦豬餅的是一位年輕小；接到下單後，小哥先將事先搋好的油酥餅放在鐵板煎熟，再將新鮮的生菜絲及以蝦醬調好味的豬肉碎放在香噴噴的油酥餅當中就大功告成。先看看外貌，蝦豬餅的賣相實是不錯：煎得略帶金黃的外皮、翠綠的生菜絲、咖啡色的肉碎，兩種出眾的顏色與沉穩的肉碎作出的鮮明對比，令人不禁想馬上咬下第一口。油酥餅本身的味道不錯，溫度亦因即場煎熟而十分足夠，帶著微微油光而不膩口。主角蝦醬豬肉碎方面，肥瘦比例大約6:4至5:5，肥肉比例驚人地高。這對愛吃肥肉與不吃的食客相信會帶來很大的對比！除了肉質，可能是採用了味道較淡的蝦醬調製，肉碎所帶的蝦醬味清香而淡鮮。說是鮮，也是腥；平時不吃蝦醬的，也可勉強接受著這輕輕的腥(鮮)味而咬一小口。但對渴求

这家虾酱可以用来送礼，包装好看！还有各种口味，我就买了店家推荐的传统口味试试，店里还有卖虾猪饼，有点像手抓饼，皮打得很酥脆，肉沫抹上虾酱，很浓郁的带出肉香，很不错！