西餐大排檔 (已結業)

雖然銅鑼灣都有好多西餐，但係要有一間好食價錢又大眾化嘅都唔容易。 好彩朋友介紹咗我一間西餐大排檔，佢好近銅鑼灣地鐵站， 地點夠曬方便。因為近排都幾熱，所以一嚟就叫咗杯紅豆冰，佢上面有好多cream，個賣相都已經好吸引，唔似一般茶餐廳咁 ，又多冰，上面又冇cream，見到都唔想飲。 但呢杯紅豆冰啲紅豆好大粒， 椰汁紅豆同埋忌廉分佈都非常平均， 絕對唔係一般普通嘅紅豆冰。 另外前菜我哋叫咗燒生蠔， 隻生蠔燒到半生半熟，食落去非常滑 。加上上面有芝士，味道啱啱好 ，以為食完隻生蠔冇啦，點知原來生蠔下面會有紫薯蓉 ，非常 surprise ，因為好少見有燒生蠔會配埋紫薯蓉 。都主菜喇，我哋叫咗個燒美國雞扒配鮑魚， 上面係松露白汁，估唔到個汁同雞扒係咁夾，可能因為自己好鍾意食呢個汁啦。 最重要係竟然配埋鮑魚，呢個配搭非常之新鮮，第一次咁樣食 。雖然今次叫嘅嘢食唔多，但每一樣我哋都好滿意，希望下次再嚟試多啲嘢食啦。

今日想同大家分享一下大排檔質素嘅高級西餐廚師精選套餐$988/2位 精選套餐$480 （4位起）其中一位生日之星有半價（唔需要出示身分證因為365日都有人生日）兩個餐都有海鮮盤有湯有頭盤同埋任揀主菜2/5款 餐飲同埋是日甜品最後我哋叫咗3個2人餐其實整體上味道係可以接受嘅但係價錢同埋用了就差好遠海鮮盤質素好差.. D蠔瘦到一個點.. 啲蝦係霉同埋冇味既..當中因為冇蟶子用咗第二樣嘢代替.. 係有雪味同埋質感似橡筋.. 煙燻鮑魚算係最好食...我哋全部都揀黑松露蘑菇湯..味道ok笑點🤭連殻食法國田螺.. 原來佢將隻田螺擺入去一個現成嘅酥盒入邊.. 🤣黑松露年糕.. 忌廉汁松露醬年糕😅👎🏿當時全間餐廳得3枱...主菜我哋揀龍蝦不過是日冇龍蝦..會用兩隻大蝦代替不過頭先凍盤嘅哈係梅嘅所以我哋決定唔要...跟住要羊架又話得一份.. 我哋要咗兩份西冷扒兩份黑毛豬同埋一份燒魚...羊架..西冷同黑毛豬係冇乜味嘅可能因為太多汁... 又可能因為心理作用...一向認為靚嘅肉係唔使用汁既.. 我對魚有私心所以條魚我覺得係最好食嘅... 配菜全部都係紫薯蓉..甜品係芒果啫喱芝士蛋糕..我最鍾意啫喱所以過

難得可以忙裡偷閒，加上經常經過銅鑼灣，同另一伴去左一間本地好地道既中西合壁既西餐，主打大排檔特色既西餐廳。個名叫做西餐大排檔，去到目的地之後見到紫藍色既霓虹燈既招牌。好似時光倒流番去八十年代香港街外佈滿霓虹燈招牌既繁華境況。入到餐廳內，已經有一位應該係餐廳既老闆親自招呼我地，好快就有位坐。餐廳入面既裝潢都帶有懷舊，八十年代既特色。就連水壺都係用緊一般大排檔用緊既水壺。坐底一陣已經諗好食咩！蕃茄雜菜湯　好傳統既西餐湯，飲到好濃烈既蕃茄味，其次湯頭入面好多菜，大約有洋蔥蓉，椰菜，紅蘿蔔。當中印中令我比較深刻係紅蘿蔔，大多數紅蘿蔔都係煮到軟身，但呢個湯既紅蘿蔔會比較硬身，有咬勁。味道方面酸中帶鹹，份量都相當足夠。相當唔錯！忌廉黑松露湯　上菜後已經聞到好濃烈既黑松露味，可以用芬香樸鼻黎形容。湯入面有大量既黑松露，當中包括蒜泥，忌廉，橄欖油，再以忌廉調味已經突出到黑松露既美味。整碗湯我最欣賞忌廉既拉花，大多都係以點狀去裝飾，但我好欣賞廚師以直線形去拉花，以吸引大家既眼光，令到一碗本身價值不菲既湯更有特色！白汁黑松露年糕　外貌上絕對係一個精品菜式，黑松露汁岩岩好包住年糕，一來可以保溫，二來由於汁醬

西餐大排檔 已經做左我地喺 銅鑼灣嘅飯堂，無論係中午、夜晚，只要係去開銅鑼灣，又想搵個坐得舒服、食物質素又高嘅地方，就會自自然然黎到尼度。今次都唔例外，我地11點幾就到左，因為好早，餐廳重未有好多客，我地揀左個玻璃窗位，陽光曬入黎好舒服，加上餐廳播住歌，成個人好relax，雖然得我同朋友2個，但我地都叫左唔少野。我之所以成日黎尼度，有一半都係因為佢地個海鮮拼盤 ，夜晚同中午都有供應，午夜 加 HK$55 就可以叫一份，尼個真係 超 級 推 薦 ，如果可以嘅話，真係想叫多份，因為質素極高!個海鮮拼盤 有鮑魚、生蠔、鮮蝦、日本帶子、聖子刺身...每樣都好新鮮， 刺身下面有冰，食起上黎有冰涼，夏天黎食,真係岩晒~~加上刺身本身肉質超鮮甜，食落啖啖都係享受!鮑魚口感好軟熟彈牙;帶子超清甜、嫩滑，配上餐廳自製嘅蜜糖芥辣汁，真係一流! 尼度嘅set lunch好抵，會包餐湯、蒜蓉包，餐湯次次都係真材實料!今次係椰菜花黑毛豬湯，湯入面有一小粒一小粒椰菜花蓉，口味清新，重好香黑毛豬香味，加上蒜蓉包一齊食，非常唔錯!見到個set lunch有得揀 牛仔骨配鮑魚，立即心心眼揀左，都只係$118，牛仔骨個肉

中午過左銅鑼灣搵朋友食飯，來到了位於渣甸中心7樓的西餐大排檔。餐廳裝修格局整齊，午市餐牌選擇頗多元化，每週都會更換新的Lunch Menu是日餐湯係番茄火腿湯清甜！蕃茄蓉粒增添口感，好飲啊蒜蓉包金黃香脆，好香口濃郁既蒜蓉味和牛肉漢堡扒配鮮魚柳、聖子及蘑菇汁 賣相吸引，份量十足！和牛漢堡扒軟滑，牛肉味香濃，好想用來夾漢堡包食😂😂鮮魚柳肉身夠嫩滑，魚皮香脆，形成外脆內嫩的感覺淡蟹肉咖喱配帶子海鮮大會同另外一個餐一樣有鮮魚柳帶子鮮甜彈牙淡蟹肉咖喱配海鮮非常匹配，海鮮愛好者不容錯過呢！兩個主菜均伴有羽衣甘藍和紫薯蓉，紫薯蓉香甜軟滑，非常健康的啊最後的餐飲質素正常大滿足的一頓午飯喔

銅鑼灣百貨公司做緊大減價，血拼咗一日，拎到滿手都係戰利品，好攰。記起附近有一間西餐廳，之前食過質素唔錯，就上去食晚餐。 去到餐廳，居然唔使等位，因為好肚餓，唔想諗咁多，就點咗個晚市套餐 ~ 燒牛肉配茄汁意粉，再加個西班牙黑毛豬肋條肉和朋友分享。侍應好快就上咗菜，先嚟個蘑菇湯，跟住奉上 食晚餐送嘅芝士焗生蠔。蘑菇湯好香磨菇味，湯亦都好creamy。芝士焗生蠔雖然話係送嘅，但製作一點也不馬虎。 焗完嘅蠔肉雖然細細隻，但都好新鮮，加埋煙肉 一起焗，更加突顯蠔嘅鮮味。黑松露日本年糕用日本年糕做西式前菜，比較特別，年糕煙煙韌韌，加上黑松露香氣，幾好味。西班牙黑毛豬肋條肉肋條肉好爽，雖然有點肥膩，但配上菠蘿 一起吃，解膩之餘又開胃。燒牛肉配茄汁意粉牛肉燒得剛好，意粉配上蕃茄，酸酸甜甜好開胃。

呢一日又同朋友黎到銅鑼灣覓食銅鑼灣有林林總總美食我地2個最後揀左西餐大排擋一黎我地想食西餐 二黎西餐食得多 西餐大排擋都係第一次食等我地黎會一會佢啦一出地鐵站行5分鐘就到一出門口這見到tai pai tong HK 個門面好突出牆邊仲有d昔日香港ge相幾有風味平日7點黎 唔算多人座位好闊落 枱與枱之間唔會好近 好舒服店內裝修簡單為主Set dinner 由$258至428不等我地揀左燒美國雞扒配鮑魚同香煎鱸魚柳配蕃茄香草意大利黑醋餐湯🙂黑松露蘑菇湯好香黑松露味 仲有好多蘑菇粒 為碗湯增加左口感 而且好清甜 🙂芝士焗蠔跟餐送 每人一隻焗蠔非常肥美 唔會因爲送ge而將貨就價 加上芝士焗至金黃色 一咬落去沾美芝士ge蠔 蠔汁係口腔爆發 好好食好鮮🙂黑松露年糕個汁有d似carbonara 黑松露香 年糕又ininunun 好特別🙂燒美國雞扒配鮑魚雞扒大大塊而且仲係厚切 雞扒外脆之餘仲鎖住左雞扒肉汁 唔會乾爭爭 鮑魚預先調味好爽口🙂香煎鱸魚柳香草蕃茄意大利黑醋份量好多 有成2大塊鱸魚而且都係厚切魚柳肉質鮮嫩唔腥 好甜另外值得一讚伴碟紫薯蓉好好食 唔漏小總結用餐非常愉快 服務好 食物質數高

經過銅鑼湾揾食，發現這間門面及menu都不吸引的西餐大排檔，但因為累及餓也抱姑且一試的心態，唉，真的極度失望，完全有中伏的感覺。我們一行三人選了(1) 黑毛豬肋條肉煎旦飯 (2) 乾炒黑椒意粉配美國雞扒及 (3) 燒牛脷配蝦仔蘑菇汁。三款就只有第二款味道最普通但正常沒驚喜第一款的黑毛豬肋條最差不但有陣陣蘇味亦很韌，醬汁很小又冇味道。至於第三款，牛脷是很稔身，但也是很蘇，所以我也完全不想再吃第二口總括這一間餐廳食物及服務都有待改善

兩個人食生日餐以為咁多好評 實無死啦！點知就中曬伏😭😭😭😭前菜海鮮拼盆同個湯係Ok的！但main course牛排唔係安格斯喎收2xx...男朋友嗌左魚 煮得太鹹😵😵😵最慘係無service!全程一食完就趕住收碟趕你走男友嗌左個甜品話係上面寫happy birthday 個侍應就大大聲講出黎仲要我個名明顯後加上去寫得勁求其個火焰雪山點唔著佢就點左兩下由佢😂臨走前我地未走間餐廳就同我講而家關燈 姐係嗌我走？我男友係廁所喎！😂😂😂😂講真2人八百幾蚊我唔洗食呢啲質素啦...😪

港女最愛食西餐 為慶祝朋友嘅生日 所以今日嚟到銅鑼灣嘅呢間西餐大排檔度慶祝生日7點去到唔太多人 座位好闊落坐得夠舒 服不過裝修就普通咗啲 有部分待應都係外國人 每人叫咗一個set dinner 加88蚊仲可以有海鮮拼盤包括生蠔帶子 鮑魚 蟶子同鮮蝦 每樣海鮮都夠新鮮 好鮮甜 仲有唔同嘅醬汁做配搭提升味道 當中香草汁就最特別 重點係只要加多十八蚊就可以有一杯餐白酒 白酒酸酸甜甜夠曬開胃前菜有個黑松露日本年糕 年糕用上黑松露忌廉汁去烹煮 個汁厚生好creamy 而且奶味好濃 加上淡淡嘅黑松露味好惹味 年糕夠煙韌 索曬啲忌廉汁非常滋味 主菜就叫咗燒橡果級黑毛豬 黑毛豬扒大大塊 不過較為薄身 配上燒汁 黑毛豬肉質油份較重 脂肪十足 但係肥而不膩 食多啲都唔怕漏 完全冇豬臊味 做得好好 配上紫薯蓉非常creamy 朋友叫咗炭燒美國雞扒配鮑魚 加黑松露忌廉汁 個汁同黑松露年糕一樣同樣creamy惹味 雞扒夠厚身 個皮煎到香脆肉質嫩滑多汁 鮑魚新鮮爽口彈牙 同樣跟餐有紫薯蓉

今日假期，訓飽後同老公食第一餐已經3:30pm,openrice見呢間食評唔錯，d食物相又吸引，價錢又ok就來左試下。我地叫的每一款食物都好有驚喜，好好味吖！值得再試。今日PH都有Set lunch同Tea set叫，太抵食了，埋單2個人$320左右咋！

放工後約另一半去食飯，係銅鑼灣近近地就去左西餐大牌檔食。因為另一半要OT，所以我就自己先上去攞位，唔知係咪好多人book左位，所以我地就坐比較入嘅角落位，女朋友黎到都幾乎睇我唔到。咁我地就叫左2個set dinner。咁set dinner suppose係有湯、年糕、一個主菜同埋咖啡或茶，所以都夠食。個磨菇湯都幾濃菇味，加上有好多菇嘅碎，所以都幾好飲呀。可能因為出邊比較多單，所以我地飲完湯都等左30分鐘先有得食下一道菜。好食嘅野當然要等廚師煮好傢啦。個羊架$348有5條骨，5成熟，肉質好腍，加埋有得食紫薯，好滿足。另外，我就叫左牛扒5成熟，好大塊，而且好有肉味，值得推薦俾大家食。黎完d主菜先醒起有個年糕未到，同職員講番，都好快補番一碟黑松露年糕。最後我地因為趕住去睇戲，就連飲品都無叫就走左。

西餐大排檔到這名字都很特別，難道西餐都可以食到大排檔的檔東西？都門口都很光鮮門口都貼著很有懷舊氣息的海報我們6:30去到，未到晚飯時間人不多，到了7點人開始多了，多數都是book左位的客人為主。坐下來然後我們點左兩份set dinner餐湯是日餐湯是蘑菇湯，粒粒嘅蘑菇，味道比較清淡，帶少許嘅蘑菇味道前菜-日本黑松露年糕年糕中西合璧的感覺，平時西餐多數是沙律，而在是跟年糕都幾特別。焗蠔芝士味好香濃，焗得剛剛好，不錯呢燒橡果級黑毛豬好冧好美味，好香又滑好鮮美滋味燒美國牛扒好香濃的味道，肉質都很鮮美餐飲最後餐飲點了熱奶茶和熱檸水作為完滿的晚餐

銅鑼灣原來有一間食西餐嘅西餐大排檔， 絕對係西餐嘅質素大排檔嘅價錢， 而且裝修格局一啲都唔大排檔， 一出𨋢口就已經見到有隻啤啤熊 ，前面仲擺咗好多餐牌， 畀你睇啱揀啱先入去食。我哋叫咗個黑松露蘑菇湯，一上枱已經聞到好香蘑菇味 ，非常香濃， 而且入面仲有好多磨菇碎粒， 絕對係一碗高質素有誠意嘅忌廉蘑菇湯。黑松露年糕亦都係另外一個必點嘅選擇， 年糕煙煙韌韌 ，因為年糕本身係冇味， 配埋個忌廉汁食味道剛剛好。主菜我叫咗個美國慢燒牛肉， 因為慢煮嘅關係可以鎖住肉汁，所以牛肉味好重，加上佢又有好多配菜，平時我哋食嘅都係薯蓉，但係今次呢個佢用咗紫薯蓉，非常之有心思, 仲有一兜菠蘿 ，酸酸甜甜，因為份牛都幾大份，食滯咗都唔驚，可以食番菠蘿減返肥膩感。

呢兩日天氣又涼左，加上次次都係週末就落雨，冇乜心機，原本都想近近地喺屋企附近食，但因為一早約左朋友去銅鑼灣食午飯，不得不強逼自己落床。對上一次黎呢間餐廳都已經有一段時間，中途亦推介過其他朋友黎，事後都話唔錯，所以一向幾有信心。餐廳位於渣甸中心，大排檔就只係個名，絕對唔代表裝潢，假日午飯時間都幾滿，穩陣啲就最後預約。我記得對占一次坐比較裡面嘅位置，有玻璃窗，好天氣的話採光較好，今次坐近水吧位置，加上落雨，照片就唔係影得太好睇，實質係很有內涵的午餐有七、八款選擇，豬、牛、羊、魚、炒飯、螺絲粉，滿足不同需要，定價$98-168。蒜蓉包離開後我地先醒起剛才好似冇飲過湯…套餐係會包蒜蓉包同是日精選餐湯的。海鮮拼盤 $55/位包括：生蠔、鮑魚、日本帶子、鮮蝦、蟶子，試過一次都覺得驚喜，而且鐘意食海鮮都不妨追加，新鮮，性價比高。圖為二人份量，生蠔講真夠新鮮都唔會差，配上自家製泰式風味醬汁，特別清新提鮮。帶子配上蜜糖醬，口感更滑溜，不搶帶子鮮味鮑魚已醃，凍食，唔會韌。西班牙橡果級別黑毛豬 $138黑毛豬一大片，唔算話太厚身，有啲似豬頸肉。豬肉切落爽口唔韌，亦冇豬羶味，煎得夠香伴碟嘅紫薯蓉好新鮮，係我個