西苑酒家 (太古城中心)

營業中

休息中

18 November 2006 (Sat) - 飲茶從來冇黎過，以為呢度係非常好，可能期望過高，所以多少都有啲失望！個潮洲粉果唔錯，但係個炒蘿蔔糕就麻麻，叉燒好似係好出名，但我就略嫌冇乜肥肉，唔夠香口！椒鹽九肚魚本來係我喜愛既，但係呢度既整法較為特別，條九肚魚好細條，變得炸既部份太多以致唔多好味，顏色亦好深色，唔知係咪用既油係番炸多次所致．．．普通既點心就唔錯，特別既就不敢恭維．．．不過都OK，食唔壞人既都算係好架啦～～

《開飯喇☆老友記》肥佬佬平時唔留意...今曰就睇到有間"西苑". In fact,住左係太古十幾年都未去過"西苑",而且今日居然無乜人等位, iRiS太太話不如去試下…價錢比週邊的真係貴D,但果然有驚喜...蝦腸有好大隻蝦,腸粉又滑!成煲柱侯牛什都係48蚊...仲有坑腩!最特別係果隻"酥皮焗叉燒餐包"...好掂!經理Ida錢小姐仲好熱情招呼!!大家都應該可以一試.…

很多朋友都曾經介紹過西苑的食物素質及價錢都很值得去試，有一次到了太古城就找住了機會，試一試這間久聞其名但味試其菜的餐廳。這裡食物的味道都是中上級，個人推介：酥炸皇帝蟹腳、桂花榚。近年的中菜食府都很喜歡在人客面前煮菜，有一碟蝦乾炒馬拉盞通菜就是在人客面前把通菜放進預先燒熱的瓦煲內炒。可是有位經理把我們的菜炒過火‧‧‧這裡有非吸煙區。這裡有相片：http://www.fotop.net/fanshu/West_Villa

曾幾何時, 朋友心血來潮的想吃炸蟹鉗, 便衝入了"西苑", 叫了菜牌上沒有的炸蟹鉗, 一食驚為天人. 所以星期五晚上特別約同一齊去回顧這份美味~ 怎知道, 失望而回... ~ 炸蟹鉗兩隻- 菜牌仍然沒有, 但落單又有喎. 不過味道差遠了...問他們有沒有醬汁, 只是求其用黃油蟹的醋衍我.\"/.套餐~ 紅燒菜膽鮑翅- 好一般...~ 原隻鮮吉品鮑- 我食的好像有少許酸味, 而伴菜西蘭花其中一舊居然是冰凍的~ 上湯油鹽焗開邊龍蝦- 個茨汁怪怪的, 唔好食~ 野菌泡田園蔬菜- 味道好普通, 而放得耐左的野菌仲好乾添~ 魚湯泡米線- 基本上同碟菜都冇分別, 同樣既菜, 同樣既野菌...味道一般~ 精美甜品- 等了十五分鐘才到, 前後催了兩次, 之後居然出了三次糖水給我們 總結:味道真的不值得再去食.服務熱切得有點過份, 但這樣不代表好= = (我咁大個人都未試過侍應問食完未, 當時刀叉在手上, 我答佢未, 點知佢行開唔夠三秒返轉頭再問, 但冇理會我就收走我隻碟, 而刀叉在手中亦有食物, 當時很無奈, 馬上把東西放入口中. 而刀叉用後卻不知道放在哪裡, 同一時間, 侍應又立刻衝前在我

1:45pm先至食午飯, 人客唔多故即刻有檯, 點了燒腩仔, 鮮竹卷, 灼菜心, 叉燒包, 這裡燒味一直有水準, 今次亦唔例外, 菜心烚得剛好, 食落無渣, 四樣嘢三位茶$235, 唔平但一分價錢一分貨, 值唔值得真是見仁見智.

我去過西苑食飯兩次，一次在兩年前嚮銅鑼灣分店一嚐聞名已久嘅叉燒；另一次就嚮呢間食午市點心。西苑嘅叉燒果然係名不虛傳，用上半肥瘦,，一層肥夾著一層瘦肉，燒嘅火喉啱啱好，令瘦肉充分吸收因熱力從肥糕滲出嘅脂肪，加上面層塗上嘅特制醬汁，食落除咗有口感之外，仲令到齒頰留香，令我食完一件又一件，價錢又唔貴。誠如傳聞中所講，食叉燒一定要去西苑。我帶著呢份冀盼，嚮上星期六去太古城分店飲茶，結果令我好失望。點心款式唔夠美心集團嘅多，唔緊要，食嘢唔係食款，好食嘅三數款已經足夠。可惜，點心味道普通，不過用料尚算新鮮(起碼我食完蝦餃冇皮膚敏感)。瑤柱蛋白炒飯都炒得不錯，夠乾身。最大問題係埋單，一行八個人，食嘅嘢十分普通，竟然超過一千銀。雖然係有人請，但我都替佢肉痛。總括嚟講，毀譽參半，實在好難俾分，唯有維持中性立場。

今日去太古城西苑食lunch,有一個白稍稍的湯好難飲!我飲左幾啖就放棄左!!>.<同事話o個d係"杏仁腐皮豬肚湯"yuck........對面位兄台竟然飲完一碗又一碗...*_*另一位同事話個大哥叉燒好出名,因為...係成龍話好好食..~.~"well,我覺得一般啦,肉質唔似平時d叉燒咁硬,好林,睇落好瘦,食落唔肥膩,不過又有脂肪o既芳香,反而個燒腩仔令我有d意外,又脆又熱,皮唔會又硬又膿.條魚就真係好滑!飯後糖水竟然有紅豆沙,綠豆沙,合桃糊仲有唔記得咩.....竟然有咁多選擇真有點意外!紅豆沙起哂沙,不錯吧!不過我都係鍾意飲渣乍之類多d~~不過d服務就麻麻,d人明明好得閒咁行行企企,又唔係好多客,但係就成日揮極手都唔黎,咁近我地,塊面都向哂過來啦,做咩一個二個都好似盲咁...V_V

d 早茶好抵食,頂點都當小點,一定要食蝦餃啦,大大隻蝦係入面,叉燒腸都一定要食,因為佢地出名叉燒囉.今日食左個合桃糊.好好味.佢地張點心紙成日轉,唔洗咁悶啦

2005年9 月25日又到西苑飲茶。西苑茶市開11:00am (Mon-Sat) 10:00am (Sun)，特價時段(Mon-Sat 12:45pm 前埋單，Sun 11:00am 前埋單) 大中小特點都計$16。點心時不時會轉一轉，當然大路的蝦餃，燒賣，焗燒包和腸粉是不會少的。小頭的推介有:蝦餃- 大粒，爽口，多汁，好味。炸蒜味蝦春卷，香芒蝦卷or腐皮蝦卷- 輪流供應灌湯餃- 當然不是古法那種而是湯中有隻餃的改良辦。上湯好鮮濃，餃亦足料，只嫌肥肉多了些。黑椒蒸魚雲- 魚頭雲滑，黑椒惹味，不過拆魚骨煩。蛋白杏仁茶- 有杏仁味，不太甜。侍應通常放一碟花生在檯上，可以請他們換作蕎頭。不喜歡所有的有菜餃- 莧菜、菜等，通常會過鹹。都喜歡蓮香，但嫌遠且要眼利腳快爭位，太古又近，大酒家又坐得舒服，所以是小頭的心水。

*大哥叉燒雖是招牌菜，但個人覺得比其他菜式遜色。*帶子西蘭花雖然普通，但絕不馬夫。帶子先用油泡過，粒粒金黃又香口，有誠意*三斤幾的東星足見師父的功力，魚肉雖厚，但蒸得絕不過火*魚翅於上檯時才加入上湯，令整體的熱度得以保持。湯底濃但不會太咸，魚翅份量亦足。第一次於廣東菜館吃到有水準的火朣翅，實是難得*古法雞非常有雞味，連隨吃了數件*瑞士汁陳村粉只覺是gimmick 之作*甜品是椰皇燉鮮奶，滋潤又香滑，吃完不膩服務慇懃週到，但此評語未必夠中肯，因為本人正是所謂的熟客。

我上個星期六同父母及男友到西苑食晚飯預祝母親節. 我是第一次來幫襯, 本來不抱太大期望(一來母親節人多就多數影響服務, 二來怕酒樓只供應套餐).結果係...唔錯噃! 我地無要套餐, 要左個火朣翅(兩位), 都夠四人用, 我見佢D翅唔係好似第D酒樓杰o達o達咁, D翅無散收收, 個湯好清, 金華火腿出哂味, 個盅入面仲有一大件雞及金華火腿, 真係足料.另外仲叫左個花膠炆海蓼, 亦做得幾正, 足料又夠入味. 其他菜及魚都唔錯.最估唔到係D服務幾好(因為前面有評語話服務唔得, 都已經預左唔好), 我地D食物係上得遲D, 但都體諒佢o個晚人客多, 我地催D侍應叫佢地跟單, 佢地都好有禮貌, 亦真係見佢地有跟到(唔似有D酒樓o既侍應求其應左算數).我以後重會再去!

西苑馳名的叉燒飯令人大跌眼鏡! d叉燒肉質唔似叉燒, 似燘肉多d, 又好大漏花椒八角味, 好唔慣!! d汁就水汪汪, 一句~唔掂~~

去過幾次,已經知西苑只會對熟客禮貌好, D waiter 成日唔做野就去同D熟客吹水, 生客D野食漏左單就追極都唔見影.... 最高紀綠為左籠飽由一坐低落order,等左二粒鐘先有人願意幫我地跟睇下係咪漏單....

蝦子柚皮雖然咸左d，但係好香好惹味，如果可以少d 油就更好喇，hee!脆麻花真係好好食，唔好睇佢好普通好平民化，整到好似佢咁好食真係好難，皮薄酥香，一d都唔鞋口。另外同事話叉燒好林好香，半肥瘦咁好好食喎，大家可以試下。我地3個人仲叫左其他普通點心，有燒賣，炒雜菇，仲有d唔記得左lu，但係都只係麻麻地飽!因為係farewell其中一位同事，所以大家都就住食，無叫其他特別(貴)既野lu!

以前如果在東區和朋友吃粵菜晚飯都會首選太古城的西苑, 最近在雜誌上看到介紹銅鑼灣西苑的鹽焗雞才知道這邊有分店, 想必是新開的吧!未試過西苑的午市點心, 午飯便想著去銅鑼灣試試, 招呼不錯, 擺位好像有迫, 不似太古城那邊舒服, 舖租貴? 見點心紙上竟然以小籠包為招牌菜, 叫作“西苑小籠包”. 粵菜酒家捨蝦餃燒賣而押注于上海點心, 想必己有相當造藝, 近期勁愛食小籠包, 當然一試, 再看點心紙上還有四川擔擔麵, 魚湯米線之類, 開始有點奇怪的感覺, 真有本事樣樣都做得好嗎? 咦? 居然有仲有”瑞士汁陳村粉”, 又即本睇下佢地有乜新攪作!西苑小籠包甫登台, 搶著便要嘗嘗看, 一啖咬落去, 乖乖不得了…………好吃嗎? 不是味道的問題, 全人類都望住我, 桌布上的彈道痕跡清晰可見, 爆漿了, 失禮死人啦! 唉, 又一個嘩眾取寵, 學壞手勢的點心師傅, 一句皮薄汁多, 個個就搏命灌湯, 搏命壓到塊皮紙咁簿, 咁就係廚藝?瑞士汁陳村粉, 睇唔倒一滴瑞士汁, 食唔倒半丁點瑞士汁味, 衹係輕輕撈過少少汁, 究竟個廚想點? 乾脆叫做乾炒陳村粉啦, 何苦拉人地裙自己腳呢?其他點心, 衹能說普普通通. 其實