行來發餐廳

營業中

休息中

🍲沙嗲粉絲肥牛煲上枱時見到個沙煲滾到飛起, 牛肉肉質軟嫰, 沙嗲夠晒味, 用嚟送飯真係一流呀🤤🥘小炒王小炒王就每一間都有自己特色, 呢度既小炒王夠晒鑊氣, 而且每樣配料都炒到好鮮味, 小編下次嚟都會再叫呢個餸🦑椒鹽魷魚今次既椒鹽魷魚就遜色左少少啦, 椒鹽既味道唔夠重, 上菜唔夠香, 但每一件都大大舊, 用嚟送啤酒都正架😆

同老婆去坪州行下，早上乘渡輪出發約三十幾分鐘便到，行咗半個坪州後見差唔多食晏時間，便隨便搵間食肆坐低食午餐兼休息下，由於係平日關係有啲食肆都冇開門，但就見到呢間都有啲本地人食緊晏，於是決定入去試下。呢間食店都應該開咗有一段日子，簡單嘅裝修，牆上還有啲歷史嘅照片，再看看餐牌，價錢都唔貴，炒粉麵飯一般都只係五六十元。大熱天時行完山都冇乜胃口，於是只叫了碟肉絲炒麵加罐冰凍嘅可樂。大約等咗20分鐘碟肉絲炒麵才到，一上檯見到都幾大碟下，麵係炸過脆卜卜， 鋪喺面嘅肉絲同啲銀牙都好多下，真材實料冇花假，以咁嘅價錢都算係抵食，味道都幾好！

Hea行完一輪坪洲的景點, 又到晚飯時間, 想食嗰間已經客滿, 再揀一輪, 最終係呢一間較多客人的行來發餐廳落腳, 由於室內座位爆滿, 被安排坐出店外, 好似返咗大陸食飯咁, 颇有風味。煎蠔餅上枱隻碟非常震撼! 大得好誇張, 望落唔太油, 食落都算煎得乾身,  雞蛋煎得香口, 可惜的是蠔肉真的太少, 咁大碟加埋唔夠十隻蠔!白灼魷魚望落去好似冇乜特別, 但全晚最好食嘅竟然係呢碟, 很簡單的白灼魷魚片林上豉油、熟油, 再加上香蔥、芫茜及辣椒絲整色整水, 卻很美味, 魷魚薄薄一片, 入口爽彈鮮甜, 加埋啲香蔥絲同埋豉油, 簡單美味。生炒骨酸酸甜甜送飯送啤酒皆一流, 味道可以, 略嫌排骨炸漿硬了些, 排骨肉少了些。涼瓜炒雞相信呢度做街坊生意多, 啲夥記都好隨意下, 冇咩服務可以言, 但都唔會黑你憎, 3個人食四餸加啤酒汽水每人百零蚊, 比起其他離島算抵食!

難得週末入坪洲住一晚，入黑後可以選擇的餐廳唔多，但做生意嘅都相信係做開街坊生意嘅好嘢。七點幾先到，多數人已入座或已被訂座，老闆娘見我地有心想等，就即時開多張台到路邊熱情招呼，好有人情味兩個人食，本來想食個海鮮，原來尼度食海鮮只可以來料加工，後來決定點三個送，以為正常，點知個煎蛋一上我地就知食唔曬了，分量相當足！熱茶牙籤紙巾都提供，埋單240。

個小炒王非常好味呀！！送酒送飯一流呀👍😋 大人小朋友一定啱食😊個生炒椒鹽骨，味道剛剛好，不會太鹹，好惹味。羅漢上素，味道不錯，用料新鮮，不會太多味精。當然佢蒸海鮮都有一定嘅水準 ！整體而言，個人覺得佢都算係坪洲頭一二名好味嘅餐館 絕對值得一試 😍

今日約佐幾個朋友同埋家人一起來坪洲游玩，從中環6號碼頭乘渡輪半個多鐘就到了。坪洲係個小離島，游客不多，很適合悠閒的游玩。中午，行到呢家小店，我地一行大小六個入內食飯先。街市買佐一條烏頭同六只扇貝叫店家加工呢個菜大盤又好食，食得我地個個脹肚出門，最主要價錢又平！今日之坪洲行又好玩又好食哦！

一班老朋友難得約到時間食飯 當然要搞搞新意思 唔出國咪去離島囉😂今次㨂左坪洲一日遊 中午時間已經入到去即刻醫肚先😋😋 去得坪洲 當然要食海鮮✌🏼皮光肉滑鹽焗雞 啖啖肉👍🏼咖哩炆牛尾 賣相一般 但咖哩味香濃 送飯一流👍🏼牛尾炆得非常入味 肉質軟林白烚大蝦 新鮮得爽甜彈牙清蒸海斑 蒸嘅時間岩岩好 魚味濃肉質嫩滑 清蒸扇貝同鮑魚 店家即叫即從魚缸撈出來肉質鮮甜彈牙 食指大動👍🏼👍🏼👍🏼 除左食物質素好好之外 相信係同行嘅老友們令到呢個午餐咁完滿👍😙😙