西苑酒家 (太古城中心)

營業中

休息中

食物多油，水準差已算!但店內服務員的服務態度超級奇差，尤其是早上派飛小姐，竟然可以呼喝客人這種服務態度竟然仍然可以在這世界生存。食物賣相一般，但要提一提鹹魚肉餅，賣相好差。真的需要請教這間店的生存之道

緣份淨係到打電話預約。對方回應：咩話？！就好像大陸大媽。然後一句語氣擺款：收三點啊。同你講多句都嘥氣。好難想像點忍你仲要搭車去食你餐飯養埋你出糧慳d啦！幾好食都係假

今晚同舊同事聚舊，我哋三個人叫咗個花膠杏汁燉豬肺湯，每人都有兩碗。湯料雖然算多但飲落無咩杏香味，應該磨得唔夠多南北杏，銀杏同豬肺都燉到好稔但豬肺食落去無咗彈性，花膠雞腳都算多但d湯又唔覺有膠質漿口，心理上養顏程度又大打折扣。 燒腩仔咸淡適中，燒皮都夠脆，不過肉質略為唔夠嫩，稍微乾咗少少。 上湯白菜夠清甜新鮮。 薑蔥爆蠔煲嚟時滾熱辣！呢個幾好味，薑蔥夠多d蠔完全無鯹味，芡汁濃淡剛好，d蠔唔算大隻，不過都有蠔甜味，如果能夠煎得個皮香脆d就更好。 海折頭夠大碟，調味帶點雞湯同麻油香味，不錯不錯！ 之後有紅荳沙同生果送， 味道尚可。 呢度價錢唔算平，食物水準似乎不及當年勇了，生意難做！

剔咗好多嘢一次過上菜逼人走咁菜心好老杏汁豬肺湯唔夠杏汁蟹子扒柚皮雖然好多功夫蛋但煮得唔錯可惜糯米雞飯好硬腸粉非常難食1 pat pat燒肉ok好食唔夠銅鑼灣好食及精緻雖然係好味但唔值咁多錢Service very good

相约中学同學的一年一聚又来到此店，記憶中，十多年前曾到此，印象還好的！今次郤差了很多！知客態度欠佳！訂了枱也要再等二十五分鐘！坐位又窄，枱與枱之間，空間極小！點心倒是可以，有些更加有特色！大哥义燒！此店以此聞名，調味很好，肉質也軟，可惜有少許烧焦了！招牌雪影杏汁飽！外脆內軟，内裏杏汁豐滿！蘿蔔煎魚餅！配搭很特別，原來它們是很合拍的，味道極為配合，同學也讚好吃！奶皇馬拉卷！又熱、又香、又軟！皮蛋炸蝦筒！配搭特別！可惜皮蛋味道太淡！蜂巢荔芋角！很多酒樓也不做此点心了！能再吃到真好！芋頭味濃！蠔豉柴魚花生粥！粥也绵，料也多！

週日一家大細到太古城逛街消遣，臨近晚膳時間各食肆門外開始有人等位，為免再遲一點需長時間輪候，還是先晚飯後逛街為上策。在商場眾多中式食肆來說，西苑酒家是其中一間印象不俗的餐廳。餐廳裝潢無乜特別，服務方面效率懇勤度勻比預期低了一點。眼見差不多每枱勻有一煲滋味靚湯，作為「湯煲」的筆者又甚會錯過。因人少關係，只點了半煲花膠招牌爵士靚湯，主要湯料有螺頭、花膠、老雞、沙參、玉竹及蜜瓜。雖說只有半份份量，送上的湯料還是比預期少了一些吧！螺頭及老雞食味淡了少許，花膠留於每碗湯中，膠感味道不俗。至於湯汁，味道敦厚甜美，因當中引入蜜瓜煲製，清甜感中亦泛著一份輕巧的瓜香。砵酒焗龍躉斑球以每份計費，由兩份起。一份一件的龍躉球，筆者會定位為前菜小吃。炸品成品都幾大件，外層金黃酥脆，內層魚肉白滑厚身。可惜的是用上的砵酒汁酒味實在過濃，搶了魚塊本身的味道，有點喧賓奪主的感覺。頭抽瓦罉霸皇雞雖只有半隻雞的份量，但成品仍見大煲。望見大大件的雞件，件件都上色入味，雞香足，滑度亦不俗，雞件掛上味道經調較的頭抽更添上一份甜味。菜蔬手打魚腐浸菜苗，選擇以白菜仔入饌，白湯青菜食感清新健康，白菜仔夾上甜甜的魚湯味道，亦份外足味可口

太古的西苑一直是我們喜愛的地方, 原因是我之前都已經提及過的, 食客不算太多, 價格較其他的西苑便宜一點。兩個人的晚餐, 叉燒點小碟的就夠了。叉燒肉汁美味, 送飯最好, 他的至愛。嗜嗜雞煲頗大煲, 做得頗香。相比之下乳鴿較遜色, 肉汁不算多, 而且不夠香, 一些地道的大排檔做得更好。上湯菜心嫩口, 不錯。

論食物質素不穩定，今次點了例湯：較之前光顧淡味，未夠火喉，似水多材料小的味道。咕噜肉：甜汁剛好但就沒有肉味，外皮已淋，全部黏住，要用筷子分開每一件。頭抽霸皇雞：比較好味，D頭抽汁不錯，但雞肉較＂鞋＂。海參豆腐：沒有特別，價近二佰很不值！服務差：到最後埋單，阿姐話有紅豆沙送，等了很久，問左唔同嘅阿姐四次，都話嚟緊，最後等左十多分鐘，再問阿姐，點知佢話"應該無啦"，我火都嚟，點解唔早講要浪費我的時候！有一個男captain 看到即時話，紅豆沙馬上送到，但一吐氣嘅我還能吃得下嗎，我即走。我、太太、工人加兩小孩埋單九佰六加一吐氣！以後不會幫襯了!

前幾日夜晚無咩做就去左西苑同家人食飯。今次為左補祝母親節，父親大人就嗌左隻大鮑魚薄切過橋跟上湯咁食啦。湯就非常清甜，薄切嘅鮑魚加埋特製嘅豉油真係一流。之後又有一個豬潤雞煲，平時我都唔係太鐘意食潤嘅但佢呢度嘅就好香，食幾碗飯都唔係問題丫。最後就嚟左個番茄滑蛋飯。認真呢個真係出乎意料咁好味喎！聽佢經理講原來以前西苑仲係茶餐廳嘅時候呢個飯已經好出名，好受歡迎，直到宜家，其實menu已經係無呢個飯，係隱藏菜式嚟嫁！

曾經… 我地個個星期都去西苑食晚餐, 食到部分職員都認得我地, 母親節之前一晚行入去訂位, 第2朝唔使排隊就有茶飲…全港近10年通貨膨脹急劇, 西苑當然不會置身事外… 想當年200蚊有機會有找的2餸1湯晚餐, 今年已經升到400幾蚊落樓的2餸半湯… 對於晚晚出街食飯的我地來講, 400幾蚊1餐唔係食唔起, 但係有無必要幫襯你先… 就跟大家分析一下…服務員同服務員好大聲係門口講話自己之前係彩雲軒做, Honey得悉後話無問題, 最緊要廚房唔係, 否則我地比200幾蚊去彩雲軒食好過啦… (聽聞主廚轉咗去沙田某酒店做喎)涼瓜南瓜黑豚肉 – 唔知係咪個心形住, 真係無以前咁好食, 南瓜無咁甜, 黑豚肉質硬欠肉香, 涼瓜又係硬, 即時覺得個醬汁都無以前咁惹味…砵酒焗脆鱔— 差得好緊要, 首先個鱔咬落唔脆, 表皮淋的, 仲要鱔肉又腥又多骨, 拌菜洋蔥無煮過咁, 又硬又辣, 新來幾個月的職員問都唔問廚房就答我”係咁嘅喎”… 呢道菜我食過10次以上, 我心知道”唔 係咁嘅喎”…例湯都無以前咁好飲, 味道好稀… 以前用豬展肉, 點豉油好好味, 次次都食晒… 今晚用廋肉, 又硬又無味, 連豉油個味都唔同咗

朋友說掛住這裡的叉燒，曾經在西苑飲茶，沒有印象吃過這兒的叉燒，既然推介，就一試。叉燒肥瘦適中，醬汁惹味，切得頗薄，一小件的更易入口。 帶子賽螃蟹，蛋白加帶子加蟹肉，入口味淡，十分健康。獻汁伴飯十分適合。豆苗魚腐湯 - 豆苗浸在湯中吸收了湯的鮮味，但略嫌浸得耐的話令豆苗變腍，魚腐彈牙。令人懷念的一餐。

好少post, 但服務實在太差，不吐不快。星期六與屋企人食晚飯，訂八點，等20分鐘。星期六晚，可以接受。Waitress 喺我地面擺枱，不過似表演飛碟多D。菜牌只有兩三板的小菜，同枱面五六款推介。話今晚無大餐牌。點菜時推介的牛腩已賣清，部長介紹牛尾，但到上菜時話賣哂。花膠絲浸菜苖到上莱時變咗白菜。＂花膠絲＂就胡逹達。女部長／waitress 的語氣有＂十八樓C座＂feel, 或者同喺屋企鬧仔一樣。我叫杯雪碧，佢聽唔清楚就大聲話＂咩呀？＂。話明唔要冰，佢就攞成杯冰嚟。不是性別歧視，但男captain 算好D，女嘅全部粗聲粗氣。有冇人教佢地番工講嘢同鬧仔喺有D唔同？比張停車場飛個captain 話埋單，好耐番嚟剩喺比番張飛我。我問佢張單，佢話會有人嚟。最後埋咗好耐。算係幾抵食，但唔明點解要態度差成咁。見到佢地有D熟客都會笑吓，或者對街坊熟客可能好D (我地都算喺街坊喎！）收百幾炆一味菜可能唔應要求咁多，但喺服務真喺好似茶餐廳。一向都唔鍾意幫襯大集團，但喺下次再去太古城食中莱都喺去X心D酒樓好過。

在太古城中心的酒樓中，一直覺得西苑算是好食。起碼飲茶+“片皮鴨”都比北京樓好。平時如有家庭或朋友聚會都會建議這裡。但今晚食後要改觀。片皮鴨本來就不夠熱，而且肉老皮韌。可能星期日晚的關係，座無虛席，因此影響了廚房。短期內不會再來，起碼不會食片皮鴨。

是年家父的壽宴，特設在太古的"西苑"裡頭...說是慶賀老爸的七十大壽，菜式陣容自然不會亦不能太普通。平常在我家宴席經常出現的小菜類如咕嚕肉等，是夜就少有的失去了蹤影....菜式一早已由長輩們擬定好。小弟一坐下來，就只管張開嘴巴大吃大喝便可....先來的是三小碟 : 大哥叉燒吃過了不下六至七趟以上的招牌前吃。蜜味足；肉軟淰得就算是冇牙阿婆也可食得放心。其中夾著有一兩件更是有少許燶邊的....水準依然是一流....蒜片牛柳粒牛柳肉同樣極度軟熟，是一點渣也咬不著的而且沒有嚐得出有下鬆肉粉處理過的痕跡，火喉的控制是一流的；蒜片是極厚身且炸得極脆像是吃薯片。不過缺點是嗒落有些苦味跑出來....生燒野菌菌甜度十足但卻見油膩，結果是未能達到十全十美....鴻運金豬全體豬本身肉是偏瘦的，沒太多脂肪的它入口雖是少了豐腴但優點是皮燒得脆啪啪又極度薄身；肉質則沒有像在吃柴皮的感覺。醮些甜醬及砂糖來食是禁不住夾完一件又一件....法國松露醬澳洲帶子皇帶子雖稱為"皇"但看上去件頭相當的少，這可能是掌勺的將帶子皇切成薄片後才奉客之緣故吧。帶子本身入囗是相當的鮮美很不俗。加上大量爽甜的蜜豆同炒，鑊氣是足夠的。缺點是

說起來也真的好一段時間無再去西苑,就是路過也找不到一個好理由入去,今晚要在太古城安排飯局,既然晏晝約了舊同事,那就來飲茶看看。和銅鑼灣店不同,這邊是老街坊客為主,不少懷舊點心如鵪鶉蛋、豬膶燒賣都可以吃到,舊同事覺得驚喜但我的口味變了 還是最後的芝麻素菜包來得對口味,脆而餡料豐富,雖然略油卻很不錯。吃了幾款點心後,舊同事問為啥不叫大哥叉燒?啊,她不說我也忘記了, 其實我更想點是爵士湯可惜天口熱,喝不下。