西貢咖啡餅店

營業中

休息中

本來入西貢都會幫襯下菠蘿油，佢地都好忙唔緊要，不過態度真係好差囉！！！嗌“x個菠蘿包，x個菠蘿油，唔該“ 然後用一負我欠左佢既聲氣話“咁姐係三包三油啦嘛！“我心諗：都讀埋包名，咁唔係係乜呢？然後佢又失憶問我你拎左包你未，我直頭呆左，手上乜野都冇拎😑。以後唔食谷鬼氣

我成日都會揸車入西貢然後去行下山，落下海玩水上活動或者潛水😆雖然每次嘅行程/活動都唔同，但係每次活動之後就會一樣，因為我都會自自然然咁行左去西貢咖啡餅店派下隊😂等佢地嘅葡撻同菠蘿油😋我個人覺得佢哋嘅葡撻同菠蘿油都係偏貴嘅，但係味道又真係會令人食完想再食嘅🤣唯一美中不足嘅就係佢地啲野飲貴得黎都幾唔好飲(好稀)🙈1. 葡撻 $16個酥皮好鬆脆，嗰蛋漿唔太甜但帶有好香嘅蛋味！而且賣之前，見佢地都有warm住，盡量keep住佢新鮮同暖暖哋🥰 (真心有啲貴🫣)2. 菠蘿油 $19個菠蘿包皮keep到脆卜卜，個麵包就好鬆軟嘅！舊牛油真係入口即溶😋 (食完會好有罪惡感嘅😈正)

真係每一次入西貢都係必到的咖啡室，菠蘿油都係必食。堂食就一定要點飲品。一定要食剛好出爐的麵包同蛋撻。上次食嗰啲唔係剛出爐的麵包，味道爭好遠。新鮮菠蘿油真係超級好食，因為剛焗起熱辣辣，要快快食，牛油半溶半冰咁食最正！凍啡 $24。

住喺新界西嘅我 去西貢嘅次數10隻數字數得晒 今日同住喺附近嘅朋友出街 佢話西貢最出名嘅唔係食海鮮 而係食菠蘿包 我心諗有咩咁把炮 要專登入到嚟西貢食 即刻過去試吓 菠蘿油🩵🩵🩵🩵🩵啱啱出爐嘅菠蘿包 好辣手 牛油好快半蓉狀態 個包好軟熟 菠蘿皮好厚但係好酥脆 甜道啱啱好 超級無敵邪惡

好耐好耐無來西貢, 難得有時間, 入來吸收下新鮮空氣, 行完一輪, 經過來買一個葡撻, 一個菠蘿包, 一袋麵包做早餐, 價錢屬於唔平😅, 菠蘿油19元, 菠蘿包13元, 葡撻16元, 不過一場來到試一下, 佢主要sell菠蘿包同葡撻, 所以都有d人排隊👍, 兩款見佢不斷出爐, 葡撻係佢門口坐低試, 係幾好食👍, 不過可以再無敢甜就好, 但16元值唔值, 真係見人見止, 菠蘿包回家食, 依個又真係幾好❤️, 通常菠蘿包隔一段時間先食, 已經出晒油面塊皮會淋, 但佢就無依個問題,🥰 而且面塊皮無其他店敢甜, 如果我再來西貢, 會只係食菠蘿包👍😅😋

這間應該在西貢已經超級岀名每次去西貢點都會兜一兜過去食個菠蘿油先走菠蘿油 真係不得不食！！！強烈推薦！😂鮮牛油菠蘿包直接可以比100分啦～菠蘿包超大一個 熱辣辣面層的菠蘿皮好厚但勁酥脆 唔係容易鬆脫那種加上一大片冰凍牛油🧈嘩！超邪惡👿菠蘿包的熱力令牛油變成半融 完全是味蕾的一大享受😋·葡撻依個葡撻真係鬆脆好食 中間的蛋醬滑嘟嘟 真係自己都可以食到半打😂最後件蛋糕真係好一般 不會推薦 連名字都直接忘記了🌝

{冰火菠蘿油 - $18}西貢排隊店，招牌名物冰火菠蘿油，金黃香脆的菠蘿包夾上厚切牛油，超邪惡！佢個菠蘿包真係做到脹卜卜超大個，面層的菠蘿皮厚身酥脆，配上一大片冰凍牛油，望住個海景食真係一大享受！坦白說，佢唔係最好味嘅菠蘿油，但個環境令佢加左唔少分（我講西貢嘅景，唔係店內嘅景）美味程度：😋😋😋😋環境指數：🎇🎇番食機會：🦍🦍🦍📍 西貢咖啡餅店 (西貢)西貢海傍廣場2號金寶閣地下6-7號舖

一諗起西貢，除咗係美麗嘅碼頭海景，就一定係好出名嘅菠蘿油啦😂😂😂又可以外國親戚，試吓香港嘅特色小食😊😊雖然係平日過嚟，但去到小店，都幾多人排隊。可能自己街坊樓上樓下都成日食。😂😂😂我哋有六個人，所以兩款小食每樣叫三個，叫咗蛋撻同埋菠蘿油。菠蘿油真係好食，熱辣辣新鮮出爐，而且好飽肚好大舊😂😂蛋撻都係熱辣辣，好大舊，都好好食。雖然都唔算便宜，不過帶外國親戚試吓香港特色都可以一試👍🏼

每次去西貢的時候，都會光顧的一間舊式麵包店，雖然每次都有排隊的人龍，但值得等待新鮮出爐的菠蘿油同葡撻。新鮮出爐的菠蘿油熱辣辣，菠蘿包皮十分脆身，香口美味，不是淋身質地，麵包鬆軟，不是太空包。加上因為熱力而融化的牛油，是邪惡開心的味道。菠蘿包的香甜同牛油的鹹香互相配合，菠蘿油水準一如既往，非常推薦。葡撻是另一樣必食的品項，喜歡牛油味同酥皮的人會很喜歡。葡撻有濃濃的牛油同蛋香味，蛋漿表面有焦糖化。葡撻蛋漿焗的出色，嫩滑不會過火，酥皮酥脆，即使擺放了一段時間，仍然可以保持到酥脆的口感，令人有驚喜。朱古力蛋糕麵包亦是家人喜歡的，又濃又鬆軟的朱古力蛋糕加上白麵包，有不同的口感。麵包店的麵包未必是最便宜的，但新鮮出爐的麵包香味令人忍不住每一次都會光顧。

見排哂長龍，羊群心理諗住又買嚟試吓係咪咁好食，點知知又貴又唔好食，菠蘿包入面啲粉都未打好，夠膽死十幾蚊一隻，葡撻又唔好食，講真去麵包舖同KFC買冇咁嬲！無下次囉

只能說菠蘿包就一般水準 不值得特別來，蛋撻要16一個 是不是搶劫呀？旁邊座位要點飲料可以做 買麵包靠邊站 香港的服務真的是沒法跟原來比，怪不得港人都北上消費，地方小的可憐一家破店 哪裡來的優越感？？

係西貢出海玩完成日水，出番西貢碼頭想搵d小食醫下肚，見到一間幾多人排隊嘅餅舖賣菠蘿油同葡撻，就排咗一陣隊試下。好可惜我哋錯過咗佢新鮮出爐嘅時間，葡撻亦都賣晒，淨係買咗個菠蘿油同凍奶茶。個菠蘿油食落去平平無奇，加上唔係新鮮出爐，室溫嘅菠蘿包夾住塊少少凍嘅牛油，塊牛油完全冇融過，完全無食菠蘿油嗰種過癮。杯凍奶茶味道亦都好淡，茶味同奶味都唔夠濃，但單叫價錢都唔平，性價比不高，只係適合大家行過肚餓嘅話買嚟醫肚。📍西貢海傍廣場2號金寶閣地下6-7號舖位置就腳：🍊🍊餐廳環境：🍊🍊食物味道：🍊🍊整體CP值：🍊🍊

喺平日風和日麗嘅一個傍晚卒之都唔洗大排長龍先食到呢間西貢人氣餅店嘅葡撻，仲要畀我撞正啱啱好新鮮出爐，即刻同朋友坐低嗌返件葡撻試試佢！( •̀ ω •́ )✧▸ 葡撻 | $16 作為蛋控一定係講咗個蛋漿先㗎喇！🐣蛋漿同以往喺澳門或其他地方食過嘅葡撻相比蛋味唔算好出，不過確實焗得相當嫩滑好creamy，雖然蛋味淡啲但反而食到淡淡嘅奶香🍼，亦都唔怕太甜太漏，蛋漿表面亦焗出一層薄薄嘅燶皮，係我最期待嘅火候呀！酥皮確實做得相當出色，唔單只離遠都聞到香噴噴嘅牛油香味，食落仲相當酥脆，咬開一睇真係有啲佩服細細哋一個葡撻竟然可以做到咁多層酥皮，新鮮出爐嘅時候食熱辣辣超crunchy！✨雖然定價$16以葡撻嚟講真係偏高🧐不過份量真係足足有手板仔咁大一啲都冇偷工減料！作為蛋控真係覺得好滿足好滿足(⁎⁍̴̛ᴗ⁍̴̛⁎)特別提一提，想坐低唞唞慢慢食嘅朋友就要留意堂食方面設有最低消費👾需要嗌返人頭半數嘅飲品數目先可以埋位！如果想單純食件餅就算可能就要立食嚕(●ˇ∀ˇ●)✦ 食物 4 / 5 ✦✦ 環境 2 / 5 ✦✦ 服務 4 / 5 ✦

這間 西貢嘅cafe 可以話長期排長龍！但又長期有人幫襯！但其實價錢方面唔算便宜！到底有什麼吸引力，會令大家對佢咁有愛（包括我）！或許是每次都會聞到菠蘿包的味道，所以每次去西貢郊遊，一定不會錯過！

每次入西貢都睇見呢間麵包店排長龍 上網seach話菠蘿油同葡撻好出名 咁岩睇到有位所以直接坐低食 同埋坐低食唔駛排長龍 直接叫就得 叫咗葡撻同菠蘿油 兩樣都咁岩岩岩出爐 菠蘿包食落去係夠脆 麵包軟熟嘅 而葡撻我認為 KFC 好食啲😂😂 整體無乜太大特別 不過行過都可以坐低食下嘅