裕譽燒味專門店

營業中

休息中

去開太子花墟，經過一個大馬路位時，偶然見到這一間燒味店。正好有少少肚餓，便試下這裡的燒味。剛巧有下午茶，點了一個「燒鵝燒腩仔瀨粉」。配一杯熱檸檬水。他們的燒味同瀨粉是分開擺放的，很好！不知道是否因為下午茶關係，我有兩件鵝肉基本上全是「肥膏」。其實已經肥到食不到😞😞另外三件正常的鵝肉，算正常，不過不算滑，有少許乾身。😉不知道是不是個汁，太鹹！所以每到整體感覺都偏鹹，反而不是好食到鵝本身的味道。不知道。如果是正價時段，食物方面會唔會好一些？？😅至於「燒腩仔」，皮是香脆。肉屬於偏瘦（不過我本身不太喜歡太肥，所以對這個燒腩仔，我是ok). 檸檬水都係正常吧。可是，我明明叫檸檬水，但一上台，我見到有少少「茶色」。。雖然飲落都是檸檬水味道，不過，見到個杯水，理應是「白色」。卻見到是茶色。我自己覺得可能個杯本身有茶積，所以水反映出來並不是一般檸檬水的顏色吧。以下午茶$53來說。可接受既。。。

本人中午到此店午飯，坐下不久剛剛落單，餐廳工作人員便要求我轉檯，因要將檯給後來的３位客人坐。本人回應他不想換位坐並問他老闆可在，對方回應說他就是老闆並說餐廳不歡迎我和不做我生意。這位老闆並說我在搞事然後報警，當時我也非常不滿因為本人並非在搞事，而是覺得我也是消費者，如對方不叫我換位就不會發生此事，本人也因此而報了警。最後警察到來調停事件及安撫，本人對此餐廳甚為失望，以後也不會再光顧。

好好食嘅叉燒，肥瘦適中燒腩仔脆皮，每一層都好分明環境舒服，食物一流員工服務態度好價錢合理最正係燒鵝，簡直比好多傳統舖頭更好食見到佢哋攞出嚟之前好有心做好成件事❤️

呢間位於太子的必吃燒味店裕譽燒味專門店！這裡有許多令人垂涎欲滴的美食，特別是他們的招牌菜——黯然銷魂飯！首先，讓我們來品味油雞燒腩仔飯。這道菜的特色在於油雞和燒腩仔的完美結合。油雞肉質鮮嫩多汁，入口即化，讓人回味無窮。接下來，是這家店的招牌之一——黯然銷魂飯。這道菜絕對是裕譽燒味專門店的招牌菜式。這道飯菜將半熟蛋和蜜汁叉燒結合在一起，營造出絕妙的味覺享受。半熟蛋的蛋白柔嫩，蛋黃鮮濃，與蜜汁叉燒的甜蜜風味相輔相成，彌漫出誘人的香氣。每一口都讓人沉醉其中，絕對是味覺的巔峰體驗！

.‼️❤️ 記得CLICK我PROFILE關注我呀 ❤️‼️.🔥 C̾l̾a̾s̾s̾i̾c̾ ̾R̾o̾a̾s̾t̾ ̾M̾a̾s̾t̾e̾r̾p̾i̾e̾c̾e̾ @ 🌟 裕譽燒味專門店《👽食神大媽食燒味》.💁‍♀️ 圖片展示美食為：金牌原隻燒鵝髀叉燒雙拼飯 HKD 118燒鵝燒腩雙拼瀨粉 HKD 72.🤩 成日幫襯呢間燒味餐廳，因爲相對好多同行，佢好乾淨企理，仲要冷氣足，用餐環境好舒服。.🔥 話曬呢度最出名食燒鵝，當然要整個「金牌原隻燒鵝髀飯」啦！貪心雙拼埋叉燒，雙重享受。燒鵝髀夠曬大隻，外皮香脆，裡面充滿肉汁！.🦆 再整多個「燒鵝雙拼飯」，今次拼燒腩仔，調味夠濃，肥瘦均勻，個皮仲要超脆，配埋瀨粉，夠彈牙，讚！.🍲 起度開餐最正會跟例湯，唔係味精水溜溜嗰類，好足料，飲完唔覺口渴。.😎 好耐冇嚟呢度食嘢啦，坐得舒服，嘢食份量，足，最重要係服務態度好，有機會記得嚟試吓。.📍 太子太子道西150-152號太子商業大廈地下B1-B2號舖☎️ +(852)2332-0183.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.

同朋友喺太子行吓街，睇吓小動物~ 行到晚飯時間，打算簡簡單單食個快餐😆見到呢間燒味店舖價錢不太貴，決定入去試吓😉燒味雙拼飯都係$62，可以由叉燒、燒腩仔 切雞、油雞、燻蹄或者紅腸之中揀兩樣 勁平！仲可以轉瀨粉或者河粉～一於叫個雙拼飯試吓～加咗$8要老火靚湯～紅蘿蔔豬骨湯 非常清甜 大大碗🤩舒服潤喉我叫咗叉燒和燒腩仔 顏色好靚 叉燒肥瘦相間 再加上香脆可口嘅燒男仔 再加上芥末一齊食 好正！朋友要咗燒鴨雙拼飯 揀咗燒鴨同油雞 燒鴨油香十足 油雞非常嫩滑，食得非常滋味！同朋友輕輕鬆鬆吹吓水 一個人都係幾十蚊，抵到爛～～！

同老公去完花墟買花💐，咁啱行過附近見到間燒味店都幾多人食，就簡簡單單食個飯啦。 金牌原隻燒鵝髀飯（單拼）：鵝脾好大隻，表皮香脆，肥瘦均勻，外脆內嫩，入口鬆化，加埋啲酸梅醬嚟食就更加可以帶出燒鵝嘅味道🤤🤤。加$20有碟油菜，啲菜都幾翠綠。另外堂食正價時段亦免費有例湯，個湯好夠火喉，而且感覺無咩味精，絕對真材實料😋。 燒鵝五寶飯：有燒鵝、油雞、叉燒、燒腩仔、鹹蛋，一次過可以試晒5款唔同嘅嘢食。燶邊叉燒有陣陣焦香味，入口鬆軟；油雞肉質嫩滑；燒腩仔亦皮脆肉嫩。 一片片薄切嘅燻蹄外皮爽口，肉質腍滑。 呢間絕對係一間良心小店，凡穿著校服、出示全日制學生證購買外賣飯盒都會平$10👍

#裕譽燒味專門店 港式地道傳統燒味舖😁自家出品明爐燒味今晚收工來📍裕譽燒味專門店食燒味飯🥢叫左兩款髀飯👏🏻食燒味飲老火靚湯🔥滿足🥢切雞髀燒腩仔飯雞髀滑嫩～雞皮Q彈配上皮脆肉香燒腩仔老公食完都大讚👏🏻美味🥢燒鵝髀叉燒飯燒鵝入口帶油香～鵝皮燒到皮脆有光澤配上肥瘦均勻的蜜汁叉燒～超好下飯🥢老火湯粉葛赤小豆湯🫘飲落濃郁👏🏻火候夠又足料傳統老店就係有份人情味見到好多街坊幫襯～想食到港式原味道👅😋值得推介俾大家📍燒味係真係出色📍太子太子道西150-152號太子商業大廈地下B1-B2號舖

燒味飯通常都係買開外賣，但係朋友介紹呢間要坐低食，咁特別，所以就一於試一試。燒腩仔燒鵝飯：🅰️🅰️🅰️🅰️🅰️燒腩仔皮脆就基本，呢間調味亦都啱啱好，整體嚟講我幾滿意😎。燒鵝同樣唔錯，就算唔係鵝髀位，但係肉味都好夠濃，真係食到鵝同鴨嘅明顯分別，呢個抵讚。👍🏻叉燒切雞飯：🅰️🅰️🅰️🅰️🅰️朋友叫左呢個飯，我都有我試下佢嘅😜首先講叉燒，佢哋嘅叉燒冇燶邊，而且肥瘦均稱，夠淋夠味，好好送飯😆。另外佢嘅白切雞，就算係雞胸位，都冇話好嚡，依然都係好Juice （用Juicy形容切雞好似好特別🤣不過係真嘅！）叫得燒味飯，最後當然都要講吓佢哋嘅豉油汁同薑蓉真係好有心，係食得出有調過味🤗唔係死咸。呢d真係小心思。總括嚟講，呢d小店真係要推薦畀大家，街坊嘅人情味特別濃厚🥰再連埋一碗老火湯、新鮮嘅油菜，成餐飯就好滿足😊。誠意推介畀大家嚟食👏🏻！

唔想煮晚飯，又唔想食兩餸飯咁頹，最後嚟咗食燒味飯。一坐低叫咗嘢食，侍應即刻送上兩碗例湯。冇期望之下又幾好飲，湯渣有紅蘿蔔同豬骨，唔似有味精。👉🏻叉燒燒肉飯佢啲叉燒好好食，我冇特別叫肥叉或瘦叉，梅頭肉好軟腍，帶有肉汁，少少燶邊更加香。燒肉有少少肥，皮都算脆，鹹味控制得幾好。👉🏻燒鵝切雞飯切雞係雞胸肉，不過就唔算好嚡，點蔥油食都好味的。燒鵝係鵝背位，唔算太多肉，不過燒得幾香。整體最推介叉燒~~~

今次發掘到太子一間好高質嘅燒味舖，環境乾淨舒適，價錢好親民，難怪咁多人嚟食 好受歡迎，值得一試！燒味雙拼飯（叉燒拼燒鵝）燒味雙拼飯（燒腩仔拼切雞）燒味雙拼飯只需$62，份量多好足料，係好受歡迎嘅選擇🤩 叉燒肥瘦適中，肉質嫩滑，帶有甜味嘅燒味；而燒鵝外皮香脆，肉質軟腍，肉味濃郁，配上酸梅醬一流😍 另一組合係燒腩仔同切雞。燒腩仔外皮烤至金黃酥脆，肉質軟腍肥美；切雞鮮嫩 配搭蔥油好正👍呢個組合可以一次過品嚐兩種美味嘅燒味，加埋飯食，好飽肚好滿足🤤！

人在太子食燒鵝🦢🔥食燒味，我就最鐘意到裕譽燒味專門店，真係食過翻尋味😋呢度主打燒鵝，所以每次來呢度必食佢既燒鵝，我就一定選最高級既金牌🎖️燒鵝比➕油雞比飯😋原因好簡單，燒鵝真係皮光肉好好香好脆口，油雞亦都又滑又嫩😋仲有呢度既燒鵝五寶飯都只係$88，有燒肉，油雞，叉燒，燒腩仔同鹹蛋😋可以一次過試曬咁多款都咪話唔正，食燒味飯真係比曬quota增肥啊😂另外跟餐➕$8 就有老火靚湯，真係好足料好有家的感覺😋呢度既小食都超級好食，好想食醬脆蘿蔔但係賣曬，但好在仲有我喜歡的佛山燻蹄，真係有薰香的味道👅喜歡燻蹄既值得一試🥰

今日放假同老公去花園街買花，經過裕譽燒味專門店比佢嘅燒鵝吸引住，一於喺呢度食午餐店內吾算好大，勝在乾淨整齊，一坐低叫嘢食，老闆已熱情地送上例湯，實在細心。食物也沒有令人失望，燒味好味道，認真製作，價錢亦吾貴，值得推介金牌原隻燒鵝髀飯 $108原隻燒鵝髀一上枱已經流晒口水，燒鵝脾外皮充滿油光，外皮香脆、肉質嫩滑，亦唔會太油膩。順帶一提，呢度米飯煙韌彈牙，口感豐富油雞叉燒飯 $62油雞一向鐘意食雞胸的我，鐘意雞胸啖啖肉，雞肉非常嫩滑，叉燒燒到剛剛好，又入味，肥瘦適中 好味道

太子花墟附近一向都系美食集中地其中一間燒味店，門外掛滿各式各樣嘅燒味兩人各點一款雙拼燒味飯🥢叉燒燒鴨雙拼🥢叉燒厚切，每件都啖啖肉叉燒半肥瘦最好食，又唔會柴皮🤤燒鵝外層油光，皮下脂肪帶有豐富嘅油脂香味入口嫩滑外皮香脆👍🏻油雞燒腩仔雙拼🥢燒腩仔肥瘦適中，一層肉一層脂肪，肉質爽口，燒腩仔最重要層皮松脆，咬落去脆卜卜沾芥辣醬，好正✌🏻豉油雞入味，雞肉表面光滑，肉質嫩滑配姜蓉令味道層次更豐富師傅預先將白飯底加入豉油汁，一啖飯一啖燒味燒味飯果然系香港美食啊🤤

喺外國嘅唐人街，港式點心同港式燒味最常出現，被稱為最能夠代表香港嘅美食！而喺我哋居住嘅香港，當然唔難搵到燒味店，而燒味作為港人嘅comfort food，除咗放工斬料加餸之外，喺旺角嘅裕譽燒味專門店，堂食一碟燒味，更能即時品嚐燒腩仔同燒鵝嘅香脆！叉燒燒鵝飯叉燒、油雞、切雞、燒鵝、燒肉…每個人總有一個老是常出現嘅燒味雙拼組合，叉燒同燒鵝，就係我最喜歡嘅配搭。識食叉燒嘅人，就梗係叫半肥瘦啦，肉質嫩滑之餘，仲帶點油香，表面燒到微焦，加上蜜糖嘅香味，真係好正呀！至於燒鵝就絕對係旺角裕譽燒味專門店嘅名物，燒鵝皮香脆，皮下脂肪一啲都唔厚，所以罪惡感唔會太重，鵝油豐盈，肉質嫩滑，加上酸梅醬，真係太正了吧！燒腩仔油雞飯一層肥一層瘦，再一層肥再一層瘦，加上脆卜卜嘅燒肉皮，絕對係燒腩仔嘅神髓！新鮮出爐嘅燒腩仔，最正就梗係堂食啦，脆卜卜嘅聲音，讓聽覺亦能同時享受美食。至於油雞亦唔會令你失望，食雞就梗係要連皮食啦，雞皮充滿滷水香味，同樣唔會太肥，非常邪惡。