蠔軒 (已結業)

生超新鲜，就算五星级酒店之吧也不及此軒墨西哥海胆，新鮮到冇朋友牡丹蝦也不會輸蝕比日本餐廳仲有個鹅肝意大利飯，見佢细细地但超好食，食完也飽到，唔可以再叫甜品（心太軟）！還有就是此店老细Jay Jay,服務態度一流就算我一年只光顧數次，見到他時他也很熱誠地款待我們，不會像其他餐廳，好耐冇見你，就此放埋你一面唔理你。所以我極力推介大家去光顧下。。。包保你有五星級質量食物，更有無微不至的服務。

依間食蠔買6送2,口痕就試試佢法國KYS同white pearl都好好食,肥而多汁,反而美國蠔可能季尾關係,瘦左D,但都不失清甜送兩隻法國regle,雖然係送,但一樣肥美,唔錯值得一試!

4週年紀念日,因為我地都鍾意食蠔,經朋友介紹,最後選左呢間,我地各點左六款生蠔，每款兩隻共一打，有法國、美國及澳洲生蠔。一打生蠔一陣就到,仲送多左4隻 !原來慶祝開左十年買6送2,Suprise!男友鐘意法國蠔夠大隻濃味,我就鐘意清甜既美國蠔勒!好滿足!食完蠔就輪到朋友重點推介的墨西哥海膽(好彩有預訂到),真係好大塊,差唔多有手指咁長,入口即溶,甘甜適中男友話好食過北海道添!下次再黎一定要食番!!聽侍應哥哥介紹,點左白酒煮美國蜆,蜆同湯底都好清甜,吾錯吾錯!!到主菜勒!朋友另一推介法國睡覺蟹膏意粉,本來男友想點多碟羊扒,但我地都怕食唔哂浪費,蟹膏意粉真係非常非常之好食,雖然我唔太食得辣,不過都食得出依道菜唔辣就無咁好食!

好耐無去呢度食野，見情人節就去豪一蠔環境有DD唔同feel,唔知係咪因為掛多左粒既關係.......不過都幾浪漫既~是晚點菜 : - 香煎蜜汁帶子 食生蠔之打打底~以前會叫蒜蓉包,但今次食小小甜甜熱熱既野，又唔會太滯,帶子大概有6片左右，稍嫌蜜汁多左D，帶子再煎香口D就好啦~- 生蠔一打  好新鮮鮮鮮~~隻隻大大隻!海水味好濃，但唔係死咸個種!正!!- 海螺 呢個係佢地介紹，所以點左黎試~來自韓國的新鮮解海螺，爽、甜、脆!-墨西哥海膽呢個真係唔使點介紹，必食!又大片，又鮮甜!十個正!!!!!!!!!!!-鵝肝天使面呢個又係另一個必食，招牌菜~-心太軟 平時唔嗜甜，但個日又勁凍,所以叫左個暖粒粒甜品，旦糕好軟熟~裡面D朱古力好多湧出黎~唔太甜! 好滿足!另外點左一支白酒~

尋晚同女朋友睇戲.但係得10點嗰埸.當時6點幾.有成3粒幾幾鐘咁就諗住拉間有d情調既餐廳慢慢食.因為之前食過所以我地一諗就諗起依間餐廳.我平時都好懶.但係今次實左太有驚喜唔留食評對唔住自己好喇.廢話唔講叮.講返野食.我地點左:生蠔:新鮮.我比較中意食爽口.加拿大a級象拔蚌刺身(唔知有冇記錯):一上枱已經俾佢吸引住.啱啱食左咩蠔都唔記得喇.賣相真係冇得頂.但驚喜在於味道.嗰種甜味我唔知點形容總之真係好好好好好好食.而且佢放得好有心思.較腍身既肉放(o係)一邊.爽既就另外一邊兩種口感加上嗰種鮮甜既味道(而家我邊打字邊留口水)真係形容唔到....象拔蚌兩味(熱食):咁正既象拔蚌點可以浪費架.都係好好食.不過煮完會縮細左糸多牛:味道唔錯.好大塊.差d食唔晒.(d薯保都好好食)蟹膏炒意粉我都話我懶.冇兩個驚喜以上我都唔會留食評依個就係另一驚喜.好香蟹膏味就唔洗講.我最中意佢d意粉做得非常爽口,唔會腍"字字"有小小辣.好香口.正不過有小小油.算啦.一次半次唔緊要啦.心太軟:其實已經好飽果然食甜品係有另外一個胃都係全部食晒

之前睇過TVB介紹,襯男朋友生日就book黎試下! 間餐廳都幾有氣氛,一坐低見到張枱佈置左我男朋友既名 ^^ 好有心機既佈置! 跟住個侍應就介紹有咩生蠔,海鮮!仲話有藍龍蝦刺身,俾佢講講下都心郁郁想食XD 我地4個人哎左藍龍蝦,墨西哥海膽,同一打生蠔!藍龍蝦刺身: D肉都幾有口感! 不過就得10幾舊!cheese 焗藍龍蝦: 唔算太溜,睇落去都幾大份,不過本人就mama地cheese 所以一般啦!海膽: 好鮮甜!我一個人食左大半板,haha! 比起canada 既好似大塊d生蠔: 值得一讚,我最中意食Regle同Aancelin,好有層次!男朋友就中意食水中花!本身我都唔記得d名嫁~好彩影左相! d 生蠔全部都有名牌嫁!食完我地就哎左蟹膏炒意粉,鵝肝天使麵,海鮮意大利飯同羊架! d野食都好好味!蟹膏炒意粉: 極力推介之一, 有小小辣,,好香口,我本來想哎多碟食haha鵝肝天使麵: 好多鵝肝,好香!! d 粉炒得幾乾身, 唔算太油海鮮意大利: 都幾大碟,有魚,蝦,帶子,都ok羊架: 羊我地食5成,但係出到黎有d overcook,味道還可以

之前在電視介紹過，有個最愛的鵝肝和黑松露mix埋一齊的angle hair，覺得幾得意，一心聖誕節同朋友嚟試吓。我地兩個人都嗌咗幾多嘢食，第一個嚟係海膽，（諗番起已經算係最好），好味，新鮮，幾甜，但兩個人食份量有點多，真係有d漏，而且價錢算貴，$440等咗好耐之後，終於嚟咗個好普通嘅蒜融包，ng明點解要整咁耐，無期望過個包會整得特別好食，到最後當然係無期望就無失望，如我所料！喺再等咗好耐之後，上蠔喇，ng明點解ng洗煮嘅，淨係開都要等咁耐。我地嗌咗4個味，其實我不嬲都ng食蠔的，但朋友係勁中意食，所以我又試吓！一食之下，覺得「咦，得個咸字，毫無鮮味。」我仲諗住係咪自己食ng慣，點知朋友comment話食開嚟講，今次真係算差，同我食到嘅感覺係一樣。等了又等，終於有蟹食，我開頭諗住成500蚊隻蟹應該都ng差掛？點知一放底係一個好普通嘅冷盤，清水白sap嚟形容完全不過份。隻蟹係麵包蟹，又名瞓覺蟹，食過都知多膏但不會後很香，肉質亦散沒甚鮮味，不太期望隻蟹給我什麼surprise 的，但係收得呢個價錢是否仍要用冷盤和只有一兜醋點咁單調呢？我真心覺得我之前喺citysuper兩舊水果隻，毫無手功就

蠔我都食，不過唔係特別喜愛，因為怕腥，有次同幾個朋友出街，佢地帶我去，其實我地係想找個地方談天，飲下野，入到去ok，都幾靜，於是叫左支紅酒及叫店長介紹D小食，佢問我地食唔食蠔及刺身，我地話OK，叫佢點幾樣，之後到左4款，真係得得地，由其第1款，名唔係好記得，好似叫"KAMAMOTO"，唔落汁都唔腥，刺身都唔錯，食食下都叫左幾多野，埋單大約每人$300幾，跑車馬地，差唔多，不過真係幾好食，唔錯。

夏天就到，熱到個人無乜謂口，突然諗起食生蠔!!!都有一段時間無黎過啦~入到去環境好似唔同左，但又講唔出有咩唔一樣入正題啦!!是晚三個人去，叫左怇地推介既海鮮拼盤$498 ，幾抵食!最抵梗係隻蝦啦!好大隻囉! 仲有4隻蠔、6片帶子同4隻大翡翠螺~~一個海鮮拼盤又點夠我地食丫!!!再叫多左4隻生蠔加兩隻cherry stone~好新鮮呢!跟住點左 ，牛油果蟹肉沙律同一個蟹膏炒意粉，開左一支白酒d野食好似同以前有d唔同~平時一定食既招牌菜鵝肝天使面而家無左!?不過d野又好似精緻左咁....

係團購買左兩張coupon, $68可以當然$200用, 睇完openrice既食評就買左兩張, 一人用一張, 兩個人可以用兩張...好少去啲咁高級既餐廳食飯, 都打左電話去問一問點去入到去, 唔多人, 好有情調, 啲燈又暗暗地, 一坐低就問就唔就ORDER左個蒜容包, 我地無要到, 睇左一陣MENU,個WAITER就過黎話需唔需要介紹下啲蠔, 我地兩個人一人叫左三款, 有一種係佢介紹既 Kumamoto, 自己揀左st. peter island, 另一款唔記得, 個Kumamoto得個五蚊咁大, 勁細隻, 無特別, 另外兩個比較之下就好味好多總共order左半打蠔, 睡覺蟹, 半打加拿大海膽, 鵝肝炒天使面, 一杯House wine個海膽係佢突然拎出黎推介既, 有少少唔係咁鍾意佢拎埋成盒海膽出黎sell, 個朋友睇完又想食, 兩個人叫左半板, 有五大舊, 啲海膽入口即溶, 配埋舊青瓜同紫菜睡覺蟹, 唔係咁特別, 只係比jusco既$80睡覺蟹好少少, 同jusco既size又差唔多, $398, 唔係咁抵食鵝肝炒天使面, 好味, 不過食到底先發覺好多油, 同埋好濟...服務幾好,

食黎食去都係個幾味。好啦今次同女朋友3周年紀念日，就帶佢去間高級餐廳食野！我地終於8點到步，企係個門口度就巳經覺得今次無選錯地方，門口佈置真係好靚，望多眼先，竟然比我發覺原來有好多明星黎過，好啦入去啦。一入去坐底就見到對面個牆全部都係相，華！之後個侍應哥哥好快又比水又介紹，心諗動作幾快喎！之後就細心解釋有咩生蠔好食，唔講唔知，原來食生蠔都好多學問。好啦就聽佢介紹，食住一打先！真係好好味丫！最中意食st peter island,我女友話親返我咁咸喎 之後再食多轉，Gillardeau 仲好味丫，勁重蠔味。之後就食法國蟹，呢件真係好驚喜，我都成日食蟹架啦，估唔到呢隻蟹咁鮮咁多膏。唔知佢地點整架呢！食完都巳經少少飽，但女友話繼續，唔準停好啦，咁就食呢到最出名既 餓肝天使面，蟹膏炒意粉，真係好好味丫，其他餐廳一定食唔到羅。之後個侍應又走埋黎話叫我地試埋個牛，好啦信你！還掂食開，食埋個乜鬼黑牛啦，食到好飽、好飽！不過食個牛要等，如唔洗等就好啦！不過等等下又可以亨受下個氣氛，都ok丫！下次有機會一定再帶朋友過黎再食埋其他野！好滿足丫，埋單走人！下次一定一定要再去。打完啦，又掛住隻蟹同餓肝天使面

之前一早訂左位同女朋友慶祝生日平時我地出街都食好多唔同既野...BUFFET...放題..中西日餐都食均哂~所以想搵D新鮮感....而女朋友又鐘意食海鮮朋友介紹有間食生蠔既幾新鮮...咁就一於去試下啦地址都幾遠...未黎過真係要搵下地圖先出發去到門口...見到D 裝飾好靚好有FEEL女朋友都好SURPRISE 果日都唔係好多人..老闆播緊D抒情音樂...靜靜地幾舒服..WAITER 俾左份MENU 我地睇.....去到生蠔果一版...有30幾種蠔..平時又無咩研究...都唔知食咩好...好在WAITER 好細心解釋邊一D當做會新鮮D邊一D又會易入口D...咁我地就每人叫左半打黎食....雖然我已經唔記得左叫左邊幾隻蠔但係全部都好好食...好新鮮老闆之後介紹埋個焗蠔....佢話焗既會大隻D 都好好食...咁我地就叫左一隻試下先...一見到叫刻嘩左出黎..真係好大隻同好香我地唔敢叫多隻...因為驚食唔落其他野...之後我膽粗粗問老闆重有咩招牌菜...老闆第一時間就介紹一個鵝肝天使面既然老闆推介得...都應該唔失禮既=]未黎到就已經聞到D欖油香=]我印象中...大部份貴價既PASTA 都唔會

跑馬地 大部份餐廳已試過, 除了Oyster Island, 因Openrice 今年沒有新的食評關於這餐廳, 不知口碑如何, 但儘管試試吧. 預先電話訂位, 但發覺開瓶費HK$200甚貴, 負責人稱餐廳供應的種類頗多, 所以打消自已帶酒念頭.可惜Wine List 的選擇實在太差了, 寧付HK$200開瓶費, 速速到酒舖買酒吧了!其實餐廳的蠔, 海胆等刺身類蠻不錯的, 但價錢就非常昂貴, 一份墨西哥海胆要HK$488,.問題發生於主菜.待應介紹牛及羊均很出色的,是晚更upgrade用澳州和牛及和羊, 故要了四客牛(HK$488 一份), 一客羊, 亦是HK$488, 價錢實在非常超豪華, 但心想可能很出色呢.主菜出場....堆頭很大!怎麼味道這麽熟識???在那裹吃過??對了, 波xx或金x餐廳的味道, 還有梳打粉的after-taste!!!!不單如此, 味道鹹到吃不下.羊鞍更硬如柴般滋味!!结果四客牛, 一客羊原封沒動. 還是结帳吧.七個大人, 一個小朋友,一支白洒, HK$400開瓶費, 共HK$6,085.60.......多口問待應, 老闆在嗎?? 純粹交流意見....可

為朋友慶祝~ 由朋友介紹去左oyster Island, 其實我地係想找個地方談天, 飲下野, 入到去ok, 都幾靜. 打開menu, 嘩！ 有成二十幾種oyster, 多過好多oyster bar, 我地叫左Fine de Claire、Kumamoto、Irish Premium、South Pacific、White Pearl同Sydney Rock, 之後再加碼Fine de Claire同White Pearl, 整體黎講都好新鮮好甜, 老闆推介日本毛蟹, 蟹膏十分鮮甜十分好吃！ 而今次個海胆真係頂呱呱，肥味肉厚又夠滑! 跟住還叫了一些剌身, 都好新鮮. 而這間餐廳還有熱食, 有扒和意粉, 連和牛都有! 而且佢地既招牌菜係”鵝干天使麵”便試試看.果然不錯有水準! 環境ok浪漫, Service又好! 野食又新鮮! 如果三五知己吹水食飯好選擇!

男朋友安排一次浪漫一餐,男朋友話左比餐廳知我生日,佢地幫我地佈置左張枱(有d心形的裝飾，上面印左Happy Birthday架, 都幾有心思，我同男朋友都唔係好識吃生蠔，所以請左侍應介紹左三款比我地,食左隻美國同一隻日本既岩蠔.d美國蠔rocky bay + totten真係好新鮮!好過d酒店食的蠔得個大字一d蠔味都無,仲食左隻日本既岩蠔（日本三鹿島岩蟲好重海水味,食到最後d蠔味才出來,仲食左隻我男朋友手板大的牡丹蝦刺身,好爽好甜,又加分!熱盤食左個辣辣地的番茄蜆,個汁用來點蒜蓉包,好好味！連汁都淸曬!滿足,但未飽,所以叫了個欖油天使面,好滿足!