西西里餐廳

營業中

休息中

夜晚晚，買左佢哋嘅兩個外賣做晚餐，叫左個漢堡扒肉醬流心蛋烏冬同咖哩雞烏冬。咖哩雞烏冬咖哩味唔重好少咖哩味可能同烏冬唔係幾夾少淡唔掛味，都幾辣吓，咖哩雞大件唔錯嘅。第二個餐就出大事❌❌味道唔錯嘅肉醬啲肉碎都大粒都多，不過無左塊漢堡扒 係無左塊漢堡扒呀🙃🙃，得番隻蛋 肉醬同烏冬‼️真係比佢吹漲。拎到返屋企先發現，屋企距離餐廳又遠，佢哋又無可能送返過黎。唉～錢又比左 真係呆左係到，個烏冬硬食啦👎🏽👎🏽

前排社交平台group見到有人推介呢間餐廳就嚟試下，喺置樂花園入面，舖位唔算特別顯眼。叫咗個香脆魚柳蛋蓋飯配西西里鮮茄汁，$57包餐湯，熱飲+$3。因為食個陣係下午茶時段，所以送多兩隻雞翼，我都係食到一半突然間上多兩隻雞翼，跟住問staff先知，走個陣先知原來門口有寫🤣。魚柳啱啱炸起夠嫩滑，鮮茄汁小小酸酸地夠醒神開胃，餐湯都唔錯，唔會話普通茶記咁好稀好水。整體食物質數唔錯，staff做野都快手。我見有其他客有啲特別嘅食物要求，職員都會同廚房講盡量配合，值得一讚。

週末晚去食晚飯，餐廳唔多人，入店後因見到張櫈污染，所以自行換咗張櫈，但就已見店員同另一店員口up up互相講梗，仲用好奇怪嘅眼神望住我哋。坐低後想問店員拎餐牌，店員好愕然話「下？喺枱底囉」真奇怪，未去食過，問拎餐牌咁正常嘅問題都咁愕然係咩事😅叫嘢食時店員態度都好不耐煩，等咗10分鐘左右嚟咗一個餐後，再等15分鐘都仲未有另一個先發現漏單，店員先叫廚房整番總括味道ok，但店員服務態度真係太差，冇下次了

屋企附近冇咩好食嘅餐廳😭見到最近開咗呢間新餐廳一於買外賣返去試吓🩷🩷🩷🩷🩷嗌咗一個一人餐 有雞翼有沙律有湯再跟個飯雞翼煎得好香 沙律啲菜好新鮮 👍🏻👍🏻蘑菇湯好香好濃👍🏻👍🏻黑椒牛柳粒炒飯，好惹味🩷另外仲嗌咗個雞扒滑蛋飯略嫌雞蛋水咗啲🫢🫢🫢🫢雞扒就煎得幾香🩷整體都幾好食，而且份量足夠😍😍😍價錢都唔貴係解決晚餐嘅一個好選擇👍🏻👍🏻👍🏻下次有機會想試埋佢嘅午餐

過嚟食下午茶，叫咗忌廉野菌天使麵，同埋鹹牛肉雞蛋三文治，選擇多，份量足夠，味道非常合適，仲有送一個餐兩隻雞翼，熱飲唔使加錢，凍飲加$3 ，性價比非常之高，值得回頭的一間餐廳

嗰日透過外賣平台叫咗一個飯，一打開飯盒有點令我失望。首先，碗湯得一半，味道雖然唔錯，但係份量偏少。之後打開個飯，飯嘅份量亦唔多，大概大排檔一碗飯少啲～總結來說，雖然味道唔差，但係的確份量唔夠。