西樹泡芙 (朗豪坊)

營業中

休息中

《西樹泡芙 - 旺角朗豪坊》作為為食鬼既我😝有時行過啲放滿曬甜甜既甜品櫃真係會抗拒唔到，好想試曬所有甜品架😉前排行過朗豪坊個甜品街果邊，見到我成日食既西樹泡芙出左新味，仲買二送一🤓所以一口氣買左三個即場同我朋友生呑左佢地😎新品奶蓋芋泥肉鬆泡芙又咸又甜甜地幾特別的🫶🏻💁🏻‍♀️奶蓋芋泥肉鬆泡芙三個入面我就最鍾意呢一款鹹鹹甜甜嘅泡芙，入面嘅芋泥份量都幾多，食落細滑，同肉鬆嘅味道十分合拍😉仲會有奶蓋嘅鹹香味，整體嚟講唔會太漏，希望西樹泡芙會將呢一個口味放入恆常口味入面啦，我個人幾推介💁🏻‍♀️北海道牛奶布丁泡芙北海道牛奶布丁嗰件布丁都幾滑溜，不過食起上嚟就有少少論盡，因為一咬入邊嘅布甸，有可能會唧晒出嚟，所以建議企定定食完先行啦🫶🏻牛奶味香濃，食完成個泡芙都有啲飽㗎👍🏻啱晒鍾意牛奶口味嘅人💁🏻‍♀️士多啤梨乳酪泡芙朋友生吞左成件士多啤梨乳酪泡芙，酸酸甜甜幾開胃，入面嘅乳酪醬有少少似平時食杯裝乳酪嘅感覺，士多啤梨果肉用糖漬過，所以食落唔會太酸，係經典嘅恆常口味

間唔時都會買西樹泡芙返屋企當甜品 佢都有幾多唔同味道選擇 包括朱古力三重奏 新出嘅阿華田口味 仲有啲水果口味例如白桃士多啤梨芒果等等 我本身自己隻鍾意食啲清新d酸酸甜甜嘅味道 所以揀咗以下兩款芒果乳酪芒果肉非常大夠而且香甜 而且佢嘅cream係有乳酪味 酸酸甜甜唔會太膩 泡芙外殼仲帶有點微脆白桃乳酪味道其實同芒果乳酪好似 只不過係換咗另一款水果 白桃肉都大夠而且Juicy香甜買三件以上仲會有埋盒 裏面仲會畀埋冰袋你保持泡芙唔會咁易溶 都算係幾貼心呢間分店仲有埋糯米糍買 賣相都幾吸引

～西樹泡芙😍一個月最少食三次既高質泡芙店👍～呢間泡芙店大部份分店都開喺港鐵站👍遍佈港九新界🤪總有一間喺你附近😍～各種泡芙外皮香脆☺️焗得超香😘超重牛油味🤪忌廉亦都超香👍～朱古力三重奏泡芙😍特濃朱古力味😘層次分明👍鍾意食朱古力嘅朋友一定要試🥳～士多啤梨乳酪泡芙😍真正切片嘅香甜士多啤梨😍配上香滑乳酪👍食到停唔到口啊😘～北海道牛奶布甸泡芙😍我最鍾意係呢隻🥳完美忌廉配上北海道牛奶布甸🤪味道非常香滑😘亦都係比較簡單嘅配搭☺️👍📍港鐵旺角站C3出口 步行約1分鐘西樹泡芙 (朗豪坊) (旺角)旺角亞皆老街8號朗豪坊B2樓3號舖

今日做嘢經過旺角朗豪坊，之前一直都想買西樹泡芙🍰返去俾小朋友食👶今日終於有時間喇🎉👩‍🍳西樹泡芙每一款產品都經過全人手製作 🥐✨確保獨特風味 🌟🍰製作過程中，師傅會精準控制烘焙時間 ⏳🔥做到外殼酥脆、內餡滑順完美口感 😋除左經典口味🍦仲有推出新口味🍓結合季節性水果🍑不同乳酪選擇🧀🍓士多啤梨乳酪泡芙 新鮮草莓搭配乳酪，甜中帶酸，口感清新🍑白桃乳酪泡芙 柔滑白桃味道與乳酪濃郁相結合🥭芒果乳酪泡芙新鮮芒果带來濃郁果香同甜味，口感輕盈，帶微酸風味，平衡甜膩感西樹泡芙 (朗豪坊)📍旺角亞皆老街8號朗豪坊B2樓3號舖#西樹泡芙 #旺角 #朗豪坊

西樹泡芙 📍旺角亞皆老街8號朗豪坊B2樓3號舖🛍️🛒上個Weekend終於都食到！🧁🍰每次行過都覺得好香嘅西樹泡芙款式眾多，👍每款賣相都好靚，👀真係好花多眼亂！💁‍♀️第一次食當然要揀佢哋嘅皇牌系列！泡芙做得好輕盈🌈，而且即使預先放在餡料都依然保持到微微脆口嘅質感💗🍓士多啤梨乳酪有三大粒甜到滿分嘅士多啤梨，就連忌廉部份都注入士多啤梨味，呢個細節位真係要加分！🎌🍼北海道牛奶布丁牛奶布丁口味質感濃厚細滑，奶味都幾重架！🫘🍵抹茶紅豆三款之中口味最有層次，即使綠茶忌廉上面有層紅豆蓉，但整體甜度都比較低，所以原材料味道係好突出！

近排成日都落雨🌧️☔，落到心情都差埋🫨。今日放工見到有西樹泡芙😆，買返幾個返屋企食下甜品享受下先😇🥰。今日買左芒果乳酪🍋，白桃乳酪🍑，士多啤梨乳酪。芒果乳酪-芒果🍋酸酸甜甜，鮮味可口。加埋乳酪泡芙一口咬落去真爽。白桃乳酪-白桃🍑清新爽甜，蔬果新鮮既鮮味令人都精神d。士多啤梨乳酪🍓-士多啤梨🍓鮮甜，熟既程度剛剛好又夠實肉又夠甜。泡芙口感好，加上新鮮士多啤梨🍓同乳酪更加好味道🥰。

是日到旺角先達賣iphone16 pro max,賺到少少茶錢，經過朗豪坊準備坐地鐵之際。見到西樹泡芙d泡芙都幾吸引我，咁耐無食真係買返幾個同家人一齊食下先得。買個朱古力三重奏，芒果乳酪，白玉紫薯。朱古力三重奏：一咬落去除了朱古力就是朱古力，岩晒朱古力控的人。香濃的朱古力味加上爽脆泡芙唔會太甜。甜度岩岩好，都可以係朱古力迷必食之選。芒果乳酪：芒果鮮甜，唔會好酸。芒果新鮮配起益力多口感乳酪，泡芙爽脆可口。白玉紫薯：紫薯味道香口引唔會太甜，紫薯味道加入泡芙都算以夾。今日依三個甜品家人們都很滿意，一起食好野又開心就是最愉快的。

因為今天開學優惠日，買兩二送三優惠好耐之前食過，呢間印像中幾好食，一直留意到每月月頭都會做唔同優惠有時會買一送一或其他相似優惠今次我覺得好底買二送三，雖然送既野份量唔算好多，但都值得食優惠內容係︰購買2件芒果荔枝芭芙，即送芝士條、曲奇雲呢拿糯米糍、柚子糯米糍芭芙各1件芒果荔枝芭芙真係有好大粒荔枝，係甜既，但可惜芒果只是忌廉並沒有芒果肉相對其他送既野無咩特別下次再有優惠可以再試其他味道

去朗豪坊忍不住買巨大泡芙，喜歡西樹泡芙的內餡是乳酪，不會太甜太膩，吃起來沒有罪惡感。買的時候是脆脆的，一定要盡快吃不然，受潮就不好吃。芒果乳酪泡芙芒果那款是很受歡迎，果肉滿滿，很酸甜。。白桃乳酪泡芙白桃清甜，果味清香，仲有藍莓果醬，看起來不會太單調，而且層次很豐富。。士多啤梨乳酪泡芙喜歡紅通通的樣子，士多啤梨大大粒，夠香甜價錢大約$29-32，唔算太貴，畢竟真係大大個，用料很足夠，吃一個都已經很滿足了。

路經甜品店，往往會被那美侖美奐色彩繽紛的甜點吸引過去。小人一次就在朗豪坊食完午飯搭地鐵回家途中見到日式泡芙店，心癢癢傻更更的買了數款回家。選了的有牛奶布甸、榴槤、朱古力、原味等共六件泡芙。小人手拿著的乃牛奶布甸味，牛奶味是有的，兼且很滑，然而感覺有點烯，不夠奶濃。友人當場試了榴槤味，飄著輕輕的榴槤香。之後吃的朱古力以及原味，朱古力味完勝原味。不過有一點我們都認同的是鬆餅不夠鬆軟，帶些硬身，是為美中不足之處。也許下次試芝士餅吧。

西樹泡芙做左咁耐應該好出名啦亦有好多間分店最近拎到幾張coupons分別係泡芙買3送1/買2個減$10同月餅優惠卷今日用咗泡芙買3送1味道keep住嗰個水準依然都係咁好食我最鍾意嘅會係《北海道牛奶布丁泡芙》真的encore再encore同收銀阿姐講要3個《北海道牛奶布丁泡芙》加1個《士多啤梨泡芙》（本身想要《Hazelnut Tiramisu》佢話已停產）啲態度已經唔多好好嫌煩咁結果拎出黎比我望一眼就入盒我根本睇唔清楚回家發現佢比錯左

甜品係食極都唔會厭，尤其係清新嘅泡芙每次經過《西樹泡芙》都會買返幾個返屋企share😆今次揀咗3款都係水果乳酪口味嘅泡芙泡芙每日新鮮焗起，外層酥脆可口，中間夾上香甜新鮮水果再加上乳酪忌廉，味道酸酸甜甜，帶有淡淡果香，好清新呀！下次經過再買其他口味試吓先😋➰➰➰➰白桃乳酪 $29芒果乳酪 $32士多啤梨乳酪 $31➰➰➰➰

今日同老公行經過朗豪坊嘅西樹泡芙，見到玻璃櫃有好多精緻嘅泡芙，忍唔住停低腳步睇下，最後忍唔住都係買咗三個同老公一齊食🤤🤤🤤芋泥奶蓋肉鬆(限定新品）前面層係一層奶蓋，鋪上咗一層肉鬆，而泡芙嘅中心係甜芋泥餡，咬落芋泥餡好柔軟細滑，泡芙外層香脆，成個泡芙口感豐，整體黎講係一個鹹甜既泡芙，特別得嚟好夾👍朱古力三重奏泡芙嘅外層朱古力味好濃郁，香甜酥脆，入面嘅忌廉有兩種，有牛奶朱古力忌廉同埋普通忌廉，食落忌廉好濃厚，係香甜嘅朱古力味🤎普通忌廉加埋一齊食有種balance嘅感覺，好滿足❣️榛子意大利芝士泡芙嘅外殼外脆內軟，同朱古力三重奏一樣，外層食落有濃郁嘅朱古力脆餅感覺，入面嘅意大利芝士cream有淡淡嘅咖啡味，入口軟滑濃厚，cream上面有一層榛子碎，令到口感更加豐富，好正嘅甜品😍店員好細心，用紙盒裝好泡芙中附上一包小冰包喺入面，可以keep住啲泡芙夠Fresh👍

放假一直跑行程, 根本冇時間可以坐定定食晏, 經過朗豪坊呢間「西樹泡芙」, 玻璃廚窗放了多款不同口味嘅泡芙, 賣相吸引, 忍唔住買咗三個黎試下, 仲要有盒裝, 第日買黎探朋友都係個唔錯選擇。最最最討我歡心係【士多啤梨乳酪】HK$31泡芙酥脆 (放了好一陣子都keep到酥脆), 一咬隨即湧出豐富軟滑士多啤梨乳酪餡料, 再加上士多啤梨果肉, 香甜多汁, 士多啤梨控絕對不能錯過!!【芒果乳酪】HK$32同樣酥脆泡芙夾住豐富軟滑芒果乳酪餡料, 配上芒果果肉, 雖然果肉多汁, 但偏酸了一點, 解膩開胃。【白桃乳酪】HK$29白桃香甜多汁, 對比上面兩種配搭泡芙, 多了白桃嘅爽滑口感, 同樣大愛! 

在旺角出出入入，經常都見到不同的甜品、麵包店林立在地鐵站附近。而西樹泡芺就是一個好例子。往旺角E出口一行，就會見到西樹泡芺，未行到都會聞到好香的牛油香。如果不是E出口，而是C出口，同樣會在往朗豪坊的C出口，再次見到西樹泡芺。西樹泡芺的獨特牛油烘焙香味，真是遠遠都會聞到，喜歡食甜品的朋友仔一定會明白這是一種很難抗拒的香氣味道。豐盈的奶油香，夾雜澎湃的牛油氣息，隱約還會聞到不同的水果香。芒果乳酪$32 鮮甜可口的芒果，酸軟creamy 的乳酪，中間還夾雜一絲絲芒果醬，清甜開胃。乳酪份量澎湃，柔軟的口感如雪糕般幼滑。朱古力三重奏$29 邪惡的朱古力三重奏，外層佈滿朱古力脆感造型，裡面的朱古力忌廉濃密且濃郁，還有朱古力醬，朱古力控必選。白桃吉士$29 粉嫩的造型，有少女感覺。通透的白桃肉，肥大多汁，清甜口感好。食多件都不會厭。