街角甜品

營業中

休息中

同朋友喺聯和墟食飯，食到大半飽，但係朋友話未夠喉，唞一唞要去食甜品。最後佢選咗呢一間，我話有冇刨冰食，佢話唔覺有。坐低睇餐牌真係冇，有少少揀唔落手。但係突然間喺隔籬枱見到一碗勁大嘅刨冰，即刻問侍應嗰個咩嚟嘅，原來係佢哋新推出嘅香芒雪山。係未印得切所以Menu冇。咁就嗌嚟試試啦，不過就將個芒果雪糕轉咗其他味道，今次就揀咗水蜜桃味。望落去啲刨冰真係好似雪咁樣樣幾靚，食落去驚喜爆燈，原來佢個冰底係用咗椰汁去整超濃嘅椰香味。重點嘅係入口即化，真係好有心思嘅冰底。因為呢個太出色，朋友連佢個糖水都食唔晒反而進攻我呢個香芒雪沙。可能個椰子冰底太出色個水蜜桃雪糕就輕咗少少下次要試其他味道嘅雪糕。

以粉嶺上水黎講呢個算高質素，甜品款式多又甜度剛剛好，講個腐竹流心蛋隻蛋都有蛋味，紫米系列加丸子簡直一絕又足料，價錢又唔太貴，個外賣兜好實淨可以重用款外賣坐車都唔怕倒瀉，好食過元朗果間老字號多多聲，我好小讚人，希望可以長做落去，員工又有禮貌,終於有返D好野食吓，加油99分啦

今日係上水做完運動，見天氣咁熱就想睇下附近有咩甜品店，結果上網一search就搵到呢間街角甜品。真係冇改錯名，真係係街角xD..初頭見到個營業時間係5點，我地黎到差少少先到5點，本身諗緊會唔會太早或者人地未開之類，後尾店員又比我地入去，坐低左無耐又比左兩杯凍水比我地，話出面好熱，態度都十分之好，抵讚!!我地叫左一個西瓜仙草同埋芒果小丸子撈，份量好大同埋都好好食，感覺比出面D甜品店性價比高好多!!西瓜好清甜，芒果都唔差，而且份量多到差D食唔晒，夏天黎食簡直係正，又解暑又爽。食食下個店主就過黎話今日係七夕，遞左個IPAD轉轉盤比我地，話情侶可以試下抽下，睇下中咩獎，當中有送仙草、送xxx、同埋最好既免費送一碗! 於是我地就抽，竟然轉中左free一碗!! 店主佢地應該係一家人黎，佢地話琴晚不斷轉都轉唔中，我地一轉就轉中，實在太好運!!我都覺得自己今日運氣好好，店主仲不斷恭喜我地，有呢d卓頭野搞下真係幾好，而且服務態度都好好，亦都睇得出舖頭都好落本去經營，就連外賣d盒都係唔同出面既，見到係特制防漏型既設計，亦都見到幾個黎叫外賣，店主仲話營業時間會再提早d，姐係話下次可以再早d，值得下次再黎幫襯

我系元朗慕名而來，都聽過身邊好多朋友推薦呢一間餐廳，食完之後，覺得食物好有水準，服務態度極好，價錢正🫶🏻🫶🏻👍🏻👍🏻系一間有良心既餐廳，中意❤️❤️下次會再黎🥰🥰夜晚同朋友食甜品不但開心，仲同餐廳既員工好好吹，上次過嚟嘅時候，餐廳好多客人，但都保持住很好嘅態度，感覺好似有家既感覺，希望可以早日開分店😊😊如果近屋企嘅話，都想日日都可以食到，而家好少餐廳會有呢種感覺，❤️❤️❤️絕對值得去

今日我和老婆突然想去吃糖水，我家住八鄉，原先去大埔吃，突然又去到粉嶺，見到間叫街角甜品，當時已經在門口好多人，咁我問位姐姐有冇位，當時姐姐好禮貌咁帶我們入座，咁我都馬上落單，好快就有好大碗的甜品，味道好正。我和老婆必定嚟奶。

好耐無食過咁好食既芒果小丸子啦芒果好甜，仲好香。而且個芒果沙冰底唔會好多冰，啲芒果汁好甜，仲有小丸子好彈牙，唔會係好硬好粉個啲，好食到我突登黎寫寫評。真係好好食！開心！

呢間甜品已經食過好多次，但第一次坐低食😂份量大，之前外賣已經覺得大碗，堂食覺得仲大碗！俾錢嗰時職員話試過倒落外賣兜，其實係一樣size ？！😂 唔通關個碗視覺效果事？我哋今次不約而同，食到飽到反肚咁濟！！😆#芒果小丸子撈 $38呢個我次次都叫，夠晒凍！有沙冰感覺！小丸子好煙韌，個芒果汁底甜甜的好好食～一碗成半隻芒果！仲有小丸子份量都超多，食極都仲有！#楊枝甘露 $38另外嗰碗同樣都係勁足料🥹飽到一個點呢間甜品價錢合理，份量足，咁大兜都係三十幾，呢排出去食甜品都要食$5-80🙉 推介🫶🏻門口有得偷雞泊吓車添😂

今日叫咗個香芒小丸子 鮮果楊枝甘露 炸蜜糖孜然雞翼 外賣估唔到咁足料👍🏻由包裝開始，個包裝已經係好好，完全唔會驚漏，係扭開嘅設計，材質夠硬，食完一次我媽咪仲話可以循環用多幾次，至少平時叫其他外賣都唔會俾個咁好嘅外賣碗我！平時最驚係食到水寥寥嘅芒果糖漿底，但係呢度食得出係用芒果打出黎嘅新鮮芒果漿，仲有半塊芒果喺裏面，小丸子又夠煙靭，軟硬又適中 。鮮果楊枝甘露試咗幾啖都係好好食，又係好足料，裏面椰汁同芒果漿同切到細細粒嘅雜果！好食😋最後就係孜然蜜糖炸雞翼，其實個雞翼都炸得幾好，唔會乾柴，但係如果刷多d蜜糖🍯就會更加好啦！下次有機會再試吓其他，今日食得好倉猝唔記得影相

第三次食，真係好開心搵到間附近好食既糖水鋪，終於唔洗食到嬲，平時寫網評多數係太難食先要話比人知，今次係覺得好食，一定要寫評語讚下之前食過椰皇覺得好食，又香又滑，芝麻糊好香，但原來椰皇唔係每日都有，上次屋企人試過紅豆沙都話非常好食，今次我就一於試下，一試覺得非常出色，真係起曬沙，仲有豆味，絕對係要推介個人認為暫時係北區真係未有一間糖水鋪咁好食，食過3次暫時未有一次失望，希望可以一直keep住個水準。

星期五晚同屋企人食完飯，興起想食埋糖水先番屋企😏。即刻上Openrice望下聯和墟有咩糖水舖，最終揀左呢間喺我腦海無記錄嘅小店，應該係新開嘅舖頭?!🤔餐廳好光猛，所以喺街頭已經留意到佢，亦見到門外有好多人😮 晚上8點半到達，原來門外嘅人等緊外賣，我地唔駛等位可以直入。 雖然已經食過正餐，但見到隔離枱好滋味咁食緊小食拼盤😂，我地又忍唔住叫左個$40，另外叫多個炸薯條$25兩款食物都新鮮炸出嚟，我自己特別中意拼盤裡面重香茅味嘅魚餅、仲有炸到外皮脆卜卜嘅司華力腸😋；至於薯條就麻麻地，好似炸得唔夠時間，外觀偏白，亦唔脆。芋圓仙草紫米露$34呢碗糖水質地幾啱我口味，紫米露夠杰身，食落好足料；芋圓只有橙色，食落幾有雞蛋黃蕃薯味。豆腐花$20揀左落黃糖，豆花幾滑，食落幾有豆香，不過個人覺得同百福果D唔會差太遠。楊枝甘露$38暫時係我喺香港近期食過最有料、最有誠意嘅楊枝甘露!! 🤤清甜嘅芒果大概有半個、配上大粒西米、未溶嘅芒果蓉沙冰，足料!!好味!!😋紅豆粒仙草$30紅豆比較細粒，睇得出唔係日本紅豆；另外食得出係自己煲，唔係罐頭紅豆；雖然偏甜，但配埋無乜糖嘅仙草，整體甜度可以接受。仙草幾滑，但味道不及

聯和墟數一數二🧡🧡甜品界天花板🧡👉🏽P.S. 外賣同堂食，份量感覺有好大分別所以，堂食是最好的。👈🏽芒果小丸子撈 $38🧡🧡🧡🧡🧡份量十足 香芒味濃郁凍冰冰入口 芒果味超香皆因佢個芒果底都係由新鮮芒果製成當然不少得成半隻芒果放喺面頭多到不得了嘅小丸子口感，煙煙韌韌細細粒，很可愛😍

又要講到上回提要，某晚放工想食吓糖水，其實原本係想買街角甜品，但嗰晚佢哋無開，於是行咗去第二間度坐低食，嗰次食到好傷心，我望返價錢嗰間仲要貴啲💔是日又想食甜品，街角甜品今晚有開✌🏻今次都係買咗個芒果小丸子撈外賣拎走，大大碗都係$38，仲要勁多料，多芒果之餘，食極都仲有小丸子😂😂 個芒果底汁甜甜地仲要夠凍（上次嗰間堂食都唔凍🤡），大滿足💕留意返💁🏻‍♀️個外賣兜仲好厚而且實淨，可以洗完重用～

芒果小丸子撈 $38🥭呢個真係要讚 小丸子分量超多係平時嘅兩至三倍 每一粒都食好煙韌手工整 唔會食到粉粉地 好軟熟 好正 芒果份量接近都幾多 芒果味好出同甜 係高質嘅芒果 同平時浸過糖水嘅芒果冇得揮！主角果然係主角！芒果汁好新鮮 偏向係刨冰嗰種 唔係好水 整體好融合 呢個必食另外仲嗌左個芋圓仙草椰汁紫米露 $38芋圓份量好多 好抵食 椰汁味都幾重 但偏普通 整體環境都幾舒服幾闊落 職員態度都幾好 夜晚食要等位 我哋嗰時大約等咗15分鐘到就有位 ！

《街角甜品》以前要揸車入到上水舊路村屋好難先揾到嘅街角甜品終於搬咗鋪 感動-粉嶺聯和墟新店開咗無耐一樣嗰時咁好食中間朋友話買過幾次退步咗但前日我哋再買外賣食有返原有嘅質素！大師兄返嚟喇-必食 個人喜好推薦T04《紫霞仙子》西米露 紫米露 小丸子 芋圓夠凍 紫米味好出 唔甜 小丸子同芋圓煙靭qq-佢熱食一樣咁出色嘅《雞翼尖》香辣 有時辣有時無咁辣份量都係裝滿滿的-舊鋪好似係有炸燒賣嘅 而家無咗食咁多次我都係外賣嘅佢哋係可以whatsapp落單都覆得幾快 效率100%-另外要讚嘅係外賣包裝份量算係幾大碗實淨扭蓋膠碗點都唔漏

我最近到了一家新開的餐廳，叫「街角甜品」。呢間舖頭已經轉咗好多手，估唔到開咗間甜品舖。我地4個人食，不約而同大家都係點了芒果小丸子。每一碗都有半個新鮮芒果，入邊係沙冰加芒果汁，味道好濃郁，甜度適中👍🏻👍🏻👍🏻 小丸子好有咬口，但又吾會硬，煙韌程度適中👍🏻，極力推薦👍🏻👍🏻👍🏻👍🏻之後我哋仲叫咗燒賣，一份有12粒，原來係一個炸燒賣來。燒賣比較硬，如果喜歡吃比較硬嘅燒賣可以叫🤣🤣🤣🤣最後，我地重叫左酥炸墨魚丸，反而呢個好好食，外脆內軟，外邊嘅脆皮係好脆👍🏻，同燒賣好大對比總的來說，呢間係聯和墟最好食嘅糖水舖，同埋環境都比較乾淨，可能因為新開張。小食嘅話大家可以再試下✔️✔️✔️(最高5個💋）價💋💋💋景 💋💋💋味💋💋💋💋