蟲二

營業中

休息中

【 精緻美味的一汁三菜便當 】🎏我哋又去「蟲二 Poachh」聚會喇！好鍾意同好姊妹係蟲二 的室內舒服雅座一邊食飯一邊傾偈，天氣好仲可以坐係室外空中花園，環境好靚好舒服。誠意推介蟲二主打的一汁三菜便當 : 主食：烤芝士漢堡扒伴海苔肉鬆有2塊厚厚的漢堡扒，芝士烤漢堡扒口感幼嫩，肉質軟腍，調味啱啱好，加上烤芝士和特調燒汁，非常juicy。 主食：清酒醬燒鰻魚原條鰻魚好厚肉，醬油味好香濃，有淡淡清酒香，鰻魚新鮮嫩滑，燒得啱啱好。前菜整得好精緻，好靚。鰹魚昆布高湯把一半鰹魚昆布茶潰湯倒進穀米飯配以蟲二主菜進食，會令穀米飯更軟熟，口感更豐富。「日本極上太白63 °c慢煮蛋」，雞蛋為半熟狀態，配合蟲二自家制蛋醬油，味道香幼濃郁，伴入穀米飯中，令米飯更香滑好味。🧁甜品我哋點了一份「桂花麻糬傳統班戟 」，桂花味好清甜，斑㦸中有煙韌麻糬，仲有水果和雲尼拿雪糕，配搭得非常好，味道豐富。

實在是一次令人難受的用餐體驗！.原本預約了6:00pm但早到了，店員A 示意我和友人可內進，於是便進入並開始點菜。用膳中途才收到手機短訊告知Openrice 的booking 被店員改為5:10pm ，當時並沒有為意，然後突然店員B 「劈」一聲把單掉到桌上 示意我們結帳，沒有任何說明就轉身離開，這行為令我們有點困惑。因為店內寫明「如非繁忙時段就可以不限時任坐」，而就我們所見當時門外沒有人等位，餐廳內亦有兩張吉枱沒有客人，清閒得很。.我們想食埋甜品，便問問店員A可否加單，但店員A和B 聊了一段時間再過來跟我們說只可叫一些製作時間快的甜品，指我們用餐時間有限，於是我們將就只叫了一款。然後店員B 再一次「劈」一聲把帳單掉到桌上，好像我們不該點甜品似的。.我們都明白繁忙時間有限時用餐，但當時根本沒人等位！而且仍有吉枱，幾個店員還聚在一起行行企企，實在不明白為何要做到如此催趕客人埋單，所以在最後埋單時，友人向店員反映自己感受，店員A 解釋臨時有新booking，向我們道歉，可是店員B 態度超差，雖然去餐廳店員黑口黑面是常態，但我們來光顧是真金白銀也沒有欠你的，最令我生氣的是臨走時店員B 來勢洶洶

一直都好想食番佢地既一汁三菜, 岩岩趁依幾日公司新年假就有機會坐下佢地既露天座位享受日光午餐同練瑜伽既同學仔分別叫左兩個一汁三菜既套餐各HK$150🍱西京箱漬燒鯖魚🍱烤芝士漢堡扒伴海苔肉鬆套餐可以優惠價(30-45蚊不等)加點甜品🍨黃豆粉蕨餅紅豆伴雪糕🍨Tiramisu今次飲咗佢哋飲埋佢地Special Coffee Menu,揀左杯青梅竹馬,跟餐加HK$32 ~ 點完先擔心Mix 青梅汁既佢會唔會有通便作用😂如果有晏晝行程既建議叫佢地另一杯Mix蔓越莓汁嘅咖啡🤣🤣🤣🤣

長大後會教你好好吃飯🍚要麼爸爸要麼蟲二。店員真的親切又可愛 。用心做人用心做飯。餐廳的確值得來消費時間。不論是戶內戶外的佈置得充滿人氣，乾淨貼地。一汁三菜Poach Bento $150.00一汁 鰹魚昆布茶高湯 BONITO TEA SOUP三菜 副菜，慢煮蛋，主食 （大阪燒風味黑胡椒烤雞塊）餐品附上說明書，好有心思。雞塊處理用心，熟得來非常細滑。湯和飯都可以追加，飯人都無有怕，半熟蛋加飯增加了飯食口感，滿足了。鑄鐵鍋北非蛋 香料蕃茄燉菜半熟蛋配蟲二製忌廉芝士露絲瑪莉農夫包。$188.00非常新鮮的食材，半熟雞蛋🍳配上香香脆脆的包包，一流。熱伯爵可可 $32.00伯爵醬底加可可打起拉花牛奶，冬天來一抹温暖。桂花牛奶 🥛$65.00桂花非常香濃，除了滿足嗅覺也滿足又味覺的享受。

今日放假特登book左旺角蟲二Cafe店之前朋友推介過呢度麻糬班戟已經好想食，今日終於可以有機會品嚐餐廳位於上海街618頂層，設室內外坐位，空間感十足，感覺好休閒舒適，以精緻中日家庭料理為主，食物水準高，相當滿意一汁三菜 $150一汁 鰹魚昆布茶高湯三菜 副菜、慢煮蛋、主食（六選一）（免費添加湯及飯）呢款一汁三菜一上枱，擺盤精美，副菜蔬菜凍作為開胃前菜，健康又精緻，配上日本慢煮蛋加入蟲二蛋醬油，口感幼滑又滋味，主食揀左大阪燒風味黑胡椒烤雞塊配椰菜薯仔薄班戟，烤雞皮脆肉質非常幼嫩，用大阪燒風味製成，好味道伯爵茶麻糬傳統班戟 $108呢度麻糬傳統班戟每天早上由拌麵粉、打雞蛋開始準備，即時新鮮人手製作，非常吸引。今次叫左呢款伯爵茶，用上紅茶加佛手柑油處理，加上德國煎茶底的伯爵茶，令班戟有伯爵茶味之餘也有煎茶嘅回甘，配伯爵練乳醬Mocha $48朱古力咖啡拉花好美，可可好香醇，口感幼滑，個人很喜歡唔該可以成個班戟

我們食午市，見到一汁三菜都好特別。我哋叫左大阪燒風味黑胡椒烤雞塊。雞塊很嫩滑，而且醃得入味，雞塊上面的醬汁，酸酸的，都好開胃。底層有野菜薯仔簿班戟，有口感，食到粒粒薯仔。前菜是野菜凍糕，紫色好夢幻，蔬菜很新鮮。高湯是鰹魚昆布茶湯，咸鮮的魚香，襯熱飲更佳，仲有慢煮蛋，倒進飯一併進食好滑溜。個飯有營養又養生，杞子醬油，日本米，我喜歡食軟身的飯，加多少少湯就好味道。老公食半湯烤五花腩片冷麵，冷麵轉左滑溜的讚歧烏冬，芝麻香蒜油很惹味，烤五花腩肥瘦適中，火炙得有燶邊效果，同埋很大塊。甜品有黃豆粉蕨餅紅豆配雪糕，蕨餅煙韌香糯，雪糕奶味香濃，仲有香甜的紅豆，冰涼又甜蜜。洛神花水果茶酸酸甜甜，仲有薄荷芳香，真係透心涼。

回頭度🍪7/10｜人均消費💰~$150-250-👍🏻一汁三菜 $150呢個套餐包含前菜🥗主菜🥘同埋飯🍚仲有一杯熱焙茶☕️擺盤精緻 滿滿的儀式感🥰仲可以加入慢煮蛋同高湯落飯到-✨大阪燒風味黑胡椒烤雞塊雞塊配木魚同大阪燒醬意外地夾🐣下面嘅野菜薯仔班㦸🥔都煎得幾香連埋啲大阪燒醬一齊食 好惹味😋味道🌕🌕🌕🌕🌑-✨櫻花蝦豆乳味噌豚肉高麗菜卷配料感覺有啲似關東煮🤣但豆乳湯味道不錯🍲同豆腐同福袋好夾😚味道🌕🌕🌕🌗🌑-✨蟲二副菜佢係加入各種野菜🥦而成嘅啫喱（？）感覺幾特別 但覺得呢種質感唔太襯鹹食🤣味道🌕🌕🌕🌑🌑-✨日本穀米杞子醬油炊飯食落幾重杞子香🫘配埋醬油味道很不錯🍚加入鰹魚高湯 有茶漬飯嘅感覺加入埋慢煮蛋🍳味道更加豐富味道🌕🌕🌕🌕🌑-👍🏻華田麻糬もち傳統班㦸 $118班㦸上面舖滿華田粉🍫同香蕉🍌仲有雲呢拿雪糕🍨一暖一凍好好食切開仲有拉絲麻糬 幾煙韌🍡班㦸質感都好濕潤🥞有啲似蛋糕可可味都好突出🤤味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌑🌑-📍蟲二 (旺角)旺角上海街618號頂樓Mon to Sun 12:00 to 22:00✅加一-

服務態度極差，冇禮貌。送餐時，不會問人點了什麼便放在台上，我們叫住話另一朋友點的，也不理會便轉身走。完全冇心去服務，也沒有熱誠去工作。非常失望！不會再去消費。也不值得推薦！

🍽️ 旺角文青系日料 | 蟲二 Poach Bento📍旺角上海街618號頂樓今日嚟到旺角覓食，試試呢間小店嘅特色一汁三菜 🍱 $150蟲二定食set包括：- 招牌鰹魚昆布茶湯 (食左啖日本穀米杯子醬油炊飯先再落湯)- 43℃溫泉蛋 - 自選主食：揀左饅魚！搭配溫泉蛋超級match！- 配埋日本穀米杯子醬油炊飯 暖笠笠！另加$半價upgrade左杯莓啡，香甜醇厚☕️PS. 餐廳free soup and rice refill 真係超窩心！打卡必試推介💯食完都可以係下面幾層行下啲local 小店 ✌🏻 #炊飯 #poach炊飯 #溫泉蛋

這家小店的一汁三菜便當份量剛好。最讓人驚喜的是他們的酒釀桂花咖啡，香氣濃郁，口感順滑，完美地為這頓美食畫上句號。這裡的便當不僅滿足了味蕾，而且是鬧市中的樓上小店，這裡的午餐都是不錯的選擇。

蟲二出名食物質素高，水準保持得穩定，賣相又靚，裝修佈置既有品味又有玩味，俾人一種置身日本嘅感覺一汁三菜 - 主菜揀咗烤芝士漢堡扒半海苔肉鬆，漢堡扒有齊雞牛豬肉，口感軟腍，配烤芝士同醬汁，味道開胃豐富，開胃菜、慢煮蛋同海苔肉鬆都好食，鰹魚昆布茶高湯就咁飲又得，混埋杞子醬油炊飯一樣好夾，整體賣相味道兼備燒豚肉片慢煮蛋杞子飯 - 燒豚肉香脆，味道甜甜地好開胃，蓮藕口感綿密小碗炒椰菜 - 清新健康之選，完全做到日本炒野菜嘅味道Latte - 口感順滑，拉花又靚，一邊飲一邊覺得好悠閑寫意New York cheesecake - 餅底脆卜卜，甜度啱啱好，芝士又香又滑，食埋份甜品好圓滿周圍嘅佈置好有心思好靚，而家已經好有聖誕氣氛，成個環境好乾淨好闊落，特別係空中花園，又開陽又光猛，整體俾人一種好舒服嘅感覺餐牌無論套餐、主食、小食同飲品嘅選擇都好多，賣相吸引，令人樣樣都想試，一定會再幫襯

其實喺香港可以帶寵物嘅餐廳真係唔多，加上又有好多規限，所以想搵一間都唔易，不過咁啱喺旺角呢個咁熱鬧嘅地區又俾我搵到一間寵物友善餐廳🐶，相信呢一間蟲二嘅日本餐廳大家都有聽過，佢最主要係便當為主，地方都算大，係正大廈嘅一個單位仲有一個花園添，我今日帶咗細佬🐶嚟試吓佢哋嘅便當，之前一直都冇嚟，因為天氣唔穩定，狗狗只可以坐室外，所以就等到好天嘅時候先過嚟，餐廳嘅裝修有日式風格，佢哋嘅花園都算闊落，狗狗隨便坐都冇乜問題👍🏻要佢哋主食係一汁三菜既便當🍱，我哋就叫咗兩份 $150/1 :首先有份開胃前菜,之後慢煮蛋，鰹魚昆布茶高湯，一份主食，同埋醬油飯，嘢飲就跟咗熱嘅焙茶，可以用半價叫其他特色嘢飲，而主菜分別叫左🐟西京箱漬燒鯖魚同埋🐷烤芝士漢堡扒［含雞牛豬肉］伴海苔肉鬆，佢哋會有份最佳食用步驟嘅指示牌，先倒湯再撈飯，仲可以免費添飯嫁😆🍰肉桂朱古力蟲二西多 $118 :最後叫咗呢一份超邪惡嘅西多士，喺呢度嘅必食甜品，睇落去賣相超邪惡，外層已經有濃濃嘅朱古力醬蓋住😍，再加上肉桂粉同埋雪糕🤤不過佢哋嘅西多士比我想像中腍身，唔係煎到好脆嘅嗰隻口感，但味道係唔錯嘅😋

打卡必去的餐廳📸位置在活化唐樓的上海街618號頂樓裝潢復古懷舊 充滿文青氣息🕰️更設有露天及室內座位主打日式家庭料理🍱及班戟🥞十分適🈴繁忙的都市人來chill 下放鬆🌟一汁三菜的概念除了一份主菜外可將63度慢煮蛋及鰹魚昆布茶高湯倒進杞子醬油飯當中飯粒滿有蛋香 帶有高湯淡淡的鮮甜味充滿和風味🪭🐟一汁三菜 - 西京箱漬燒鯖魚外層微焦 內裡肉質細膩 增加檸檬汁後 味道鹹中帶酸 味道結實多汁 🐟一汁三菜 - 清酒蒲燒鰻魚厚身肥美 口感嫩滑表面香脆 味道香濃帶甜 🥞伯爵茶麻糬傳統班戟本店招牌必點🌟新鮮製造👨🏻‍🍳上菜時熱辣辣出煙🔥外層口感濕潤鬆軟內裡含有煙韌麻糬加上海鹽芝士忌廉及牛奶雪糕🍨百花蜜的點綴🍯味道香甜 層次感相當豐富值得一試✨

嚟之前知道蟲二走日系風格，無論環境、佈置、氣氛定食物都好精緻，果然冇令人失望點咗兩入一汁三菜，有慢煮蛋、副菜、鰹魚昆布茶高湯、日本穀米杞子醬油砍飯同熱焙茶，米飯粒粒分明有飯素，味道同口感都好，加埋慢煮蛋同高湯一齊食好有層次，好似有多一款食物試咁大阪燒風味黑胡椒烤雞塊 - 墊底有pancake，加埋大阪燒風味嘅烤雞，口感同味道都好有層次，係好特別嘅菜式清酒醬燒鰻魚 - 用清酒醬燒鰻魚真係第一次食，原來又幾夾副菜好精美，賣相好吸引，完全唔捨得食啲餐盤同餐具都好靚，仲有塊小木牌教大家可以點樣食一汁三菜，好貼心最尾甜品重點咗個New York cheese cake，好用心製作，用火槍燒過表面，有層焦糖香，口感順滑，芝士味又濃，餅底都好好味個空中花園佈置得好靚，好有氣氛，坐喺度感覺好chill整體佈置走日式木系風格，帶點玩味，好彩我放工即刻嚟，過咗一陣幾乎全場滿座啲餐牌都好靚，提供嘅選擇又多，店員服務都好好，成個體驗好唔錯，值得推介

大根冷蕎麥麵$125名符其實只有大根同蕎麥麵，絕對係追求健康嘅好選擇。大根超厚切，使用鰹魚汁及甜醬油燉煮，美味全被凝縮其中，食落軟爛，多汁水潤。蕎麥麵食落有彈性，沾上鰹魚冷麵汁，配上紫蘇梅子，好醒胃。豚肉冷烏冬$135滿滿嘅一碗烏冬，鋪有鰹魚花片和紫菜，底層有涼拌嘅秋葵、火炙叉燒 、日本忌廉慢煮雞蛋 ，淋上秘制醬油，冷烏冬非常彈牙，叉燒經火炙後皮爽肉香，份量剛好。華田麻薯傳統班戟$118以麥芽和可可製成的阿華田PANCAKES，雖然顏色有啲不討好，但食落冇果種好似朱古力咁甜咁漏，可以一口接一口，再沾上加入麥芽脆片煮成嘅醬，再加上入面嘅麻薯，食落非常軟糯，十分滿足。