西宮 (已結業)

晚市$238/位食材超低級，見到食物好失望同唔想食，感覺冇良心。羅馬生菜發黃又黑邊，街市買普通幾蚊菜都唔會揾到呢d質素。放題冇嘢好食到要揀食鹵水雞翼，西蘭花同炒飯……仲要冇味……蜆殼發紫同多泥……唔知有冇問題……但食咁多年蜆都未遇過，睇返openrice呢間其他d相都見到紫色，即係經常用呢d蜆。蒸海鮮係倉魚……嚇到我停左幾秒……一條倉魚全店人當一款餸分真係低成本魚生連生蝦都冇供應，壽司就得薄片同睇見都乾爭爭，一件都揀唔落手。(差過爭鮮……都幾多)

女友心血來潮話入元朗行下，早排聽住元朗朋友講西宮午餐幾抵食...決定一試午餐係半自助型式，同女友分別點左羊仔扒（$138）同西冷牛扒（$148），海鮮吧/沙律吧/甜品吧係任食，飲品仲係任飲！食野前拎左野飲先! 烏龍茶啤酒汽水都有, 真係抵到無朋友壽司同大蝦冷麵係推介, 主菜未到就已經食左幾碟甜品吧驚喜地有好多選擇, 北海道 3.6 牛乳布甸, 雪糕, 芝士蛋糕樣樣都試左下次一定要試埋呢度個自助晚餐，任食蠔泰式生蝦甜品吧

星期日family day, 一家人出去食午餐，之前睇過食評見呢間西宮幾抵食又多好評，今次就同埋屋企人黎食啦。午餐為半自助形式，沙律吧、甜品吧同飲品任食，主菜揀一個。一坐低梗係去攞任食的食物先啦。任食的前菜選擇不少，有泰式辣蝦海鮮類有鮮蝦、魷魚、青口等薯仔雜果沙律好食！唔少得雜菜、栗米、車里茄等自助沙律。自助飲品也有不少選擇呢！主菜我揀左西冷牛扒配黑椒辣汁，七成熟的牛扒，煎得唔會太老，塊牛扒大大塊，份量十足！呢餐半自助的午餐每人都係100蚊左右（視乎揀咩主菜），單係任食的食物都已經抵晒啦！

今日入元朗探朋友，順便約佢食lunch，佢就帶左我黎食呢間位於開心廣場的西宮，食個半自助午餐！假日午餐menu, 有主菜+自助沙律吧+甜品+飲品，都算好抵食！我揀左羊扒配紅酒汁自助沙律吧食物選擇不少，有冷面，胡麻豆腐芥未枝豆好味螺肉係我的至愛壽司有加洲卷配沙律醬，好食！仲有泰式蝦、意式火腿、鮮蝦、青口等等，好豐富到我的主菜羊扒啦！我叫左七成熟，軟淋岩岩好！香蒜紅酒汁好惹味！果然冇揀錯到最後的甜品時間，選擇比我想像多！我最鍾意牛奶布丁同啫哩糖呢餐午餐飽到捧住個肚走，都係$150，好抵食，朋友果然冇介紹錯

呢間野係冇諗到咁多野食 佢係放題再加自己拎 真係大部分酒店食既呢到都有 但只係一般日式放題既價錢一黎到緊係點左野食先 好多選擇 生蠔緊係回本必食家啦串燒都好正呢個打邊爐我覺得好正係食蜆 勁大隻 同埋食菜 等個口冇咁制呢隻泰式生蝦又係必食 平時食呢d真係太貴 食得一兩隻又唔夠喉 呢到可以任食麵我就覺得食到最後唔夠飽先食 唔係食唔到d乜呢個生蠔係任食 隻隻都好大隻 又鮮甜串燒又係好得 唔會太乾身女仔既至愛甜品 好多選擇 全部都細細杯 唔洗驚食太多會漏 可以試盡佢So返個打邊爐先 不過太多野食 真係食晒蜆同菜就收左手

環境：無吃飯氣氛 有些少雜亂 L形座位唔方便客人出去拿食物 搞到坐外面果個成晚騰出騰入 L形位有客會靠牆好心牆壁就乾淨點… 見到牆身一噠噠污漬真係無胃口服務：完全零服務… 食物：我可以無視服務但食物質素真係好重要 主打嘅生蠔…非常多沙 每次出得6/7隻 也沒什麽海水味可言 火鍋…清水烚肉 刺身…呢個係真係最嬲 坐低一個鐘都唔見刺身上 催佐2/3次啲服務員都係hea答完你算 見到刺身位完全無師傅整緊 最後上佐嚟 冰太碎痴曬落刺身度 啲刺身切到好似切菜咁 一舊大一舊細 最衰係吞拿魚…未試過吞拿魚刺身似吞拿魚罐頭 總結：各方面都好需要改善其實元朗好少放題餐廳但我

果晚 7:00p.m 約咗兩個中學 fd 去咗元朗「西宫」聚舊食飯。一上到去……竟然唔駛等位坐到之後……我哋就先去攞飲品，之後大家輪住出去「自助吧」度拎嘢食。中式老火湯（花生蓮藕豬骨湯）馬卡龍、藍莓芝士蛋糕、特濃朱古力芝士蛋糕雜果沙律北海道 3.6 牛乳布甸…………整體上味道都麻麻地，比較好 D 已經算係個「芝士焗蠔」，起碼食到個蠔係新鮮嘅……花之戀、流心蛋、腐皮、壽司、大蝦冷麵、天婦羅炸蝦………………中式老火湯（花生蓮藕豬骨湯）馬卡龍………… 一咬就散，冇咩味道藍莓芝士蛋糕、特濃朱古力芝士蛋糕…………味道非常淡雜果沙律…………唔凍嘅北海道 3.6 牛乳布甸…………味道還可以

呢間佢寫明係酒店式自助餐 冇諗到佢咁多野食 仲有得再寫紙食其他野自助個到最低食緊係生蠔 全部都好大隻 好爽口都算好新鮮 仲有青口同埋凍蝦 佢仲要自己夾 拎幾多都得 好正 同埋佢fill野好快 唔洗驚拎晒又要等一輪先再有另外寫紙最低食緊係剌身 佢都好大塊好新鮮 希靈魚超正 我覺得食魚一定要食 仲有象拔蚌都好正女仔最鐘意緊係甜品 佢都好多選擇 仲有一堆唔係放雪櫃 影唔晒小食都好多 好多人都愛食既蟹子沙律 勁多蟹子一d都唔孤寒我最愛既枝豆 佢一d都唔咸 食多幾碗都得呢個麻漿豆腐又係好正 豆腐超滑 佢仲有好多野飲任飲 同埋仲有好多野食 講唔晒 低過食放題

以這個價錢 有這麼多款式的選擇， 感覺良好 ，竟然有生蠔！夠凍，很夠蠔味。還有凍蝦，意料之外， 很爽脆，說這裏很驚為天人不是， 但說款式多， 是的。 最喜歡有即燒的 大蜆 ，牛柳， 花螺， 即燒 juicy 熱辣辣 很喜愛 可能因個人喜好 這些吃得特別多。更有一個火鍋， 連同小型gas爐的，可不停吃肥牛 ，很大塊， 不太肥 ，夠煙靭 。也有廣島蠔 ，蠔味十足，還有金菇木耳鮮甜爽脆 ，我最like！還有一定要是燒三文魚鮫 ，望著師傅即燒 ，食落有汁 ，香口 配啤酒任飲一流，而且啤酒任飲煮食都有好多選擇，但不是樣樣有試，最正咖哩牛腩幾香口，lam lam脷， 配薄餅 ，一個字正食埋雪糕 ，雖然係牛奶公司，沒有噱頭牌子雪糕，便完滿地結束 搵日再去

平日晚响元朗 屋企冇飯食又想食D正D嘅野上網睇下 揾到有蠔食嘅自助餐 上去試試6點幾上到去 好似晚市剛開始冇乜人 2人都安排左6人卡位 非常舒適佢係自助餐不是放題，因為主要係西餐食物生蠔有兩款，雖然放出嚟唔係咁多不過夾完之後，下次再出去見到佢已經立即refill左食落幾肥，雖然有冰冰着，不過唔太夠凍我忘記咗睇係咩品種，但細啲嗰隻食落脆口D鮮甜啲凍虾都好爽，又大隻，好好肉最欣賞即燒貝殼海鮮，有燒蠔同燒螺，燒完之後用燈熱住，燒到剛剛好，不會太干，保留鮮味，還有燒三文魚，仲有魚頭同魚鮫揀，燒得好香刺身夠晒凍，樣樣都幾好食有水準幾新鮮，最like象拔蚌，有鮮味又有口感，可惜冇得點虾刺身Order 嘅燒物都唔錯，燒得控制得幾好，香又不燶，燒雞翼入面仲好滑，燒菠蘿比一般厚切，又甜又多汁甜品有好多選擇，我試了4款，每樣都不錯，不太甜，口感好至於有些冷盤唔係响冰或者凍櫃度serve，我就冇試到其實除左放出來的，仲有好多野可order!仲有火鍋添！

8點同幾位好友入座 因為有個朋友話上次生蠔唔錯價錢唔貴所以去食 。雖然我明白一分錢一分貨 當然唔會比好貴既生蠔 我試完一隻之後放棄左行左個圈食物唔算太多 夾左d鰻魚獸c (唔錯)燒牛扒（好食）焗蠔(OK) 其他燒物真係麻麻 冇味 由其是個牛利同雞軟骨.....芒果西米露.....變變地 飲落去有氣 即吐。剌身 冇得叫蝦 算數 除左8爪魚 三文魚 北寄貝之外果三款我只能說 放唔到入口。試完一次就算 再見...我真心覺得同k蒲飛質數都好佢小小 d野食得過且過

一家人gathering想食下放題，元朗又無乜餐廳揀，黎左西宮試下，聽聞呢度中西日韓野都有得食，仲有磯燒同火鍋，真係好豐富呀。自助餐形式，食物同飲品都自己拎，先攞罐烏龍茶飲下先，仲有啤酒汽水等任飲。芝士焗蠔雖不是大蠔，但個醬汁幾正，好多芝士。先試試冷盤的火腿芝士，鹹鹹地幾正，個滷水雞翼勁入味。壽司一般，有幾種款，都refill得好快，燒三文魚頭好食。燒牛舌，雞軟骨好味，呢啲要落紙order，不過無論數量寫幾多都係按人頭比。沙律菜新鮮，最正有煙肉片，杏仁片，提子乾等，醬汁有千島醬，黑醋，橄欖油，麻醬等，梗係要食返一大盤啦。甜品都好多款，冰凍嘅朱古力泡芙好好味，後面個brownie蛋糕仔鬆軟可口，勁重朱味，馬卡龍香脆不過甜，啡色係咖啡味，勁香好味。仲有又係要落紙order先有嘅刺身，味道一般，雪味較重，賣相亦一般。番卓左好幾輪都係留肚再食甜品，蛋糕，布甸，啫喱等都唔錯，呢度啲甜品不會死甜。仲有雪糕雪條等，整返支朱古力雪條先。食物ok，價錢ok，唯店內冷氣有點不足，可能因為打緊邊爐吧。

同阿爸補祝返父親節就黎左食放題，呵呵，自助餐先啱，西宮喺元朗都好一陣，評語好壞差半，都係自己黎試過先知，早段178蚊一位，65歲以上長者全時段都158蚊一位，咁梗係想食平D揀個早啦～呢個價錢真係包羅萬有，日本野，西式野，中式野，仲有打邊爐，真係唔知食咩先好～餐具望大馬路景西式區，有各種火腿凍肉，芝士等。日本野，有壽司，刺身，涼麵等。仲有海鮮㗎，青口，蝦，魷魚，螺，幾正的。磯燒，有店員燒埋你食。燒好嘅就可以自己拎黎食。中式區有各種熟食，滷水雞翼，南乳豬手，炒飯，老火湯，連芝麻糊都有。汽水區，有啤酒任飲！仲有咖啡，茶，檸茶自助。甜品都唔少，前面個雪櫃有好多蛋糕仔，後面個雪櫃就係雪糕雪條等，正正正。真係好多野食揀，貪心就啱啦。

嗰日同友人去元朗行街，行到肚餓同朋友講如果有餐自助餐可以盡情咁食就好喇，不過心諗去到咁遠邊有丫，點知友人話上網揾到間有自助餐食而且價錢都幾平，二百元鬆D就攪掂呢間自助餐廳原來就正正位於人來人往既開心廣場樓上開心廣場其實都黎過好多次，但原來都忽略咗有間咁有規模自助餐廳咁既價錢竟然會有生蠔食，有啲酒店自助餐收你四五百蚊都未必會有除咗生蠔之外 仲有其他嘅海鮮都有壽司刺身 都有唔少嘅選擇而且好新鮮味道都非常之好燒烤類都有好多唔同嘅選擇， 熱辣辣好新鮮 而且燒烤技巧相當不錯仲有好多款唔同既熱盤簡直就係挑戰你嘅食量另外呢度有個好處就係唔需要同人搶嘢食，服務員填補食物既速度好快完全無需要搶食 值得一讚飲品係任飲嘅 相對一啲而家嘅酒店自助餐有啲冇嘢飲 有啲只得一杯， 呢度自在得多記得仲要留肚食甜品呀， 呢度嘅甜品相當之唔錯， 每款嘅份量唔太大可以試多幾樣， 味道真係拍得住酒店嘅水準之上元朗市裏面有間咁有質素嘅自助餐廳， 而且價錢咁平， 真係唔使長途跋涉出市區 食啲又貴 嘅所謂酒店自助餐啦（ 幾乎講漏咗， 除咗放出嚟嘅自助餐可以自取之外， 仲有好多入單嘅食品可以選擇，火鍋食品、即燒美食、日式鳥冬等等……

今日, 去左朋友屋企座座.好少走入元朗既我, 今日決定係呢到搵食朋友介紹我地黎西宮話呢到d野又平又好食咁我地咪試下同一般日式放題餐廳一樣都係喺紙上面揀好食品寫好數量比待應就OK啦食放題冇可能唔食魚生架嘛魚生新鮮每一片都係厚切呢度嘅頭盤味道相當唔錯最欣賞係佢嘅熟蝦隻隻都大大隻肉質新鮮爽口一個人食咗好多隻另外令我最驚喜嘅估唔到呢度有咁多款芝士俾我地揀加晒分👍🏻👍🏻自取食品款式算多仲有椰子雞煲添湯底清甜雞件質感嫩滑飲品選擇豐富最後我哋梗係要食埋個甜品作尾聲啦唔使＄200 就可以食到buffet價錢同味道合理值得來一時試👍🏻