西苑酒家 (太古城中心)

營業中

休息中

喝早茶是很多香港人的生活習慣，我也不例外，原來早起的鳥兒有蟲吃是真的，這裏的早茶時段由星期一到星期六十二點半前埋單，所有用小點計算價格，實在超值，今日點了四個點心。蝦餃，皮薄蝦肉多，一隻蝦餃至少有兩隻蝦在裏面，蝦新鮮而且好味道配合辣醬更惹味。珍珠雞，這個就比較一般了，因餡料不多，就像給你一舊糯米飯裏面加少少肉醬一樣。壽包，這個不得了，除了包身軟熟，內裏的蓮蓉餡更是滑而不甜，蛋黃大而味濃值得一讚。比較失望的是灌湯餃，湯沒有太多味道，餃餡料不多。味道: 不過不失環境: 一般衛生: 一般服務: 一般抵食: 超值

我一枱10人10點鐘攞位，攞左C1飛，等到11點半都無位。算數，咁就埋去問大約幾點有。點知，佢話無枱喎，其實12點左右既枱book曬，同埋我地book枱優先。你咁即係玩嘢啫，如果係咁你應該一早講話下晝啲枱book曬，要起碼等3個鐘囉！你早講，我唔等啦！咩都要我問先，不知所謂！

西苑飲茶冇乜服務呢樣嘢已習慣了 ! 所以每次嚟都係自己攞茶 , 寫完點心紙主動行去交畀伙計落單 , 唔會坐喺度等 , 嚟呢度飲主要因為佢啲點心好食同有優惠 , 但裝修完後又出現了好多食肆都有嘅毛病 , 食物質素大降 , 可能佢裝修完後點心加價幅度唔大掛 ! 所以以前好大粒 , 啲蝦好新鮮爽口嘅蝦餃變得細粒咗 , 啲蝦細隻又唔爽口 , 差好多 ! 連帶鮮蝦腸粉啲蝦一樣好差 , 相信入咗平價雪蝦代替咗 ! 煎旦牛肉蒸飯以前勁多牛肉 , 依家縮晒水 ! 其他好多點心質素都差了 ! 我諗我唔會再好似咁經常晨早走去排隊等攞籌飲茶了 !

千其不要去太古城西苑進食，不是熟客，最好不要去，食完一肚氣，激都激飽。本人睇过這間店劣語，全部屬實。以下是本人所遇到的情况。於2019年6月29日（星期六）上午11時才可入坐的，本人上午10時35分到西苑正門外，見大閘向上只打開了3份1的空間，同時見一名约六七十歲的男仕排隊攞飛，等了约十分鐘後，見另一名男仕要彎抵身進入去取飛，隨即我也要躬身進入，以為一定有位，誰知那位知客告訴我們已滿坐，要等第二輪。即時我向那位知客理論，為何大閘只打開3份1，大家以為還未開門，誰知要所有進入的人好似隻狗咁（娟）入嚟，當時見有兩位手揸拐杖的老人家也要手腳震震地（娟）入去。知客說十点開始攞飛，10点半70幾張枱已訂滿，本人在外排第二，輪候名單竟然是24号，這是十分不合理的事及客人受到非常惡劣的對待。我要求見经理反映，那位不知所謂的经理只會点点頭説會檢討。我建議他們十時開始派飛時就要打開晒大閘，不是閉門作弊，對其他食客有不公平對待。本人永遠不會再進入此店。

見佢啱啱裝修完, 睇吓服務同食物質素有無改善...點知, 係我喺太古遇過最差的服務質素!裝修完加價是常識吧, OK...呢樣我接受! 但你都要能提供相應的服務質素先好意思收呢個價錢呀!  收酒店價錢, 但提供茶餐廳...都不如的服務! 入面其實有好多位, 但要你等...OK, 呢樣都正常, 無咁多人手嘛, 等下合理...點知等咗15分鐘, 入到去開個茶, 又等多15分鐘都未嚟...催咗個女侍應5次, 應咗2次話嚟緊, 有幾次就扮見唔到...想叫嘢食又係等足15分鐘都無人理你...這樣的服務質素, 茶餐廳都唔會啦! 其實你唔夠人手, 真係唔應該開業...坐喺度幾個字連茶都開唔到, 又落唔到單, 咁你開業嚟做咩? 仲要收呢個價錢...寧願去美心無咁嬲! 

約左移居海外多年嘅老友喺太古城西苑飲茶。叉燒拼盆老友話移居海外多年，好掛住香港嘅叉燒。叉燒夠稔吾太肥，好香蜜糖味，燻蹄也不錯， 鹵水豆腐頗滑，而海蜇就爽口香麻油味。雪影杏汁包名字美麗動人，個飽鬆軟，杏汁餡料。個人覺得比較甜。鮮蝦腸鮮蝦爽口彈牙，腸粉不算太薄但都是滑的，加入豉油，味道鮮美。 菠蘿咕嚕肉彩椒新鮮爽口，菠蘿酸酸甜甜，咕嚕肉不會太肥，甜酸度調控得啱啱好，令人胃口大開。 香芋南瓜煎薄罉薄罉煎到金黃色，味道也不錯只是香芋南瓜味不太濃。

話說今天又同媽子去飲茶，真心覺得今天不宜在外用餐。平日去得翠園多今天落了太古城試西苑，即中蕉🤦🏻‍♀️未試過D點心冇味，明明牛展個樣已切哂片放雪櫃，仲話係即切，D汁都已經乾哂喺碟底，仲講即🔪👎🏼。問女侍應要盒紙巾，第一個唔理你，第二個係旁邊張吉枱抽二張比你。。。咩料吖😠? 問個部長是否有盒裝紙巾可安排，佢話睇下有冇需要，但點解前面張枱，茶未到，紙巾已先上枱先呢？因熟客囉⋯⋯ 你D嘢食好D我都忍你，但真係...零分囉。

#小秘書 有部份嘅同事因為工作需要，每日都要去唔到嘅地方工作🚘 好難得先集齊人坐埋一齊食飯🍽 今日就襯新一年搵個藉口食一餐😝 太古城呢區食市多不勝數，不過講到有口碑嘅，#西苑 都算數一數二🤩 不過今非昔比，食物質素變得只係非常一般🧐 我哋叫咗個套餐、另外加咗啲點心，無咩大製作，而且當時客唔多，但係就單係上菜都亂晒龍🥴 一時嚟點心、一時嚟飯麵，反而主菜就搞到大家食飽哂先嚟到😏 搞到我食影張打卡靚相都難，要續一微調先擺得出嚟👀講返啲食物，我其實無咩特別印象，因為口味實在太普通😌 不過如果一定要揀，我會揀 #滷水無骨鴨舌、#帶子粒草菇蒸豆腐、#紅豆沙... 點解？因為我食嘅時候一路諗🦆 #鴨舌 咁細條都可以去骨，唔通係阿婆嘅所為?🤣 至於個 #蒸豆腐、#紅豆沙 真係唔錯嘅，豆腐索哂帶子嘅鮮味、而個 #紅豆沙 絕對唔係嗰啲一pat pat嘅口感，有啲水準👍🏻 話雖如此，而張單嘅價錢嚟衡量，睇怕 #小秘書 一段時間唔會再嚟 #西苑 lu!!!!

琴日同屋企人燒完嘢食之後佢哋就話今日想飲茶。我就揀咗一間位置相對我哋方便嘅西苑。我約咗親戚十點九去到等，因為我知道呢度好快就會坐滿。我哋準時11點坐低，11:15已經見到差唔多錯門晒人。星期六日及公眾假期12點前買單全部少點計，即係每一個點心$30。頂點都係$30非常之抵食。呢度有最出名嘅叉燒，非常好味。仲有懷舊點心臘腸卷，都係要俾個讚佢。其他點心就係普通出邊酒樓嗰啲，味道亦都十分之唔錯。今日食得比較匆忙記拍照

book左枱放假同屋企人飲茶，呢度D野食好多款式，可以再來。好耐冇食蠟腸卷啊 西苑整得好正呀，個包熱哄哄 臘腸好有肉汁☺個斑片粥粥底好綿，D骨拆得好乾淨，好可多瑤柱依然都係咁好食！

這是一次非常掃慶的體驗當日旁晚，因為有老輩有小朋友，所以較早晚膳，又可能正值剛落完場，在場只有3,4小台入坐，要點菜時，又耍手又揮手，但員工雙眼的功能好像只能直線望還是有心不想過來服務，點好了一些基本菜後，我們一直等，40分鐘後，期間晚市亦有客人入坐，再等。。。。怪事開始發生了，數名員工站在入單機前望著我們，我們亦感奇怪地望返佢地，佢地竟然開口問。。。你地落左單未？你地同邊個落單架？你記吾記得邊個同你地落單架？嘩！我真係比吾切反應，然後我表姊問出左咩問題，員工答。。。。無。。。睇下你同邊個落單既？因為無你地落既單。。。你地再點過啦！但老實講落完單，成件事己落超過1個鐘，表姐亦提議，算吧。。。附近有西餐廳，走吧。。。。。最奇妙的是，有員工說，下！吾落呀？你再落10令分鐘就上比你地啦。。。唉。。。。一間曾經都叫中上級中菜，無淪落到咁。。。。失望！真係吾會有機會再去

我哋一個月都有去一兩次西苑食晚飯，啲男經理同部長及待應永遠都係黑口黑面，成日企係熟客張枱傾計，其他唔係熟客就唔理！落單嘅女待應，兩個人食就比四人份量嘅例湯，價錢多咗幾十元，但兩個人確實飲唔晒，每人三碗仲有剩，如果兩個人去，大家落單時一定要講明二人份量嘅例湯，否則落錯Order! 個湯煲邊爛晒都繼續用，好危險！例湯係鱆魚蓮藕湯，好咸好似有落味精！另外南瓜炒黑毛豬，啲油好多，又肥又肥膩，又重味精，完全失晒水準！蒜蓉炒通菜就比較好，酒樓嚟講算大碟，通菜都新鮮，嫰口唔老！最後有糖水送，有紅豆沙同綠豆沙比我哋揀，我哋揀咗一個紅豆沙一個綠豆沙，個黑口黑面嘅女職員落單嘅時候又聽唔清楚，比咗兩碗綠豆沙，然後就掛住走去啲熟客嗰度傾計，成間酒樓啲職員都係咁樣，仲有呀每次飲完湯都係要我哋自己動手去添湯，其他酒樓點會咁樣㗎，呢間酒樓如果再繼續用呢班員工簡直趕客，希望佢哋有所改善！

西苑，開了多年，是質素的保證；這裏必然不會便宜，但如你懂叫，也還是可以很便宜而且吃到好東西。這裏的招牌菜式是叉燒，保證一試讓你難忘，而且和別的店子絕難比較，贏足一條街。可以 bench mark 的有利園，你大概會明白質素怎樣。而我覺得，這裏的叉燒又比利園高了一級。叉燒顯然是用心製作，半肥瘦，口感極佳，入口即溶化；你吃這個，你會忍不住叫一碗白飯往咀裏送。班腩煲也是我真心推介，只是百五元而已，但你可以吃到班腩，而且份量甚多，我想在十五件至二十件之間；以酒樓來說這間最大方。非常入味，而且吃得很開心。好了，兩個人，這樣算，叉燒百多，班腩又百多，合共只是二百多；再加白飯，加一，茶芥，三百元有找。請別忘記，你現時是身處在太古城的高級食府之中，不是旺角。還可以有免費泊車，那你說，如何貴？當然，你也可以叫別的菜式，這裏的廚師煮功甚好，我看上去隔離枱的客人，叫的不同菜式，看上去都很好味。我也看到隔離枱有叫例湯，我也忍不住，明知喝不完的情況下，也叫了一個。湯做得甚好，我不肯定是否完全沒有味精，但即使有我想也是很少很少很少，因為我喝了之後完全沒有口渴。結果我要喝了六碗，我朋友喝了四碗。因為太好味，所以到最

對食客呼呼喝喝，要睇侍應面色，食得唔開心。點解會咁？公司對侍應唔好？餐廳出名就不理服務質素？你有壓力，我都有壓力，翻緊工應該敬業少少，唔好對客咆哮。正宗貼錢買難受。唔值得為呢度嘅食物而被侍應鬧。

今日同男友到西苑飲茶，坐低咗見枱面冇筆，咪問女侍應借支筆用囉！點知比人回一句「唉！最後一支筆都借埋比你」，真係好好笑，你唔借比我，我點落單呢？好，落咗單搵唔到個女侍應，咪比部長囉！點知同部長講你同事態度唔好，佢回一句「得啦！得啦！放低支筆得啦！」好嬲好嬲！啲野食幾好都冇用！