西香記 (已結業)

西安一帶美食我並不熟識，香港亦少有專門店做西安食物。友人介紹了一間小店位於香港大學站附近，今日專程前往探究一下西安那邊的人飲食習慣。西紅柿雞蛋Biang Biang 麵Biang Biang麵到底是什麼呢？原來是自家製，質感有點似烏冬的濶條麵。濶度像絲帶一様粗，口感煙韌有彈性。不要以為是湯麵，蕃茄雞蛋醬汁非常濃稠杰身，酸甜開胃。千層脆皮牛肉饃肉夾饃來自陜西一帶，是當地人主要食糧之一。夾饃外層可用蘿蔔絲酥餅來形容。酥化不油膩。餡料是牛肉，青椒絲。有點微辣，惹味十足。店員還介紹了一款新出品椒麻雞肉夾饃，麻辣的口感，另一眾嚐辣的人又一新口味。

一流手工麵平時都好鍾意食手工麵 西香記嘅風味都幾吸引到我 而且佢好近香港大學站 經過附近嘅話都可以一試麵食方面我哋叫咗大盤雞Biang Biang 麵同純手工炸醬Biang Biang麵 雖然唔係好知道係咩麵 但係圖片好似唔錯大盤雞 除咗雞仲有薯仔 材料都幾豐富 薯仔煮得好冧身 吸晒啲雞嘅精華 好好味收工炸醬好似之前我去北京旅行嘅時候食嘅炸醬 好有當地嘅風味 仲有啲青瓜絲同埋其他蔬菜 增加fresh嘅口感Biang Biang麵係一啲好闊身好長嘅面 手工麵同機整出嚟麵 質感好唔同 好有咬口同彈性之後我哋仲叫咗個千層金牌饃 呢個真係好出色 外面係千層嘅脆脆 包住入面熱辣辣嘅肉 肉嘅份量仲要都幾多 誠意推介呢度嘅飲品都唔錯 我同朋友分別叫咗杯豆漿同酸梅湯 兩樣都好足料 唔似溝左好多水

陪女朋友返大學出席活動，西環都幾多平民食肆，電車路附近見到這間西香記，有套餐優惠就試一試。大盤雞Biang Biang麵有一啲胡椒粒，味道不辣的，醬汁鹹鹹地，薯仔很淋，雞件就有啲太老。伴碟的蔬菜幾多，味道不錯，很闊的麵條很飽肚。女朋友食了純手工油撥Biang Biang麵，中間五花腩很濃味，配麵條一流，伴碟的蔬菜又是很多， 味道比較清淡感覺健康。千層脆皮金牌饃就是今餐的主角，千層麵膜很香脆，一條條層次分明，味道好吃，中間夾着啖啖鹹豬肉，有點肉汁流出，飽肚又好吃！酸梅湯和豆漿都是自家製的，值得一試！

記得好耐之前喺福建食過呢啲夾饃，係幾有風味嘅。今日難得同家人喺中環大會堂睇完表演之後就黎呢度搵食啦。叫咗個麻辣擔擔麵，我都幾食得辣同埋好鍾意食辣所以就叫咗中辣。其實佢係好多辣油嘅，就唔係我諗嗰種四川擔擔麵，咁佢有好多油豆啦喺上邊做配料，同埋大量雲耳絲、蔥同芫荽等等。咁就除你自己鍾意啦要咩辣度。咁同埋叫多一個蘭州牛肉麵佢有得揀幼麵或者粗麵，我就要左幼。佢呢啲牛肉麵喺某啲清真拉麵店已經食過但係呢佢就好少牛肉嘅。呢一道呢就有成四五片牛肉咁都幾真材實料㗎。另外呢呢啲饃佢就有普通同埋脆皮兩個選擇，我就揀咗千層脆皮牛肉饃。我最鍾意呢一個呢就係，佢好多牛肉啦餡料好充足同埋最好嘅就係佢個調味好有孜然粉嘅味道好似係街邊食串燒咁樣好有風味，好配合到餐廳嘅特色！同埋最勁嘅就係我哋放到最後先食呢一個饃，諗住佢又會唔會淋左呢？但係一啲都唔會，最後食佢仲係超級香脆！層層酥皮分明，每一啖都係非常之鬆脆可口。不過我希望佢可以改善嘅係唔好再用即棄嘅餐具，咁就可以更加令人欣賞呢度作為香港特色風味小店都幾好幾休閒，可以嚟消磨一段輕鬆嘅時光都係唔錯嘅選擇。

週末去西環食嘢，試咗間食夾饃嘅餐廳，距離地鐵站好近，好方便手工麵嘅名字好新奇，問下店員先決定食邊樣千層脆皮青椒饃好特別好脆，似千層酥，裏面有豬肉絲同青椒粒，可以一試大盤雞Biang biang麵其實係好粗身嘅麵，好彈牙，而且麻辣味濃，雞嘅份量都好多，適合喜歡重口味嘅朋友蘭州牛肉粗麵湯底夠清，牛肉薄片容易食，加上一些配菜如蘿蔔同豆，夠滋味飲品就試咗豆漿同埋酸梅湯今次嘅菜式係比較特別嘅體驗，平時難得有機會食

西香記在西型盤開了好幾年，係初時開張嘅時候只係食過一次。對這家中國特色的家鄉菜印象不深，今日經過唔想食太多，就叫個外賣番教會食。蘭州牛肉麵雖然是外賣，但是湯及麵條分開不同的外賣碗裝，感覺不會咁容易變淋。一打開湯蓋，真係好熱，而且香味撲鼻。湧上來的就是芫荽和香芹所煮成的湯頭，配上幼面和牛肉，味道清清地，深得我心。麵條爽口，牛肉薄身容易食，很好味。金牌肉夾饃肉夾饃是中國陝西省一個傳統小食。用自家製薄餅包夾着以秘製醬汁豬肉，份外香口。切開之後，豬肉的油緩緩流出，令整個小吃不會太過乾身。肉夾饃就好像英文的翻譯一樣，就是中國式的漢堡包，這個名稱簡直就是沒有錯。豆漿、酸梅湯各一杯，都幾清涼。不會過甜，夏天飲好消暑又解渴。

叫咗Biang biang麵，完全唔係嗰回事，粗係夠粗，但啲麵軟冧冧，冇咬口，啲生粉未融晒一pat咁喺個碗度，茄蛋就真係只係蕃茄同蛋煮熟咗，加鹽加生粉加水再上麵，真係想問下佢究竟有冇食過真正嘅biang biang 麵！食完要飲好多水，都仲係覺得乾。真正嘅biang biang 麵，係半乾撈，所有配料切到一粒粒放喺面！俾錢我都唔會再幫襯。豆漿，味道還可以，唔水，但飲多兩啖就飲到渣，成口都係渣。原本都冇乜期望環境會好，始終都係陝西街頭小食，但衛生真麻麻，餐牌痴粒粒嘅。

学校食堂爆满，和朋友两人晚间去吃了双人套餐，学生价188-8。拿到的两个面，一个大盘鸡盖面，一个兰州牛肉面，汤有味，面食完全无味。另外作为西北菜，居然给潮州辣酱，连传统的辣子都不给做，是对自己厨艺没信心吗？酱鸡翅几乎未放调味料，能吃出冷冻出的腥味。肉夹馍是说能吃进去的，但你会发现单点显得非常少，搭上什么都是非常烂的选择。总之不推荐这家，也想不出这家为何能开出分店，港大附近的店有几家还算地道的，这家完全不算。

話說喺hktvmall見有呢間嘢嘅優惠劵，喺附近返工，諗住去試下啦。好，第一次去，佢話要print電子優惠劵出黎先用到，咁我冇print出黎，係我衰。第二次去，我卒之print咗張優惠劵出黎，去到佢搞咗一大輪，最後因為技術問題，佢話redeem唔到，叫我自己搵返hktvmall，結果我又白行一趟。其實技術上支援唔到，就咪搞咁多嘢啦！收銀落單呀叔態度真係好差，完全冇服務精神，一d禮貌都冇。唔係話客人永遠是對，但係我跟足指引拎住實體coupon去到諗住食嘢，點知結果企喺收銀位等佢搞黎搞去，然後佢話redeem唔到，一句唔好意思都冇⋯⋯火都黎埋，冇下次，唔會再幫襯！

我去過蘭州食過蘭州面，依道首先完全唔似，不過算，唔期望佢正宗。不過最差都係佢啲態度，間餐廳明明冇乜人，仲有空位，佢竟然叫啲人唔好放野係隔離張櫈，要人用手攬住個背囊食。你話滿人就話，但人都冇隻。其次個價錢，一個餐70蚊。70蚊係上環食到好多環境好勁多既餐廳。70蚊一個面加野飲真係有啲貴。雖然價錢點定佢自由。但依個環境質素再加態度 我覺得50零蚊差唔多。70蚊 隔離間板長又闊又多位 都唔駛70蚊。 搵笨。不過最唔滿意都係佢叫人唔好放野 係隔離明明冇人

Yikes is the name of this place confusing! For some reason, lots of these places (there are three in Hong Kong) have the name "Moo" in their title. Google lists this place as "China-West Fragrance Food Restaurant", yet openrice identifies this place's english name as Chang'an Taste?? In chinese, this place's name is called "西香记", which is not really too closely related to the aforementioned english names...In any case, this place is great when it comes to serving a western chinese variety of chi

行開附近又係下午茶時間,有D口痕,就搵D小食試下見到呢間有雜誌推介,陝西菜,都算係特色野,只係本人未試過陝西菜, 所以正宗與否就評論唔到喇涼皮+肉夾饃+豆漿 $4X 蚊涼皮叫左少辣,個辣係冇乜層次既麻辣,所以不能好評;肉夾饃個餡係juicy既,但外面太乾,可能咁先係正宗掛;豆漿好多渣.....................少失望既

話說前排放工同幾個朋友唔知食咩好, 行行下見到間西香記唔係好多人就廢事煩..咁就入左去食啦~見有D肚餓諗住食小小嘢, 行過呢間西香記見到有肉夾膜好似唔算太大份,結果就走入去叫咗一個食啦...結果真係有D中伏, 而我第一次食肉夾膜, 所以我唔識分正唔正宗, 但呢間嘅肉夾膜真係麻麻地.首先肉夾膜個皮好硬好乾, 而入面佢有好多肉但好嚡口...如果純為食飽應該拎哂分, 但如果講好味就好似拉唔上關係.

吃過正宗陝西菜的朋友就會明白。這家店的涼皮是事先幫你Mix左，但是其實應應該既食既Mix，搞到涼皮不爽有D林。肉夾饃肉太瘦又乾。過到D辣椒又不夠辣。真失望希望可以食到更新鮮的涼皮。

每次都看有好多人，今天到这里来试的油泼扯面和涼皮，做的非常慢。店裏面是按號碼叫號的，很多在之後來到買的後面好几个号都叫到了。我點的東西遲遲沒到。而且外賣很多，上菜非常慢。店裏只有一個收銀，收拾桌子和點菜什麽的。上到我的餐的時候，而且还给上错了面，明明是點的是扯麪給上的棍棍面，去找收銀員理論，卻被廚房告知說很麻煩的，不給換讓就這樣吃，沒有任何道歉的說辭也沒有任何補償，上錯菜毫無歉意，店裏絲毫沒有服務。等了半個小時就為了等一道錯的面。