西關老祖 (文苑樓)

營業中

休息中

同老公去咗佐敦做身體檢查，之後超級肚餓，所以嚟咗米芝連推介嘅西關老祖食！老闆好似hunter hunter個金.富力士😆😆煮野勁快 等咗一陣就齊晒野！必點炸糭，佢係好肥，但真係好香！而且食落去唔會好硬，反而脆脆地，分咗啲比小朋友食佢超鍾意！跟住必須要食古法瀨粉😉原來係用粘米粉做，唔怪之得煙煙韌韌咁！阿女又係食得好開心，佢唔算好濃味，裏面有啲菜譜同埋豬肉肉粒，加埋豬油渣食口感更加特別。💪🏻仲嗌咗一份XO醬蘿蔔糕，少少辣🔥🔥好惹味！😀老公就叫咗個叉燒飯，好香，叉燒超級多，又唔會好肥，味道甜甜的，撈飯好好味😆呢度仲有紅豆沙、綠豆沙揀！兩款都嗌左，特別鍾意紅豆沙，食到有陳皮香，誠意十足！🥰#西關老祖 #米芝連推介 #佐敦美食

西關老祖係2023年香港澳門米芝蓮推介餐廳，今次專程嚟要試吓先～唯一要留意的是餐廳只提供外賣，沒有堂食服務。客人需於自助點餐機落單，而且是不收現金的。.（自家製）極黑•黯然銷魂飯選用五花腩自家製成黑叉燒，肥瘦均勻配埋香煎太陽蛋🍳流心黃撈埋一齊食一流！.老祖・至尊頹飯（餐蛋）係餐蛋飯嘅升級版由日本產雞蛋煎成脆邊嘅太陽蛋蛋香味濃郁.孜然炸脾配煎蛋飯雞脾大大隻，啖啖肉而且即叫即炸 熱辣辣好香脆.脆炸午餐肉條 配孜然粉大大塊厚切午餐肉炸到外面超香脆，配上孜然粉，一口接一口吃不停！.怒炸・XO醬燒賣（5粒）燒賣炸到外脆內軟配上XO醬 味道非常夾

下午茶時間過嚟呢間米芝蓮食店買外賣小食，等咗十分鐘就有，都算快。🥢爆炒XO醬蘿蔔糕本身下午茶light啲食少少小食，估唔到佢嘅份量都幾多😆 蘿蔔糕切粒，方便食用。佢個XO醬都幾出色，辣辣哋好惹味，有蝦米瑤柱碎，見到佢個XO醬出售，都好吸引。🥢黑白炸雙丸黑白雙丸即係炸牛丸同墨魚丸。牛丸炸到外層脆香，咬落去爆肉汁👍🏼炸到金黃色嘅墨魚丸就好彈牙，係幾好嘅香口小食。🥢怒炸 •XO醬燒賣我喺其他小食店都好鍾意食炸燒賣。比起炸丸，炸燒賣就更加脆口。呢間同其他炸燒賣唔同，佢加咗自家秘製XO醬，更加香口。食完咁多熱氣野，見到呢度有綠豆/紅豆沙飲品。即刻叫返杯下火🤣下次中午時間可以再嚟試佢嘅招牌銷魂飯同炸糭👍🏼

人生第一次寫食評. 係咪餐廳趕時間收工呢…. 成個餐都可以漏咗🙂‍↕️ 係咪餐廳未執好食物已經比左送遞員定送遞員未等齊餐就拿走食物???打電話去餐廳已經未能接通了😡究竟係餐廳問題定送遞員問題呢？（食物係好味的）

西關老祖係2023年米芝蓮推介食店，但佢嘅價錢絕對唔貴，十分對得住佢嘅價錢。除咗本身有好多唔同嘅飯餐同埋套餐選擇之外，佢每日都有唔同嘅蒸飯揀，實有嘢啱你食！見佢咁平，我哋叫咗好多嘢，首先佢嘅孜然炸雞髀1香脆惹味，炸得啱啱好，皮脆肉嫩，高度推介！另外仲有其他小食，我哋叫咗黑白雙炸丸（牛丸同埋墨丸），仲有怒炸XO醬燒賣。炸丸本身嘅質素已經好高，再加埋個炸皮真係完美。燒賣炸到好脆，但入面有keep住軟腍腍，又好香燒賣味，再連埋惹味嘅XO醬，呢個真係每次食都必叫！去到飯餐，今次我哋食咗極黑黑叉燒飯，叉燒唔係平時食開嘅中式叉燒，但佢又有中式叉燒嘅煙熏味，本身舊叉燒已經係靚料，昇華咗成個飯。最後我哋仲嗌咗個XO醬腸粉配西關瀨粉，佢哋個XO醬真係好好食，炒我腸粉完全冇得彈。西關瀨粉個粉嫩滑，連埋蒜香味真係完美。呢度嘅店員態度良好，面帶笑容又有禮貌。我哋兩個人食，唔使$200已經食到好飽好飽！同埋留意返呢間係外賣店，佢只提供咗一個位置，如果堂食嘅就要留意啦！

google地圖位置located左去隔離街，但系細心穩穩可以穩到。環境：坐門口食or takeaway，算乾淨，簡單，快捷。服務：可以話系0溝通，門口有部機，落完單等，之後就可以拿走食，我門口食完距會幫我收走個紙碗。味道：豬油渣有毛，類似眼睫毛d frd（直的），食的時候注意。瀨粉ok，有一種好似烏冬煮耐左的feel，但系好食，唔咸。大份都好大份。總結：最好takeaway穩個有冷氣的地方慢慢食。適合quick lunch

上網見到有人分享呢一間外賣店仲要係2023米芝蓮推介見到啲叉燒好吸引，今日咁啱經過附近就決定去買呢間食選擇都有好多，價錢算抵有自助點餐機好方便叫咗個黑叉燒蔥花炒蛋飯啲叉燒同出邊食開嗰啲唔同黑叉燒，出邊冇乜幾間有相對油香味勁啲揀咗個西關瀨粉，勁足料另外再放豬油渣超正有跟炸糭兩件，入邊都有佢哋嘅招牌叉燒炸左之後，食落比平時的糭冇咁流可以當小食食另外仲叫咗呢個炸物燒賣加埋XO醬好正其他炸嘅嘢食落去好脆口，油度控制得好好食落唔流最後飲埋佢哋自製嘅紅豆沙、綠豆沙作結尾紅豆沙、綠豆沙勁足料差唔多半杯都係啲紅豆、綠豆咁落唔會超甜味道控制得幾好整體嚟講食物價錢算抵同好食店員姨姨有笑容有禮貌下次經過開再可以幫襯

西關老祖，一家位於佐敦文苑街的小食店，在2023年米芝蓮推介食店中脫穎而出，成為備受矚目的美食聖地。此食店只設外賣不設堂食，如果你也想品味這些美味佳餚，不妨在家中享受外賣。我在店外賣食物回家享用：1,獲得廣泛好評的招牌菜——極黑黯然銷魂飯~$66。這道飯菜以黑毛豬肉製成的叉燒搭配著日本煎蛋，綻放出迷人的色彩和香氣。2,我點的是一道傳統的香港小食——爆炒xo醬蘿蔔糕~$46。這道菜以鮮嫩的蘿蔔糕為主角，搭配著爆炒的xo醬，散發出濃郁的香氣。3,我再選了孜然炸雞髀~$28，以嫩滑多汁的雞髀肉為主料，搭配著孜然的獨特。

西關老祖，一家位於香港柯士甸西鐵站附近的小吃店，以其獨特的美食體驗而榮獲了2023年米芝蓮推介食店的殊榮。我從店內叫餐外賣，首先點的是一個金黃酥脆的炸杜洛克豬肉粽~$66。這個粽子散發著迷人的香氣，讓我食指大動。接下來，讓我介紹一下「黯然銷魂飯」~$66。這道菜以黑毛豬肉製成的叉燒搭配日本煎蛋，作為主要配料。這種獨特的組合令人驚艷。黑毛豬肉叉燒經過特殊的烹飪工藝，肉質鮮嫩多汁，表面烤至金黃酥脆，帶有微妙的甜味，令人回味無窮。最後，我點了孜然炸雞髀~$28，雞肉肉質嫩滑多汁，孜然的香味與雞肉的鮮美完美融合。

今日做完身體檢查喺附近搵嘢食，見到呢家米芝蓮外賣店特登過嚟拜訪一下。西關瀨粉配炸肉粽同平時食嘅瀨粉唔同，呢個比較似米通粉嘅西關瀨粉，食起嚟比較有咬口，唔係湯而係汁去配搭嚟食，加埋超香嘅豬油渣，味道更加濃，佢仲有D蝦米仔，冬菇同蒜咁嘅配料，香上加香。炸肉粽，我係第一次食，覺得好好味，好似飯焦咁，炸咗又更加多一重香氣，咬落軟糯，又有粽嘅肉同肥膏，邪惡又好食！綠豆沙同紅豆沙唔會太甜，但好足料 ，分別有落臭草同陳皮，同埋煮到起晒沙，唔太甜食得仲舒服，用個杯裝密封左又唔怕倒瀉，讚！仲有個極黑黯然銷魂飯，佢嘅叉燒用上黑豉油烹調，食落味道獨特，加上佢嘅豬肉係黑毛豬肉，真係另一個級別嘅好味。

喺這家餐廳食到嘅，每一樣都系「賊嘢」！🍮🥢🥘 先講下極黑黑叉燒，簡直係一個味覺上嘅惡搞，原來黑毛豬都可以咁夠香夠味，軟到即刻溶喺口裏邊，西班牙嘅身份證明確實唔係浪得虛名嘅。孜然炸雞髀則完全拗轉咗我對雞髀嘅既定印象，孜然味撲鼻嚟襲，外脆內嫩得嚟唔腻口，佢嘅出現簡直系小食界嘅一大進步。嚟講吓炸薯餅，黃金外衣微微過火，亦都可能令人想起焦香嘅秋葉，但係口感強勁，脆到讓人唔自覺「咔吱咔吱」咁一路食到底。而極邪惡黑毛豬油撈飯哦，絕對值得係喺呢個「租金貴過黃金」嘅城市裏邊大贊一番--撈飯通常都簡簡單單，但佢哋就連簡單都要做到最好，唯一美中不足係黑毛豬油舍唔得放，唔過呢個價錢又咪錯，下次點多個油包拯救佢算啦！總結，每一樣小食都令我真心驚喜，每一啖都系一次味覺上嘅較量，但係「挑戰」嘅結果呢，係咁開心都唔想告訴你。哎喲，以後巷口見！👋😋

今日陪朋友嚟餅店買出名包點，之後就梗係要嚟埋附近呢間拎左米芝蓮小食店幫襯下揀咗幾樣出名嘅食物：極黑黯然銷魂飯$66加老祖綠豆沙$19佢個名都幾搞笑，其實就係好好味嘅叉燒煎蛋飯，叉燒同街外食嘅完全唔一樣，唔係話肥瘦嘅唔一樣，佢呢到嘅叉燒唔係個種燒到紅色係外面，用上黑醬汁，味道口感都係另一個層次。綠豆沙唔會太甜，好岩口味，仲有落埋臭草，味道又唔會搶晒綠豆沙香味，比例剛剛好！個包裝夠晒得意爆炒xo醬腸粉配西關瀨粉$66類似狗仔粉嘅西關瀨粉，咬落好有口感，佢個湯汁係比較稠身，有少少似稀粥咁，食落味道非常濃郁又香，用料好多，又有配左個豬油渣可以加落去，邪惡但又令味道昇華，。xo醬炒腸粉腸粉QQ又唔會炒到爛晒或太油，加左好香嘅XO醬，炒得好好味，加埋新鮮蔥段，熱辣辣食，正！

西關老祖今次介紹佐敦呢間外賣店「西關老祖」，唔好睇佢外表平平無奇，其實佢係拎咗「香港澳門米芝蓮推介2023」，必食有炸粽、瀨粉、黯然銷魂飯同紅豆沙等！一去到佢哋會好主動介紹佢哋名物，外賣拎走走去附近公園坐低慢慢食，最鍾意係佢哋嘅飯，軟軟熟熟有黏性，好似日本壽司米感，經過佐敦嘅朋友記得要試下啦！1.極黑·黯然銷魂飯$66（10/10）呢度叉燒真係完全唔同出面茶記咁，佢哋係選用西班牙杜洛克黑毛豬腩肉，叉燒係薄切，軟淋得嚟好有油香，完全唔油膩，叉燒有6塊，再配埋兩隻半生熟煎蛋，佢哋係用日本雞蛋，蛋漿同豬油滲入飯入面，加埋蔥花令碗飯香上加香！2.菜脯煎蛋飯$38（7.5/10）呢個菜脯煎蛋飯普通咗少少，菜脯咸咗少少，得煎蛋好香！3.炸·杜洛克豬肉粽$66（9/10）呢個係佢哋自家製嘅炸粽，外皮炸得香脆可口，一咬似似地薯餅，但餡料用咗西班牙杜洛克黑毛豬，肉質香濃帶點咸香，好味！4.西關·瀨粉$32（7.5/10）呢個手工瀨粉質感有少少似幼細版粿條，瀨粉煙韌彈牙，湯底好似粥咁稠，味道清淡得嚟好彩有蝦米、冬菇同辣菜脯有返味道！5.老祖·紅豆沙$19（9/10）紅豆沙入口綿滑，飲到有少少陳皮味，唔會好

有朋友同我提及這間餐廳是「米芝蓮推介2023」的, 剛巧我們去佐敦時經過, 便決定進去吃午餐.爆炒. XO醬蘿蔔糕 ($46) :   XO醬個味好出! 好惹味, 而蘿蔔糕又好好食, 好足料, 唔會只係食到d粉, 真係食到好夠蘿蔔, 蝦米. 極黑. 黯然銷魂飯 ($66):  上面有2隻煎雙蛋, 下面有很多叉燒, 非常足料. 不得不說, 叉燒真的非常出色, 跟外面的一般燒臘店的叉燒是完全不同. 叉燒是半肥瘦, 所以食落唔會韌同柴, 係真係滑, 而且又好夠味, 真係必食, 食得出同外面普通d叉燒有分別. 可以話係我食過咁多叉燒裡面, 呢間餐廳的叉燒真係算係數一數二. 煎雙蛋, 有燶邊, 香口, 好食, 煎蛋夠滑夠嫩, 唔會老.孜然炸雞髀 ($28) : 炸得非常脆口, 熱辣辣, 脆卜卜, 好正, 夠哂邪惡. 黑叉燒蔥花炒蛋飯 ($48):  炒蛋一樣很好吃, 炒得好滑, 而且無論是炒蛋還是叉燒, 份量都好多, 即使是男生吃也一定夠飽.

今日去渡船街附近做嘢，中午諗住買啲嘢去朋友屋企食，上網見到附近美食竟然有間2023米芝蓮推介嘅小食店！叫做西關老祖，小店位置實際比較近柯士甸站。可以自助下單，支持多種支付方式，非常方便。極黑黯然銷魂飯自家製黑叉燒+煎太陽蛋真係好吸引。黑毛豬整嘅叉燒，面頭有少少脆口，肉質軟冧冇渣，油份正好，肥瘦適中，配香米飯非常滿足。黑叉燒蔥花炒蛋飯鋪滿炒滑蛋，滑蛋汁惹味豐富，黑叉燒份量滿足。老祖綠豆沙綠豆沙入口綿滑，入面有陳皮、臭草和薏仁。不會太甜，幾好飲。爆炒X0醬腸粉配炸粽(2件）自家製粽勁好味，外皮金黃香脆可口，卻不會油膩，餡料用咗西班牙杜洛克黑毛豬，肉質特別香濃有肉味，糯米軟冧口感好正。XO醬腸粉好大份，抵食！