蟹增盞食蟹專門店 (已結業)

26-1-2011Lunch 本來諗住食個公仔麵就算, 行緊去茶記途中卻見到呢間辣蟹店的「精選午餐」 (送例湯及飲品; $32) menu, 仲竟然有油鹽水浸大蜆供應 , 就入嚟試試.例湯: 唔知係乜 , 味道似青紅蘿蔔煲豬骨, 又帶點陳皮味, 不過火喉十足就係真的, 飲落「屋企」feel 得很, 感覺不錯.油鹽水魚湯浸大蜆湯米: 湯底胡椒味勁重, 愈飲愈刺喉及身水身汗 「大蜆」唔大, 只係普通細細隻的沙蜆, 食落有少少沙, 不過浸得嫩滑又鮮甜, 份量亦不少 (都有 10 幾隻的), 咁嘅價錢嚟講算好好食了; 米粉 "entangled with" 碎濕濕的粉絲, 不過就煮得偏硬, 有點「即食」feel 胡椒湯底太辣, 飲品叫了杯凍鴦救救火, 飲落夠凍, 味道就係「勁多奶咖啡」, 不過都滿意了.埋單 $32, 平平哋印象不錯, 不過有機會夜晚嚟食炒蟹 / 黃金蝦 / 芝心丸 + 椒鹽豆腐就好了.

行完大東二東山, 又係時候補充番體力, 朋友推介咗一間食蟹o既小店, 但最後我哋都決定叫d海鮮同小菜, 蟹就留番下次再試喇…1) 蠔仔粥 (細) - 好多蠔仔, 水準拍得住潮州鋪果d, 味道唔太淡亦唔咸2) 蒜蓉蒸蟶子 (3隻) - 蟶子 $28 一隻好抵, 長度大約12-15cm, 最緊要夠鮮甜爽口, 不錯推介3) 黃金中蝦 - 全晚最正最精彩, 食到大家 lamlam 脷, 外層咸蛋王呈少少流質狀態, 口感十足簡直完美, 每隻蝦都由大量蛋王包住, 而咸度又恰到好處; 至於中蝦, 新鮮彈牙, 食得出鮮蝦味道, 一碟海鮮有2層味覺享受, 抵到爛 !4) 芝心丸併椒鹽豆腐 - 芝心丸炸得香脆可口, 美中不足係芝士唔夠, 到喉唔到肺; 而豆腐炸得乾淨利落, 好滑好有豆腐味, 而椒鹽粉做得恰到好處, 唔駛點奇怪o既香蕉哈密瓜味沙律醬己經好好味5) 魚湯浸菜心 - 菜心嫩, 魚湯亦夠味, 乾蝦又多又好美後記 : 雖然呢間鋪頭唔太出名, 但水準不錯架, 同埋服務都好好, 值得推介 ! 同埋佢哋遲d會搬去隔離街, 最好打去問個正確位置啦.3人共消費 : $430

行完大東二東山, 又係時候補充番體力, 朋友推介咗一間食蟹o既小店, 但最後我哋都決定叫d海鮮同小菜, 蟹就留番下次再試喇…1) 蠔仔粥 (細) - 好多蠔仔, 水準拍得住潮州鋪果d, 味道唔太淡亦唔咸2) 蒜蓉蒸蟶子 (3隻) - 蟶子 $28 一隻好抵, 長度大約12-15cm, 最緊要夠鮮甜爽口, 不錯推介3) 黃金中蝦 - 全晚最正最精彩, 食到大家 lamlam 脷, 外層咸蛋王呈少少流質狀態, 口感十足簡直完美, 每隻蝦都由大量蛋王包住, 而咸度又恰到好處; 至於中蝦, 新鮮彈牙, 食得出鮮蝦味道, 一碟海鮮有2層味覺享受, 抵到爛 !4) 芝心丸併椒鹽豆腐 - 芝心丸炸得香脆可口, 美中不足係芝士唔夠, 到喉唔到肺; 而豆腐炸得乾淨利落, 好滑好有豆腐味, 而椒鹽粉做得恰到好處, 唔駛點奇怪o既香蕉哈密瓜味沙律醬己經好好味5) 魚湯浸菜心 - 菜心嫩, 魚湯亦夠味, 乾蝦又多又好美後記 : 雖然呢間鋪頭唔太出名, 但水準不錯架, 同埋服務都好好, 值得推介 ! 同埋佢哋遲d會搬去隔離街, 最好打去問個正確位置啦.3人共消費 : $430

第一次幫襯依間食店~店內環境唔係酒樓feel~地方唔大而且檯數好少! 同老闆閒談中得知~剛租埋鈄對面一個舖位..好快會增多圍檯招呼食客! 依晚因為臨時去食~所以無訂檯~好在早去有一張細檯比我地~其他既都已經訂座~我地叫個"2人套餐"~當中包括有1. 椒鹽瀨尿蝦 - 上到檯老闆會為客人起殼~方便食用! 肉質夠鮮但味道略鹹而且較濕2. 蒜茸蒸蟶子皇 - 配料夠..好香鮮蒜味! 味道唔錯3. 避風塘炒蟹 - 暫時黎講..個避風塘料比起之前食過既整得好! 炒得夠金黃唔會over~而且乾濕度適中~蟹都好新鮮而且入到味!4. 瑤柱蛋白炒飯 - 炒得夠鑊氣~粒粒飯有咬口5. 菜另外仲有叫2支啤酒添! 整體食物ok!(更多相片 : http://hk.myblog.yahoo.com/yanomi_chung/article?mid=72616)

話說上回「食好D」飯局，到過「匠伊兵衛」後，也相隔了好些日子，今次財貓小姐發起號召，除了我們幾位核心成員外，並邀請了果仁兄加入我們一同「食好D」。財貓小姐為今次「食好D」飯局定了「海鮮」這個主題，著大家推介心水食肆。在眾位食家面前，我實在不用班門弄斧，還是做最輕鬆的事情，等候通知出席便可。最後大家選定了銅鑼灣的「蟹增盞」。我準時七點半左右到達「蟹增盞」，老闆朋友及其太太，財貓小姐以及白虎兄已經到了，還叫了一碟增盞芝心丸小試牛刀，我坐定後也先試試。增盞芝心丸賣相還算不錯，炸得金黃，吃起來，還算爽口彈牙，帶有蝦香，不過說到芝心就不太明顯，芝士偏少，加上可能放涼了的關係，芝士沒呈現那種流心的廣告級效果，誠為可惜。另外芝心丸配有兩款醬汁，一款為泰式甜酸醬，另一款是另似Wasabi味的沙律醬。配搭起來味道不錯。豉椒炒聖子皇一排聖子殼放在碟上，墊著上面的聖子，每人一條，坦白說，我一向少吃中式海鮮，聖子就更少，也實在沒吃過麼大的聖子，難怪店方也標明是聖子皇了。呈子吃起來非常鮮嫩甜美，爽口十足，沾上些豉椒醬汁，吃起來更見惹味，不過惹味之餘，卻不過份味精，而且濃淡得宜，沒有掩蓋聖子的原有味道，值得一讚，

見到openrice 上面一面倒的笑臉，於是約一班知已朋友一試。胡椒蟹。見個個都叫，order了一隻大蟹試下。一隻大蟹，每人只分得一件起兩件止。有很多胡椒粒，但不太辣。蟹肉尚甜但不算很impressive。油鹽水煮蜆。蜆肉都幾甜，但帶一點沙。湯比想像中辣。同行的有不好辣，所以此餸最後由我包尾。炸豆腐拼芝心丸。兩者也不錯，豆腐很滑﹔雖然炸過，但感覺並不油利。薑蔥焗生蠔。有五or六隻很大的蠔。鑊氣足蠔又大隻，這是朋友是晚最欣賞的菜式薑蔥走地雞。之前只order海鮮，後見唔夠食叫了半只雞。surprisingly，今餐我最欣賞隻雞。有肉得來又熱又滑。同桌尚有好雞皮者，食到不停(雖說很不健康...)豉油皇炒麵。夠鑊氣，不油。咕嚕肉。ok。其實此店食物不差，但以大比數的笑臉作期望﹔失望是難免的。

見各大食家對此店讚不絕口, 今晚同衰佬去食之前有人指此店之價錢貴, 但我去到見餐牌就無呢種感覺, 例如一隻避風塘炒蟹都係二百幾蚊, 而且叫套餐一個人都唔使二百蚊, 已經可以"炒蝦拆蟹", 都OK啦食左個油鹽水煮蜆, 榨菜味的湯, 夾雜粉絲, 酸尾尾之餘, 有鮮甜的蜆肉食, 好好味啊 湯帶少少辣, 因為落左胡椒粉, 只係呢味菜, 已經讓我送了碗半白飯炒蟹都係高水準之作, 我食呢隻蟹好新鮮, 蟹鉗內的肉係一排排的, 有彈性之餘仲好甜, 而且隻蟹仲好大隻, 真係好得!難怪咁多人大讚

呢排真係好想食海鮮, 尢其是蒜蓉蒸蝦, 奈何自己返工時間真係好唔彈性, 收成7:00真係去邊都唔洗去.....跟住就上黎搵下料....見到好似幾得......就一於今晚試下啦....(不過唔記得影相)1. 蒜蓉蒜蝦 ($138), 睇到價錢都唔想食, 不過男友知我想食, 佢就話叫啦...入口真係無得比, D 蝦勁大只, 蒜蓉勁多, 蝦肉夠彈牙, 敗筆之處就係冇粉絲.2. 避風塘鮮魷, 男友欽點, 好好食, D 蒜粒好香口3. 炸豆腐拼芝心丸 ($78), 老細 RECOMMEND, 見OPENRICE 勁多人介紹, 就一於試下, 初初諗, 唔會係個D 街士芝心丸啊.........., 不過食落口, 真的不得了, 係手打芝心墨丸, 超彈牙超好食, 個salad dressing 冇得頂, 佢唔係普通醬, 係佢MIX 左D WASABI落去, 不過仲有一只味食唔出.好好食, 淨係食醬我己經食左2小碟, 豆腐超滑. 真係一絕4. 招牌海鮮炒飯, 無乜特別, 唯一之處係佢D 海鮮真係好新鮮, D 蝦肉唔係雪藏, 個飯撈埋D蒜蓉蝦汁真係好好食, 不過有小小唔開心, 就係去到無時日精選, 蒜蓉粉

見咁多好評, 呢間一路都想試, 昨天正搵去邊度食時諗不如試呢間啦就book位啦, 6點多到了連埋我地得兩枱有人, 但其他的枱都reserved啦, 慢慢d人到了, 昨天是平日同落雨天, 我地食食下都已full house啦, 好勁架啦 我地見一隻細蟹都250, 都嚇左一跳呀, 咁貴........................................., 咁我地就叫左個set啦, 四百幾, 有: 胡椒蟹, 一上枱, 好香呀, 一食好好食呀, 唔太辣, 少少似青咖喱味, 個汁好正, 個煲夠熱, 可以keep住溫度, 值得一試 油鹽水浸蜆, 好大碗呀, 好多蜆, 湯底有d胡椒味, 唔錯呀, 呢個湯辣過個蟹 菜心炒牛肉, 一般啦, 牛肉有d un 兩碗翅, 唔錯, 好多翅, 湯底又好, 食左唔覺口渴 可樂, 忌廉, 呢兩支汽水可以減少辣既感覺, 必備 埋單, 四百幾, 無加一, 只計茶錢同花生下次會試其他野, 唔叫餐啦

朋友生日飯多數是日本料理或中菜, 特登以食蟹為主則是第一次, 在此先多謝Ada的安排.據侍應哥哥透露, 此店由樓面到廚房都是一家自己人打理, 份外有默契及親切. 佢係大佬, 老闆係細佬. 唔知點解, 我覺得佢兩兄弟好面善, 好似係以前電視或電影見過. 細佬成個有為傑青, 大佬就風趣幽默, 更自稱"殺人不見血", 加上佢果件骷髏頭 T-shirt, 真係俾佢鋸都心甘命抵 黑椒蜜糖雞亦: 好多好香的蜜糖, 用來撈飯都得. 胡椒蜆湯: 魚湯係精華, 好重胡椒, 飲完成個人發滾. 芝心丸, 炸豆腐, 墨魚餅, 九肚魚, 魷魚鬚: 炸粉調得好薄好脆, 芝心丸芝士味濃, 墨魚膠打我彈牙, 而最特別的, 係用來點豆腐的沙律醬, 幾個朋友食出幾種味道, 包括: Wasabi, 香蕉及腐乳等, 經大佬講解後, 先明白原來有橋妙, 但我覺得係商業秘密, 大家想知就去幫襯下啦. 豉油王炒麵: 優質的幼麵散發著淡淡的豉油香, 爽! 通菜: 好味! 胡椒蟹煲: 一串串的胡椒襯托橙紅特大蟹, 賣相極吸引.好老實, 好味還好味, 大家唔夠飽, 厚住面皮問大佬有乜可以飽肚? 大佬奸笑地介紹"黃金海鮮炒飯", 仲

試過筲箕灣的得獎鑊氣小炒粥棧小廚之後，很想在銅鑼灣及灣仔區尋找同樣出色的小廚。在OpenRice發現這家以蟹類菜式專門店自居的海鮮飯店，趁有時間就專程到訪，希望嚐到好味又出色的海鮮菜式。小店在銅鑼灣與灣仔交界，從伊利沙伯大廈後面的一條街往灣仔方面走約五分鐘就到。店子約可容納三、四十人左右，擺了約五張圓桌，格局是典型的港式海鮮飯店格局。雖然每張桌子都鋪上黃色的桌布，但桌布上的污蹟卻大刺刺的呈現於食客面前每桌如是。當上手食客吃完之後，店方稍為收拾碗碟之後，連桌布也不換就讓下手食客用膳，與其這樣不如不鋪桌布也罷，或是鋪上膠桌布方便清潔。一心到此是想點吃海鮮小炒，所以見女侍應給我的午餐餐牌上只有一般茶餐廳午餐時，便順口一問女侍應是否有單點菜式供應。怎知女侍應冷淡的回應說，只有餐牌上那十幾款。本來見菜式不對胃口，想立即離開改到另一家吃，此時一位男侍應就非常識趣地遞上單點菜式的餐牌。今天點了薑蔥焗生蠔、西蘭花炒帶子及蒜蓉蒸扇貝，另上例湯兩客(是日例湯為菜乾瘦肉湯)。菜乾瘦肉湯(店方奉送) – 湯水不但有菜乾的香味，更有瘦肉的濃香，還喝到清香的陳皮味，給我有真材煲實料製的感覺。薑蔥焗生蠔($138)

今日同牛牛決定要做d跟平時不一樣的活動...之前聽友人說很有水準,味度很好...於是friday night很即興地要去試!提早預定了台...2位老闆很親切有禮...服務態度一流...真是不可多得..點了避風塘少辣蟹...芝心丸拼炸豆腐...豉油王炒面...食到牛牛 lam lam利...hehe...雖然地方窄左d..但價錢合理!令我們的friday night充滿驚喜! 我們以後又多了一個拍拖食飯的好去處係咪呀?!牛牛...*muah*

同女朋友食飯,她好想食避風糖炒蟹,即上Openrice內搜尋之下,31比1當然要試吓啦避風糖炒蟹 -好好味~蒜蓉好香豆腐+芝心丸-不油膩.好吃,專登整細碟啲,每人二粒,好服務油鹽水浸蜆-湯底好正豆鼓夌魚油麥菜-炒得好好食非常推薦這間餐廳,價錢合理, 真係食得好開心!

好朋友生日, 梗係要擦餐好架啦! 兩星期前, 上OPENRICE搵到呢間食店, 咦! 佢個食評都唔錯喎, 於是拉大隊一行十三人嚟試吓, 雖然細細間, 不過門口都貼咗好多名人嘅相片!嘩, 大家都好肚餓呀, 一坐低就不停咁落ORDER, 老細好好人, 仲話送兩枝藍妹俾我地啤啤佢喎! 話咁快就上菜喇!豉椒炒蜆 ~ 味道唔錯, 雖然細隻咗D, 不過冇沙架! 炸豆腐拼芝心蝦丸 ~ 豆腐好滑呀, D芝士夾喺中間, 一咬落口, 好JUICY! 胡椒蟹煲 ~ 一揭開個蓋, 香噴噴, 隻蟹好新鮮, D蟹肉都好彈牙! 避風糖炒蟹 ~ 都幾辣喎, 我試咗少少已經噴火! 但係見D朋友就食到津津有味! 薑蔥油雞 ~ D薑蔥將成隻雞覆蓋住, 雞肉好滑, 個個都用D薑蔥送飯, 話太好味咯喎! 芝士焗田雞 ~ 哈, 咁樣煮田雞法幾特別, 味道唔錯呃!沙拉骨 ~ 用沙拉汁配搭, 甜甜酸酸, 好開胃! 涼瓜肉碎煎蛋角 ~ 煎得火喉啱啱好, 唔錯! 炒菜款式都叫咗四碟 ~ 椒絲腐乳唐生菜 (ENCORE咗兩碟), 清炒九菜花, 蒜蓉炒芥蘭, 清炒油麥菜! 款款都好好好好味! 班朋友仲話唔夠喉, 再嚟一碟豉油皇炒麵同埋

今天做冬,剛好在香港血拼,就帶了老公小孩,還約了香港的好朋友一家人來吃餐好的,海鮮正是老公的首選.一路上好多家辣蟹餐廳,都還掛著與名人的合照,心裡有點擔心現在要去的蟹增盞會不會讓朋友也滿意,總算到了,地方不是很大,不過也乾淨整潔.一行6人就座點了菜.避風塘炒蟹小辣: 吃起來不只小辣喔~不過很好味,同桌扣掉小孩還有不吃蟹的人,共4個人吃隻中蟹還算可以,不過老公說下次可以吃大的過癮一點,非常好味道.豆腐拼芝士球:又香又嫩,吃起來也一點都不油膩.好吃黃金蝦: 蝦子又大又新鮮,非常彈牙,外面包裹的鹹蛋黃很香口,蝦膏也很多,讚蟹油炒麵:跟台式炒麵很不同,看起來黑黑的以為會很鹹,結果一點也不會,而且炒得乾身不油,很香西生菜:一般囉~畢竟不是太需要工夫的菜.不過也好吃蒜蓉粉絲蒸扇貝:非常好吃,材料新鮮又大顆扇貝,粉絲吸了蒜蓉味,整個吃起來又鮮甜又香.非常推薦這間餐廳,一整個好味道!!一定會再來,最好來台灣開一間XD