西貢金雞海南雞

營業中

休息中

海南雞飯配例湯雞肉好嫩滑，而且份量好多，唔只個面，下面個底都收埋好多雞😆油飯好有驚喜，唔係普通油飯，有炸乾蔥喺裏面勁香口😋例湯都好有誠意，湯味濃，但係飲完唔會好頸渴，應該冇味精👍👍$55呢個價錢性價比好高

佐敦這店位置，我從2008年已經這裡食雞，當年店名不是現在名字，但雞的味道，汁，就16年來都一樣，飯就不一樣。最記得16年前第一次食，當然很有感覺，16年後我依然都喜歡，但16年來同樣都有一個問號，就是為何與其他雞不同呢？

呢間海南雞飯係朋友介紹嚟嘅，佢點解介紹嚟呢？因為佢鍾意飲呢度嗰個南瓜湯。 呢度海南雞飯餐跟嘅湯係南瓜湯，唔係一般舖頭嘅豬骨湯，個南瓜湯唔係西式嗰啲好Creamy嘅南瓜湯，而係有湯，仲有少少南瓜可以食吓，幾好味。其實呢間舖頭除咗海南雞之外，仲有其他餸可以叫，好似狀元蹄啊，魚蓉肉餅飯啊，豬頸肉飯！講返啲海南雞呀，啲海南雞係肉幾靚嘅，好滑，皮都唔算肥，份量呢都適中嘅。每碟海南雞都有標準嗰三個醬啦，辣醬，豉油同埋薑蔥，至於個飯就一般般。

今次去到呢間餐廳，睇個名就知最出名係海南雞飯🤣 但唔好搞錯，唔洗入到西貢都有得食，佢係有分店既，而我就去左佐敦分店🤫 鋪頭唔大，有機會要等位，但唔洗等太耐，因為都好多人係快快食完就走👌🏻 我就叫左一個海南雞飯餐（$55），佢雞既份量算適中，整得好滑😋 3種醬料亦都整得好味，佢地既飯係油飯黎既，個飯本身都有預期油飯既香同味道👍🏻跟餐佢會送埋一碗南瓜湯，呢個價錢計算係好平，平時食海南雞飯我諗要貴起碼$10，仲要佢平得黎係有質素👏👏呢間餐廳仲有其他野食既，不過我覺得其實佢一味海南雞飯已經夠做，貴精不貴多，最緊要好食🤪

大半年前食過一次覺得幾好食，今日經過特登再嚟試吓。質素依然幾好，今次冇加錢轉雞髀，但肉質依然嫩滑，海南雞夠雞味👍唔係講笑，有啲餐廳既海南雞真係色水好靚但食落一啲雞味都無😓另外見到皮下啲脂肪呈現啫喱狀，我覺得呢啲先係海南雞合格嘅表現。三款醬汁都好味。自問唔係食家，唔敢講個例湯咩有無味精之類既說話，但至少我飲完唔會點口乾，味道都幾清甜，幾好。縱觀而言， $60午餐咁既質素，我覺得合格滿意。下次再經過都會再食。👍👍👍希望繼續保持到水準！

由旺角走到佐敦, 完全沒有頭緒吃什麼, 途經這間比較突出和光鮮的店鋪就走了入去。 從餐廳名字已知海南雞就是招牌菜, 原來它有幾間分店, 西貢大概是最初成立的總部。金雞招牌去骨海南雞飯 $55雞不算太肥, 肉質第一口嫩滑但再咬下去又只是可接受程度, 雞味正常。 同樣配有三種醬料, 一般我最喜愛是薑蓉, 這裡的薑蓉雖然不油膩但也沒有該有的味道, 反而酸辣醬比較出色, 為雞肉加了不少分 🙂 南瓜蘿蔔湯頗甜, 不過放涼了發覺帶點酸味。 飯裡加了乾蒜, 味道不算突出, 純粹很特別, 飯略微偏硬。 另外雞肉份量很少, 飯只吃了三分一時雞肉已經剩下不夠一半。椰汁冰 (加$18配餐飲)椰味重, 可是椰奶太多, 使椰汁冰比較濃稠, 我不太喜歡這個質感。整體我覺得還好, 食物質素有待進步, 聽見食物都賣完了有點錯愕 😅 餐廳本身十時關門, 如今九時已開始收恰, 我還一直看著手機, 後來才發現只剩下一人, 要讚的是她並沒有追趕我離開 👍🏻

尋日諗唔到食咩～去左食金雞海南雞飯佢話好好食無介紹錯，係堅好食，皮薄爽滑好嫰口，雞肉味道濃郁且已經去骨，個南瓜湯仲超好飲，重點個雞油飯則以上湯、雞油、蔥、乾蔥及調味料等製作，令到飯粒香氣十足👍🏻🥹 無得輸❤️一路食都一路有好多人客外賣同堂食❤️

尋日睇左明日戰記，港產的科幻片算係咁。原來拿票尾可到金雞索取一客海南雞飯，只限外賣。我拿了兩盒，原價應該是$55一盒。每盒份量都ok, 仲有例湯是南瓜湯來的，咸左d.海南雞好嫩好滑。就算要自己掏荷包俾錢都抵食有質素。

睇完電視介紹即刻好餓就試下哩個二人餐呢嗰二人餐包括青瓜蘿蔔 老火例湯海南雞半隻 份量都夠二人因為仲有其他餸海南雞三個醬汁都唔錯 最好當然係酸汁 另外甜豉油同埋薑蓉都比較少用煎鹹魚肉餅 我覺得個肉餅有啲乾保持唔到肉汁始終煎炸野 保存唔倒個肉汁嘅水份鹵水汁時菜冇咩鹵水味 其實就咁白灼菜 ok雞油飯好香做得好好 以188蚊二人套餐哩個算係抵食亦都食得飽淨係食海南雞可能會好啲煎鹹魚肉餅可能唔會再叫海南雞係真係有水準可以去試下

初初見到招牌咁勁，成個名都叫海南雞，心諗應該唔會差得去邊下午茶時間去，但係，係沒有下午茶的價錢環境正常，木枱木櫈，茶餐廳feel，服務員正常，算幾好，衞生正常，無乜特別重點嚟了！海南雞飯，油飯海南雞嫩滑，皮與肉之間有啫哩😍可惜分量太少就住就住食，唔夠盡興，油飯有足夠既雞油味，仲落左d類似乾蒜：增加左味道嘅層次！醬汁正常，用印尼豉油，辣汁無特別，不過薑蓉就打磨左，味道似燒味飯d薑蓉，值得一提，個湯好好味😍唔係味精湯，又夠濃，我飲既係南瓜番茄

前幾日同啲朋友講開海南雞飯，有人介紹佐敦呢一間金雞，咁啱今日行過嗰度，就順便去開餐了。雖然係星期六，可能係時間還早（約下午6:30），餐廳啲人唔多，我一個人仲坐咗四人座位。嗌咗個金雞招牌去骨海南雞飯，個餐仲包埋碗老火例湯，此外我仲要咗一杯凍檸水。最先擺上台嘅係碗老火湯，好大碗，仲非常好味，早知道就唔嗌杯凍檸水。落單時有諗過要唔要轉雞髀（加$15），不過我想試下啲鷄有冇人講嘅咁滑，所以就冇轉到。整體上來講，啲雞係唔錯嘅，雖然唔係十分之滑，但係肯定唔係嚡，而且份量非常之充足。至於碗飯，我就覺得一般般，我嫌佢太硬，不過這個可能係我自己嘅問題，因為我係鍾意食諗啲嘅飯嘅。醬料方面喺傳統嘅辣醬、甜豉油同蔥油，我嫌佢俾得少，唔係好夠沾。呢餐飯食得好飽，埋單一共係$63，今時今日喺香港地，可以以咁嘅價錢食到飽肚嘅一餐，都算係物有所值喇！

試下呢間無骨海南雞，真心唔錯，啲雞毛都清得幾乾淨，雞肉嫩滑，三款醬料都經過調味，辣醬有啲泰式風味，醬油係甜味醬油，最欣賞係個蔥油，好fresh，一啲都唔油膩，但醬料份量就少左少少，老火例湯都好正，係南瓜粟米湯，冇味精，唔會好稀同冇味，飲得出係真材實料，個雞油飯都唔會好膩，仲落左啲乾蔥，食落都幾香口，價錢都好經濟，整體來講係物有所值！

Heard from a friend that this restaurant is the same as the one from Sai Kung so I decided to give it a try. We ordered their specialty obviously. 55 HKD is inclusive of a portion of boneless Hainanese chicken, chicken oil rice and a pumpkin soup. Chicken was soft and tender. Most importantly it was not over cooked. No complaints at all considering it’s price. Surprisingly, their service stood out as well. Both of the servers were incredibly nice. Would return for a quick lunch or dinner.

今次來到佐敦搵食，路過看到舖頭細細，一眼望晒，簡單的裝修，目測應該坐到大約15人，但都差不多坐滿人，入去一試Order 了金雞招牌去骨海南雞飯$55另加$15石轉雞髀🍗呢個價錢係真係幾抵食海南雞冇見令人失望海南雞的熟度不會有血水，熟的程度剛剛好雞的肉質滑溜，有口感有三款醬汁，有蔥油味、甜酸味和辣味套餐有跟湯個湯竟然有驚喜，足料南瓜湯😋👍🏻💕最後仲有油飯，油飯不會太油膩入面仲加咗香口配菜配搭好美味，推介食

餐厅应该是去年才开张，平时是没留意它的存在。晚上经过时看到他们的餐单，在好奇心影响下，便进去吃晚饭。其实食物的种类很简单，主要是以海南鸡为主，还有一些牛和猪的配搭，但不重要。当时在座的客人全都是点海南鸡饭。鸡是去掉骨头，加上给了点鸡胸肉，啖啖肉的口感不错，只是几款调味酱料不怎么样，不大会欣赏，要是来点薑蓉便更好。他们上的不是常见油饭，是白饭内带着瑶柱和少许酱油，味道可真的很不错，单吃饭也可以。汤是南瓜汤，带点甜味和香味，比一般例汤好喝。